Tag: معافی مانگ لی

  • امریکا کی مسلم رکن کانگریس نے اسرائیلی حامیوں کے خلاف بیان پر معافی مانگ لی

    امریکا کی مسلم رکن کانگریس نے اسرائیلی حامیوں کے خلاف بیان پر معافی مانگ لی

    واشنگٹن : امریکی رکن کانگریس الہان عمر نے اسرائیلی حامیوں کے خلاف بیان دینے پر معافی مانگتے ہوئے کہا ہے کہ جب بحیثیت مسلمان مجھ پر حملہ تو تب بھی لوگ ایسا ہی ردعمل ظاہر کریں۔

    تفصیلات کے مطابق امریکی کانگریس میں حکمران جماعت ری پبلیکن اور اپوزیشن جماعت ڈیموکریٹ کی جانب سے مسلمان خاتون رکن کانگریس الہان عمر کو شدید تنقید کا نشانہ بناتے استعفے کا مطالبہ کیا جارہا ہے۔

    مقامی خبر رساں ادارے کا کہنا تھا کہ 37 سالہ صومالی نژاد امریکی الہان عمر نے دو روز قبل ایک بیان میں اسرائیل کی حمایت کو یہود دشمنی قرار دیا تھا، جس پر اراکین پارلیمان نے شدید رد عمل دیتے ہوئے مذکورہ بیان کو یہودیوں کے جذبات مجروح کرنے کے مترادف قرار دیا۔

    امریکی صدر ڈونلڈ ٹرمپ نے الہان عمر کے خلاف شدید ردعمل کا اظہار کرتے ہوئے کہا کہ الہان عمر تنقید سے قبل آئینہ دیکھے۔

    ڈونلڈ ٹرمپ کا کہنا تھا کہ امریکا میں موجود اسرائیلی حامیوں کے خلاف نازیبا بیان دینے پر صرف معافی سے کام نہیں چلے گا، میرے خیال میں الہان کا بیان بہت خوفناک تھا جس پر ’انہیں اپنے آپ سے شرمندہ ہونا چاہیے‘۔

    امریکی سینیٹ کی اسپیکر نینسی پیلوسی اور ڈیموکریٹ سمیت دیگر قائدین نے الہان عمر کے یہودی حمایتوں کے مخالف بیان دینے پر تنقید کا نشانہ بناتے ہوئے کہا کہ ’یہود دشمنی کا ہرسطح پر مقابلہ کیا جائے گا‘۔

    نینسی پیلوسی کا کہنا تھا کہ امریکا میں اسرائیل پر تنقید کرنے کی کچھ آئینی حدود ہیں لیکن منیسوٹا سے منتخب ہونے والے رکن کانگریس نے امریکا میں آزادی اظہار کا غلط استعمال کیا جو بہت شرمناک تھا۔

    خیال رہے کہ مسلمان رکن کانگریس نے پہلا ٹویٹ اتوار کے روز کیا تھا جس میں ان کا کہنا تھا کہ ’امریکی سیاست دان پیسوں کےلیے اسرائیل کی حمایت و دفاع کرتے ہیں‘۔

    خیال رہے کہ الہان عمر نے سماجی رابطے کی ویب سایٹ پر ٹویٹ کیا تھا کہ ’امریکا اور اسرائیل کے درمیان قائم تعلقات عامہ کمیٹی (اے آئی پی اے سی) امریکی سیاست دانوں کو اسرائیل کے دفاع اور حمایت کےلیے پیسوں کی ادائیگی کرتی ہے‘۔

    الہان عمر نے اپنے بیان پر معافی مانگتے ہوئے کہا کہ ’یہودیت مخالف حملے حقیقت ہیں اور میں اپنے ساتھیوں اور یہودی اتحادیوں کی شکر گزار ہوں جنہوں نے مجھے یہودیت مخالف حملوں کی دردناک تاریخ بتائی‘۔

    الہان عمر کا اپنے ٹویٹ میں کہنا تھا کہ ’ہمیں پیچھے ہٹ کر اپنا تنقیدی جائزہ لینا چاہیے، جس اسرائیلی حامیوں پر تنقید کرنے پر مجھ سے معافی کی امید کی جارہی ہے اسی طرح جب مجھ پر میری شناخت (مسلمان) کے باعث حملہ کیا جائے تو لوگ ایسا رد عمل اس وقت بھی ظاہر کریں‘۔

    مزید پڑھیں : امریکی وسط مدتی انتخاب میں تاریخ رقم، دو مسلمان خواتین نے کانگریس میں جگہ بنالی

    یاد رہے کہ چھتیس سالہ الہان عمر نے ریاست منی سوٹا سے کامیابی حاصل کی تھی، انھوں نے 72 فیصد ووٹ حاصل کئے جبکہ ان کے مدمقابل ری پبلکن امیدوار صرف 22 فیصد ووٹ حاصل کرسکے۔

    صومالیہ کے دارالحکومت موغا دیشو میں پیدا ہونے والی الہان 23 برس قبل اپنے والد کے ہمراہ 8 سال کی عمر میں خانہ جنگی کے بعد امریکا آئی تھیں، انھوں نے بین الاقوامی امور میں ڈگری حاصل کی اور سیاست میں حصہ لینا شروع کردیا اور دو ہزار سولہ کے انتخابات میں وہ مینسوٹا اسمبلی کی رکن منتخب ہوئیں۔

  • لندن: سیاہ فام خاتون سے بد اخلاقی کرنے والے متعصب شخص نے معافی مانگ لی

    لندن: سیاہ فام خاتون سے بد اخلاقی کرنے والے متعصب شخص نے معافی مانگ لی

    لندن : بارسلونا سے برطانیہ جانے والی پرواز میں سیٹ کے معاملے پر بزرگ خاتون سے بد اخلاقی کرنے والے مسافر نے معافی مانگ لی تاہم متاثرہ خاتون معاف کرنے سے انکار کردیا۔

    تفصیلات کے مطابق برطانوی فضائی کمپنی رائن ایئر میں سیاہ فام خاتون سے غیر اخلاقی رویہ اختیار کرنے والے مسافر نے خاتون اپنے رویے پر معافی مانگتے ہوئے کہا ہے کہ ’میں نسل پرست نہیں ہوں‘۔

    برطانوی خبر رساں ادارے کا کہنا تھا کہ دیوڈ میشہر 19 اکتوبر کو بارسلونا سے اسٹنس ٹید آنے والے پرواز میں سفر کررہے تھے، جس دوران انہوں نے بزرگ خاتون ڈیلسی گائلی نامی خاتون کی بے عزتی کی تھی۔

    مقامی خبر رساں ادارے سے گفتگو کرتے ہوئے ڈیوڈ نے بتایا کہ ’میں نسل پرست نہیں ہوں لیکن کچھ لمحوں کے لیے مجھے غصّہ آجاتا ہے‘۔

    ڈیوڈ میشہر کا کہنا ہے کہ ڈیلسی گائلی نامی بزرگ خاتون سے سیٹ کے معاملے پر تنازعہ ہوا تھا۔

    Ryanair racism

    مقامی میڈیا کے مطابق ڈیوڈ نے بتایا کہ ’میں غصّے میں آگیا اور انہیں نشت سے اٹھنے کا کہا، میں نسل پرست کا متعصب شخص نہیں ہوں شاید اس وقت میں بے قابو ہوگیا تھا‘۔

    دوسری جانب 77 سالہ خاتون ڈیلسی گائلی اور ان کی بیٹی کارلو نے مذکورہ برطانوی شہری کی مذرت کو منسوخ کردیا ہے۔

    برطانوی خبر رساں ادارے نے متاثرہ خاتون سے پوچھا کہ آپ نے ڈیوڈ کو معاف کردیا تو ان کا کہنا تھا کہ ’میرا نہیں خیال‘۔ آپ کو بھول کر معاف کردینا چاہیے لیکن جو اس نے میرے ساتھ کیا اسے بھولنے کے لیے طویل وقت درکار ہے۔

  • فواد چوہدری نے بالآخر معافی مانگ لی

    فواد چوہدری نے بالآخر معافی مانگ لی

    اسلام آباد : اپوزیشن کو خوب کھری کھری سنانے کے بعد فواد چوہدری نے بالآخر معافی مانگ لی اور کہا میرے کچھ الفاظ سے دل آزاری ہوئی، جس پرمعذرت خواہ ہوں۔

    تفصیلات کے مطابق وزیراطلاعات نے ایوان میں اپنے الفاظ معافی مانگتے ہوئے کہا پہلے ہاف میں کچھ بدمزگی پیدا ہوئی، میرے کچھ الفاظ سے دل آزاری ہوئی، جس پر میں معذرت خواہ ہوں۔

    فواد چوہدری کی معافی کے بعد اپوزیشن ارکان واپس ایوان میں آگئے۔

    https://youtu.be/TK5bun-eHVo

    یاد رہے وزیراطلاعات فواد چوہدری نے قومی اسمبلی میں دھواں دھار خطاب میں اپوزیشن کو آڑے ہاتھوں لیتے ہوئے چور ڈاکو قرار دیا اور کہا ان لوگوں نے قومی خزانے کو ایسے لوٹا جیسے ڈاکے کے پیسے کو مجرے پر لٹایا جاتا ہے، اگر وزیراعظم میری بات مانیں تو انھیں الٹا لٹکاناچاہیے۔

    مزید پڑھیں : اگر وزیراعظم میری بات مانیں تو ملک لوٹنے والوں کو الٹا لٹکانا چاہے، فواد چوہدری

    اسپیکرنے پارلیمانی آداب کاخیال رکھنےکی ہدایت کی تو وزیراطلاعات نے کہا ہمیں ناتجربہ کار کہنے والوں نے تیس برسوں میں ملک کا بیڑہ غرق کردیا، ملک لوٹنا پارلیمانی ہے لیکن ڈاکوکو ڈاکو کہنا غیرپارلیمانی ہے۔

    فوادچوہدری کا کہنا تھا کہ سعودی عرب میں 150لوگوں کو کرپشن پر پکڑا گیا، 75 لوگوں کو صبح ناشتے کے بعد الٹا لٹکایا جاتا تھا اور 75 کو رات کو، ہم چور کو چور کہیں تو انہیں برالگ جاتا ہے۔

    جس کے بعد پیپلزپارٹی کے رہنما اور سابق اپوزیشن لیڈر خورشید شاہ اور مسلم لیگ ن کے صدر شہباز شریف نے فواد چوہدری سے بیان پر معافی مانگنے کا مطالبہ کیا تھا۔

    خورشید شاہ کا کہنا تھا کہ جو لفظ استعمال کیا گیا وہ گھٹیا ہے، اس قسم کی گفتگونہیں کرنی چاہیے،جب تک فواد چوہدری پارلیمنٹ سےمعافی نہیں مانگیں ہم یہاں نہیں بیٹھیں گے۔

    شہبازشریف کا کہنا تھا خورشیدشاہ سے جیسے بات کی ایسےنہیں کرنی چاہیے، فوادچوہدری جوبھی بات کرنا چاہیں کریں لیکن پارلیمانی آداب کاخیال رکھیں اور معاملہ آگے بڑھنے دیں۔

  • کچھ لوگ مسلح افراد کے ذریعے اسلام آباد پر قابض ہونا چاہتے تھے، نثار

    کچھ لوگ مسلح افراد کے ذریعے اسلام آباد پر قابض ہونا چاہتے تھے، نثار

    اسلام آباد: وزیر داخلہ چوہدری نثار علی خان نے کہا ہے کہ گزشتہ دنوں ملکی سیاسی صورتحال میں کافی کشیدگی تھی مگر عوام نے متحد رہ کر وفاقی دارالحکومت پر چڑھائی کرنے والے جتھوں کی حکمت عملی کو ناکام بنایا، اس صورتحال میں اگر کسی کو لاٹھی پڑی اور آنسو گیس سے تکلیف پہنچی تو معذرت چاہتا ہوں۔

    ان خیالات کا اظہار انہوں نے اسلام آباد میں منعقدہ پریس کانفرنس کرتے ہوئے کیا۔

    وفاقی وزیر داخلہ کا کہنا تھا کہ راستوں میں رکاوٹیں اس لیے کھڑی کی گئیں کہ آپ نے وفاقی دارالحکومت کو بند کرنے کا اعلان کیا تھا، آپ کو یاد رکھنا چاہیے کہ مسلم لیگ ن نے جلسے سے لے کر جلسی تک کہیں رکاوٹ نہیں کھڑی کی۔

    انہوں نے کہا کہ ’’عمران خان سے 45 سالہ پرانی دوستی ہے تاہم انہوں نے دھرنے کے دوران وعدہ خلافی کی اور اپنی بات کا پاس نہیں رکھا،  پولیس کو آئین و قانون کی حفاظت کے لیے تعینات کیا گیا تھا۔ وہ میرے یا وزیر اعظم کے ذاتی ملازم نہیں بلکہ اُن کی ذمہ داری ملک کی حفاظت ہے‘‘۔

    وزیر داخلہ نے کہا کہ پختون مہمان نواز لوگ ہیں تاہم چند ہزار لوگ مسلح جتھوں کے ذریعے وفاقی دارالحکومت پر قبضہ کرنا چاہتے تھے، پولیس نے احکامات پر عمل درآمد کیا تاہم اس کو پختون  پنجابی لڑائی کا رنگ دینے کی کوشش کی گئی، مگر سیاستدانوں اور عوام نے اپنے اتحاد سے اس سازش کو ناکام بنا دیا ۔

     پڑھیں:  تحریک انصاف کل یوم تشکر منائے گی

     چوہدری نثار علی خان نے کہا کہ اسلام آباد اور ہائی کورٹ کی جانب سے کیے جانے فیصلوں پر انہیں مبارک با د پیش کرتا ہوں، مسلم لیگ ن کے ایک سیاسی کارکنان کی حیثیت سے کہتا ہوں کہ آج کا فیصلے کو کسی کی جیت اور ہار سے منسوب نہ کیا جائے، عمران خان نے فیصلہ کر کے اچھے سیاست دان کا ثبوت دیا اور اُن کے فیصلے کو قدر کی نگاہ سے دیکھتا ہوں۔

    وزیر داخلہ نے کہا کہ عمران خان نے مجھے ضمیر کی آواز سننے کا مشورہ دیا، الحمد اللہ میں نے ہمیشہ ضمیر کی آواز سنی اور برے وقت میں بھی پارٹی کے ساتھ کھڑا رہا،مجھے تین بار وزارتیں دی گئیں میں دنیا میں نوازشریف کے سامنے اور آخرت میں اللہ کے سامنے جواب دے ہوں۔

    مزید پڑھیں: پانامہ لیکس کیس ، سپریم کورٹ کا فریقین سے تحریری جواب طلب

     مسلم لیگ ن کے رہنما نے کہاکہ  خیبرپختونخوا  کے عوام نے مسلم لیگ (ن) کو کئی دفعہ مینڈیٹ دیا تاہم  پی ٹی آئی کو پہلی دفعہ ملا، آپ کی اپوزیشن پارٹی سے منسلک ہونے کا احترام کرتا ہوں، لیکن کوئی آپ کو کہے کہ میں آپ کے گھر پر قبضہ کرنا چاہتا ہوں تو آپ کا کیا ردعمل ہوگا؟‘‘۔

    وفاقی وزیر نے کہا کہ آج بھی معاملے کو افہام و تفہیم سے حل کرنا چاہتے ہیں، تحریک انصاف کی قیادت سے مذاکرات کے لیے ایک کمیٹی بناد ی ہے ، جلد انتظامیہ کے لوگ بھی تحریک انصاف سے ملاقات کریں گے اور آئندہ کا لائحہ عمل ترتیب دیا جائے گا۔

  • ماسکو : ترکی نے روس سے طیارہ گرانے پر معافی مانگ لی

    ماسکو : ترکی نے روس سے طیارہ گرانے پر معافی مانگ لی

    ماسکو: روسی صدر ولادی میر پیوٹن کے ترجمان کا کہنا ہے کہ ترک صدر رجب طیب اردگان نے،شامی سرحد پر روسی طیارے کو گرائے جانے کے واقعے پر روس سے معافی مانگ لی.

    تفصیلات کے مطابق روسی صدر کے ترجمان دیمیتری پیسکوو نے میڈیا سے گفتگو کرتے ہوئے بتایا کہ ولادی میر پیوٹن کو رجب طیب اردگان کا پیغام ملا،جس میں انہوں نے واقعے پر معذرت کرتے ہوئے ہلاک ہونے والے پائلٹ کے لواحقین سے ہمدردی اور تعزیت کی ہے.

    یاد رہے کہ گزشتہ سال نومبر میں ترکی نے مبینہ طور پر سرحدی حدود کی خلاف ورزی پر شامی سرحد پر روسی جنگی طیارہ ’سو 24‘ مار گرایا تھا.

    *روس نے طیارہ گرانے پر ترکی پر اقتصادی پابندیاں عائد کردیں

    روس نے طیارے گرائے جانے پر شدید ردعمل کا اظہار کرتے ہوئے ترکی سے معافی کا مطالبہ کیا تھا،تاہم معافی نہ مانگے جانے پر روس نے دوطرفہ تجارتی اور سیاحتی تعلقات ختم کردیے تھے.

    واضح رہے اس سے قبل ترک وزیر اعظم بن علی یلدرم نے کہا تھا کہ روس سے تعلقات سے متعلق کئی حوالوں سے پیشرفت ہوئی ہے،تاہم انہوں نے اس کی تفصیلات سے آگاہ نہیں کیا تھا.

  • نثارکھوڑو نے ایوان میں سگریٹ نوشی پرمعافی مانگ لی

    نثارکھوڑو نے ایوان میں سگریٹ نوشی پرمعافی مانگ لی

    کراچی : سندھ کے وزیرتعلیم نثارکھوڑو نے صوبائی اسمبلی میں سگریٹ نوشی پرشرمندگی کااظہارکرتے ہوئے معافی مانگ لی۔ ان کا کہنا ہے کہ مجھ سے غلطی ہوگئی جس پر شرمندہ ہوں اورمعافی چاہتاہوں۔

    تفصیلات کے مطابق سندھ کے سینئروزیرتعلیم نثارکھوڑوایوان میں اپنی سگریٹ نوشی پرسچ مچ شرمندہ نظرآئے، نثارکھوڑو کا کہنا تھا کہ پندرہ سال بعد پھرسگریٹ کوہاتھ لگایا،طلب ہوئی تو خیال ہی نہ رہا کہ ایوان میں ہوں۔

    اسپیکرسراج درانی نے بتایا کہ انہوں نے سگریٹ پینا چھوڑ دی،اس پرنثارکھوڑو بولےآپ نے چھوڑدی اورہم نے شروع کردی۔

    یاد رہے کہ سندھ اسمبلی کے گذشتہ اجلاس کے فوری بعد ایوان میں سگریٹ سلگانے پرنثارکھوڑوکو کڑی نکتہ چینی کاسامناکرنا پڑاتھا۔