Tag: معاون خصوصی برائے صحت

اسلام آباد: معاون خصوصی برائے صحت ڈاکٹر ظفر مرزا نے کہا ہے کہ اللہ کی رحمت اور بروقت فیصلہ سازی سےجلد وبا پر قابو پانے کی پوزیشن میں آگئے۔

تفصیلات کے مطابق ہیلتھ سیکٹر سے متعلق اپوزیشن کی پریس کانفرنس پر ظفر مرزا نے رد عمل دیتے ہوئے کہا کہ ہیلتھ ریفارمز پی ٹی آئی حکومت کی ترجیحات میں شامل ہے۔

انہوں نے بتایا کہ پاکستان کا کرونا کے حوالے سے ردعمل دُنیا میں بہترین رہا،ہم نے جلد اقدامات اُٹھائے جس سے پہلا کیس تاخیر سے رپورٹ ہوا،کیسز میں پھیلاؤ کے حوالے سے پاکستان میں کئی ممالک سے زیادہ تیزی سے کمی آئی،اللہ کی رحمت اور بروقت فیصلہ سازی سےجلد وبا پر قابو پانے کی پوزیشن میں آگئے۔

ڈاکٹر ظفر مرزا کا کہنا تھا کہ اسمارٹ لاک ڈاؤن،ایس او پیز،ٹی ٹی کیو کی حکمت عملی پر عمل کیاگیا،این سی او سی کے قیام سے وبا کو کنٹرول،مانیٹرنگ کے عمل کو بہتر بنایاگیا۔

معاون خصوصی نے کہا کہ حکومت نے پہلی دفعہ پی ایم ڈی سی میں اصلاحات کا عمل شروع کیا،ماضی میں پی ایم ڈی سی کرپشن،نااہلیت کا گڑھ رہی۔

انہوں نے کہا کہ حکومت کی جانب سے اسپتالوں میں اصلاحات کی کوششیں جاری ہے،سرکاری اسپتالوں کو پرائیوٹائیز کرنے کی تمام خبریں من گھڑت ہیں،تمام سرکاری اسپتال حکومتی سرپرستی میں ہی چلیں گے، اسپتالوں میں انتظامی امور،فیصلہ سازی کے لیے لوکل مینجمنٹ کی خدمات لی جائیں گی۔

ظفر مرزا کا کہنا تھا کہ پاکستان میں ہیلتھ سیکٹر میں مسائل کی ذمہ دار سابقہ حکومتیں ہیں،ماضی میں ہیلتھ سیکٹر کے مسائل کو کبھی بھی ترجیحی بنیادوں پرحل نہیں کیا گیا۔

اسلام آباد: معاون خصوصی برائے صحت ڈاکٹر ظفر مرزا نے کہا ہے کہ کرونا سے نمٹنے کا تجربہ پولیو کے خاتمے کے لیے مددگار ثابت ہوگا۔

تفصیلات کے مطابق معاون خصوصی ظفر مرزا نے پولیوانڈیپنڈنٹ مانیٹر نگ بورڈ اجلاس سے خطاب کے دوران کہا کہ کرونا کے اثرات کے باوجود انسداد پولیو مہمات کے لیے بالکل تیار ہیں، پولیو کو شکست دینے کے لیے مزید متحد ہو کر کام کریں گے۔

ڈاکٹر ظفر مرزا کا کہنا تھا کہ مارچ 2020 میں کرونا کیسز کے بعد پولیو مہم روک دی گئی تھی، کرونا سے نمٹنے کا تجربہ پولیو کے خاتمے کے لیے مددگار ثابت ہوگا۔

انہوں نے کہا کہ کرونا سے نمٹنے کے لیے پولیو ورکرز کا کردار قابل تحسین ہے،پولیو کے خاتمے کے لیے افغانستان سے مل کر کام کرنے کی ضرورت ہے۔

معاون خصوصی برائے صحت نے کہا کہ دسمبر2019 اور فروری2020 میں کامیاب انسداد پولیو مہمات کی گئیں، آئی ایم بی کی رہنمائی سے پاکستان سمیت دنیا سے پولیو کا خاتمہ ممکن ہے۔

یاد رہے کہ رواں سال جنوری میں معاون خصوصی برائے صحت ڈاکٹر ظفر مرزا نے سال 2020 کو پولیو کے خاتمے کے لیے اہم سال قرار دیا تھا۔

اسلام آباد: وزیر اعظم کے معاون خصوصی برائے صحت ڈاکٹر ظفر مرزا نے کہا کہ کل سے ڈیکسامیتھاسون کی وافر مقدار پاکستان میں موجود ہوگی۔

تفصیلات کے مطابق اے آروائی نیوز کے پروگرام اعتراض ہے میں معاون خصوصی برائے صحت ڈاکٹر ظفر مرزا نے کہا کہ بنگلہ دیش سے ڈیکسامیتھاسون کی وافر مقدار پاکستان پہنچ جائےگی، کل سے ڈیکسامیتھاسون کی وافر مقدار پاکستان میں موجود ہوگی۔

ظفر مرزا کا کہنا تھا کہ ایک ہیلپ لائن قائم کی ہے جس پر مہنگی دوائی فروخت رپورٹ ہوسکتی ہے،بلیک میں ڈیکسامیتھاسون بیچنے والوں کے خلاف اطلاع دیں کارروائی ہوگی،ہیلپ لائن کا نمبر080003727 ہے جس پر اطلاع دی جاسکتی ہے،ادویات نہ ملنے پر 080003727 پر شکایت کرسکتے ہیں۔

معاون خصوصی برائے صحت نے کہا کہ قلت کے باعث کوئی بھی چیزمہنگی ہوتی ہے کیونکہ ذخیرہ کی جاتی ہے،ذخیرہ اندوز قلت کا فائدہ اٹھا کر بلیک میں فروخت سے فائدہ اٹھاتے ہیں۔

انہوں نے بتایا کہ پاکستان اس وقت پی پی ایز سے متعلق خود کفیل ہوچکا ہے،پورے پاکستان میں پی پی ایز اسپتالوں میں پہنچا رہے ہیں،
پی پی ایز کا غلط اور بےدریغ استعمال ایک بڑا ایشو ہے۔

ڈاکٹر ظفر مرزا کا کہنا تھا کہ این95 ماسک ہر شخص کو استعمال نہیں کرنا چاہیے،جو لوگ کرونا مریضوں سے ڈیل کرتے ہیں وہ این 95 استعمال کریں۔

انہوں نے کہا کہ ملک بھر میں کہیں بھی اس وقت وینٹی لیٹرز کی کمی نہیں،بڑے اسپتالوں میں مریضوں کا دباؤ ہے،اسپتالوں میں بیڈز کم ہوئے جسے بڑھا رہے ہیں۔

اسلام آباد: معاون خصوصی برائے صحت ڈاکٹر ظفر مرزا نے کہا کہ اس عید میں عوام ایک دوسرے سے گلے نہ ملیں۔

تفصیلات کے مطابق وفاقی دارالحکومت اسلام آباد میں میڈیا سے گفتگو کرتے ہوئے معاون خصوصی ظفر مرزا نے کہا کہ پاکستان میں 24 گھنٹے کے دوران 50 اموات سب سے زیادہ ہیں۔

ظفر مرزا کا کہنا تھا کہ وزیراعظم نے صورت حال کو سامنے رکھ کر لاک ڈاؤن میں نرمی کی تھی،لاک ڈاؤن میں نرمی لوگوں کی زندگی کو آسان بنانے کے لیے کی گئی،کیسز،اموات میں اضافہ لاک ڈاؤن میں نرمی کے دوران ہوا۔

انہوں نے کہا کہ رمضان میں مساجد کے لیے ایس او پیز پر کچھ عمل ہوا کچھ نہیں ہوا،جمعتہ الوداع کے موقع پر بھی ایس او پیز پر عملدرآمد کیا جائے،کوشش کریں جمعتہ الوداع سمیت دیگر نماز گھر پر ادا کریں، 50 سال سے زائد عمر کے لوگ مساجد میں نہ جائیں۔

معاون خصوصی برائے صحت کا کہنا تھا کہ عوام، مارکیٹس،شاپس، ٹرانسپورٹ کے لیے ایس اوپیز بھی سامنے رکھے گئے،کرونا کے کیسز میں اضافے کے ذمہ دار بھی ہم خود ہیں،سماجی فاصلہ نہیں رکھیں گے تو آئندہ دنوں میں صورتحال مزید خراب ہوسکتی ہے۔

ظفر مرزا نے کہا کہ نماز عید کے موقع پر ایس او پیر کا خیال رکھیں اور بہتر ہے نماز گھر پر ہی پڑھیں، اس عید پر گلے نہ ملیں اور دور رہ کر ایک دوسرے کو مبارکباد دیں۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ جن بارڈرز کو بند کیا انہیں کھولنے سے پہلے مضبوط حکمت عملی بنانی ہے۔

تفصیلات کے مطابق قومی رابطہ کمیٹی کے اجلاس کے بعڈ ڈاکٹر مرزا نے گفتگو کرتے ہوئے کہا کہ اجلاس میں کرونا وائرس کے سبب پیش آنے والی صورت حال پر تفصیلی غور ہوا۔

اجلاس میں قومی سلامتی کمیٹی کے فیصلوں پر عملدرآمد کا جائزہ لیاگیا، قومی سلامتی کمیٹی اجلاس کے فیصلوں پر فوری عملدرآمد ہوگیا ہے۔ انہوں نے کہا کہ مغربی سرحدیں بند کر دیں، ایئرپورٹس پرخصوصی انتظامات کیےگئے ہیں، جن بارڈرز کو بند کیا انہیں کھولنے سے پہلے مضبوط حکمت عملی بنانی ہے۔

ڈاکٹر ظفر مرزا کا کہنا تھا کہ کروناوائرس سے متعلق عوامی آگاہی مہم کی تشہیر کا فیصلہ کیا، مہم سے متعلق وزارت اطلاعات ،آئی ایس پی آر حکمت عملی مرتب کرچکے ہیں۔

معاون خصوصی برائے صحت کا کہنا تھا کہ پاکستان میں کروناوائرس کے 30 کیسز مشتبہ ہیں، مشتبہ کیسز کے ٹیسٹ کیے جا رہے ہیں۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ یہ ایک قومی کاز ہے، ہم سب کو مل کر اپنی عوام کو تحفظ فراہم کرنا ہے۔

تفصیلات کے مطابق معاون خصوصی برائے صحت ڈاکٹر ظفر مرزا کی زیر صدارت کرونا وائرس سے بچاؤ کے لیے جائزہ اجلاس ہوا جس میں کرونا وائرس سے نمٹنے کے لیے قومی ایکشن پلان کے تحت اقدامات کا جائزہ لیا گیا۔

اجلاس میں ویڈیو کانفرنس کے ذریعے صوبوں کے وزرائے اعلیٰ، ہیلتھ منسٹرز، چیف سیکریٹریز اور ہیلتھ سیکریٹریز نے شرکت کی۔

اس موقع پر ڈاکٹر ظفر مرزا کا کہنا تھا کہ وفاق، صوبائی حکومتیں مل کر مشترکہ حکمت کے تحت کام کر رہی ہیں، عوام کو تحفظ دینے کے لیے ہنگامی بنیادوں پر مؤثر اقدامات کر رہے ہیں۔

معاون خصوصی برائے صحت نے کہا کہ یہ ایک قومی کاز ہے، ہم سب کو مل کر اپنی عوام کو تحفظ فراہم کرنا ہے، عوام کے تحفظ کے لیے ہر ممکن اقدامات اور وسائل کو بروئے کار لائیں گے۔

انہوں نے کہا کہ کوئٹہ میں کرونا وائرس کی تشخیص کی سہولت فراہم کر دی ہے، موبائل ہیلتھ لیبارٹری کوئٹہ روانہ کر دی ہے، کوئٹہ میں قائم پبلک لیبارٹری کو تمام سہولیات سے آراستہ کر دیا ہے۔

ظفر مرزا کا کہنا تھا کہ طبی ٹیم ایران سے آنے والے مسافروں سے رابطہ، نگرانی کو یقینی بنائے، شوکت خانم اسپتال کو کرونا کی تشخیص کی مزید کٹس فراہم کر دیں ہیں۔

انہوں نے مزید کہا کہ ملتان میں بھی ادارہ صحت تشخیص کی سہولت فراہم کرنے میں تعاون کرے گا، گلگت بلتستان کے لیے قومی ادارہ صحت کی ماہرین کی ٹیم اتوار کو روانہ ہوگی۔