Tag: معاشی ترقی

وفاقی حکومت رواں مالی سال میں معاشی ترقی کا ہدف حاصل نہ کر سکی اور معاشی ترقی کی شرح مقررہ 3.6 کے مقابلے میں 2.68 فیصد رہی۔

اے آر وائی نیوز کے مطابق رواں مالی سال اختتام کے قریب ہے تاہم حکومت معاشی ترقی کا ہدف حاصل نہیں کر سکی ہے۔ رواں سال کے لیے معاشی ترقی ا ہدف 3.6 مقرر کیا گیا لیکن معاشی ترقی کی شرح 2.68 فیصد رہی۔

ذرائع نے بتایا کہ رواں مالی سال میں معیشت کا حجم 411 ارب ڈالر تک جا پہنچا جبکہ فی کس آمدنی 1824 ڈالرز ہو گئی۔

سیکریٹری منصوبہ بندی اویس سمرا کی زیر صدارت نیشنل اکاؤنٹس کمیٹی کا اجلاس ہوا۔ کمیٹی نے بتایا کہ رواں مالی سال زرعی شعبے کی شرح نمو 0.56 فیصد، صنعت اور معدنیات کے شعبے میں شرح نمو 4.7 فیصد ہوئی۔

کمیٹی نے بتایا کہ رواں مالی سال ملک کی بڑی فصلوں کی پیداوار 13.4 فیصد کمی ہوئی۔ ان میں گندم کی فصل کی پیداوار 8.9 فیصد کم ہوئی۔ گندم کی پیداوار 29 لاکھ ٹن کم ہوئی اور 31.8 ملین ٹن سے کم ہو کر 28.9 ملین ٹن پر آ گئی۔

اس کے علاوہ مکئی کی پیداوار میں 15.4 فیصد، چاول کی فصل میں 1.38 فیصد کمی ہوئی۔ چاول کی پیداوار 9.86 ملین ٹن سے کم ہو کر 9.72 ملین ٹن رہی۔

کمیٹی نے اجلاس کو بتایا کہ زراعتم جنگلات اور فشریز میں 0.56 فیصد کا اضافہ ہوا۔ رواں مالی سال خدمات میں 2.91 فیصد اضافہ ہوا۔ بڑی صنعتوں کی پیداوار میں 1.53 فیصد کمی ہوئی اور چھوٹی صنعتوں کی پیداوار میں 8.81 فیصد اضافہ ہوا۔ تعمیرات کی شعبے میں 6.61 فیصد اور بجلی گیس پانی کی گروتھ 28.88 فیصد رہی۔

واضح رہے کہ وفاقی حکومت گزشتہ مالی سال میں بھی معاشی ترقی کا ہدف حاصل کرنے میں ناکام رہی تھی اور جی ڈی پی کا ساڑھے تین فیصد کا ہدف پورا نہ ہو سکتا ہے

اسلام آباد : حکومت رواں مالی سال میں بھی معاشی ترقی کاہدف حاصل کرنےمیں ناکام رہی، جی ڈی پی کا ساڑھے تین فیصد کا ہدف پورا نہ ہوسکا۔

تفصیلات کے مطابق حکومت رواں مالی سال میں بھی معاشی ترقی کا ہدف حاصل کرنے میں ناکام ہوگئی جبکہ مقرر کردہ صنعتی اور خدمات شعبے کے اہداف بھی حاصل نہ ہوسکے جبکہ زرعی شعبے کی ترقی ہدف سے زیادہ رہی۔۔

نیشنل اکاؤنٹس کمیٹی نے معاشی اہداف اور اعداد و شمار منظورکرلیے، جس میں بتایا کہ معاشی ترقی کا ہدف 3.5 فیصد تھا لیکن 2.38فیصد رہی، زرعی شعبے کی ترقی 6.25 فیصد رہی جبکہ ترقی کا ہدف 3.4 فیصد تھا۔

نیشنل اکاؤنٹس کمیٹی کا کہنا تھا کہ صنعتی شعبے کی ترقی کا ہدف 3.4 حاصل نہ ہوسکا، صنعتی شعبے کی ترقی 1.21 فیصد رہی جبکہ خدمات کےشعبے کاہدف 3.6 فیصد تھا، اس شعبے میں شرح نمو 1.2فیصد رہی۔

اعدادو شمار میں کہا ہے کہ گندم کی فصل 11.64فیصداضافے سے 28.16 ملین ، کپاس کی فصل 108 فیصد اضافے سے 10.22 ملین بیلز اور چاول کی پیداوار 34.78 فیصد اضافے سے 98 لاکھ 70 ہزار ٹن اور مکئی کی پیداوار 10.3فیصد کمی سے 98 لاکھ 50 ہزار ٹن رہی۔

صنعتی شعبہ کی ترقی محض 1.21 فیصد، بڑی صنعتوں میں شرح نمو محض 0.07 فیصد اور مشروبات کے شعبہ میں شرح نمو منفی 3.43 فیصد رہی۔

اس کے علاوہ ٹیکسٹائل کے شعبے 8.27 فیصد سکڑ گیا جبکہ تمباکو کے شعبے میں ترقی کی شرح 33.5 فیصد ، ادویات سازی کے شعبہ میں شرح نمو 23.19 فیصد ، معدنی شعبہ میں شرح نمو 4.85 فیصد رہی

خام تیل کی پیداوار میں 1.51 فیصد اضافہ ، کوئلے کی پیداوار میں 37.72 فیصد اضافہ ، لائم اسٹون کی پیداوار میں 7.9 فیصد اضافہ ہوا جبکہ بجلی، گیس اور پانی کے شعبے میں منفی 10.5 فیصد کمی دیکھی گئی۔

نیشنل اکاؤنٹس کمیٹی کے مطابق تعمیراتی شعبے میں شرح نمو 5.86 فیصد اور لائیو اسٹاک میں شرح نمو 3.89 فیصد رہی۔