ARYNews.tv | Urdu – Har Lamha Bakhabar

Tag: معاون خصوصی ڈاکٹر شہباز گل

  • ‘کرپشن کیس کے چالان میں ہوشربا انکشافات، شہباز شریف کا بچنا مشکل’

    ‘کرپشن کیس کے چالان میں ہوشربا انکشافات، شہباز شریف کا بچنا مشکل’

    لاہور: معاون خصوصی ڈاکٹر شہباز گل کا کہنا ہے کہ شہبازشریف کے کرپشن کیس کے چالان میں ہوشربا انکشافات سامنے آئے ، اس کیس میں شہباز شریف کے بچنے کے چانسز صفر ہیں۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ اور رسیدیں مل گئیں ، شہبازشریف کے کرپشن کیس کے چالان میں ہوشربا انکشافات سامنے آئے کہ کس طرح گجرات کی خوبصورتی کے لیےاورنگزیب کو ٹھیکہ دیا ، اورنگزیب بٹ سے 50 لاکھ بطوررشوت بے نامی اکاؤنٹ میں وصول کیے، رشوت وصولی کے اب ثبوت بھی موجود ہیں اور بٹ مان چکے ہیں کہ پیسہ انہوں نے دیا۔

    ڈاکٹرشہبازگل کا کہنا تھا کہ کیس میں شہباز شریف کے بچنے کے چانسز صفر ہیں، ایک ایک ٹرانزیکشن تمام ثبوتوں کے ساتھ چالان کا حصہ ہے۔

    معاون خصوصی نے مزید کہا کہ کوئی ٹھیکے دار چھوڑا اور نہ موچی نائی مالی کلرک چوکیدار، سب کو اپنی لوٹ مار کے لیے استعمال کیاگیا، اس قدر لوٹ مار کی اب عدالت میں سوائےکہانیاں سنانے کےاورجواب نہیں۔

    یاد رہے شہباز شریف خاندان منی لانڈرنگ کیس میں ہم دستاویزات سامنے آئی تھیں ، جس کے مطابق صرف دس ملازمین کے اکاؤنٹس میں 7ہزار 404ملین موصول ہوئے۔

    دستاویزات میں بتایا گیا تھا کہ ملازمین کو شہباز شریف خاندان کےبےنامی داروں کےطورپر استعمال کیاگیا۔

  • ‘عمران خان نے اوورسیز پاکستانیوں سے کیا وعدہ پورا کردیا’

    ‘عمران خان نے اوورسیز پاکستانیوں سے کیا وعدہ پورا کردیا’

    اسلام آباد : معاون خصوصی ڈاکٹر شہباز گل کا کہنا ہے کہ عمران خان نے اوورسیز پاکستانیوں سے کیا وعدہ پورا کردیا اور بیرون ملک میں کام کرنیوالے محنت کش کو آج ووٹ کا حق مل گیا۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ آج عمران خان نے وہ کر دکھایا جو کسی نے سوچا بھی نہ تھا، اب اگلا الیکشن الیکٹرونک ووٹنگ مشین پر ہو گا اور سمندر پار پاکستانی دنیا کہ کسی بھی حصے سے ووٹ ڈال سکیں گے، تمام مافیا کی مخالفت کے باوجود عمران خان نے یہ کر دکھایا ، خان کے سمندر پار پاکستانی زندہ باد

    شہباز گل نے صحافیوں سے گفتگو کرتے ہوئے اوورسیز پاکستانیوں کو مبارکباد دیتا ہوں ، بیرون ملک میں کام کرنیوالے محنت کش کو آج ووٹ کا حق مل گیا ، عمران خان نے اوورسیز پاکستانیوں سے کیا وعدہ پورا کردیا۔

    معاون خصوصی کا کہنا تھا کہ احسن اقبال کہتے تھے بیرون ممالک بیٹھےپاکستانی کوحالات معلوم نہیں، مشکلات کے باوجود آج الیکٹرانک ووٹنگ اور اوورسیزکوحق مل گیا۔

    انھوں نے کہا کہ سمندرپار پاکستانی ہونے کے ناطے میں بہت خوش ہوں، ای وی ایم کا استعمال بہت بڑی خوشخبری ہے۔

  • پاکستان کورونا سے جنگ جیتنے کیساتھ معاشی بحالی کی جانب بھی رواں دواں

    پاکستان کورونا سے جنگ جیتنے کیساتھ معاشی بحالی کی جانب بھی رواں دواں

    لاہور : معاون خصوصی ڈاکٹر شہباز گل کا کہنا ہے کہ وطن عزیز کورونا سے جنگ جیتنےکیساتھ معاشی بحالی کی جانب بھی رواں دواں ہے، ملک ترقی کرے گا اور ریاست پر سیاست کو ترجیح دینے والے دیکھیں گے۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ جون2020میں برآمدات 1.599 ارب ڈالر اضافہ ہوا تھا اور جون2021میں برآمدات 1.130ارب ڈالر اضافہ کے ساتھ 2.729ارب ڈالرتک پہنچ گئیں، جون میں مجموعی برآمدات میں70.67فیصداضافہ ریکارڈ ہوا۔

    شہبازگل کا کہنا تھا کہ معیشت کے جعلی افلاطون آئے روز بھاشن بازی کیلئے آن وارد ہوتے ہیں ، انہی نالائقوں نے معیشت کو دگرگوں حالت میں پہنچایا تھا، وطن عزیز کورونا سے جنگ جیتنےکیساتھ معاشی بحالی کی جانب بھی رواں دواں ، ملک ترقی کرے گا اور ریاست پر سیاست کو ترجیح دینے والے دیکھیں گے۔

  • ‘لندن میں نوازشریف کی پاکستان کے خلاف ہرزہ سرائی کرنے والے سے ملاقات ‘

    ‘لندن میں نوازشریف کی پاکستان کے خلاف ہرزہ سرائی کرنے والے سے ملاقات ‘

    لاہور : معاون خصوصی ڈاکٹر شہباز گل کا کہنا ہے کہ لندن میں نوازشریف نے پاکستان کے خلاف ہرزہ سرائی کرنے والے سے ملاقات کی، ذرائع سے معلوم ہوا ہے ملاقات میں مسٹرمحب مودی کا خاص پیغام لائے۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا ہے کہ لندن میں نوازشریف اور افغان سیکیورٹی ایڈوائزر کی ملاقات ہوئی، نوازشریف نے پاکستان کے خلاف ہرزہ سرائی کرنے والے سے ملاقات کی، ملاقات سے کیا واضح نہیں ہوتا کہ نوازشریف کا ایجنڈا کیا ہے؟

    شہبازگل کا مزید کہنا تھا کہ ذرائع سے معلوم ہوا ہے ملاقات میں مسٹرمحب مودی کاخاص پیغام لائے، کشمیر کے الیکشن کے نتائج کو متنازعہ بنایا جائے گا، آزاد کشمیر اور مقبوضہ کشمیر کے الیکشنز کو ایک سا دکھانے کی کوشش ہوگی، ملاقات اسی منافقانہ ایجنڈے پر ہوئی۔

  • وزیراعظم کی بہترین پالیسی کی بدولت برآمدات کا شعبہ ریکارڈ قائم کرنے لگا

    وزیراعظم کی بہترین پالیسی کی بدولت برآمدات کا شعبہ ریکارڈ قائم کرنے لگا

    لاہور : معاون خصوصی ڈاکٹر شہباز گل کا کہنا ہے کہ وزیراعظم کی بہترین پالیسی کی بدولت برآمدات کاشعبہ ریکارڈ قائم کررہا ہے ، تاریخ میں پہلی مرتبہ امریکا کو پاکستانی برآمدات 5 ارب ڈالرز سے تجاوز کرگئیں۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا ہے کہ وزیراعظم کی بہترین پالیسی کی بدولت برآمدات کاشعبہ ریکارڈ قائم کررہا ہے، مالی سال2021میں امریکاکیلئےبرآمدات39فیصداضافےسے5.2 ارب ڈالرہوگئیں جبکہ مالی سال 2020 کے دوران امریکا کیلئے برآمدات3.7ارب ڈالر تھیں ، تاریخ میں پہلی مرتبہ امریکاکوہماری برآمدات 5ارب سےتجاوزکرگئیں۔

    ڈاکٹر شہباز گل کا کہنا تھا کہ 2021میں بینکوں کی آٹوفنانسنگ41 فیصد اضافے سے297.5 ارب پرپہنچ گئیں، ایک جانب ملک ترقی کی راہ پر گامزن ہے، کاروبار اور معیشت کے حوالے سے مثبت خبریں آرہی ہیں اور دوسری جانب کرپٹ اپوزیشن عوام کے منورنجن میں مصروف ہے۔

  • ‘سندھ سے پیسہ ایان علی کے ذریعے بیرون ملک جاتا تھا’

    ‘سندھ سے پیسہ ایان علی کے ذریعے بیرون ملک جاتا تھا’

    کراچی : معاون خصوصی ڈاکٹر شہباز گل نے سندھ حکومت پر کڑی تنقید کرتے ہوئے کہا سندھ سے پیسہ ایان علی کے ذریعے بیرون ملک جاتا تھا،کیاسندھ کےعوام لاوارث ہیں؟ہم ان کیلئے آواز اٹھائیں گے۔

    تفصیلات کے مطابق معاون خصوصی ڈاکٹر شہباز گل نے میڈیا سے گفتگو کرتے ہوئے کہا ہے کہ تحریک انصاف کی حکومت سندھ کی ترقی کیلئے اقدامات کررہی ہے ، بلاول نے وفاقی حکومت پرالزام لگا یا وفاق ٹیکس حاصل کرنے میں ناکام رہا ، وفاق کےٹیکس کی بلاول کوکیوں ضرورت پڑی؟ وفاقی ٹیکس کا57.5فیصدصوبوں کوملناہوتا ہے۔

    شہبازگل کا کہنا تھا کہ ہمیں اچھی طرح سے پتہ ہے آپ پرچی چیئرمین ہیں، انہوں نےپچھلےسال ٹیکس 182ارب حاصل کرناتھامگر105ارب حاصل کئے، پنجاب میں ہم نے27فیصدٹیکس کاہدف بڑھایا،ڈاکٹرشہبازگل

    معاون خصوصی نے سندھ حکومت پر تنقید کرتے ہوئے کہا کہ سندھ سے پیسہ ایان علی کے ذریعے بیرون ملک جاتا تھا، گزشتہ سال سندھ حکومت نے128  ارب کا ٹیکس ہدف رکھا لیکن سندھ حکومت ٹیکس ہدف ہی عبور نہ کرسکی۔

    ان کا کہنا تھا کہ اس طرح ڈاکو چور ملک کو نہیں چلاتے جس طرح آپ چلا رہے ہیں، کیاسندھ کےعوام لاوارث ہیں؟ہم ان کیلئےآوازاٹھائیں گے، اپوزیشن ہوتی کس لیے ہے،اپوزیشن بجٹ پریہ چیزیں سامنےلاتی ہے۔

    ڈاکٹر شہباز گل نے کہا کہ عوامی نمائندے سندھ کےعوام کوجوابدہ ہیں، حلیم عادل شیخ، فردوس شمیم نقوی سندھ کےسینئرپارٹی ممبران ہیں، پنجاب میں کیا ہورہا ہے، سب کی وضاحت دے چکے ہیں، 27ہزاراسکولوں کواپ گریڈ کیا جارہا ہے۔

    معاون خصوصی کا مزید کہنا تھا کہ سندھ کےبجٹ اوربلاول بھٹو پربات کرنا ضروری ہے، بلاول بھٹو زرداری کو گدھے بہت پسند ہیں، اسکول، اسپتال اور تھانے تک میں گدھے بندھے ہوئے ہیں۔

    انھوں نے بتایا کہ ترقیاتی اسکیمیں ایک سو پچپن ارب کی دی تھیں، پراجیکٹس پر صرف 100 ارب روپے خرچ کیے، پچھلے سال سندھ حکومت کے پاس کیش 30 ارب تھا، انکے دھندے ہی کیش پر چلتےہیں۔

    ڈاکٹر شہباز گل کا کہنا تھا کہ 35ارب انکے اکاؤنٹ میں مزید آگئے ہیں، کتے کے کاٹنے کی ویکسین انہی پیسوں سے خرید لیتے، جب پیسے موجودہیں تو عوام پر کیوں نہیں لگائے، ایان علی ایکسپریس بھی کراچی ایئرپورٹ سےچلا کرتی تھی، جب پکڑی جاتی تو کسی اور کے پیسے کا اقرار کیا جاتا تھا۔

    معاون خصوصی نے کہا کہ احساس پروگرام کے تحت حکومت نے غریبوں کی بھرپور مدد کی، وفاق نے 7سو ارب سبسڈی دی،صوبے نے 12 ارب دیے، ٹرانسپورٹ  کے لئے 539 ملین رکھے گئے،خرچ 311ملین ہوئے، پنجاب میں 5ارب رکھے گئے ،3ارب خرچ کئے گئے، پنجاب میں میٹرو کی سبسڈی 10ارب ہے ، سب سے زیادہ تکلیف سندھ اورکراچی والوں کو ہے، سندھ حکومت نے پیسے لیکر ویکسین لگادی۔

  • پی ڈی ایم کے لیے بری خبریں آگئیں

    پی ڈی ایم کے لیے بری خبریں آگئیں

    لاہور: معاون خصوصی ڈاکٹر شہباز گل نے پی ڈی ایم کو بری خبریں سناتے ہوئے کہا برآمدات اور سمندر پار پاکستانی کی طرف سے زرمبادلہ کی ترسیل بڑھنے لگی ،مہنگائی میں کمی کے ساتھ پھل سبزیاں سستی ہوئی، ہر دن پاکستان بہتری کی طرف گامزن ہے۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ پی ڈی ایم کےلیے اور بھی بری خبریں آگئیں ، ایک جنوبی افریقہ سے ٹیسٹ سیریز جیتنے کےبعدکرکٹ ٹیم کی رینکنگ میں اضافہ ہوا جبکہ دوسری برآمدات اورسمندر پار پاکستانی کی طرف سے زرمبادلہ کی ترسیل بڑھنے لگی ، روپیہ مہنگا اور ڈالر سستا ، مہنگائی میں کمی کے ساتھ پھل سبزیاں سستی ہوئی۔

    ڈاکٹر شہباز گل کا کہنا تھا کہ کسان کا گنا وقت پر فروخت ہورہا ہے اور قیمت بھی اداکی جارہی ہے ، نئی انڈسٹری میں اضافہ ہورہا ہے۔عالمی اداروں کی ڈیموکریسی انڈکس میں پاکستان کی رینکنگ میں 7 درجے بہتری آئی۔

    انھوں نے مزید کہا کہ قبضہ مافیا سےہزاروں کنال زمیں واگزار کروائی گئی ، ہر دن پاکستان بہتری کی طرف گامزن ہے۔

  • ‘کل جلسے کے بعد ن لیگ سمیت پی ڈی ایم کا جھوٹا پروپیگنڈا انجام کو پہنچا’

    ‘کل جلسے کے بعد ن لیگ سمیت پی ڈی ایم کا جھوٹا پروپیگنڈا انجام کو پہنچا’

    لاہور : معاون خصوصی ڈاکٹر شہباز گل کا کہنا ہے کہ کل جلسے کے بعدن لیگ سمیت پی ڈی ایم کا جھوٹا پروپیگنڈا انجام کوپہنچا، 10 بھینسوں سے شہباز شریف ارب پتی بن گئے تو عوام کیوں نہیں۔

    تفصیلات کے مطابق معاون خصوصی سیاسی ابلاغ شہباز گل نے مریم اورنگزیب کے بیان پر ردعمل دیتے ہوئے کہا کل جلسے کے بعدن لیگ سمیت پی ڈی ایم کا جھوٹا پروپیگنڈاانجام کوپہنچا، عوام آپکو آپکے ملک دشمن بیانیے کو مسترد کر چکی ہے ، عوام کا سودا کرنیوالے جعلی لیڈر مسیحائی کے دعویدار بن رہے ہیں۔

    ڈاکٹر شہباز گل کا کہنا تھا کہ ان کا ملک دشمن بیانیہ زورپکڑتاجارہاہے، عوام اور جمہوریت کےپاسدار ہم ہیں، معیشت کو دیوالیہ کرنیوالی ن لیگ معیشت پربھاشن بند کرے، ملک کابلندترین خسارہ 19ارب 19کروڑ50لاکھ ڈالرزچھوڑکرجانیوالےآپ تھے، معیشت کو آپکے جعلی وزیر خزانہ نے8ارب ڈالر خزانےسے نکال کر تباہ کیا۔

    معاون خصوصی نے کہا کہ اوپر سب اچھا دکھانے کے لیے ڈالر کو مصنوئی طریقے سے روکے رکھا گیا ، اپنی نااہلی چھپانے کیلئے خزانے کو 8 ارب ڈالر ا ٹیکا لگایا گیا، 2013میں اسٹیبل ریٹڈمعیشت کو2018 میں منفی ریٹنگ میں پہنچایا۔

    ان کا کہنا تھا کہ عمران خان نے عوام کو انکے حق کیلئے لڑنا سکھایا، تمام عوامی حقوق جن پر آپ طعنےکس رہی ہیں عوام کوملیں گے، کرپٹ ٹولے کی خواہش ہے عمران خان ناکام ہوں ، مگرہر بار کی طرح اس بار بھی ناکامی آپ کا مقدر ہوگی۔

    شہباز گل نے کہا کہ انڈوں کی بات وہ کرنیوالی محترمہ نے سر سے انڈے گھما کر غلامی کا عہدہ پایا، جب کٹوں کو دینےکی بات ہو تو ضروری نہیں کہ آپکے ریلو کٹوں کا ذکر ہو۔

    معاون خصوصی کا کہنا تھا کہ شہبازشریف نے نیب کو بتایا 10بھینسوں کے دودھ سے 1کروڑ منافع ہوا، شریف ڈیری فارم کی 10بھینسوں سےچھوٹےمیاں ارب پتی بن گئے تو عوام کیوں نہیں۔

  • عمران خان کی قیادت میں پاکستان ترقی کی راہ پر گامزن

    عمران خان کی قیادت میں پاکستان ترقی کی راہ پر گامزن

    لاہور : معاون خصوصی ڈاکٹر شہباز گل کا کہنا ہے کہ عمران خان کی قیادت میں پاکستان ترقی کی راہ پرگامزن ہیں، کرنٹ اکاؤنٹ،بجٹ سرپلس رہا ، روپے کی قدر میں اضافہ اور زر مبادلہ کےذخائر بڑھ رہےہیں۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ پر اپنے پیغام میں کہا کہ عمران خان کی قیادت میں پاکستان ترقی کی راہ پرگامزن ہیں ، مالیاتی سال کی پہلی سہ ماہی میں کرنٹ اکاؤنٹ،بجٹ سرپلس میں رہا، بڑی صنعتوں کی پیداوارمیں اضافہ ہورہا ہے۔

    شہباز گل کا کہنا تھا کہ اسٹاک مارکیٹ بڑھ رہی ہے، روپےکی قدرمیں اضافہ ہورہاہے، زر مبادلہ کےذخائر بڑھ رہےہیں اورقرضوں میں کمی آرہی ہے جبکہ محصولات میں اضافہ،آئی پی پی کیساتھ مذاکرات ہوئے۔

    معاون خصوصی نے مزید کہا کہ کوروناسےکامیابی سےنمٹنا،میگامعاشی پیکجزدئیےگئے، تعمیراتی سرگرمیوں میں اضافہ،سیمنٹ اوراسٹیل کی فروخت بڑھی ، بر آمدات میں اضافہ ہوا،کامیاب سفارتکاری ہوئی جبکہ اینٹی منی لانڈرنگ اورایف اےٹی ایف سےمتعلق بلزکی منظوری ہوئی اور ترسیلات زرمیں اضافہ،گاڑیوں ،موٹرسائیکل کی فروخت میں اضافہ ہوا۔

  • ‘واضح ہو گیا حادثات کی اصل وجہ پائلٹس کاغیرذمہ دارانہ رویہ ہے’

    ‘واضح ہو گیا حادثات کی اصل وجہ پائلٹس کاغیرذمہ دارانہ رویہ ہے’

    لاہور : معاون خصوصی ڈاکٹر شہباز گل نے کہا کہ واضح ہو گیاحادثات کی اصل وجہ پائلٹس کاغیرذمہ دارانہ رویہ ہے،جب تک موجودہ رویے کلچرکوبدلا نہیں جائے گاہم ایسےہی مرتے رہیں گے۔

    تفصیلات کے مطابق معاون خصوصی ڈاکٹر شہباز گل نے کراچی طیارہ حادثے کی تحقیقاتی رپورٹ سامنے آنے کے بعد اپنے بیان میں کہا واضح ہو گیا حادثات کی اصل وجہ پائلٹس کاغیرذمہ دارانہ رویہ ہے، کئی چیزوں میں توٹریننگ کی کمی ہے لیکن اصل مسئلہ مغروررویےکا ہے، جیسی بھی غلطی کریں پالپاان کو ہر صورت پروٹیکٹ کرتاہے۔

    ڈاکٹر شہباز گل کا کہنا تھا کہ جب تک موجودہ رویے کلچرکوبدلا نہیں جائے گاہم ایسےہی مرتے رہیں گے، جب غلطی پکڑی جاتی ہے تو یونین آ جاتی ہے بچانے، جعلی ڈگریاں جعلی لائسنس اورپھر بھی ضعم ایساکہ ہم دنیا سے بیسٹ ہیں، ہمیں غلطی پرسزائیں دینی ہوں گی، ہر مافیا جو اس میں رکاوٹ بنے اسے اگنور کریں۔

    یاد رہے وفاقی وزیر غلام سرور خان نے قومی اسمبلی میں کراچی طیارہ حادثے کی عبوری تحقیقاتی رپورٹ پیش کی ، جس میں بتایا کہ کہ طیارہ حادثے میں ایئرکنٹرول ٹاوراورپائلٹ دونوں کی کوتاہی ہے، پائلٹ اور کوپائلٹ کے اوور کانفیڈنس سے حادثہ ہوا۔

    غلام سرور خان کا کہنا تھا کہ پائلٹ کئی سوانسانوں کو لیکر ہوا میں اڑتا ہے،اسے بھی سیاسی بنیاد پر بھرتی کرایا جاتا ہے، 262 افراد ایسے تھے، جن کی جگہ کسی اور نے امتحانات دیے ،یہ بدقسمتی ہے، افسوس زیادہ اس بات کا ہے جعلی ڈگریاں اور جعلی لائسنس بھی بنوا کر دیے گئے۔