ARYNews.tv | Urdu – Har Lamha Bakhabar

Tag: معاون خصوصی

  • پنجاب حکومت کے لائیو اسٹاک سیکٹر کے لیے اہم اقدامات

    پنجاب حکومت کے لائیو اسٹاک سیکٹر کے لیے اہم اقدامات

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان نے لائیو اسٹاک سیکٹر کے لیے اقدامات کی تفصیلات شیئر کردیں، ان کے مطابق دیہی خواتین کو لائیو اسٹاک کے بارے میں آگاہی فراہم کرنے کے لیے 50 سے زائد تربیتی پروگرام مکمل کیے گئے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ماضی کے حکمران مفید جانوروں کی افزائش نسل کے بجائے اپنے اکاؤنٹس اور جائیدادوں کی افزائش کرتے رہے۔

    معاون خصوصی کا کہنا تھا کہ ظالموں نے نہ فصلوں کو بخشا اور نہ جانوروں کی نسلوں کو، بزدار حکومت لائیو سٹاک سیکٹر سے جڑے لاکھوں افراد کی خدمت اور سہولیات کی فراہمی کے لیے دن رات کوشاں ہے۔

    فردوس عاشق اعوان نے لائیو اسٹاک سیکٹر کے لیے اقدامات کی تفصیلات شیئر کردیں جن میں مندرجہ ذیل اقدامات شامل ہیں۔

    دیہی خواتین کو لائیو اسٹاک کے بارے میں آگاہی فراہم کرنے کے لیے 50 سے زائد تربیتی پروگرام مکمل، کٹرا بچاؤ پروگرام کے تحت 9 ہزار 940 کٹروں کی رجسٹریشن، کٹرا فربہ پروگرام کے لیے 13 ہزار جانوروں کی رجسٹریشن۔

    ان میں گائے، بھینسوں اور مرغیوں میں پائی جانے والی بیماریوں کے تدارک کے لیے لائیو اسٹاک پاپولیشن کو مفت حفاظتی ٹیکوں کی فراہمی، مویشی پالنے والے افراد کی کپیسٹی بلڈنگ کے لیے موبائل ویٹرنری ڈسپنسریز، موبائل ٹریننگ اسکول بسز اور ویٹرنری ہسپتالوں کے لیے اہداف شامل ہیں۔

    لائیو اسٹاک سیکٹر سے جڑی کاروباری سرگرمیوں اور برآمدات کے بین الاقوامی معیار کو یقینی بنانے کے لیے اقدامات، مٹن کی پیداوار بڑھانے کے سلسلے میں بھیڑ اور بکریوں کے لیے ویکسین کی فراہمی، ویٹرنری اداروں میں الٹرا سونو گرافک اور سرجیکل سہولیات کی فراہمی بھی شامل ہیں۔

    معاون خصوصی کے مطابق لائیو اسٹاک سیکٹر میں جدت اور بہتری کے لیے بزدارحکومت نے جو انقلابی اقدامات کیے ان میں لائیو اسٹاک پالیسی اور اینیمل ہیلتھ ایکٹ 2020 کا اجرا، ہیلپ لائن 78686-0800 کی تجدید، اسمارٹ ایپ کے ذریعے مانیٹرنگ، کسانوں کی آگاہی کے لیے ریڈیو سیشنز اور مرغبانی کے فروغ کے لیے 3 ہزار 180 پولٹری یونٹس کی تقسیم بھی شامل ہے۔

  • اسمبلیوں سے استعفے کی باتیں کرنے والوں کی عقل استعفے دے چکی: فردوس عاشق اعوان

    اسمبلیوں سے استعفے کی باتیں کرنے والوں کی عقل استعفے دے چکی: فردوس عاشق اعوان

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ اسمبلیوں سے استعفے کی باتیں کرنے والوں کی عقل استعفے دے چکی ہے، پی ڈی ایم ملک کے گلی کوچوں میں دربدر رسوائی سمیٹ رہی ہے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہوسِ اقتدار میں اندھی ٹوٹی فروٹی کے رنگوں پر مشتمل ٹوٹی پھوٹی پی ڈی ایم فضل الرحمٰن کی قیادت میں جھوٹ، جھوٹ اور صرف جھوٹ کو آخری سہارا مانتی ہے۔

    معاون خصوصی کا کہنا تھا کہ پی ڈی ایم ملک کے گلی کوچوں میں دربدر رسوائی سمیٹ رہی ہے، دنیا پاکستانی معیشت کی معترف جبکہ فضل الرحمٰن اور اچکزئی افغانستان کے سحر سے نکل نہیں پا رہے۔

    انہوں نے کہا کہ اسمبلیوں سے استعفے کی باتیں کرنے والوں نے استعفے تو نہ دیے البتہ ان کی عقل استعفے دے چکی ہے۔

    معاون خصوصی کا مزید کہنا تھا کہ قومی سلامتی کے اداروں، دوست ممالک اور پاک چین اقتصادی راہداری سے متعلق منفی پروپیگنڈا شکست خوردہ پی ڈی ایم کی مسلسل ناکامیوں اور عوام کی جانب سے ان کو ملے زخموں کا نتیجہ ہے۔

  • نواز شریف واپس نہ آ کر عدالتی حکم کی خلاف ورزی کر رہے ہیں: شہزاد اکبر

    نواز شریف واپس نہ آ کر عدالتی حکم کی خلاف ورزی کر رہے ہیں: شہزاد اکبر

    اسلام آباد: وزیر اعظم کے معاون خصوصی برائے احتساب شہزاد اکبر کا کہنا ہے کہ لاہور ہائیکورٹ نے ذاتی انڈر ٹیکنگ پر نواز شریف کو جانے کی اجازت دی تھی، نواز شریف اور شہباز شریف اس وقت عدالتی حکم کی خلاف ورزی کر رہے ہیں۔

    تفصیلات کے مطابق وزیر اعظم عمران خان کے معاون خصوصی برائے احتساب شہزاد اکبر نے پریس کانفرنس کرتے ہوئے کہا کہ شریفوں کے جھوٹ اور جھوٹوں کی داستان از سر نو ثابت ہوگئی، نواز شریف نے قوم کے ساتھ تواتر سے جھوٹ بولے، پاناما کیس سے نواز شریف سرٹیفائیڈ جھوٹے قرار پائے۔

    شہزاد اکبر کا کہنا تھا کہ ایک بیانیہ گھڑا گیا کہ کرپشن پر نہیں اقامے پر نکالا گیا، نواز شریف کو کرپشن اور منی لانڈرنگ پر ہی نکالا گیا ہے۔ عمران خان پبلک آفس ہولڈر نہیں تھے پھر بھی منی ٹریل دی۔

    انہوں نے کہا کہ میڈیا ٹرائل تہمت اور جھوٹ بولنے پر ہوتا ہے، ہم ایک ایک لفظ تصدیق کے ساتھ بولتے ہیں، ان کا میڈیا ٹرائل میں نے کیا ہے تو مجھے عدالت لے جائیں۔ تحریک انصاف میں جو بھی پیسہ آیا اس کی ٹریل الیکشن کمیشن کو دی، ن لیگ اور پیپلز پارٹی آج تک اپنے ایک ڈونر کا نہیں بتا سکے۔

    شہزاد اکبر کا کہنا تھا کہ احتساب ریڑھی والے یا پان والے کا نہیں بلکہ طاقتور کا ہوتا ہے، ان سے سوال کیا جاتا ہے تو یہ سیاسی انتقام کی باتیں کرتے ہیں۔

    انہوں نے کہ کہ نواز شریف کو واپس لانے کے لیے برطانوی حکومت سے ڈی پورٹیشن کا کہا ہے، نواز شریف کو واپس لانے کے لیے دو طریقہ کار پر کام چل رہا ہے۔ نواز شریف سزا یافتہ ہیں اس لیے حکومت پاکستان کا کیس مضبوط ہے، ڈی پورٹیشن کا معاملہ ابھی دیکھا نہیں گیا، برطانیہ سے بات ہو رہی ہے۔

    شہزاد اکبر کا کہنا تھا کہ ن لیگ کی تمام ٹاپ لیڈر شپ کے پاس اقامے ہیں، براڈ شیٹ چیف سے ایک دو بار مل چکا ہوں، ان سے ملاقات کر کے رقم کم کروانے کی کوشش کی۔ ماضی کے تجربے کی بنیاد پر اب ہم صرف حکومتی سطح پر کام کر رہے ہیں، حکومت پاکستان کا ایسٹ ٹریسنگ کے معاملے پر برطانیہ سے معاہدہ ہے۔ حکومت پاکستان کی کوشش ہے کہ کم سے کم پرائیوٹ فرمز کو استعمال کیا جائے۔

    انہوں نے کہا کہ حکومت نے کچھ وقت کے بعد براڈ شیٹ ایسٹ ٹریسنگ کمپنی سے معاہدہ ختم کیا، ریکوریز ہونے پر براڈ شیٹ ایسٹ ٹریسنگ کمپنی معاہدے کے تحت عدالت گئی، کمپنی نے معاہدے کے تحت 20 فیصد کا مطالبہ کیا، اکتوبر 2009 میں براڈ شیٹ عدالت گئی اس وقت پیپلز پارٹی کی حکومت تھی۔ پاکستان کا دعویٰ تھا کہ براڈ شیٹ نے ہمیں اسسٹنس نہیں دی، سنہ 2016 میں عدالت نے فیصلہ دیا کہ معاہدے کے تحت پاکستان پیسے ادا کرے، ہم حکومت میں آئے تو اپیل فائل کی جو سنہ 2020 تک چلی۔

    شہزاد اکبر کا کہنا تھا کہ براڈ شیٹ نے عدالت میں ایون فیلڈ اپارٹمنٹ پر چارجنگ آرڈر لیا۔ براڈ شیٹ نے عدالت میں کہا ایون فیلڈ اپارٹمنٹ پر پاکستان کا انٹرسٹ ہے، جب تک ہماری رقم ادا نہ ہو تب تک اپارٹمنٹ پر کارروائی نہ ہو۔ براڈ شیٹ نے پاکستان سے رقم ملنے پر چارجنگ آرڈر واپس لیا جس سے کیس ختم ہوا۔

    انہوں نے کہا کہ خواجہ آصف کو اقامے کی بنیاد پر دبئی سے 14 کروڑ روپے تنخواہ ملی ہے، خواجہ آصف وزیر پانی و بجلی رہے پھر وزیر خارجہ بھی بنے، وہ وزارتوں میں رہنے کے ساتھ دبئی کی کمپنی سے تنخواہ لیتے رہے۔ بطور ایم این اے وہ اقامہ کے ذریعے دبئی کے رہائشی بھی تھے۔

    شہزاد اکبر کا مزید کہنا تھا کہ نواز شریف بیماری کے بہانے سے بیرون ملک گئے، روزانہ شام کو نواز شریف کے پلیٹس لیٹس گنوائے جاتے تھے۔ لاہور ہائیکورٹ نے ذاتی انڈر ٹیکنگ پر نواز شریف کو جانے کی اجازت دی تھی۔ نواز شریف اور شہباز شریف اس وقت عدالتی حکم کی خلاف ورزی کر رہے ہیں۔

  • تحریک انصاف حکومت عوامی خدمت اور ترقی کا سفر جاری رکھے گی: فردوس عاشق اعوان

    تحریک انصاف حکومت عوامی خدمت اور ترقی کا سفر جاری رکھے گی: فردوس عاشق اعوان

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ جھوٹوں اور بدعنوانوں کی چیخ و پکار کی پرواہ کیے بغیر تحریک انصاف حکومت عوامی خدمت اور ترقی کا سفر جاری رکھے گی۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ پی ڈی ایم کا کرپٹ ٹولہ سیاہ کرتوتوں سے اپنے منہ پر کالک ملنے کے بعد اب ترقی کی راہ میں رکاوٹ بن رہا ہے۔

    معاون خصوصی کا کہنا تھا کہ اپوزیشن جتنی چاہے ٹپوسیاں لگائے کرپشن اور ڈاکوں کا حساب دینا ہوگا۔ سیاسی کشتی کو ڈوبتا دیکھ کر غداری کے سرٹیفکیٹ بانٹتے فضل الرحمٰن پاکستان کے قیام اور استحکام دونوں کے مخالف ہیں۔

    انہں نے کہا کہ جھوٹوں اور بدعنوانوں کی چیخ و پکار کی پرواہ کیے بغیر تحریک انصاف حکومت عوامی خدمت اور ترقی کا سفر جاری رکھے گی۔

    معاون خصوصی کا مزید کہنا تھا کہ حکومت تحمل کا مظاہرہ کر رہی ہے، مگر کرپشن کے آقاؤں اور ان کی اولادوں کو قانون سے پنجہ آزمائی مہنگی پڑے گی۔

  • زلفی بخاری نے پنشنرز کو خوشخبری سنا دی

    زلفی بخاری نے پنشنرز کو خوشخبری سنا دی

    اسلام آباد: وزیر اعظم کے معاون خصوصی زلفی بخاری کا کہنا ہے کہ ورکرز ویلفیئر فنڈز غریبوں اور مزدوروں کا پیسہ تھا، پیپلز پارٹی نے اپنے دور میں ای او بی آئی میں 350 غیر قانونی بھرتیاں کیں۔ اگلے سال پنشن ساڑھے 8 ہزار سے بڑھا کر 10 ہزار پر لے کر جاؤں گا۔

    تفصیلات کے مطابق وزیر اعظم عمران خان کے معاون خصوصی زلفی بخاری کا کہنا ہے کہ جب ہماری حکومت آئی تو ای او بی آئی کے تحت پینشن 5 ہزار 250 روپے تھی، کوشش ہے کہ اگلے سال پنشن ساڑھے 8 ہزار سے بڑھا کر 10 ہزار پر لے کر جاؤں گا۔

    زلفی بخاری نے کہا کہ پنشنرز کو رقم کی ادائیگی کے لیے پراپرٹیز کا معاملہ 3 سے 4 ماہ میں حل کریں گے۔ یہ غریبوں کا پیسہ ہے، میں باتوں پر نہیں عمل پر یقین کرتا ہوں۔

    خیال رہے کہ ای او بی آئی پنشنرز کی پنشن رواں برس جنوری میں 6 ہزار 500 سے بڑھا کر 8 ہزار 500 کی گئی تھی۔

    ای او بی آئی پنشنرز کو یکم اگست سے سہولت کارڈ بھی دیے گئے تھے جس کے ذریعے یوٹیلٹی اسٹورز پر 10 فیصد ڈسکاؤنٹ حاصل کیا جاسکتا ہے۔

    زلفی بخاری کا مزید کہنا تھا کہ سنہ 2011 میں وفاق اور سندھ میں پیپلز پارٹی کی حکومت تھی، پیپلز پارٹی نے ای او بی آئی کو آئی پی سی کے ماتحت کیا تھا، سعید غنی اپنی پارٹی کے فیصلے کو غلط قرار دے رہے ہیں۔

    انہوں نے کہا کہ 5 سال ان کی حکومت تھی تو انہوں نے یہ مسئلہ کیوں نہیں اٹھایا، سعید غنی نے ای او بی آئی اور ورکرز ویلفیئر فنڈز سے متعلق غلط بات کی۔ انہوں نے سندھ میں کلیکشن کے اندر بھی لوٹ مار کی کوشش کی ہے۔

    زلفی بخاری کا کہنا تھا کہ سی سی آئی کامشترکہ فیصلہ تھا کہ ای او بی آئی کو منتقل کیا جائے، حیران ہوں ڈیڑھ سال بعد ای او بی آئی کے لیے ان کو درد ہو رہا ہے۔ ورکرز ویلفیئر فنڈز کے تحت انہوں نے روات میں ایک پراپرٹی خریدی تھی، اس پراپرٹی کا کیس 2011 سے نیب میں ہے۔ روات کی پراپرٹی 71 لاکھ روپے کی خریدی گئی تھی آج اس کی قیمت 40 لاکھ ہے۔

    انہوں نے کہا کہ ورکرز ویلفیئر فنڈز میں لوٹ مار کی گئی آج تک ان کا حساب نہیں ہوا، ورکرز ویلفیئر فنڈز غریبوں اور مزدوروں کا پیسہ تھا۔ پیپلز پارٹی نے اپنے دور میں ای او بی آئی میں 350 غیر قانونی بھرتیاں کیں۔

    زلفی بخاری کا مزید کہنا تھا کہ ہماری حکومت میں سے کبھی بھی کوئی اسرائیل نہیں گیا، زندگی میں کبھی اسرائیل نہیں گیا نہ ہی مجھے کوئی شوق ہے۔ الزام لگانے والوں کو میرے لندن کے وکلا لیگل نوٹس بھیجیں گے۔

  • پی ڈی ایم کی وجہ سے کرونا وائرس کی وبا میں اضافہ ہوا: فردوس عاشق اعوان

    پی ڈی ایم کی وجہ سے کرونا وائرس کی وبا میں اضافہ ہوا: فردوس عاشق اعوان

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا تھا کہ پی ڈی ایم کی وجہ سے کرونا وائرس کی وبا میں اضافہ ہوا، گزشتہ 24 گھنٹے میں کرونا وائرس کے 500 سے زائد نئے کیسز سامنے آئے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان کا کہنا ہے کہ پنجاب میں 24 گھنٹے میں کرونا وائرس کے 505 نئے کیس سامنے آئے جبکہ 34 مریض جاں بحق ہوئے۔

    فردوس عاشق اعوان کا کہنا تھا کہ پنجاب میں کرونا وائرس مریضوں کی تعداد 1 لاکھ 31 ہزار 933 تک پہنچ گئی، لاہور میں مریضوں کی تعداد 64 ہزار 679 تک بڑھ چکی ہے۔ صوبے میں اب تک کرونا سے 3 ہزار 638 مریض جاں بحق ہوچکے ہیں۔

    انہوں نے کہا کہ پی ڈی ایم کا ٹولہ مکافات عمل کا شکار ہوچکا ہے، ان عناصر کی وجہ سے وبا میں اضافہ ہوا، پی ڈی ایم کی منفی سیاست سکڑ چکی۔ وہ وقت دور نہیں جب پی ڈی ایم میں جوتیوں میں دال بٹے گی۔

    معاون خصوصی کا مزید کہنا تھا کہ لٹیروں، چوروں اور بہروپیوں کا کوئی سیاسی مستقبل نہیں، عوام ایسے عناصر کے جھانسے میں نہیں آئیں گے۔ خدمت کی سیاست کے آگے تخریبی سیاست اپنی موت آپ مر چکی ہے۔

  • ریاست کی رٹ چیلنج کرنے والوں سے آہنی ہاتھوں سے نمٹیں گے: فردوس عاشق اعوان

    ریاست کی رٹ چیلنج کرنے والوں سے آہنی ہاتھوں سے نمٹیں گے: فردوس عاشق اعوان

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ کرونا وائرس جیسی وبا کے دوران عوام کی زندگی خطرے میں نہیں ڈال سکتے، ریاست کی رٹ چیلنج کرنے والوں سے آہنی ہاتھوں سے نمٹیں گے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ریاست کی رٹ چیلنج کرنے والوں سے آہنی ہاتھوں سے نمٹیں گے۔

    معاون خصوصی کا کہنا تھا کہ بزدار حکومت بارہا کہہ چکی ہے کہ کرونا وائرس جیسی وبا کے دوران عوام کی زندگی، پی ڈی ایم کے سیاسی بیروزگاروں کے سپرد کر کے خطرے میں نہیں ڈال سکتے۔

    انہوں نے کہا کہ پی ڈی ایم کے جلسوں کی پرواہ نہیں مگر عوام کی زندگی کا تحفظ ہمیں بلا تفریق مقدم ہے، خواہ وہ کسی بھی جماعت سے ہوں۔

    اس سے قبل گزشتہ روز معاون خصوصی نے اپنے ٹویٹ میں کہا تھا کہ ملک میں ایک طرف کرونا وائرس کے جان لیوا وار جاری ہیں جبکہ دوسری طرف ان حالات میں بھی پی ڈی ایم پر سیاست کا نشہ طاری ہے، خدارا! عوام اور ملک پر رحم کریں۔

    انہوں نے کہا تھا کہ پی ڈی ایم کا ٹولہ کرونا وائرس پھیلانے کا ذمہ دار ہے، مسترد شدہ عناصر کے دلوں میں دکھی انسانیت کے لیے درد نہیں۔ اقتدار کی ہوس میں مبتلا ٹولے کی آنکھوں پر کالی پٹی بندھ چکی ہے۔

  • ملک میں کرونا وائرس کے جان لیوا وار جاری، جبکہ پی ڈی ایم پر سیاست کا نشہ طاری: فردوس عاشق اعوان

    ملک میں کرونا وائرس کے جان لیوا وار جاری، جبکہ پی ڈی ایم پر سیاست کا نشہ طاری: فردوس عاشق اعوان

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ ملک میں ایک طرف کرونا وائرس کے جان لیوا وار جاری ہیں جبکہ دوسری طرف ان حالات میں بھی پی ڈی ایم پر سیاست کا نشہ طاری ہے، خدارا! عوام اور ملک پر رحم کریں۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ صوبہ پنجاب میں کرونا وائرس کے مجموعی کیسز کی تعداد 1 لاکھ 17 ہزار 160 ہوچکی ہے۔

    معاون خصوصی کا کہنا تھا کہ کرونا وائرس سے 2 ہزار 945 افراد جاں بحق ہوچکے ہیں جبکہ صحت یاب افراد کی تعداد 98 ہزار 191 ہوگئی۔

    انہوں نے کہا کہ پنجاب میں گزشتہ روز 18 ہزار 198 کرونا وائرس ٹیسٹ ہوئے جس میں سے 654 کیسز مثبت رپورٹ ہوئے، گزشتہ روز 22 افراد جاں بحق ہوئے۔

    معاون خصوصی کا کہنا تھا کہ ملک میں ایک طرف کرونا وائرس کے جان لیوا وار جاری ہیں جبکہ دوسری طرف ان حالات میں بھی پی ڈی ایم پر سیاست کا نشہ طاری ہے، خدارا! عوام اور ملک پر رحم کریں۔

    انہوں نے کہا کہ پی ڈی ایم کا ٹولہ کرونا وائرس پھیلانے کا ذمہ دار ہے، مسترد شدہ عناصر کے دلوں میں دکھی انسانیت کے لیے درد نہیں۔ اقتدار کی ہوس میں مبتلا ٹولے کی آنکھوں پر کالی پٹی بندھ چکی ہے۔

    فردوس عاشق اعوان کا کہنا تھا کہ چوروں کا ٹولہ منفی سیاست کے لیے عوام کی زندگی داؤ پر لگا رہا ہے، پی ڈی ایم کی سیاہ کاریاں عوام کے سامنے بے نقاب ہوچکی ہیں، ان عناصر نے اپنے ادوارمیں کرپشن کر کے منہ پر کالک ملی۔

    انہوں نے مزید کہا کہ سیاہ کار آج اپنے کرتوت چھپانے کے لیے ملکی ترقی پر سیاہی ملنا چاہتے ہیں، 22 کروڑ پاکستانی لٹیروں کے جھانسے میں نہیں آئیں گے، اپوزیشن الٹی بھی ہو جائے تب بھی سیدھی طرح لوٹ مار کا حساب دینا ہوگا۔

  • شہباز شریف نے اراکین اسمبلی سے کروڑوں روپے وصول کیے: فردوس عاشق اعوان

    شہباز شریف نے اراکین اسمبلی سے کروڑوں روپے وصول کیے: فردوس عاشق اعوان

    اسلام آباد: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ سابق وزیر اعلیٰ پنجاب شہباز شریف نے اپنے ایم این ایز، ایم پی ایز اور نجی ہاؤسنگ سوسائٹی مالکان سے کروڑوں روپے کی وصولیاں کیں۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ دھیلے کی کرپشن نہ کرنے کے دعوے دار شہباز شریف اپنی ہی پارٹی کے 51 کروڑ 52 لاکھ 71 ہزار روپے کے فنڈز ہڑپ گئے۔

    معاون خصوصی نے لکھا کہ انہوں نے اپنے ایم این ایز، ایم پی ایز اور نجی ہاؤسنگ سوسائٹی مالکان سے کروڑوں روپے کی وصولیاں کیں۔

    انہوں نے مزید کہا کہ دستاویزات کے مطابق سنہ 2010 سے 2015 کے درمیان رقوم شریف گروپ کے ملازم راشد کرامت کی نثار ٹریڈنگ کمپنی اکاؤنٹ میں منتقل ہوئیں۔

    اس سے قبل گزشتہ روز اپنے ٹویٹ میں انہوں نے کہا تھا کہ شکست تسلیم کرنے کے لیے بھی ظرف کی ضرورت ہے، بدترین شکست کے بعد اپوزیشن مانے یا نہ مانے، گلگت بلتستان کے عوام نے فیصلہ عمران خان کے حق میں سنا دیا ہے۔

    معاون خصوصی نے کہا تھا کہ مسترد شدہ راج کماری اور بلاول تاریخی شکست پر ماتم کناں ہیں، کوئی ان کو سمجھائے کہ صرف وہی الیکشن شفاف نہیں ہوتا جس میں آپ جیتیں۔ اب حوصلہ کرو اور ووٹ کو عزت دو۔

  • شکست تسلیم کرنے کے لیے ظرف کی ضرورت ہے: فردوس عاشق اعوان

    شکست تسلیم کرنے کے لیے ظرف کی ضرورت ہے: فردوس عاشق اعوان

    اسلام آباد: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ گلگت بلتستان کے عوام نے عمران خان کے حق میں فیصلہ سنا دیا ہے، اب حوصلہ کرو اور ووٹ کو عزت دو۔ شکست تسلیم کرنے کے لیے بھی ظرف کی ضرورت ہے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ شکست تسلیم کرنے کے لیے بھی ظرف کی ضرورت ہے۔

    معاون خصوصی کا کہنا تھا کہ بدترین شکست کے بعد اپوزیشن مانے یا نہ مانے، گلگت بلتستان کے عوام نے فیصلہ عمران خان کے حق میں سنا دیا ہے۔

    انہوں نے کہا کہ مسترد شدہ راج کماری اور بلاول تاریخی شکست پر ماتم کناں ہیں، کوئی ان کو سمجھائے کہ صرف وہی الیکشن شفاف نہیں ہوتا جس میں آپ جیتیں۔ اب حوصلہ کرو اور ووٹ کو عزت دو۔

    خیال رہے کہ ایک روز قبل ہونے والے گلگت بلتستان کی قانون ساز اسمبلی کے انتخابات کے غیر سرکاری اور غیر حتمی نتائج موصول ہوگئے ہیں، پاکستان تحریک انصاف پہلی، آزاد امیدواروں نے دوسری اور پیپلز پارٹی نے تیسری پوزیشن حاصل کی ہے۔

    گلگت بلتستان کی عوام نے ن لیگ کے بیانیے کو مسترد کر دیا، الیکشن کمیشن کے غیر حتمی اور غیر سرکاری نتائج کے مطابق تحریک انصاف 10 نشستوں کے ساتھ سرفہرست ہے۔