Tag: مصطفیٰ نواز کھوکھر

اسلام آباد: سابق سینیٹر مصطفی نواز کھوکھر کے والد نواز کھوکھر مرحوم کو ڈپلیکیٹ اسلحہ لائسنس جاری کرنے کی درخواست ان کے انتقال کے بعد منظور ہو گئی۔

اسلام آباد ہائیکورٹ نے 2018 میں دائر کیے گئے ایک مقدمے کا 7 سال بعد فیصلہ سنا دیا ہے، جس میں مصطفیٰ نواز کھوکھر کے والد نے انتقال سے قبل ڈپلیکیٹ اسلحہ لائسنس کے لیے استدعا کی تھی۔

عدالت نے 4 صفحات پر مشتمل تحریری فیصلہ جاری کر دیا، جس میں کہا گیا کہ درخواست گزار نواز کھوکھر انتقال کر چکے ہیں، ان کے انتقال کے بعد ان کے ورثا نے مقدمے کی پیروی کی۔

ڈپلیکیٹ اسلحہ لائسنس جاری کرنے کی درخواست جسٹس اعظم خان نے منظور کی، انھوں نے فیصلے میں کہا درخواست گزار کے والد مرحوم نواز کھوکھر نے بطور ایم این اے 8 مارچ 1987 کو اسلحہ لائسنس لیا، پاکستان آرمز رولز 41 کے مطابق وہ اسلحہ لائسنس جو کمپیوٹرائزڈ نہیں ہوئے تھے، عموماً منسوخ تصور کیے جاتے ہیں، تاہم رکن قومی اسمبلی پر یہ اصول لاگو نہیں ہوتا۔

مریم نواز کی ڈانٹ کا نشانہ بننے والے ایم ایس میو اسپتال کا تین دن پہلے ہی استعفیٰ دینے کا انکشاف

عدالت نے کہا درخواست گزار کا لائسنس منسوخ تصور نہیں ہوگا، پاکستان آرم رولز کے تحت درخواست گزار کو ان کے لائسنس کی ڈپلیکیٹ کاپی فراہم کی جائے۔ واضح رہے کہ درخواست گزار کی اسلحہ لائسنس کاپی 2015 میں گم ہو گئی تھی۔

اسلام آباد : سینئر سیاست دان مصطفیٰ نواز کھوکھر کا کہنا ہے کہ حکومت کے پابندی کے فیصلے سے پی ٹی آئی کو ایک اورمظلوم کارڈ مل جائے گا۔

تفصیلات کے مطابق سینئر سیاست دان مصطفیٰ نواز کھوکھر نے اے آر وائی نیوز کے پروگرام اعتراض ہے میں پی ٹی آئی پر پابندی کے حوالے سے گفتگو میں کہا کہ پی ٹی آئی کو پابندی کی دھمکیاں دی جارہی ہیں تو یہ ماحول کامذاکرات نہیں، پی ٹی آئی کےلوگوں کو گرفتار کیا جاتا ہے اور کہتے ہیں مذاکرات نہیں کرتے۔

سینئر سیاست دان کا کہنا تھا کہ یہ کیا طریقہ ہے ایک طرف مذاکرات دوسری طرف پابندی کا کہا جاتا ہے، حکومت کےپابندی کے فیصلے سے پی ٹی آئی کوایک اورمظلوم کارڈ مل جائے گا۔

انھوں نے کہا کہ ڈیڑھ دوسال سےسیمی مارشل لاتولگاہواہے، اناسےباہرنکلیں گے،ایگو پیچھے رکھ کرسوچیں گے تو معاملات بہتر ہوں گے، سیاستدانوں کو سوچنا ہوگا کہ ہماری سیاسی لڑائی کی قیمت کون ادا کر رہا ہے۔

سابق پی پی رہنما کا کہنا تھا کہ کہ حکومت میں جوبیٹھےہیں یہ تو ارینجمنٹ ہے مینڈیٹ تونہیں رکھتی، ہمیں اندازہ ہونا چاہیےکہ عام آدمی اس وقت کس نہج پرپہنچ گیا ہے۔

پی ٹی آئی پر پابندی کے حوالے سے انھوں نے کہا کہ جمہوری جماعتیں ایک سیاسی جماعت پرپابندی کی باتیں کررہی ہیں، حکومت کی بوکھلاہٹ کا کیا ثبوت ہوگا کہ وہ میدان میں مقابلہ نہیں کر پارہی۔

مصطفیٰ نواز کا مزید کہنا تھا کہ معاشرہ بہت انتشار کا شکار ہوگیا ہے،عوام انتہا کی پوزیشن لے چکے ہیں، دوستوں نے مشورہ دیا ابھی کسی پارٹی میں جانے سے پہلے انتظارکریں، کسی پارٹی میں جانے کا ابھی کوئی ارادہ نہیں رکھتا۔

انھوں نے مشورہ دیا کہ بات چیت کے بغیر کوئی بھی مسئلہ حل نہیں ہوسکتا، سیاست میں اداروں کی مداخلت فوری ختم کرنی چاہیے، ایک جماعت ڈیلیورنہیں کرپارہی توعوام کوفیصلہ کرنے دیں۔

اسلام آباد : سینئر سیاست دان مصطفیٰ نواز کھوکھر کا کہنا ہے کہ اس حکومت کو زور زبردستی سے زیادہ عرصہ چلا نہیں سکیں گے ، یہ حکومت کے پاس عوامی مینڈیٹ نہیں فارم 47 پر کھڑی ہے۔

تفصیلات کے مطابق سینئر سیاست دان مصطفیٰ نواز کھوکھر  نے اے آر وائی نیوز کے پروگرام اعتراض ہے میں گفتگو کرتے ہوئے موجودہ صورتحال کے حوالے سے کہا کہ اس میں کوئی شک نہیں کہ حکومت کمزور بنیادپرکھڑی ہے، حکومت کےپاس عوامی مینڈیٹ نہیں فارم 47پرکھڑی ہے، اس حکومت کو زور زبردستی سے زیادہ عرصہ چلا نہیں سکیں گے۔

مصطفیٰ نواز کا کہنا تھا کہ ملک میں سیکیورٹی اور معیشت کے بڑے چیلنجز ہیں، حکومت نےاےپی سی بلانے کا کہا تھا وہ بھی نہیں بلائی، دہشت گردی کیخلاف اتفاق رائےپیدانہیں کیاجارہا، وزیراعظم نےاےپی سی بلانے کا کہا تھا2  ہفتے گزر گئے ہیں۔

انھوں نے بتایا کہ آج45فیصدپاکستان سطح غربت سےنیچےچلاگیا ہے ، عوام جس کوبھی مینڈیٹ دیں اس کے سامنے سر تسلیم خم کرناچاہیے کیونکہ ملک کےجوحالات بن رہےہیں سیاسی استحکام کےبغیربہتری ممکن نہیں، ہم نے اصولوں کوملیامیٹ کردیئےہیں،بنیادوں کودرست کرنا ہوگا۔

سینئر سیاست دان نے کہا کہ پاکستان ایک تنزلی کےراستےپرکھڑاہے، پاکستان تنزلی کاشکارہے،غیرملکی ادارہ ہمارے مستقبل کی باتیں کررہاہے،آئی ایم ایف نےقرض منظورکیالیکن کہاکہ دوسرےممالک سےبھی قرض لیں۔

فیصل واوڈا کے بیان پر ان کا کہنا تھا کہ ماضی میں مارشل لا لگے ہیں لیکن آج اس قسم کی صورتحال نہیں ہے، فیصل واوڈا کی عدالتی مارشل لا کی گفتگو کی حمایت نہیں کرتا، ججز کو دھمکیاں دی جارہی ہیں، مداخلت اور دباؤ کا شکار ہیں، پاکستان کو بہتری کی طرف لے کر جانا ہے تو سب کوڈائیلاگ کرناہوگا، حکومت کا کام ہے کہ ماحول بنائے جس میں مذاکرات ہوسکیں۔

لاہور: سینئر سیاست دان مصطفیٰ نواز کھوکھر نے سپریم کورٹ کے فیصلے کو جمہوری عمل کی فتح قرار دے دیا۔

تفصیلات کے مطابق سینئر سیاست دان مصطفیٰ نوازکھوکھر نے مخصوص نشستوں سے متعلق کیس کے فیصلے پر ردعمل دیتے ہوئے کہا سپریم کورٹ کا فیصلہ جمہوری عمل کی فتح ہے، سپریم کورٹ نے آئینی پیچیدگی کو حائل کیا ہے۔

مصطفیٰ نواز کھوکھر کا کہنا تھا کہ فیصلے سے شاید حکومت کو فرق نہ پڑے لیکن یہ پی ٹی آئی کی جیت ہے۔

سینئرسیاست دان نے مزید کہا کہ سپریم کورٹ کا فیصلہ کے پی سینیٹ الیکشن پر اثر انداز ہوگا، مخصوص نشستیں پی ٹی آئی کو پہلے مل جاتیں تو پنجاب میں بھی صورتحال مختلف ہوتی۔

یاد رہے سپریم کورٹ نے مخصوص نشستیں پی ٹی آئی کو دینے کا حکم دیتے ہوئے مخصوص نشستیں دیگر جماعتوں کو دینے کا فیصلہ غیرقانونی قرار دے دیا۔

سپریم کورٹ نے مخصوص سیٹوں کا فیصلہ آٹھ پانچ سے سنایا، اطلاق قومی اسمبلی اورتمام صوبائی اسمبلیوں پر ہوگا۔

فیصلے میں کہا گیا کہ الیکشن کمیشن کا فیصلہ آئین کے خلاف تھا، پی ٹی آئی سیاسی جماعت تھی اور رہے گی، انتخابی نشان کسی سیاسی جماعت کو الیکشن لڑنے سے نہیں روکتا۔

الیکشن کمیشن نے اسی ارکان اسمبلی کی فہرست پیش کی، جس میں سے انتالیس ارکان کا تعلق پی ٹی آئی سے تھا، پی ٹی آئی مخصوص نشستوں کیلئے درخواستیں الیکشن کمیشن کو پندرہ دن میں جمع کرائے۔