Tag: معاملات طے

کراچی : قومی ایئرلائن ( پی آئی اے) اور پی ایس او کے درمیان معاملات طے پاگئے، ترجمان کا کہنا ہے کہ ایندھن کی قلت کے باعث متاثرہ پروازوں کا شیڈول معمول پر آنا شروع ہوجائے گا۔

تفصیلات کے مطابق ایندھن کی فراہمی کے مسئلے پر قومی ایئرلائن ( پی آئی اے) اور پی ایس او کے درمیان معاملات طے پاگئے۔

ترجمان پی آئی اے کا کہنا ہے معاملات طے پانے کے لئے پی ایس او کی اعلیٰ انتظامیہ نے تعاون کیا، چند روزمیں ایندھن کی فراہمی بڑھنا شروع ہوگی اور متاثرہ پروازوں کا شیڈول معمول پر آنا شروع ہوجائے گی۔

ترجمان نے کہا کہ ایندھن کی عدم فراہمی کے باعث آج بھی پی آئی اے کی انسٹھ پروازیں منسوخ کردی گئیں۔

دوسری جانب پاکستان اسٹیٹ آئل (پی ایس او ) نے پی آئی اے کی کیش 50 کروڑ کی حد میں اضافہ کردیا اور کہا کہ پی ایس اوپی آئی اے کے ساتھ ہر ممکن تعاون کرے گا۔

پی ایس او کا کہنا تھا کہ پی آئی اے کے شیڈول کے مطابق طیاروں کو ایندھن فراہم کیا جائے گا، پی ایس او یومیہ ادائیگی پر پی آئی اے کو فیول فراہم کر رہا تھا۔

لاہور: پاکستان کی نئی سیاسی پارٹی ’ استحقام پاکستان کے پیٹرن ان چیف جہانگیر ترین  اور پرویز خٹک کے درمیان معاملات طے ہونے کا امکان ہے۔

گزشتہ روز ذرائع نے بتایا تھا کہ تحریک انصاف کے سابق رہنما پرویز خٹک نے علیحدہ سیاسی جماعت بنانے کا اعلان کرتے ہوئے 50 سے زائد سابق اراکین اسمبلی کی حمایت حاصل ہونے کا دعویٰ کیا تھا۔

متعلقہ خبریں:

پرویز خٹک کا علیحدہ سیاسی جماعت بنانے کا اعلان ، بڑا دعویٰ کردیا

جہانگیر ترین نے نئی جماعت ’استحکام پاکستان پارٹی‘ کا باضابطہ اعلان کر دیا

تاہم اب ذرائع کا کہنا ہے کہ پرویز خٹک کافی دنوں سے جہانگیر ترین سے رابطے میں ہیں، پرویز خٹک اپنے ہم خیال ساتھیوں کے ہمراہ استحکام پاکستان پارٹی میں شمولیت اختیار کر سکتے ہیں۔

ذرائع نے بتایا کہ پرویز خٹک کو استحکام پاکستان پارٹی کا جنرل سیکرٹری بنائے جانے کا امکان ہے۔

واضح رہے کہ گزشتہ روز سیاسی رہنما جہانگیر ترین اور علیم خان کی جانب سے نئی سیاسی جماعت ’استحکام پاکستان پارٹی‘ کا باضابطہ اعلان کر دیا گیا۔