Tag: مضرصحت

موجودہ دور میں فلٹر شدہ پانی تقریباً ہر گھر کی ضرورت بن چکا ہے، والدین بچوں کو بیماریوں سے محفوظ رکھنے کیلئے اسی پانی پر انحصار کرتے ہیں۔

لیکن کیا آپ جانتے ہیں کہ بعض اوقات فلٹر شدہ پانی ذائقے میں کڑوا محسوس ہوتا ہے اس کی کیا وجہ ہے؟ ویسے تو پانی کی فلٹریشن کا مقصد اس میں موجود مضر مواد، بیکٹیریا، اور دیگر آلودگیوں کو صاف کرنا ہوتا ہے۔

ان میں سے کچھ فلٹر شدہ پانی کا ذائقہ تو بہتر ہوتا ہے لیکن بعض دفعہ ان کا ذائقہ اتنا کڑوا ہوتا ہے کہ اس پانی کو پینا مشکل ہوجاتا ہے۔

زیر نظر مضمون میں فلٹر شدہ پانی کے کڑوے یا بے ذائقہ ہونے کی 4 وجوہات بیان کی جارہی ہیں کہ آپ نیا آر او یعنی ’ریورس اوسموسس‘ پانی کا فلٹر استعمال کر رہے ہیں، یا آپ کے پانی کی صفائی کا نظام پرانا ہوچکا ہے۔

اس کے علاوہ آپ نے کافی عرصے سے پانی کے فلٹر کا استعمال نہیں کیا، آپ کا پانی کا فلٹر معیاری نہیں ہے۔

ان مسائل کے حل کے لیے آسان سی معلومات فراہم کی جارہی ہیں۔ وہ یہ کہ عام طور پر فلٹرشدہ پانی کا ذائقہ یا تو بالکل بے ذائقہ ہوتا ہے یا ہلکا سا میٹھا ہوتا ہے کیونکہ اس میں کچھ معدنیات محفوظ ہوتی ہیں جو ہماری صحت کے لیے اچھی ہوتی ہیں۔

اگر آپ کے پانی کا ذائقہ میٹھا ہے تو گھبرانے کی ضرورت نہیں، یہ معمول کی بات ہے لیکن اگر آپ کو پانی میں نمکین، کھٹا، یا کڑوا ذائقہ محسوس ہو تو عین ممکن ہے کہ صحت کے مسائل پیدا کرسکتا ہے۔

فلٹر پانی کڑوا کیوں ہوتا ہے؟

اگر آپ نے حال ہی میں نیا پانی کا فلٹر نصب کیا ہے اور پانی میں عجیب بو آ رہی ہے تو یہ ممکن ہے کہ فلٹر کا حفاظتی مائع مناسب طریقے سے دھویا نہ گیا ہو۔ اس مسئلے کو حل کرنے کے لیے، فلٹر کے نصب ہونے کے بعد نالی اور نل کو کھولیں اور تقریباً 15 منٹ تک دھوئیں۔ بو مکمل طور پر دور ہو جائے گی۔

فلٹرکی عمر ختم ہوگئی ہے

اگر پانی کا فلٹر بہت عرصے سے استعمال ہورہا ہے تو فلٹر کی صفائی کی صلاحیت کمزور ہو جاتی ہے یا فلٹر کی عمر ختم ہو جاتی ہے۔ اس کے علاوہ گرم موسم میں پانی کے رنگ اور معیار پر اثر انداز ہو سکتے ہیں۔

محفوظ شدہ پانی خراب ہوگیا ہے

اگر پانی کا فلٹر طویل عرصے تک استعمال نہ کیا جائے تو فلٹر میں پانی رہ جاتا ہے، طویل مدت کے بعد یہ پانی خراب ہو جاتا ہے اور بُرا ذائقہ دیتا ہے۔ اس مسئلے کو حل کرنے کے لیے، فلٹر نکال کر اس کے اندر موجود پانی کو صاف کریں۔

غیر معیاری پانی کے فلٹر

اگر آپ نے غیر معیاری یا نقلی پانی کا فلٹر خریدا ہے تو یہ پانی میں بو آنے کی وجہ ہو سکتی ہے کیونکہ اس میں کوئی مؤثر صفائی کی خصوصیات نہیں ہیں۔

اس لیے فلٹر خریدنے سے پہلے مختلف برانڈز اور ان کی خصوصیات کے بارے میں جانیں، برانڈڈ پانی کے فلٹر عموماً غیر برانڈڈ فلٹرز کی نسبت زیادہ مؤثر اور معیاری ہوتے ہیں۔

اگر سادہ الفاظ میں کہا جائے تو ریورس اوسموسس پانی کے ذائقے کا دارومدار پانی کے داخل ہونے، فلٹر کے نظام کی قسم اور نظام کی حالت پر ہوتا ہے لہٰذا پانی کو فلٹر کرتے ہوئے ان احتیاطی تدابیر کو بھی ذہن میں رکھیں۔