معروف امریکی گلوکارہ و اداکارہ سلینا گومز نے گزشتہ روز اپنے بوائے فرینڈ بینی بلانکو کے ساتھ اپنی منگنی کا اعلان کیا۔
غیر ملکی میڈیا کے مطابق 32 سالہ معروف گلوکارہ، نغمہ نگار سیلینا گومز اپنے 36 سالہ ریکارڈ پروڈیوسر و بوائے فرینڈ بینی بلانکو سے شادی کرنے والی ہیں۔
اداکارہ سلینا گومز نے فوٹو اینڈ شیئرنگ ایپ انسٹاگرام پر اپنی منگنی کا اعلان کرتے ہوئے چند تصاویر شیئر کی تھی جس میں وہ خوشی سے اپنی منگنی کی انگوٹھی دیکھاتے ہوئے نظر آرہی تھیں۔
View this post on Instagram
تاہم اب اداکارہ سلینا گومز کی ہیرے کی انگوٹھی کی حیران کن قیمت سامنے آگئی جسے سن کر آپ بھی حیران رہ جائیں گے، رپورٹ کے مطابق اداکارہ کی انگوٹھی کا انتخاب ان کے منگیتر بینی بلانکو نے کیا تھا۔
رپورٹ کے مطابق ’’مارکوائز کٹ میں معیاری ہیرے ‘‘ سے چمکتی ہوئی خوبصورت انگوٹھی کی قیمت 8 لاکھ پاؤنڈ سے بھی زیادہ ہے۔
یہ رقم بیس کروڑ پاکستانی روپے سے بھی زائد ہے
سلینا گومز نے منگنی کا اعلان کر دیا، منگیتر کون ہے؟
معروف جیولر لورا ٹیلر نے بتایا کہ بینی نے سلینا کے لیے ایک شاندار اور لازوال ڈیزائن کی منگنی کی انگوٹھی کا انتخاب کیا ہے جو اداکارہ کیلئے بالکل موزوں ہے۔
یاد رہے کہ اداکارہ و گلوکارہ سلینا گومز نے تصاویر شیئر کرتے ہوئے کیپشن میں لکھا تھا کہ ’ ہمیشہ کا آغاز اب ہوتا ہے‘ جبکہ کمنٹ سیکشن میں بینی بلانکو نے لکھا کہ ’ یہ میری بیوی ہے‘۔