ARYNews.tv | Urdu – Har Lamha Bakhabar

Tag: معذرت

  • ارشد ندیم نے بھارت جانے سے معذرت کر لی

    ارشد ندیم نے بھارت جانے سے معذرت کر لی

    پیرس اولمپکس کے گولڈ میڈلسٹ فخر پاکستان ارشد ندیم نے بھارتی جیولن تھروور نیرج چوپڑا کی دعوت پر بھارت جانے سے معذرت کر لی ہے۔

    اے آر وائی نیوز کے مطابق گزشتہ برس پیرس میں ہونے والے اولمپکس میں جیولن تھرو مقابلے میں تمام پچھلے ریکارڈ توڑتے ہوئے طویل ترین تھرو کر کے گولڈ میڈل جیت کر پاکستان کا سر فخر سے بلند کرنے والے قومی ہیرو ارشد ندیم نے اپنے عم عصر بھارتی جیولن تھروور نیرج چوپڑا کی دعوت پر بھارت جانے سے معذرت کر لی ہے۔

    بھارتی ایتھلیٹ نے 24 مئی کو بنگلورو کلاس جیولن تھرو چیمپئن شپ کے لیے ارشد ندیم کو بھارت آنے کی دعوت دی تھی۔

    ذرائع نے بتایا کہ ارشد ندیم کے پورے سال کے ایونٹس اور ٹریننگ کے شیڈول پہلے ہی طے ہو چکے ہیں اور انہیں رواں ماہ 22 مئی کو ایشین ایتھلیٹکس چیمپئن شپ کے لیے کوریا بھی جانا ہے۔ اس لیے انہوں نے بھارت جانے سے معذرت کی ہے۔

    https://urdu.arynews.tv/neeraj-chopra-invites-arshad-nadeem-to-india-for-javelin-event/

  • بارش میں دورے کی وائرل ویڈیو پر تنقید، وہاب ریاض کا ردعمل بھی آگیا

    بارش میں دورے کی وائرل ویڈیو پر تنقید، وہاب ریاض کا ردعمل بھی آگیا

    لاہور: نگراں وزیر اعلیٰ پنجاب کے مشیر برائے کھیل اور امور نوجوانان اور فاسٹ بولر وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے۔

    وہاب ریاض نے مائیکرو بلاگنگ ویب سائٹ ٹوئٹر پر ردعمل کا اظہار کیا ہے، گزشتہ روز انہوں نے لاہور کی سیلاب زدہ سڑکوں پر تیز گاڑی چلائی اور پانی کے چھینٹے دوسری گاڑیوں اور موٹرسائیکل سواروں پر گئے۔

    وہاب ریاض سوشل میڈیا پر تنقید کا نشانہ بن گئے

    ویڈیو میں دیکھا گیا کہ ایک موٹر سائیکل پر سوار خاتون بھی پانی سے شرابور ہوگئیں، وہاب ریاض بعد میں بغیر پروٹوکول شہر کی صورت حال کا جائزہ لیتے بھی نظر آئے۔

    اپنے اس عمل پر وہاب ریاض نے ٹوئٹ میں لکھا کہ سکّے کے ہمیشہ دو رخ ہوتے ہیں لیکن  بدقسمتی سے ہم ہمیشہ غلط رخ دیکھتے ہیں۔

    اُنہوں نے لکھا کہ کل جو ہوا اس کے لیے میں معذرت خواہ ہوں، یہ سب غیر ارادی طور پر ہوا اور جسے  بالکل غلط انداز میں لیا گیا۔

    وہاب ریاض نے ناقدین سے مخاطب ہوتے ہوئے لکھا کہ ہمیشہ مثبت چیزوں کو آگے پھیلائیں، منفی پروپیگنڈے سے اپنے خوبصورت ملک کو بدنام نہ کریں۔

  • معذرت کی ضرورت نہیں: شکست پر آبدیدہ کھلاڑی کو نریندر مودی کا دلاسہ

    معذرت کی ضرورت نہیں: شکست پر آبدیدہ کھلاڑی کو نریندر مودی کا دلاسہ

    کامن ویلتھ گیمز 2022 میں سونے کا تمغہ نہ جیت پانے پر بھارتی ریسلر آبدیدہ ہوگئیں، ان کے معذرت کرنے پر وزیر اعظم نریندر مودی نے انہیں دلاسہ دیا اور حوصلہ افزائی کی۔

    بھارتی ریسلر پوجا گہلوٹ نے 50 کلو گرام کی کیٹگری کے مقابلوں میں حصہ لیا تھا تاہم وہ سونے کا تمغہ حاصل کرنے میں ناکام رہیں۔

    میچ کے بعد ہونے والی پریس کانفرنس میں وہ آبدیدہ ہوگئیں اور انہوں نے معذرت کی کہ ان کی وجہ سے ایونٹ میں بھارتی قومی ترانہ نہیں گونج سکا۔

    کانسی کا میڈل حاصل کرنے کے بعد انہوں نے کہا کہ میں اپنی غلطیوں سے سیکھنے کی کوشش کروں گی، میری خواہش تھی اس موقع پر ہمارے ملک کا قومی ترانہ بجے، مگر۔۔

    اس کے ساتھ ہی وہ جذبات پر قابو نہ رکھ سکیں اور ان کے آنسو بہہ نکلے۔

    ان کی یہ ویڈیو سامنے آنے کے بعد بے شمار بھارتیوں نے ان کے جذبے کو سراہا اور حوصلہ دیا جن میں ملک کے وزیر اعظم نریندر مودی بھی شامل ہیں۔

    سماجی رابطے کی ویب سائٹ ٹویٹر پر اپنے ٹویٹ میں وزیر اعظم مودی نے کہا کہ پوجا آپ کا میڈل جشن کا متقاضی ہے، معذرت کا نہیں۔ آپ کی زندگی کا سفر ہمارے لیے حوصلہ افزا ہے۔

    پوجا کے کانسی کا تمغہ جیتنے پر بھارتی وزیر اعظم نے جو ٹویٹ کیا تھا اس میں انہوں نے کہا کہ پوجا گہلوٹ کو ریسلنگ میں کانسی کا تمغہ جیتنے پر مبارکباد، انہوں نے بڑی بہادری سے مقابلہ کیا اور ان کی تکنیکی برتری بھی دکھائی دی۔

    کامن ویلتھ گیمز 2022 میں ریسلنگ کے دوسرے اور آخری روز بھارت نے 6 سونے کے تمغے جیتے جبکہ 1 چاندی اور 5 کانسی کے تمغے حاصل کیے۔

  • اثاثہ جات کیس : تحریک انصاف کے ایم این اے کی نیب میں پیش ہونے سے معذرت

    اثاثہ جات کیس : تحریک انصاف کے ایم این اے کی نیب میں پیش ہونے سے معذرت

    لاہور : اثاثہ جات کیس میں تحریک انصاف کے ایم این اے ملک کرامت کھوکھرنے آج نیب میں پیش ہونے سے معذرت کرلی، ان کے بیٹے توقیر کھوکھر والد کی جگہ پیش ہوگئے۔

    تفصیلات کے مطابق تحریک انصاف کےایم این اے ملک کرامت کھوکھر نے قومی اسمبلی اجلاس کےباعث آج نیب میں پیش ہونے سے معذرت کرلی ، نیب نے ملک کرامت کھوکھر کو اثاثہ جات کیس میں آج طلب کیا تھا۔

    ذرائع کا کہنا ہے کہ ملک کرامت کھوکھر کے بیٹے توقیر کھوکھر والد کی جگہ پیش ہوگئے ، ملک توقیر کھوکھر نیب کی تفتیشی ٹیم سے سوالنامہ موصول کریں گے۔

    گذشتہ روز وزیراعلیٰ پنجاب عثمان بزدار نیب کے دفتر میں ذاتی حیثیت سے پیش ہوئے تھے، نیب مشترکہ ٹیم نے عثمان بزدار سے ایک گھنٹہ 40 منٹ پوچھ گچھ کی۔

    نیب نے وزیر اعلی پنجاب کوسوالنامہ دے دیا اور ہدایت کی کہ تمام مطلوبہ دستاویزات 18 اگست تک نیب کو فراہم کی جائیں، عثمان بزدار کوجاری کردہ سوالات 12صفحات پر مشتمل ہیں، بعض سوالوں کے بارے میں وزیراعلی نے لاعلمی کا اظہار کیا ، وزیراعلیٰ پنجاب کے لاعلمی کے اظہار پر نیا سوالنامہ جاری کیا گیا ہے۔

    ذرائع کے مطابق نیب نے وزیر اعلیٰ پنجاب سے اثاثوں کی تفصیلات طلب کر لیں اور کہا 18اگست تک اپنے اور خاندان کے اثاثوں کی تفصیلات دیں۔

    ذرائع کا کہنا ہے کہ عثمان بزدار تفتیش کے دوران ہرسوال پروقت مانگتے رہے اور کہا میں تیاری کیساتھ پیش نہیں ہوا، عثمان بزدارپر جنوبی پنجاب میں مختلف ناموں سے جائیداد خریدنے کا الزام ہے۔

  • عدالت کی چیئرمین نیب کے اختیارات کے خلاف درخواست پر سماعت سے معذرت

    عدالت کی چیئرمین نیب کے اختیارات کے خلاف درخواست پر سماعت سے معذرت

    لاہور: لاہور ہائی کورٹ کے دو رکنی بنچ نے چیئرمین نیب کے اختیارات کے خلاف چوہدری پرویز الہیٰ اور چوہدری شجاعت کی درخواست پر سماعت سے معذرت کر لی۔ 

    تفصیلات کے مطابق جسٹس شہباز رضوی اور جسٹس اسجد جاوید گھرال نے چوہدری برادران کی چیئرمین نیب کے خلاف درخواست پر سماعت سے معذرت کر لی اور بینچ کے سربراہ جسٹس شہباز رضوی  نے نئے بینچ کی تشکیل کے لیے درخواست  چیف جسٹس کو بھجوا دی۔

    اس سے قبل بنائے گئے دو رکنی بینچ کے رکن جسٹس فاروق حیدر نے بھی بینچ میں بیٹھنے سے انکار کر دیا تھا۔

    چوہدری برادران نے موقف اختیار کیا ہے کہ نیب سیاسی انجینئرنگ کرنے والا ادارہ  ہے۔نیب کے کردار اور تحقیقات کے غلط انداز پر عدالتیں فیصلے بھی دے چکی ہیں۔

    چوہدری برادران نے کہا کہ چیئرمین نیب نے ہمارے کے خلاف 19 سال پرانے معاملے کی دوبارہ تحقیقات کا حکم دیا ہے۔انہیں 19 سال پرانے کیس اور بند کی جانے والی انکوائری دوبارہ کھولنے کا اختیار نہیں۔ انہون نے درخواست میں استدعا کی کہ نیب کا انکوائری دوبارہ کھولنے کا اقدام غیرقانونی قرار دیا جائے۔

  • احسن اقبال کی احتساب عدالت میں پیشی سے معذرت

    احسن اقبال کی احتساب عدالت میں پیشی سے معذرت

    اسلام آباد: مسلم لیگ ن کے رہنما احسن اقبال نے نارووال اسپورٹس سٹی کیس میں آج احتساب عدالت میں پیشی سے معذرت کر لی۔

    تفصیلات کے مطابق سابق وزیر داخلہ اور مسلم لیگ ن کے رکن قومی اسمبلی احسن اقبال کے خلاف نارووال اسپورٹس سٹی کیس کی سماعت احتساب عدالت کے جج محمد بشیر نے کی۔

    نیب پراسیکیوٹر وسیم جاوید عدالت کے روبرو پیش ہوئے تاہم کورونا وائرس کے باعث مسلم لیگ ن کے رہنما احسن اقبال پیش نہ ہوئے۔

    احتساب عدالت کے جج نے سماعت کے دوران استفسار کیا کہ احسن اقبال کے خلاف ریفرنس کا کیا بنا؟ جس پر نیب پراسیکیوٹر نے جواب دیا کہ انکوائری مکمل ہے، ریفرنس تیاری کی مراحل میں ہے۔

    عدالت نے نارووال اسپورٹس سٹی کیس میں پیشرفت رپورٹ جمع کرانے کی ہدایت کرتے ہوئے احسن اقبال کے خلاف کیس کی سماعت 8 جون تک ملتوی کر دی۔

    یاد رہے کہ گزشتہ سال 23 دسمبر کو مسلم لیگ ن کے رہنما احسن اقبال کو قومی احتساب بیور (نیب) نے نارووال اسپورٹس سٹی کیس میں گرفتار کیا تھا۔

    بعدازاں 25 فروری کو اسلام آباد ہائی کورٹ نے نارووال اسپورٹس کمپلیکس کیس میں احسن اقبال کی ضمانت منظور کرتے ہوئے لیگی رہنما کو ایک کروڑ روپے کے ضمانتی مچلکے جمع کرانے کا حکم دیا تھا۔

  • جنوبی افریقا نےدورہ پاکستان سے معذرت کرلی

    جنوبی افریقا نےدورہ پاکستان سے معذرت کرلی

    لاہور: پاکستان اور جنوبی افریقا کے درمیان تین ٹی ٹوینٹی میچز پر مشتمل سیریز منسوخ ہو گئی۔

    تفصیلات کے مطابق کرکٹ جنوبی افریقا نے دورہ پاکستان سےمعذرت کرلی۔ جنوبی افریقا کی ٹیم کو تین ٹی ٹوینٹی میچز کی سیریز کھیلنے کے لیے 23 مارچ سے پاکستان کا دورہ کرنا تھا۔ پی سی بی نے میچز کے لیے 24،25 اور 27 مارچ کی تاریخیں تجویز کیں لیکن اب مجوزہ سیریز منسوخ کر دی گئی ہے۔

    کرکٹ جنوبی افریقا کا کہنا ہے کہ کھلاڑیوں کے بہت زیادہ کرکٹ کھیلنے کی وجہ سے فی الحال دورہ نہ کرنےکا فیصلہ کیا ہے۔ سیریز فیوچر ٹور پروگرام کا حصہ ہے۔ مستقبل میں دونوں ملک باہمی مشاورت کے بعدسیریز کھیلنے کا فیصلہ کرسکتے ہیں۔

    یاد رہےکہ رواں ماہ 10 فروری کو راولپنڈی ٹیسٹ میں پاکستان نے بنگلہ دیش کو ایک اننگز اور 44 رنز سے شکست دے کر دو میچوں کی سیریز میں ایک صفر کی برتری حاصل کر لی تھی۔

    راولپنڈی کرکٹ اسٹیڈیم میں کھیلے گئے میچ میں بنگلہ دیش کی پوری ٹیم دوسری اننگز میں 168 رنز پر ڈھیر ہوگئی تھی نسیم شاہ نے دوسری اننگز میں تباہ کن باؤلنگ کرتے ہوئے 4 کھلاڑیوں کو آؤٹ کیا تھا جس میں ان کی ہیٹ ٹرک بھی شامل تھی۔

  • پنجاب یوتھ فیسٹیول کرپشن اسیکنڈل، رانا مشہود کی آج نیب میں پیش ہونے سے معذرت

    پنجاب یوتھ فیسٹیول کرپشن اسیکنڈل، رانا مشہود کی آج نیب میں پیش ہونے سے معذرت

    لاہور : پنجاب یوتھ فیسٹیول کرپشن اسکینڈل میں ن لیگ کے رہنماء اورسابق وزیر کھیل رانامشہود رانا مشہود نے آج نیب میں پیش ہونے سے معذرت کرلی اور آٹھ اگست کو پیش ہونے کی درخواست نیب کوبھجوا دی ہیں۔

    تفصیلات کے مطابق پنجاب یوتھ فیسٹیول کرپشن اسکینڈل سے متعلق تحقیقات میں ن لیگ کے رہنماء رانا مشہود نے آج نیب میں پیش ہونے سے معذرت کر لی۔

    نیب لاہور نے رانا مشہود کو آج پنجاب یوتھ فیسٹیول کرپشن کیس میں طلب کر رکھا تھا، رانا مشہود کے وکلاء نے آج پیش ہونے سے معذرت کرتے ہوئے 8 اگست کو پیش ہونے کی درخواست نیب کو بھجوا دی ہے۔

    درخواست میں کہا گیا کہ وہ نجی مصروفیت کی وجہ سے آج نیب میں حاضر نہیں ہو سکتے، پنجاب یوتھ فیسٹیول کرپشن کیس میں وہ اپنے وکلاء کے ذریعے پہلے ہی جواب جمع کروا چکے ہیں۔

    یاد رہے 22 جولائی کو ن لیگ کے رہنماء رانامشہود نے نیب کانوٹس ہوا میں اڑا دیا اور پیش نہ ہوئے، جس کے بعد نیب کی جانب سے رانا مشہود کو چھ اگست کو دوبارہ طلب کیا گیا تھا۔

    مزید پڑھیں : رانا مشہود نے نیب کا نوٹس ہوا میں اڑا دیا

    نیب آفس کے باہر میڈیا سے گفتگو کرتے ہوئے وکلاء کا کہنا تھا کہ رانا مشہود احمد ذاتی مصروفیات کے باعث پیش نہیں ہو سکے، سوالات کے جوابات جمع کروا دیئے ہیں، وہ چار سال سے نیب لاہور میں پیش ہو رہے ہیں، 2017 میں نیب نے رانا مشہود کو کلیئر قرار دیا تھا، ان کیخلاف سیاسی انتقامی کارروائی کی جا رہی ہے۔

    خیال رہے رانا مشہود کےخلاف پنجاب اسپورٹس فیسٹیول میں غیرقانونی ٹھیکے دلوانے کےالزام میں تحقیقات چل رہی ہے، لاہور ہائی کورٹ نے نیب کو رانا مشہود کے خلاف تادیبی کارروائی سے روک دیا تھا اور نام بلیک لسٹ میں شامل کیے جانے پر وزارت داخلہ سے بھی جواب طلب کیا تھا۔

    واضح رہے ایف آئی اے امیگریشن نے سابق صوبائی وزیر رانا مشہود کی بیرون ملک فرار ہونے کی کوشش ناکام بنادی تھی اور امریکہ جانے والی پرواز 621 قطر ایئر ویز سے آف لوڈ کردیا تھا۔

  • رانا مشہود نے چھ اگست کو نیب میں پیش ہونے سے معذرت کر لی

    رانا مشہود نے چھ اگست کو نیب میں پیش ہونے سے معذرت کر لی

    لاہور : پنجاب یوتھ فیسٹیول کرپشن اسکینڈل میں ن لیگ کے رہنماء رانامشہود رانا مشہود نے چھ اگست کو نیب میں پیش ہونے سے معذرت کر لی اور آٹھ اگست کو پیش ہونے کی درخواست نیب کوبھجوا دی ہیں۔

    تفصیلات کے مطابق پنجاب یوتھ فیسٹیول کرپشن اسکینڈل سے متعلق تحقیقات میں ن لیگ کے رہنماء رانا مشہود نے چھ اگست کو نیب میں پیش ہونے سے معذرت کر لی۔

    رانامشہودکے وکلا نےآٹھ اگست کو پیش ہونے کی درخواست نیب کوبھجوا دی، جس میں بتایا ہے کہ نجی مصروفیت کی وجہ سے چھ اگست کو پیش نہیں ہو سکتا، کیس میں اپنے وکلاکے ذریعے پہلے ہی جواب جمع کرا چکا ہوں۔

    یاد رہے 22 جولائی کو ن لیگ کے رہنماء رانامشہود نے نیب کانوٹس ہوا میں اڑا دیا اور پیش نہ ہوئے، جس کے بعد نیب کی جانب سے رانا مشہود کو چھ اگست کو دوبارہ طلب کیا گیا تھا۔

    مزید پڑھیں : رانا مشہود نے نیب کا نوٹس ہوا میں اڑا دیا

    نیب آفس کے باہر میڈیا سے گفتگو کرتے ہوئے وکلاء کا کہنا تھا کہ رانا مشہود احمد ذاتی مصروفیات کے باعث پیش نہیں ہو سکے، سوالات کے جوابات جمع کروا دیئے ہیں، وہ چار سال سے نیب لاہور میں پیش ہو رہے ہیں، 2017 میں نیب نے رانا مشہود کو کلیئر قرار دیا تھا، ان کیخلاف سیاسی انتقامی کارروائی کی جا رہی ہے۔

    خیال رہے رانا مشہود کےخلاف پنجاب اسپورٹس فیسٹیول میں غیرقانونی ٹھیکے دلوانے کےالزام میں تحقیقات چل رہی ہے، لاہور ہائی کورٹ نے نیب کو رانا مشہود کے خلاف تادیبی کارروائی سے روک دیا تھا اور نام بلیک لسٹ میں شامل کیے جانے پر وزارت داخلہ سے بھی جواب طلب کیا تھا۔

    واضح رہے ایف آئی اے امیگریشن نے سابق صوبائی وزیر رانا مشہود کی بیرون ملک فرار ہونے کی کوشش ناکام بنادی تھی اور امریکہ جانے والی پرواز 621 قطر ایئر ویز سے آف لوڈ کردیا تھا۔

  • پاکستانی زائرین کو تشدد کا نشانہ بنائے جانے پر عراق کی معذرت

    پاکستانی زائرین کو تشدد کا نشانہ بنائے جانے پر عراق کی معذرت

    اسلام آباد: عراق نے پاکستانی زائرین کو بدتمیزی و تشدد کا نشانہ بنائے جانے پر پاکستان سے معذرت کرلی، واقعے میں ملوث ایئر ویز اور پولیس اہلکاروں کو معطل کر دیا گیا ہے۔

    تفصیلات کے مطابق عراق میں پاکستانی زائرین سے بدتمیزی کرنے اور انہیں تشدد کا نشانہ بنانے کے واقعے پر عراق نے پاکستان سے معذرت کرلی۔ ذرائع کا کہنا ہے کہ عراقی حکومت نے پاکستانی سفیر کے ذریعے واقعے پر افسوس کا اظہار کیا۔

    ذرائع کا کہنا ہے کہ واقعے میں ملوث ایئر ویز اور پولیس اہلکاروں کو معطل کر دیا گیا ہے، عراقی حکام نے یقین دہانی کروائی ہے کہ اہلکاروں کے خلاف کارروائی کی جائے گی۔

    خیال رہے کہ پاکستانی زائرین نے عراقی ایئر لائن میں ایئر کنڈیشنڈ خراب ہونے پر احتجاج کیا تھا جس پر انتظامیہ نے انہیں بہیمانہ تشدد کا نشانہ بنایا اور بغداد ایئر پورٹ پر محصور کردیا تھا۔

    مسافروں کے مطابق عراقی پولیس نے پاکستانی مسافروں سے موبائل فون میں تشدد کی ویڈیو ڈیلیٹ بھی کروائی اور تمام مسافروں کا موبائل فون چیک کیا۔

    پاکستانی سفارتخانے کے حکام نے بر وقت پہنچ کر مسافروں کو رہا کروایا، بعد ازاں پاکستانی مسافر پی آئی اے کی پرواز 409 کے ذریعے کراچی پہنچے۔