ARYNews.tv | Urdu – Har Lamha Bakhabar

Tag: معاہدہ

  • لاہوردھرناختم : تمام معاملات آئین وقانون کےمطابق طےپائے‘ سعدرفیق

    لاہوردھرناختم : تمام معاملات آئین وقانون کےمطابق طےپائے‘ سعدرفیق

    لاہور: وفاقی وزیرریلوے خواجہ سعد رفیق کا کہنا ہے کہ دھرناختم کرنےکے لیے تمام معاملات آئین وقانون کے مطابق طے کیے۔

    تفصیلات کے مطابق وفاقی وزیرریلوے خواجہ سعد رفیق نے ٹویٹر پر اپنے پیغام میں لاہور دھرنے کے ختم ہونے کی تصدیق کرتے ہوئے کہا کہ حکومت اور دھرنا قائدین کے مابین معاملات آئین وقانون کے مطابق طے کیے گئے۔

    خواجہ سعد رفیق نے سماجی رابطے کی ویب سائٹ ٹویٹر پرلاہور دھرنا کے قائدین اور حکومت کے درمیان ہونے والے معاہدے کی کاپی شیئرکی ہے۔

    دوسری جانب مذہبی جماعت کے رہنما ڈاکٹر اشرف آصف جلالی نے حکومت کو معاہدے پرعمل درآمد کے لیے ایک ماہ کی مہلت دی ہے اور اس دوران اگر معاہدے پرعمل درآمد نہ ہوا تو وہ دھرنا دیں گے۔

    خیال رہے کہ حکومت کی مذاکراتی کمیٹی میں خواجہ سعد رفیق، مجتبیٰ شجاع الرحمان اور رانا مشہود شامل تھے۔

    تحریک لبیک جلالی گروپ نے لاہوردھرنا ختم کرنے کا اعلان کردیا

    واضح رہے کہ لاہور کے مال روڈ پر گزشتہ 7 روز سے دھرنے پر بیٹھی مذہبی جماعت اور حکومت کے درمیان مذاکرات کامیاب ہوگئے جس کے بعد دھرنا ختم کردیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حکومت اورتحریک لبیک کےدرمیان معاہدہ خوش آئند ہے‘ اعجازالحق

    حکومت اورتحریک لبیک کےدرمیان معاہدہ خوش آئند ہے‘ اعجازالحق

    اسلام آباد: مسلم لیگ ضیاء کے سربراہ اعجاز الحق کا کہنا ہے کہ حکومت اور تحریک لبیک کےدرمیان معاہدہ خوش آئند ہے، حکومت اگر یہ حکمت عملی پہلے اپناتی تواتنا کچھ نہ ہوتا۔

    تفصیلات کے مطابق مسلم لیگ ضیاء کے سربراہ اعجاز الحق کا کہنا ہے حکومت کے لیے سبق ہے کہ آئندہ سب سے مشاورت کے ساتھ چلے، حکومت کو معاملات پرپارلیمنٹ کو اعتماد میں لینا چاہیے۔

    اعجاز الحق نے کہا کہ تحریک لبیک کا زاہد حامد کے خلاف فتویٰ نہ دینے کا فیصلہ اچھا ہے۔

    حکومت اورتحریک لبیک کے درمیان معاہدہ طے پا گیا

    خیال رہے کہ وفاقی وزیرقانون زاہد حامد کے استعفے کے بعد وفاقی حکومت اور مذہبی جماعت تحریک لبیک کے درمیان معاملات طے پاگئے اور دونوں فریقین کے درمیان معاہدہ ہوگیا۔

    ذرائع کے مطابق معاہدے پروزیرداخلہ احسن اقبال ، سیکریٹری داخلہ، خادم حسین رضوی اورپیرافضل قادری اورمحمد وحید نور سمیت میجرجنرل فیض حمید کے بھی دستخط موجود ہیں۔

    وفاقی وزیرقانون زاہد حامد اپنےعہدے سےمستعفی

    واضح رہے کہ وفاقی وزیرقانون زاہد حامد نے رضا کارانہ طور پراپنا استعفیٰ وزیراعظم شاہد خاقان عباسی کو پیش کردیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حکومت اورتحریک لبیک کے درمیان معاہدہ طے پا گیا

    حکومت اورتحریک لبیک کے درمیان معاہدہ طے پا گیا

    اسلام آباد : وفاقی وزیرقانون زاہد حامد کے استعفے کے بعد وفاقی حکومت اور مذہبی جماعت تحریک لبیک کے درمیان معاملات طے پاگئے اور دونوں فریقین کے درمیان معاہدہ ہوگیا۔

    تفصیلات کے مطابق زاہد حامد کے استعفے کے بعد حکومت اور تحریک لبیک کے درمیان معاہدہ طے پاگیا، 6 نکاتی معاہدے پر5 افراد کے دستخط ہیں۔

    ذرائع کے مطابق معاہدے پروزیرداخلہ احسن اقبال ، سیکریٹری داخلہ، خادم حسین رضوی اورپیرافضل قادری اورمحمد وحید نور کے بھی دستخط موجود ہیں۔

    وفاقی حکومت اور تحریک لبیک کے درمیان معاہدہ فوجی نمائندے کی موجودگی میں کیا گیا جس پرمیجرجنرل فیض حمید کے دستخط بھی موجود ہیں۔

    ذرائع کا کہنا ہے کہ تحریک لبیک زاہد حامد کے خلاف کوئی فتویٰ جاری نہیں کرے گی۔

    ذرائع نے معاہدے کے حوالے سے بتایا کہ راجا ظفرالحق رپورٹ 30 دن میں منظرعام پر لائی جائے گی جبکہ الیکشن ایکٹ ترمیم کے ذمہ داروں کے خلاف کارروائی کی جائے گی۔

    معاہدے کے مطابق دھرنے کے تمام گرفتارکارکنوں کو 3 دن میں رہا کیا جائے گا اور ان کے خلاف مقدمات بھی ختم کیے جائیں گے، تحریک لبیک کے قائدین کی نظربندیاں ختم کردی جائیں گی۔

    ذرائع کا کہنا ہے کہ دھرنےکے خلاف آپریشن سےمتعلق انکوائری بورڈ تشکیل دیا جائے گا، بورڈ معاملات کی چھان بین کر کے ذمےداروں کا تعین کرے گا۔

    دھرنےکے اختتام تک ہونے والےنقصانات کا ازالہ وفاقی، صوبائی حکومت کرے گی جبکہ حکومت پنجاب سے متعلق جن نکات پراتفاق ہوا ان پرمن وعن عمل ہوگا۔

    ذرائع کے مطابق وفاقی حکومت اور تحریک لبیک کے درمیان معاہدہ آرمی چیف جنرل قمر جاوید باجوہ اوران کےنمائندہ خصوصی کی کاوشوں سے طے پایا۔

    وفاقی وزیرقانون زاہد حامد اپنےعہدے سےمستعفی

    واضح رہے کہ وفاقی وزیرقانون زاہد حامد نے رضا کارانہ طور پراپنا استعفیٰ وزیراعظم شاہد خاقان عباسی کو پیش کردیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایران کے ساتھ نیوکلیئرمعاہدہ باقی نہیں رہا‘ ڈونلڈ ٹرمپ

    ایران کے ساتھ نیوکلیئرمعاہدہ باقی نہیں رہا‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ نے ایران کے میزائل تجربے پرردعمل دیتے ہوئے کہا کہ ایران کے ساتھ جوہری معاہدہ باقی نہیں رہا۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا کہ ایران نے اسرائیل تک مار کرنے والے بیلسٹک میزائل کا تجربہ کیا ہے۔

    امریکی صدر ڈونلڈ ٹرمپ نے کہا کہ ایران شمالی کوریا کے ساتھ کام کررہا ہے۔ انہوں نے ایران کے میزائل تجربے پر سخت بیان دیتے ہوئے کہا کہ ایران کے ساتھ جوہری معاہدہ باقی نہیں رہا۔

    خیال رہے کہ گزشتہ روز ایران کے سرکاری میڈیا پر’خرمشہر‘ نامی میزائل تجربے کی تصاویر نشر کی گئی تھیں تاہم یہ تجربہ کب کیا گیا اس حوالے سے تفصیلات فراہم نہیں کی گئیں۔

    یاد رہے کہ امریکی صدر ڈونلڈ ٹرمپ نے اقوام متحدہ کی جنرل اسمبلی میں خطاب کرتے ہوئے ڈونلڈ ٹرمپ کا کہنا تھا کہ ایران کے ساتھ ہونے والا معاہدہ شرمناک اور عالمی طور پر بدترین معاہدہ تھا۔

    امریکی صدر نے جنرل اسمبلی میں خطاب کے دوران ایران کو تنقید کا نشانی بناتے ہوئے اس پر دہشت گردوں کی حمایت کا الزام بھی لگایا تھا۔

    واضح رہے کہ ڈونلڈ ٹرمپ کے بیان کے بعد ایرانی صدر حسن روحانی نے کہا تھا کہ ایران کو حق ہے کہ وہ دفاعی مقاصد کے لیے میزائل پروگرام کو فروغ دے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈونلڈ ٹرمپ کا پیرس ماحولیاتی معاہدے سے الگ ہونے کا اعلان

    ڈونلڈ ٹرمپ کا پیرس ماحولیاتی معاہدے سے الگ ہونے کا اعلان

    واشنگٹن: امریکی صدر ڈونلڈ ٹرمپ نے اعلان کیا ہےکہ امریکہ سنہ 2015 میں پیرس میں ماحولیات سے متعلق طے پانے والا عالمی معاہدہ ختم کر رہا ہے۔

    تفصیلات کےمطابق وائٹ ہاؤس میں بات کرتے ہوئے امریکی صدرڈونلڈ ٹرمپ کہنا تھا کہ واشنگٹن ماحولیاتی معاہدے سے نکل رہا ہے کیوں کہ اس میں شامل شرائط کی وجہ سے اس پر اقتصادی بوجھ پڑرہا ہے۔

    کینیڈا کی ماحولیات کی وزیر کیتھرین میکینا کا کہنا ہے کہ کینیڈا کو ٹرمپ کے اس فیصلے سےبہت مایوسی ہوئی ہے۔

    دوسری جانب اقوام متحدہ کے سیکریٹری جنرل انتونیو گوتیرس نے ایک مرتبہ پھر صدر ٹرمپ سے اپیل کی تھی کہ وہ اس معاہدے کو نہ توڑیں لیکن ساتھ ہی ان کا یہ بھی کہنا تھا کہ امریکی موقف کے باوجود ماحولیاتی تبدیلی کے خلاف جنگ جاری رہے گی۔

    ٹرمپ ماحول کے لیے دشمن صدر؟

    خیال رہےکہ صدر ٹرمپ نے گذشتہ سال صدارتی مہم کے دوران کہا تھا کہ وہ اس معاہدے سے امریکہ کو نکال لیں گے تاکہ کوئلے اور تیل کی صنعت کو فائدہ پہنچے۔

    واضح رہے کہ پیرس معاہدے کے تحت امریکہ اور دیگر 187 ممالک کی ذمہ داری ہے کہ وہ عالمی درجہ حرات میں اضافے کو دو ڈگری سے نیچے رکھیں اور مزید کوششیں کر کہ اس کو 1.5 ڈگری تک محدود کیا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • تنگی ڈیم کی تعمیر: امریکہ کا مالی مدد کےمعاہدے پردستخط

    تنگی ڈیم کی تعمیر: امریکہ کا مالی مدد کےمعاہدے پردستخط

    اسلام آباد: امریکہ نے شمالی وزیرستان میں کرم تنگی ڈیم کی تعمیر کے لیے آٹھ کروڑ دس لاکھ ڈالر کی مالی مدد فراہم کرنے پراتفاق کیا ہے۔

    تفصیلات کےمطابق شمالی وزیرستام میں تنگی ڈیم کی تعمیرکےلیے ایک معاہدے پر پہلے ہی امریکہ کے بین الاقوامی ادارہ برائے ترقی اور واپڈا کے درمیان معاہدے پردستخط کیےگئے ہیں۔

    شمالی وزیرستان کی تحصیل شوال میں تعمیر کیے جانے والےتنگی ڈیم کامنصوبہ دو مراحل میں مکمل کیاجائےگا،پہلا مرحلہ تین سال میں مکمل ہوگا۔

    تنگی ڈیم سے83 اعشاریہ 4 میگاواٹ بجلی بھی پیدا کی جاسکے گی اور اس کے علاوہ یہ ڈیم شمالی وزیرستان اور بنوں میں تین سو باسٹھ ہزار ایکڑ اراضی کو سیراب کرے گا۔

    مزید پڑھیں:پاکستان وزیرستان میں خوف اور فساد ختم، اب ترقی ہوگی، نوازشریف

    یاد رہےکہ رواں ماہ 3مارچ کو وزیر اعظم محمد نواز شریف نےشمالی وزیرستان کی تحصیل شوال میں کرم تنگی ڈیم کا سنگ بنیاد رکھتے ہوئےکہاتھا کہ کرم تنگی ڈیم منصوبے کا آغاز خوف اور فساد کےدور کو ختم کرنے کے لیےاہم سنگ میل ہے۔

    واضح رہےکہ وزیراعظم نوازشریف کا کہناتھاکہ وزیرستان میں خوف اور فساد کے دور کا خاتمہ ہوگیا اور یہاں اب محبت و اخوت کی حکمرانی ہے،ترقیاتی منصوبے کے آغاز سے نئے دور کا آغاز ہوا ہے۔

  • داسو ڈیم کی تعمیر‘ٹھیکےچینی کمپنی کودے دیے

    داسو ڈیم کی تعمیر‘ٹھیکےچینی کمپنی کودے دیے

    اسلام آباد: واٹراینڈ پاورڈویلپمنٹ اتھارٹی نےداسو ہائیڈرو پاور پروجیکٹ کے180ارب کےدو ٹھیکےچینی کمپنی کودے دیے۔

    تفصیلات کےمطابق داسو ہائیڈرو پاور پروجیکٹ کے180ارب روپے مالیت کےمعاہدے پر واپڈا اور چائنا گیزوبا گروپ کمپنی نےدستخط کردیے۔

    چینی کمپنی کو دیے جانے والے ٹھیکوں میں ڈیم کےڈھانچے سے متعلق سامان کی تیاری اور ہائیڈرالک اسٹیل اسٹرکچر کی تعمیر کے علاوہ زیر زمین پاور کمپلیکس تیار کرنےسرنگیں بنانے اور ہائیڈرالک اسٹرکچر (ایم ڈبلیو 02) کےمنصوبے شامل ہیں۔

    داسو ڈیم کے پروجیکٹ ڈائریکٹرجاوید اختر اور سی جی جی سی کےنمائندے تان بکشان نے دونوں کمپنیوں کی جانب سے معاہدوں پر دستخط کیے،جبکہ اس موقع پر وفاقی وزیر برائے پانی و بجلی خواجہ محمد آصف بھی موجود تھے۔

    چینی کمپنی سےکیے جانے والے معاہدے کے تحت منصوبے کا پہلامرحلہ 2021 میں مکمل ہوجائےگا،جس کے تحت 2160 میگا واٹ بجلی پیدا ہوسکےگی۔

    اس موقع پروفاقی وزیر برائے پانی و بجلی خواجہ آصف نےکہا کہ اب سستی بجلی پیدا کرنے کے نئے دور کا آغاز ہوگا۔انہوں نےکہا کہ حکومت داسو کےعلاوہ رواں برس مہمند اور دیامیر بھاشا ڈیم کا بھی سنگ بنیاد رکھے گی۔

    خواجہ آصف کاکہناتھاکہ حکومت 2018 تک مزید 10 ہزار 400 میگاواٹ بجلی پیدا کرنے کی صلاحیت کو یقینی بنائے گی، جس سے بجلی کی طلب اور رسد میں 5 ہزار میگاواٹ کے فرق کو پورا کرنے میں مدد ملے گی۔

    واضح رہےکہ داسو ہائیڈرو پاور پروجیکٹ کا پہلا مرحلے تقریباََ 5 سال میں مکمل ہوگا،جس کے بعد یہ منصوبہ نیشنل گرڈ کوسالانہ 12 ارب یونٹس بجلی فراہم کر پائےگا۔

  • نادرا اور ماسٹر کارڈ کے درمیان معاہدہ معطل

    نادرا اور ماسٹر کارڈ کے درمیان معاہدہ معطل

    اسلام آباد: وفاقی وزیر داخلہ چوہدری نثار کا کہنا ہے کہ مالی ترسیلات کے لیے نادرا اور بین الاقوامی کمپنی کے درمیان معاہدہ حکومت کی تحریری اجازت کے بغیر کیا گیا تھا اس لیے معطل کرنے کا حکم جاری کیا ہے۔

    یہ پڑھیں: شناختی کارڈ خریداری کیلئے استعمال ہوگا، نادرا کا ماسٹر کارڈز سے معاہدہ

    تفصیلات کے مطابق وفاقی وزیر داخلہ چوہدری نثار نے مالی ترسیلات کے لیے نادرا اور بین الاقوامی کمپنی کے درمیان معاہدے کا فوری نوٹس لیتے ہوئے نادرا سے جواب طلب کرلیا جب کہ معاہدے کو معطل کرنے کا حکم بھی جاری کردیا۔

    وفاقی وزیر چوہدری نثار کا کہنا تھا کہ مذکورہ معاہدہ حکومت کی تحریری اجازت کے بغیر کیا گیا جب کہ معاہدے سے قبل اسٹیک ہولڈرز سے بھی مشاورت نہیں کی گئی اور ساتھ ہی حساس نوعیت کے سیکیورٹی معاملات کو مدنظر نہیں رکھا گیا تھا اس لیے معاہدے کو معطل کیا جائے۔

    انہوں نے نادرا سے جواب طلب کیا کہ غیرملکی کمپنی کو ڈیٹا بیس کی کس حد اور کن قوانین کے تحت رسائی دی جارہی ہے؟ مالی ترسیلات کے سلسلے میں ٹیکنالوجی کا استعمال خوش آئند ہے تاہم نیشنل ڈیٹا بیس کی سیکیورٹی پر سمجھوتہ نہیں کیا جاسکتا اور نہ ہی کسی ادارے کو مینڈیٹ سے تجاوز کی اجازت دی جاسکتی ہے۔

    واضح رہے کہ نادرا اور ماسٹر کارڈ کے درمیان مالی ترسیلات کے حوالے سے معاہدہ سامنے آیا تھا جس کے تحت نادرا مالی ترسیلات کے لیے غیر ملکی نجی کمپنی کو ڈیٹا فراہم کرے گی۔

  • پیٹرول پمپس پر اے ٹی ایم مشینوں کی تنصیب، پی ایس او اورالائیڈ بینک میں معاہدہ

    پیٹرول پمپس پر اے ٹی ایم مشینوں کی تنصیب، پی ایس او اورالائیڈ بینک میں معاہدہ

     کراچی : پی ایس او اور الائیڈ بینک نے پی ایس او اسٹیشنوں پر اے ٹی ایم مشینوں کی تنصیب کے لیے معاہدہ کرلیا،معاہدے کے تحت پی ایس او کے اسٹیشنوں پر اے ٹی ایم مشینیں نصب کی جائیں گی۔

     تفصیلات کے مطابق آئل مارکیٹنگ کمپنی پاکستان اسٹیٹ آئل نے ملک بھر میں پی ایس او کے اسٹیشنوں پر اے ٹی ایم مشینوں کی تنصیب کے لیے نجی بینک سے معاہدہ کرلیا ہے۔ معاہدے کے تحت ملک بھر میں پی ایس او کے اسٹیشنوں پر اے ٹی ایم مشینیں نصب کی جائیں گی۔

    اس معاہدے سے عوامی سہولت کی فراہمی بھی ممکن ہوسکے گی۔ معاہدے کی تقریب کے موقع پر پی ایس او کے ایم ڈی شیخ عمران الحق نے میڈیا سے گفتگو کرتے ہوئے کہا کہ پی ایس او اسٹیشنوں پر اے ٹی ایم کی دستیابی سے ہمارے مشترکہ صارفین کو ایک ہی چھت تلے بہترین سہولت فراہم ہوگی۔ ہم اپنے صارفین کو زیادہ سے زیادہ سہولیات کی فراہمی کے لیے مسلسل سرگرم ِ عمل ہیں۔

    انہوں نے کہا کہ صارفین کی ضروریات پوری کرنے اور جدید ترین بینکاری مصنوعات اور خدمات کی فراہمی کے لیے پی ایس او کے اسٹیشنوں پر قائم اے ٹی ایم اور برانچ لیس بینکاری مراکز کو بروئے کار لایا جائے گا۔

  • کراچی کنگزاورنیا ناظم آباد کرکٹ گراؤنڈ کے درمیان معاہدہ

    کراچی کنگزاورنیا ناظم آباد کرکٹ گراؤنڈ کے درمیان معاہدہ

    کراچی : نیا ناظم آباد کرکٹ ہوم گراؤنڈ اورکراچی کنگز کی پارٹنر شپ کیلئے معاہدے پر دستخط کردیئے گئے۔ عارف حبیب گروپ کے چیئرمین عارف حبیب نے امید ظاہر کی ہے کہ پی ایس ایل ایڈیشن ٹو کی فاتح کراچی کنگز ہی ہوگی۔

    تفصیلات کے مطابق کراچی کنگز کو ایک اور اعزازمل گیا، کراچی کنگز کا نیا ناظم آباد کرکٹ ہوم گراؤنڈ کے ساتھ کرکٹ کی شان بڑھانے کیلئے معاہدہ ہوگیا۔

    عارف حبیب سینٹر میں ہونے والی تقریب میں اے آر وائی نیٹ ورک کے سی ای او سلمان اقبال اور عارف حبیب گروپ آف کمپنیز کے چیئرمین عارف حبیب نے معاہدے پر دستخط کیے۔

    مزید پڑھیں : پی ایس ایل، کراچی کنگز اور پی ٹی وی اسپورٹس کے درمیان معاہدہ

    اس موقع پرمیڈیا سے گفتگو کرتے ہوئے عارف حبیب کا کہنا تھا کہ پی ایس ایل ایڈیشن ٹو کراچی کنگز ہی جیتے گی۔ انہوں نے کہا کہ دلوں کے بادشاہ کراچی کنگز سے شائقین کرکٹ کی بڑی امیدیں وابستہ ہیں۔

    پی ایس ایل شروع ہو تو کراچی سے خیبر تک ہر زبان ایک ہی نعرہ ہوتا ہے کہ کراچی جیتے گا۔