پشاور : فلیٹ سے معروف ٹک ٹاکر کی لاش برآمد ہوئی ، پولیس کا کہنا ہے کہ ابتدائی تحقیقات کے مطابق خاتون کی موت نشہ آور اشیا کے باعث ہوئی۔
تفصیلات کے مطابق پشاور کے علاقے تھانہ مچنی گیٹ کی حدود ورسک روڈ پر فلیٹ سے خاتون کی لاش ملی ہے،پولیس نے بتایا کہ خاتون کی شناخت ارباب کےنام سے ہوئی ہے۔
پولیس کا کہنا تھا کہ خاتون کی لاش کو پوسٹ مارٹم کیلئے بھجوا دیا گیا ہے ، ابتدائی تحقیقات کے مطابق خاتون کی موت نشہ آور اشیا کے باعث ہوئی۔
حکام نے کہا کہ خاتون کی ہلاکت سے مختلف خدشات ظاہر کیے جارہے ہیں تاہم پولیس نے گھر سے اہم شواہد اکٹھے کرکے انکوائری شروع کردی ہے۔
تھانہ میانی گیٹ کو دیے گئے ایک بیان میں اسلام آباد کے رہائشی محمد یاسین نے بتایا کہ ان کی بہن سیما گل جسے سائکو ارباب کے نام سے جانا جاتا ہے، ایک مشہور ٹک ٹوکر تھی۔
پولیس نے تصدیق کی کہ انہوں نے گھر سے اہم شواہد اکٹھے کر لیے ہیں اور پوسٹ مارٹم رپورٹ کا انتظار کر رہے ہیں جس سے موت کی وجہ واضح ہو جائے گی۔
