ARYNews.tv | Urdu – Har Lamha Bakhabar

Tag: معاون خصوصی

  • وزیر اعظم عمران خان آنے والی نسل کے لیے کام کر رہے ہیں: فردوس عاشق اعوان

    وزیر اعظم عمران خان آنے والی نسل کے لیے کام کر رہے ہیں: فردوس عاشق اعوان

    لاہور: وزیر اعلیٰ پنجاب کی معاون خصوصی فردوس عاشق اعوان کا کہنا ہے کہ سیاسی غلامی کا نسل در نسل طوق اتار دیا گیا ہے، عمران خان آنے والی نسل کے لیے کام کر رہے ہیں۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی فردوس عاشق اعوان نے حلقہ پی پی 167 میں سیوریج کے منصوبے کا افتتاح کردیا۔

    اس موقع پر معاون خصوصی نے اپنے خطاب میں کہا کہ سیاسی غلامی کا نسل در نسل طوق اتار دیا گیا ہے، کچھ کنیزیں وزیر اعظم پر انگلیاں اٹھا رہی ہیں، کنیزیں راج کماری کی کرپشن کا دفاع کر رہی ہیں۔

    فردوس عاشق اعوان کا کہنا تھا کہ اسمبلی کے اندر یا باہر ہونا عوامی نمائندگی کا معیار نہیں، کچھ سیاسی بونے چند ہزار ووٹ لے کر اسمبلیوں میں پہنچے۔

    انہوں نے کہا کہ 73 سالوں کے گند کی صفائی 2 سال میں نہیں ہو سکتی، عمران خان آنے والی نسل کے لیے کام کر رہے ہیں، مخالفین نے شو بازی والے منصوبے بنائے تاکہ کک بیکس زیادہ ہوں، قرضے لے کر آنے والی نسلوں کو مقروض کیا گیا۔

    فردوس عاشق اعوان کا کہنا تھا کہ عثمان بزدار نے کام کیا اور ڈھول نہیں پیٹا، لاہور کو پیرس بنانے کا دعویٰ کرنے والوں نے اشرافیہ کے لیے منصوبے بنائے۔ مسترد ٹولہ اب چور دروازہ ڈھونڈ رہا ہے، سیاسی مفادات کے لیے ریاست کو داؤ پر نہ لگائیں۔

    انہوں نے کہا کہ اپیل کرتی ہوں کہ کرونا وائرس ایس او پیز پر عمل کریں، آنے والے چند ماہ بہت زیادہ خطرناک ہیں۔

  • نادار طلبا کو وظائف دینے کے لیے وسیلہ تعلیم پروگرام کا آغاز

    نادار طلبا کو وظائف دینے کے لیے وسیلہ تعلیم پروگرام کا آغاز

    اسلام آباد: وزیر اعظم کی معاون خصوصی برائے انسداد غربت ثانیہ نشتر کا کہنا ہے کہ کل وسیلہ تعلیم کے نئے پروگرام کا آغاز ہو چکا ہے، پروگرام کے تحت لڑکیوں کو 2 ہزار اور لڑکوں کو 15 سو روپے ملیں گے۔ یہ پیسے بچوں کو اسکول بھیجنے کے لیے استعمال ہوں گے۔

    تفصیلات کے مطابق وزیر اعظم عمران خان کی معاون خصوصی برائے انسداد غربت ثانیہ نشتر نے پریس کانفرنس کرتے ہوئے بتایا کہ پسماندہ افراد کی ترقی کے لیے احساس پروگرام کے تحت منصوبے شروع کیے، احساس پروگرام میں ڈیجیٹل طریقہ کار اپنایا ہوا ہے۔

    ثانیہ نشتر کا کہنا تھا کہ ہر پروگرام میں ہم نادرا سے رابطہ کرتے ہیں، پروگرام میں حقدار خاتون کا شناختی کارڈ دینے سے تمام تفصیل سامنے آجاتی ہے۔

    انہوں نے کہا کہ کل وسیلہ تعلیم کے نئے پروگرام کا آغاز ہو چکا ہے، پروگرام این جی او کے تحت چل رہا تھا جس میں کارکردگی کا مسئلہ تھا۔ پروگرام سے بدعنوانی اور کرپشن کے خاتمے کے لیے اقدامات کیے ہیں، اب اس بارے میں ہم این جی اوز پر انحصار نہیں کریں گے۔

    ثانیہ نشتر کا کہنا تھا کہ وسیلہ تعلیم کو پورے ملک میں پھیلا رہے ہیں، گزشتہ چند سالوں میں وسیلہ تعلیم کی ٹیم نے بہت محنت کی ہے۔ اب یہ پروگرام مکمل طورپر ڈیجیٹل ہے، وسیلہ تعلیم پروگرام کے تحت وظیفے کی رقم کو بڑھایا گیا ہے۔

    انہوں نے کہا کہ تمام پروگرامز میں شفافیت کو یقینی بنا رہے ہیں، لڑکیوں کو پروگرام کے تحت 2 ہزار اور لڑکوں کو 15 سو روپے ملیں گے۔ یہ پیسے بچوں کو اسکول بھیجنے کے لیے استعمال ہوں گے۔

    معاون خصوصی کا کہنا تھا کہ کل بلوچستان میں وزیر اعظم کو اس پروگرام پر بریفنگ دیں گے، بلوچستان کے تمام اضلاع اس پروگرام میں شامل ہیں، پروگرام سے 4 سے 12 سال کے بچے مستفید ہوں گے۔

    انہوں نے مزید کہا کہ وسیلہ تعلیم کو احساس پروگرام کے دائرہ کار میں شامل کیا گیا ہے، احساس کفالت پروگرام کا دائرہ کار بھی بڑھایا جا رہا ہے۔

  • زلفی بخاری نے اوور سیز پاکستانیوں سے کیا ایک اور وعدہ پورا کردیا

    زلفی بخاری نے اوور سیز پاکستانیوں سے کیا ایک اور وعدہ پورا کردیا

    اسلام آباد: وزارت اوور سیز اور معاون خصوصی زلفی بخاری نے ایک اور وعدہ پورا کرتے ہوئے اوور سیز پاکستانیز فاؤنڈیشن کے ہاؤسنگ پلاٹس پر قابض مافیا کو شکست دے دی۔

    تفصیلات کے مطابق وزیر اعظم عمران خان کے معاون خصوصی زلفی بخاری نے اوور سیز پاکستانیز فاؤنڈیشن (او پی ایف) کا 30 سال پرانا منصوبہ بحال کر دیا جس سے اوور سیز پاکستانیوں کی کروڑوں روپے کی سرمایہ کاری ہمیشہ کے لیے محفوظ ہوگئی۔

    30 سال تک کھٹائی میں پڑنے والا منصوبہ 90 کی دہائی میں شروع کیا گیا تھا، اوور سیز پاکستانیوں کو بھاری سرمایہ کاری کے باوجود پلاٹس الاٹ نہیں کیے گئے تھے۔ قبضہ مافیا کی ہٹ دھرمی اور ماضی میں حکومتی بد انتظامی سے سرمایہ کاری خطرے میں تھی۔

    تاہم اب حکومت نے ایف ڈبلیو او کے تعاون سے قبضہ مافیا کے خلاف کامیاب آپریشن مکمل کر لیا، 2 سال میں بجلی، پانی اور گیس سمیت نئے راستوں کی سہولت بھی فراہم کر دی گئی۔

    او پی ایف میں تعمیراتی سرگرمیاں مزید تیز کرنے کا بھی فیصلہ کیا گیا ہے، اوور سیز پاکستانیوں کے لیے او پی ایف ہوم اور اپارٹمنٹس کی تعمیر جلد شروع کردی جائے گی۔

    او پی ایف ہاؤسنگ اسکیم کے پلاٹس 3 دہائیوں بعد آج مالکان کے حوالے کیے جائیں گے۔

  • چترال میں پہلے فائیو اسٹار سیاحتی ریزورٹ کا سنگ بنیاد رکھ دیا گیا

    چترال میں پہلے فائیو اسٹار سیاحتی ریزورٹ کا سنگ بنیاد رکھ دیا گیا

    چترال: صوبہ خیبر پختونخواہ میں سیاحوں کی جنت چترال میں اب تک کی سب سے بڑی سرمایہ کاری، 3 کروڑ ڈالرز کی لاگت سے تیار ہونے والے چترال کے پہلے فائیو اسٹار سیاحتی ریزورٹ کا سنگ بنیاد رکھ دیا گیا۔

    تفصیلات کے مطابق وزیر اعظم کے معاون خصوصی زلفی بخاری نے چترال میں بی جان فائیو اسٹار ہوٹل کا سنگ بنیاد رکھ دیا، پاکستانی نژاد امریکی شہری انور امان ہوٹل انڈسٹری میں خطیر سرمایہ کاری کریں گے۔

    اس موقع پر زلفی بخاری کا کہنا تھا کہ حکومت آنے کے بعد غیر ملکی سرمایہ کاری میں 206 فیصد اضافہ ہوا، ہوٹل انڈسٹری میں بڑی سرمایہ کاری پر انور امان کے شکر گزار ہیں۔

    انہوں نے کہا کہ 5 ارب کی لاگت سے تعمیر ہوٹل چترال کی خوبصورتی میں اضافہ کرے گا، 80 بستروں پر مشتمل ہوٹل کی تعمیر سے مقامی لوگوں کے لیے روزگار پیدا ہوگا، شمالی علاقہ جات میں چترال سیاحت کے لیے بہترین مرکز بن جائے گا۔

    زلفی بخاری کا کہنا تھا کہ وزیر اعظم سے روزانہ سیاحت کے فروغ پر گفتگو ہوتی ہے، وزیر اعظم ملک میں سیاحتی سرگرمیوں میں تیزی چاہتے ہیں، ہر صبح وزیر اعظم کا پیغام ملتا ہے آج سیاحتی شعبے سے متعلق کیا فیصلہ ہوا؟

    انہوں نے کہا کہ پاکستان میں پہلی بار حکومت نے سیاحتی پالیسی تشکیل دی ہے، پالیسی پر عملدر آمد کے لیے 10 سال کا ایکشن پلان تیار کیا ہے۔ ہم سیاحت میں بھارت اور ملائیشیا سے مقابلہ کریں گے۔

    معاون خصوصی کا کہنا تھا کہ ملکی تاریخ میں پہلی بار برانڈ پاکستان لانچ کرنے جا رہے ہیں، پورے ملک کی سیاحت سے متعلق معلومات ایک ہی پورٹل پر ملے گی۔ وفاقی حکومت ہر صوبے میں سیاحتی زون بنانے جا رہی ہے۔ سیاحتی مقامات کی سیکیورٹی کے لیے ٹور ازم پولیس تشکیل دے رہے ہیں۔

    انہوں نے مزید کہا کہ چترال کے عوام کی طرف سے سڑکوں کی تعمیرکی درخواستیں آئی ہیں، آپ کو چترال، شندور روڈ کی تعمیر کی خوشخبری دینا چاہتا ہوں۔ چترال تا شندور 150 کلو میٹر روڈ پر کام جلد شروع ہوجائے گا۔

  • میاں صاحب بضد ہیں صرف وہ جج قبول جو انھیں ثبوتوں کے باوجود بری کرے: شہزاد اکبر

    میاں صاحب بضد ہیں صرف وہ جج قبول جو انھیں ثبوتوں کے باوجود بری کرے: شہزاد اکبر

    اسلام آباد: وزیر اعظم کے مشیر برائے احتساب اور داخلہ امور شہزاد اکبر نے اپوزیشن کی اے پی سی میں نواز شریف کی تقریر پر تبصرہ کرتے ہوئے کہا میاں صاحب بضد ہیں صرف وہ جج قبول جو انھیں ثبوتوں کے باوجود بری کرے۔

    شہزاد اکبر نے ٹویٹ میں کہا کہ نواز شریف کہتے ہیں کہ پاکستان میں میڈیا آزاد نہیں، کہتے ہیں کہ ووٹ کو عزت دو لیکن گرم ہوا چلتے ہی لندن بھاگ جاتے ہیں۔

    انھوں نے لکھا ابھی قوم نے قوانین کے خلاف سزا یافتہ اشتہاری مجرم کا لائیو بھاشن سنا، میاں صاحب بضد ہیں کہ انھیں صرف وہ جج قبول ہیں جو انھیں ثبوتوں کے باوجود بری کرے۔

    شہزاد اکبر کا کہنا تھا کہ بلاول لکھی تقریر کر سکتا ہے، وہ فرما رہے ہیں کہ سابق وزیر اعظم کو بولنے نہیں دیا جا رہا، بھائی آپ سمیت آپ کے سابق وزیر اعظم کی اصل صورت قوم لائیو دیکھ رہی ہے، لگتا ہے کہ شیری صاحبہ دور بیٹھی ہیں اور لکھی تقریر درست نہ کر سکیں۔

    اے پی سی کو جامع لائحہ عمل تجویز کرنا چاہیے: میاں نواز شریف

    واضح رہے کہ آج اپوزیشن کی اے پی سی میں ویڈیو لنک کے ذریعے خطاب کرتے ہوئے سابق وزیر اعظم میاں نواز شریف نے کہا کہ آل پارٹیز کانفرنس کو جامع لائحہ عمل تجویز کرنا چاہیے، بے باک فیصلے کرنے کی ضرورت ہے اب نہیں تو کب کریں گے۔

  • بلین ٹری منصوبہ کر کے دکھایا، اب 10 ارب درخت لگا کر دکھائیں گے: ملک امین اسلم

    بلین ٹری منصوبہ کر کے دکھایا، اب 10 ارب درخت لگا کر دکھائیں گے: ملک امین اسلم

    لاہور: وزیر اعظم کے معاون خصوصی برائے ماحولیات ملک امین اسلم کا کہنا ہے کہ ہم نے دنیا کو بلین ٹری منصوبہ کر کے دکھایا، اب 10 ارب درخت لگا کر دکھائیں گے۔

    تفصیلات کے مطابق اوزون ڈے پر منعقدہ تقریب سے وزیر اعظم کے معاون خصوصی برائے ماحولیات ملک امین اسلم نے خطاب کیا۔

    ملک امین کا کہنا تھا کہ موسمیاتی تبدیلی کے عالمی چیلنج سے نمٹنے کے لیے پاکستان کردار ادا کر رہا ہے، پاکستان کا شمار موسمیاتی تبدیلی سے متاثرہ ممالک میں ہوتا ہے۔

    انہوں نے کہا کہ دنیا اوزون میں ہونے والا شگاف کم کرنے کے لیے اکٹھی ہوئی، آج یہ شگاف نہایت کم ہو چکا ہے۔ ہمارے اہداف 35 فیصد تھے جبکہ ہم 50 فیصد تک ہدف حاصل کر چکے ہیں۔

    ملک امین اسلم کا کہنا تھا کہ پاکستان ماحولیاتی تبدیلیوں سے متاثر ہونے والا آٹھواں بڑا ملک ہے، ہم نے دنیا کو بلین ٹری منصوبہ کر کے دکھایا، اب 10 ارب درخت لگانے ہیں۔

    انہوں نے کہا کہ پاک چین اقتصادی راہداری سی پیک کے تحت پن بجلی کے منصوبے لگائے جا رہے ہیں، گزشتہ حکومت میں اسلام آباد کے گرین ایریا اراضی پر جیل بن رہی تھی۔ وزیر اعظم نے منصوبے کو مسترد کرتے ہوئے کہا کہ اسلام آباد کو گرین ایریا رہنے دیں۔

    ملک امین اسلم کا مزید کہنا تھا کہ لاہور کے قریب بلوکی میں محکمہ جنگلات کی زمین پر قبضہ ختم کروا دیا ہے۔

    خیال رہے کہ دنیا بھر میں آج کرہ ارض کو سورج کی تابکار شعاعوں سے بچانے والی اوزون تہہ کی حفاظت کا عالمی دن منایا جارہا ہے۔ یہ تہہ سورج کی خطرناک شعاعوں کو براہ راست زمین پر آنے سے روکے ہوئے ہے۔

    اوزون آکسیجن کی وہ شفاف تہہ ہے جو سورج کی خطرناک تابکار شعاعوں کو نہ صرف زمین کی طرف آنے سے روکتی ہے بلکہ زمین پر اس کے نقصان دہ اثرات کا خاتمہ بھی کرتی ہے۔ اوزون کی تہہ کا 90 فیصد حصہ زمین کی سطح سے 15 تا 55 کلومیٹر اوپر بالائی فضا میں پایا جاتا ہے۔

  • غذائی قلت کا شکار بچوں اور ماؤں کے لیے خصوصی پروگرام

    غذائی قلت کا شکار بچوں اور ماؤں کے لیے خصوصی پروگرام

    اسلام آباد: وزیر اعظم کی معاون خصوصی ثانیہ نشتر کا کہنا ہے کہ ایک خصوصی غذا کے حوالے سے پروگرام بنایا گیا ہے جس کے تحت غذائی قلت کا شکار بچوں اور ماؤں کو غذائی ڈبے دیے جائیں گے۔

    تفصیلات کے مطابق وزیر اعظم عمران خان کی معاون خصوصی برائے انسداد غربت ثانیہ نشتر نے پریس کانفرنس کرتے ہوئے بتایا کہ ایک خصوصی غذا کے حوالے سے پروگرام بنایا گیا ہے۔

    ثانیہ نشتر کا کہنا تھا کہ غذائی قلت کی وجہ سے بچوں کا وزن کم اور قد چھوٹا رہ جاتا ہے، غذائی قلت بچوں کی ذہنی نشونما پر بھی اثر انداز ہوتی ہے۔ غذائی قلت کا شکار بچوں اور ماؤں کو غذائی ڈبے دیے جائیں گے۔

    انہوں نے کہا کہ پہلی بار اس شعبے کو ترجیح دے کر جامع پروگرام مرتب کیا گیا ہے، اس پروگرام میں بلوچستان کے 3 اضلاع بھی شامل ہیں۔ پہلے مرحلے میں 2 لاکھ 21 ہزار بینفشریز ہیں، سہ ماہی خرچ کے علاوہ آنے جانے کا 500 روپے خرچ بھی دیں گے۔

    ثانیہ نشتر کا کہنا تھا کہ ملک کے 9 ڈسٹرکٹ کے 33 سینٹرز میں پروگرام شروع کیا گیا ہے، 15 ماہ تک خواتین اس پروگرام سے مستفید ہوں گی۔

    انہوں نے مزید بتایا کہ احساس ایمرجنسی کیش کا دوسرا راؤنڈ ہوگا یا نہیں اس کا فیصلہ کابینہ کرے گی، کابینہ نے فیصلہ کیا کہ سیکنڈ راؤنڈ ہونا چاہیئے تو پھر ہم تیاری کریں گے۔

    ثانیہ نشتر کا کہنا تھا کہ گزشتہ ہفتے وزیر اعظم نے پناہ گاہوں پر میٹنگ کال کی تھی، وزیر اعظم کا کہنا تھا کہ پناہ گاہوں کا اسٹینڈرڈ اچھا رکھنا ہے۔ غریب اور مسکین کو اچھا کھانا اور بستر نہ بھی دیں تو وہ شکایت نہیں کرتے، اسی لیے وزیر اعظم نے کہا ہے کہ ہمیں غریبوں کا خود سے خیال رکھنا ہے۔

    خیال رہے کہ اس سے قبل ثانیہ نشتر نے قبائلی ضلع خیبر کے نشونما مرکز کی تصاویر ٹویٹر پر شیئر کی تھیں جس کی تیاریاں تکمیل کے آخری مراحل میں ہیں۔

    ثانیہ نشتر کا کہنا تھا کہ احساس نشونما پروگرام کے ذریعے حاملہ، دودھ پلانے والی خواتین اور ان کے کمزور بچوں کو اسٹنٹنگ کے مرض سے بچاؤ کے لیے صحت بخش اضافی غذا کے پیکٹ فراہم کیے جائیں گے۔

    انہوں نے کہا تھا کہ احساس نشونما پروگرام سے مستفید ہونے والی خواتین کی آگاہی کے لیے ان کی اور ان کے بچوں کی خوراک اور صحت و صفائی کے حوالے سے خصوصی معلوماتی چارٹ اور پوسٹر بھی مرتب کیے گئے ہیں۔

  • معاون خصوصی ڈاکٹر ظفرمرزا نے بھی استعفیٰ دے دیا

    معاون خصوصی ڈاکٹر ظفرمرزا نے بھی استعفیٰ دے دیا

    اسلام آباد: وزیر اعظم عمران خان کے معاون خصوصی برائے صحت ڈاکٹر ظفر مرزا نے بھی استعفیٰ دے دیا، ذرایع نے کہا ہے کہ وہ ادویات کی قیمتوں کے معاملے پر الزام کی زد پر تھے۔

    اے آر وائی نیوز کے مطابق وزیر اعظم کے معاون خصوصی ڈاکٹر ظفر مرزا بھی اپنے عہدے سے مستعفی ہو گئے ہیں، وزیر اعظم عمران خان نے ادویات کی قیمتیں بڑھنے پر انکوائری کی ہدایت کی تھی۔

    ڈاکٹر ظفر مرزا نے کہا ہے کہ میں عمران خان کے کہنے پر پاکستان آیا تھا، ایمان داری اور محنت سے کام کیا ہے، پاکستان کے لیے کام کرنا میرے لیے باعث اعزاز ہے۔

    وزیر اعظم کی معاون خصوصی تانیہ ایدروس نے استعفیٰ دے دیا

    انھوں نے ٹویٹ کرتے ہوئے کہا کہ میں نے معاون خصوصی کےعہدے سے استعفیٰ دے دیا ہے، میں مطمئن ہوں کہ ایسے وقت میں عہدہ چھوڑا جب پاکستان میں کرونا کم ہو رہا ہے۔

    واضح رہے کہ ایک ہی دن میں وزیر اعظم عمران خان کے 2 معاونینِ خصوصی عہدوں سے مستعفی ہو گئے ہیں، اب سے کچھ ہی دیر قبل ڈیجیٹل پاکستان کی سربراہ تانیہ ایدروس نے بھی ٹویٹ کے ذریعے خبر دی تھی کہ انھوں نے استعفیٰ دے دیا ہے، تانیہ ایدروس کی کمپنی ڈیجیٹل پاکستان کے خلاف بھی انکوائری چل رہی تھی۔

    ذرایع کا کہنا ہے کہ وزیر اعظم عمران خان نے ادویات کی قیمتیں بڑھنے پر انکوائری کی ہدایت کی تھی، ڈاکٹر ظفر مرزا ادویات کی قیمتوں کے معاملے پر الزام کی زد میں تھے، ظفر مرزا نے ادویات کی قیمتیں بڑھنے کے معاملے پر استعفیٰ دیا۔

    ڈاکٹر ظفر مرزا کا ٹویٹ میں کہنا ہے کہ وہ معاون خصوصی کے کردار پر منفی تنقید کی وجہ سے مستعفی ہوئے ہیں۔ انھوں نے کہا کہ پاکستان کے عوام بہتر صحت کی سہولتوں کے مستحق ہیں، شعبہ صحت میں بہتری کے لیے مخلصانہ کاوشیں کیں، انشاءاللہ بہتر نظام صحت کے باعث کرونا سے جلد چھٹکارا حاصل کرلیں گے۔

    رواں برس مئی میں وزیر اعظم عمران خان نے بھارت سے ادویات برآمد کرنے کے معاملے پر ڈاکٹر ظفر مرزا کے اختیارات میں کمی کر دی تھی، ڈاکٹر ظفر مالی اور انتظامی سمریوں کی منظوری کے بغیر احکامات جاری کرتے رہے تھے، وزیر اعظم نے لائف سیونگ ڈرگز کی آڑ میں بھارت سے معمول کی دوائیں اور وٹامنز درآمد کرنے کے معاملے کا نوٹس لیتے ہوئے تحقیقات کا حکم بھی دیا تھا۔

    یاد رہے کہ 18 اپریل 2019 کو وزیر اعظم نے وفاقی کابینہ میں رد و بدل کرتے ہوئے ڈاکٹر ظفر مرزا کو معاون خصوصی برائے قومی صحت مقرر کیا تھا، جب کہ 23 اپریل کو انھوں نے امور قومی صحت کا چارج سنبھالا تھا۔

  • لیگی دور میں نوجوانوں کے نام پر تاریخ ساز کرپشن ہوئی، عثمان ڈار

    لیگی دور میں نوجوانوں کے نام پر تاریخ ساز کرپشن ہوئی، عثمان ڈار

    اسلام آباد: معاون خصوصی عثمان ڈار کا کہنا ہے کہ لیگی دور میں نوجوانوں کے نام پر تاریخ ساز کرپشن ہوئی۔

    تفصیلات کے مطابق لیگی رہنما عطا تارڈ کی پریس کانفرنس پر معاون خصوصی عثمان ڈار نے رد عمل دیتے ہوئے کہا کہ عطا تارڑ کے مطابق کامیاب جوان پروگرام نواز شریف کا وژن تھا،نوازشریف کا اصل ویژن کرپشن،لوٹ مار کے سوا کچھ نہیں تھا۔

    عثمان ڈار کا کہنا تھا کہ لیگی دور میں نوجوانوں کے نام پر تاریخ ساز کرپشن ہوئی، مریم نواز نے وزیراعظم آفس میں بیٹھ کر کرپشن،کک بیکس منصوبے بنائے۔

    معاون خصوصی نے کہا کہ وزیراعظم ہاؤس میں طے ہوتا تھا رشتے داروں میں لیپ ٹاپ کیسے بانٹیں،لیپ ٹاپ اسکیم کے نام پر نوجوانوں کو دھوکا،خزانے کو نقصان پہنچایاگیا۔

    عثمان ڈار کا کہنا تھا کہ عطا تارڑ بتائیں یوتھ اسکیم کے نام پر کتنے نوجوانوں کو روزگار دیا،لیگی رہنما حکومت کے ہر اقدام کا کریڈٹ لینےکی روایت ترک کریں۔انہوں نے کہا کہ خدشہ ہے پاکستان بنانے کے خواب کا کریڈٹ بھی نواز شریف کو نہ دے دیں۔

  • میرے پاس صرف ایک ملک کی شہریت ہے: معید یوسف

    میرے پاس صرف ایک ملک کی شہریت ہے: معید یوسف

    اسلام آباد: وزیر اعظم کے معاون خصوصی برائے نیشنل سیکورٹی ڈویژن معید یوسف نے اعتراض کرنے والوں کو جواب دیتے ہوئے کہا ہے کہ میرے پاس صرف ایک ملک کی شہریت ہے جس کا نام پاکستان ہے۔

    اے آر وائی نیوز کے مطابق معید یوسف نے اپنے ٹویٹر اکاؤنٹ کے ذریعے پیغام میں اعتراض کرنے والوں کے منہ بند کر دیے، کہا مجھ سے متعلق من گھڑت کہانی پھیلائی گئی ہے، میرے پاس صرف ایک ملک کی شہریت ہے۔

    انھوں نے ٹویٹ میں شہریت سے متعلق اقرارنامہ بھی شیئر کر دیا، کہا میں یہ انڈرٹیکنگ پہلے بھی حکومت پاکستان کو دے چکا ہوں، جب سے ذمہ داریاں سنبھالی ہیں میں امریکا واپس نہیں گیا، امریکا میں نوکری نہیں کرتا اور نہ ہی امریکا سے کماتا ہوں۔

    معید یوسف کا کہنا تھا میری بیرون ملک کروڑوں کی جائیداد بھی نہیں ہے، میری اور میرے خاندان کی پاکستان کے علاوہ کہیں کوئی جائیداد نہیں، مجھ سے متعلق جھوٹ پھیلانا بند کیا جائے۔

    وزیراعظم کے معاونین خصوصی اور مشیروں کے اثاثوں کی تفصیلات جاری

    واضح رہے کہ وزیر اعظم کے 5 معاونین خصوصی دہری شہریت کے حامل اور 3 گرین کارڈ ہولڈر نکلے ہیں، زلفی بخاری برطانوی، شہزاد قاسم اور ندیم بابر کے پاس امریکی شہریت ہے۔ تانیہ ایدروس کینیڈا اور سنگاپور کی شہریت رکھتی ہیں، جب کہ معید یوسف اور شہباز گل گرین کارڈ ہولڈر، جب کہ ندیم افضل چن کینیڈین پی آر کارڈ ہولڈر ہیں۔

    خیال رہے کہ وزیر اعظم کے 15 معاونین خصوصی و مشیران کے اثاثوں کی تفصیلات بھی جاری کی گئی ہیں۔