Tag: مظاہرین

قاہرہ: مصرکی اپیل کورٹ نےسابق صدر حسنی مبارک کو سال2011کی بغاوت کے دوران متعدد مظاہرین کے قتل کےالزام سے بری کردیا۔

تفصیلات کےمطابق گزشتہ روزمصر کی سب سے بڑی اپیل کورٹ نے اپنا آخری فیصلہ سناتے ہوئےسابق صدر حسنی مبارک کو 2011 میں مظاہرین کو قتل کرانے کے مقدمے میں بری کردیا۔

مصر کےدارالحکومت قاہرہ کے نواحی علاقے میں قائم پولیس اکیڈمی میں کیس کی سماعت کے دوران جج نےکٹہرتے میں وہیل چیئر پربیٹھے ہوئےحسنی مبارک کو ان کے خلاف چارجز پڑھ کر سنائے۔جس کاجواب دیتے ہوئے مصر کے سابق صدر نے کہا کہ ’ایسا کچھ نہیں ہوا۔‘

خیال رہےکہ جون سنہ 2012 میں حسنی مبارک کو مظاہرین کو ہلاک کرنے کی سازش کے الزام میں عمر قید کی سزا سنائی گئی تھی تاہم اگلے برس تکنیکی وجوہات کی بنا پر اس مقدمے کو دوبارہ چلانے کاحکم دیا گیا تھا۔

یاد رہےکہ السیسی سابق صدر مبارک کی حکومت میں فوج کے خفیہ ادارے کے سربراہ تھےاور انہوں نے2013 میں جمہوری طریقے سے منتخب کردہ مبارک کے جانشین محمد مرسی کا تختہ الٹا تھا۔

واضح رہے2011 میں ہونے والے یہ پرتشدد مظاہرے 18 دن تک چلے جس میں800 کےقریب افراد ہلاک ہوئےجس کے باعث30 سال تک اقتدارپر قابض رہنے والے حسنی مبارک کوعہدہ چھوڑنا پڑاتھا۔

سیول : جنوبی کوریا کے دارالحکومت سیول میں لاکھوں افراد نےاحتجاجی ریلی میں صدر سےاستعفی کا مطالبہ کردیا۔

تفصیلات کےمطابق جنوبی کوریاکےدارلحکومت سیول میں دس لاکھ سے زائد افرادصدرمخالف ریلی میں شرکت ہوئے۔احتجاج کرنےوالوں میں طلبہ کی کثیرتعدادموجود تھی جوصدر سےاستعفےکامطالبہ کررہےتھے۔

احتجاج کرنےوالے افرادنےہاتھوں میں شمعیں تھامی ہوئی تھیں جبکہ طلبہ نےموبائل فون میں موم بتی کی خصوصی ایپ کےذریعے امن کاپیغام دیا۔

خیال رہے کہ جنوبی کوریاکی خاتون صدرپارک گن پراختیارات کاغلط استعمال،سہلیوں کونوازنے اورقومی معاملات میں سہیلیوں کوسیکیورٹی کلیئرنس کےبغیرشامل کرنےکےالزامات ہیں۔

صدرنےالزامات سامنے آنےکےبعدپارلیمنٹ کی مشترکہ تحقیقاتی کمیٹی بنانے کی پیشکش کی ہےتاہم انہوں نے عہدہ صدارت چھوڑنے سےانکارکردیاہے۔

یاد رہے کہ صدر پارک گیَن ہے نے اپنی سہیلی چوئی سون سِل کو سیکیورٹی کلیئرنس نہ ہونے کے باوجود سرکاری دستاویزات دیکھنے کی اجازت دی تھی۔

واضح رہے کہ صدر کی سہیلی چوئی سون سل دھوکہ دہی اور طاقت کے ناجائز استعمال کے الزامات میں زیر حراست ہیں۔ان پر جنوبی کوریا کی کمپنیوں سے بھی بھاری رقم بٹورنے کے الزامات ہیں۔

نیویارک:امریکہ کے کئی ریاستوں میں ڈونلڈ ٹرمپ کے صدر منتخب ہونے کے خلاف مظاہرین کا احتجاج جاری ہے جس میں مظاہرین کا کہناہے کہ تارکین وطن سے نفرت نہیں محبت کی جائے۔

تفصیلات کےمطابق امریکی ریاست اوریگن کے سب سے بڑے شہر پورٹ لینڈ میں نومنتخب صدر ڈونلڈ ٹرمپ کے خلاف مشتعل مظاہرین پر پولیس کی جانب سے آنسو گیس اور فلیش بینگ گرینیڈ کا استعمال کیا گیا۔

ڈونلڈ ٹرمپ کی صدارتی انتخاب میں فتح کے خلاف سینکڑوں افراد نے شہر کی طرف مارچ کیا،جس سے ٹریفک کی روانی بھی شدید متاثر ہوئی۔

شہری انتظامیہ کا کہنا تھا کہ احتجاجی ریلی کے دوران مظاہرین کی جانب سے توڑ پھوڑ اور حملے کیے گئے،جو منتظمین کی جانب سے پرامن ریلی کے وعدے کی خلاف ورزی ہے۔

مزید پڑھیں:امریکا کے مختلف شہروں میں ٹرمپ کیخلاف زبردست احتجاجی مظاہرے جاری

دوسری جانب کیلیفورنیا،مینہٹن،میامی،اٹلانٹا،واشنگٹن اسکوائر پارک، میناپولس، کینساس سٹی، میسوری، اولیمپیا، واشنگٹن اور آئیوا سٹی میں بھی مظاہرے کیے گئے۔

یاد رہے کہ ڈونلڈ ٹرمپ نے انتخابی مہم کے دوران اپنے خطابات میں مسلمانوں، ہسپانیوں اور دیگر اقلیتوں کے حوالے سے متنازع بنایات دیے تھے جبکہ دیگر ممالک کے حوالے سے بھی ڈونلڈ ٹرمپ نے سخت بیانات جاری کیے تھے۔

مزید پڑھیں:ایف بی آئی ڈائریکٹرانتخابات میں شکست کا ذمہ دار،ہلیری کلنٹن

واضح رہے کہ ہلیری کلنٹن نے امریکی انتخابات میں اپنی شکست کا ذمہ دار ایف بی آئی ڈائریکٹر کو قراردے دیاہے۔

سیول: جنوبی کوریا کے دارالحکومت سیول میں لاکھوں مظاہرین صدر پارک گن سے عہدے سے مستعفیٰ ہونے کا مطالبہ کررہے ہیں۔

تفصیلات کےمطابق جنوبی کوریا کی صدر پاک گن ہے کی جانب سے اپنی سہیلی کو سکیورٹی کلیئرنس نہ ہونے کے باوجود حکومتی دستاویزات دیکھنے کی اجازت دینے کے خلاف لاکھوں مظاہرین ان کے استعفے کا مطالبہ کر رہے ہیں۔

مظاہرے کے منتظمین کا کہنا ہے کہ اس مظاہرے میں دس لاکھ افراد شامل ہیں جبکہ پولیس کا کہنا ہے کہ مظاہرین کی تعداد دو لاکھ 60 ہزار کے ہے۔

صدر پارک گن کا کہنا ہے کہ ان کو بہت دکھ ہےکہ اس سکینڈل کی وجہ سے صدر پارک کی مقبولیت میں نمایاں کمی واقع ہوئی ہے۔

یاد رہے کہ صدر پارک گیَن ہے نے اپنی سہیلی چوئی سون سِل کو سیکیورٹی کلیئرنس نہ ہونے کے باوجود سرکاری دستاویزات دیکھنے کی اجازت دی تھی۔

واضح رہے کہ صدر کی سہیلی چوئی سون سل دھوکہ دہی اور طاقت کے ناجائز استعمال کے الزامات میں زیر حراست ہیں۔ان پر جنوبی کوریا کی کمپنیوں سے بھی بھاری رقم بٹورنے کے الزامات ہیں۔

سان تیاگو :چلی کےدارلحکومت سان تیاگو میں پبلک سیکٹرملازمین نےتنخواہوں میں اضافے کےلیےاحتجاج کرتے ہوئےکچرااٹھانے سے انکارکردیا۔

تفصیلات کےمطابق سان تیاگومیں پبلک سیکٹرملازمین کی ہڑتال کےباعث دارالحکومت میں جگہ جگہ کچرےکےڈھیرنظرآرہےہیں۔ملازمین تنخواہوں میں اضافےکےلیےسراپااحتجاج ہیں۔

دارالحکومت میں احتجاج کرنےوالے مظاہرین کومنتشرکرنےکےلیے پولیس نے مظاہرین پرواٹرکینن سےپانی برسایااورلاٹھی چارج کےدوران کئی مظاہرین کوگرفتارکرلیا۔

پبلک سیکٹرملازمین نےکریک ڈاؤن اورگرفتاریوں کے باوجود مطالبات کی منظوری تک ہڑتال اوراحتجاج جاری رکھنےکےعزم کااظہارکیاہے۔

مزید پڑھیں: چلی میں پنشن سسٹم کے خلاف عوام سڑکوں پر نکل آئے

یاد رہے کہ گزشتہ ہفتے چلی کے دارالحکومت سان تیاگو میں 1980کی دہائی سے رائج فرسودہ پنشن سسٹم کے خلاف شہری سڑکوں پر نکل آئےتھےاور شہریوں نےپنشن سسٹم میں اصلاحات کامطالبہ کیاتھا۔

مزید پڑھیں:چلی میں طلبا کا تعلیمی اصلاحات پر عمل درآمد نہ ہونے کے خلاف احتجاج

واضح رہے کہ اس سے قبل رواں سال مئی میں چلی کے دارالحکومت سان تیاگو میں حکومت کی جانب سے تعلیمی اصلاحات پر عمل درآمد نہ ہونے پر طلبا تنظیموں کی جانب سے شدید احتجاج کیاگیاتھا۔