Tag: معاون خصوصی

اسلام آباد : وزیراعظم شہباز شریف نے معاون خصوصی فہد حسین کی اہلیہ عائشہ فہد حسین کو اسلام آباد کلب کی منیجمنٹ کمیٹی میں شامل کرادیا۔

تفصیلات کے مطابق وزیراعظم شہبازشریف کا من پسند افراد پر نوازشات کا سلسلہ برقرار ہے، پہلے فہد حسین کو اپنا معاون خصوصی لگایا، اب ان کی اہلیہ عائشہ فہد حسین کو بھی عہدہ مل گیا۔

معاون خصوصی کی اہلیہ عائشہ فہد حسین کو اسلام آبادکلب کی منیجمنٹ کمیٹی میں شامل کردیا گیا۔

خیال رہے اسلام آباد کلب وفاقی حکومت کی ملکیت ہے اور ارکان پارلیمنٹ، سفارتکاروں اور ملک کے معززین کے حوالے سے جانا جاتا ہے۔

یاد رہے انتخابات سے پہلے اراکین قومی اسمبلی پر نوازشات کی بارش کردی گئی تھی ، عام انتخابات سے قبل ہر رکن قومی اسمبلی کو خصوصی اسکیمیں دی جائیں گی۔

اسلام آباد: وزیر اعظم کے مشیر برائے احتساب شہزاد اکبر نے آج اپنا استعفیٰ وزیر اعظم کو بھجوا دیا، اس سلسلے میں معاون خصوصی شہباز گل سے پوچھے گئے سوال کا واضح جواب نہ آ سکا۔

اے آر وائی نیوز کے مطابق جب شہباز گل سے سوال کیا گیا کہ شہزاد اکبر نے استعفیٰ کیوں دیا؟ تو انھوں نے کہا شہزاد اکبر یا تو کام کر کے تھک گئے ہوں گے یا انھیں کوئی اور اچھا موقع مل رہا ہو گا۔

شہباز گل کا کہنا تھا ہو سکتا ہے موجودہ ذمہ داری سے وہ خود خوش نہ ہوں، بہت سے امکانات ہیں، اس بارے میں بہتر رائے شہزاد اکبر خود دے سکتے ہیں۔

وزیر اعظم کے مشیر برائے احتساب شہزاد اکبر عہدے سے مستعفی

ایک اور سوال کے جواب میں انھوں نے کہا استعفیٰ قبول ہو گا یا نہیں، اس کا فیصلہ وزیر اعظم کریں گے۔

تاہم شہباز گل نے انکشاف کیا کہ شہزاد اکبر کو پارٹی میں اہم ذمہ داری ملنے والی ہے، وہ سیاسی طور پر سینٹرل ایگزیکٹو کمیٹی میں جا رہے ہیں۔

شہزاد اکبر صاحب نے فیصلہ کیا ہے کہ وہ اپنے وکالت کے کیریر کو زیادہ وقت دینا چاہتے ہیں۔اس کے ساتھ ساتھ وہ پی ٹی آئی کی جماعتی سرگرمیوں میں بھی حصہ لیتے رہیں گے۔ ہم ان کے اس نئے سفر کے لئے نیک تمناؤں کا اظہار کرتے ہیں

— Dr. Shahbaz GiLL (@SHABAZGIL) January 24, 2022

دوسری طرف ایک ٹوئٹ میں معاون خصوصی نے یہ بھی بتایا کہ شہزاد اکبر نے فیصلہ کیا ہے کہ وہ وکالت کے کیریئر کو زیادہ وقت دینا چاہتے ہیں، شہزاداکبر پی ٹی آئی کی جماعتی سرگرمیوں میں بھی حصہ لیتے رہیں گے، اور ہم ان کے اس نئے سفر کے لیے نیک تمناؤں کا اظہار کرتے ہیں۔