اسلام آباد : پی ڈی ایم جلسے میں معاہدے کی خلاف ورزی پر اپوزیشن کو آئندہ جلسوں کی اجازت نہ دینے کی تجویز دے دی گئی، آئندہ جلسوں کی اجازت دینے یا نہ دینے کا حتمی فیصلہ وزیراعظم کریں گے۔
تفصیلات کے مطابق وزیراعظم عمران خان کو پی ڈی ایم جلسے میں معاہدےکی خلاف ورزی کی رپورٹ بھجوا دی گئی ، رپورٹ میں معاہدے کی خلاف ورزی پر آئندہ جلسوں کی اجازت نہ دینے کی تجویز دیتے ہوئے کہا ہے کہ اپوزیشن نے جو معاہدہ کیا اس کی صریحا خلاف ورزی کی گئی۔
رپورٹ میں کہا گیا اپوزیشن کی جانب سے تحریری معاہدے کی خلاف ورزی کی گئی، جلسہ مقررہ وقت پرختم نہیں کیا گیا، جلسے اور لاہور سےگوجرانوالہ تک ریلیوں میں ایس او پیز خلاف ورزی نظر آئی، کسی نےنہ ماسک پہنانا اور نہ ہی سماجی فاصلے کا خیال رکھا گیا۔
ذرائع کے مطابق مریم نوازنےلاہورمیں دوران ریلی تقریر نہ کرنےکےمعاہدے کی خلاف ورزی کی، طےتھا مریم نواز راستے میں کسی استقبالیہ کیمپ میں خطاب نہیں کریں گی، شاہد رہ میں مریم نواز کا مختصر خطاب معاہدے کی خلاف ورزی تھا۔3
ذرائع کا کہنا ہے کہ جلسے کی مانیٹرنگ وفاقی وزرااور صوبائی وزراکرتے رہے ، ایس او پیز خلاف ورزی سےحالات زیادہ خراب ہونے کےخدشات لاحق ہیں، آئندہ کسی کو اجتماع کرنے کی اجازت نہ دی جائے، آئندہ جلسوں کی اجازت دینےیانہ دینےکاحتمی فیصلہ وزیراعظم کریں گے۔
