لاہور: وزیرِریلوے خواجہ سعد رفیق نے اعتراف کیا ہے کہ سانحہ ماڈل ٹاؤن میں پاکستان عوامی تحریک کے خلاف لاہور پولیس کی ایف آئی آر غلط تھی۔
پنجاب کےصوبائی دارالحکومت میں میڈیا سے گفتگو کے دوران انھوں نے کہا کہ وزیرِاعظم نوازشریف اوروفاقی کابینہ کے خلاف سانحۂ ماڈل ٹاون کی ایف آئی آردرج کرنے کے حکم پر شدید تحفظات ہیں۔
ان کا کہنا تھا کہ تحفظات کے باوجود اپنے خلاف جھوٹا مقدمہ درج کروایا، اُن کا کہنا تھا کہ مصنوعی احتجاج برپا کروا کے پاکستان کو آگے بڑھنے سے روکا جارہا ہے۔
اسلام آباد: وفاقی وزیر ریلوے خواجہ سعدرفیق نے کہا ہے کہ مسلم لیگ ن اور دیگر جماعتوں کے کارکنان بھی آئینی اور قانونی حکومت کی حمایت کےلئےمظاہروں کی اجازت مانگ رہے ہیں۔
تفصیلات کے مطابق مسلم لیگ ن کے رہنما اوروفاقی وزیر ریلوے خواجہ سعد رفیق نے کہا ہے مسلم لیگ ن اور دیگر جماعتوں کے کارکنان بھی آئینی اور قانونی حکومت کی حمایت کےلئےمظاہروں کی اجازت مانگ رہے ہیں۔
سعد رفیق نے کہا کہ ریڈ زون میں موجود حساس عمارتوں کی حفاظت کی ذمہ داری اب انہی پر عائد ہےجو اتنے بڑے ہجوم کو ریڈ زون میں لے کر آئے ہیں۔ انہوں نے کہا کہ چند ہزار ڈنڈا برداروں سے خوفزدہ نہیں ہوں گےتاہم جائز مطالبات ماننےکےلئے تیارہیں۔