Tag: معروف پاکستانی اداکارہ

پاکستان کی معروف اداکارہ نے انکشاف کیا ہے کہ انھوں نے ناسمجھی کے باعث چھوٹی عمر سے ہی کاسمیٹک سرجری کروانا شروع کردی تھی۔

شوبز انڈسٹری کی ابھرتی ہوئی اداکارہ مائرہ خان کا اپنے متعلق کہنا ہے کہ انھوں نے چھوٹی عمر میں کئی بار کاسمیٹک سرجریز کروائیں۔ انھوں نے بتایا کہ صرف 19 سال کی عمر میں پہلا لائپوسیکشن کروایا تھا۔

پوڈکاسٹ میں شرکت کے دوران مائرہ خان نے اپنی زندگی کے راز آشکار کرتے ہوئے بتایا کہ وہ پانچ مرتبہ اپنی ناک کی سرجری کرواچکی ہیں جبکہ ایک بار سرجری کے دوران ان کی ناک خراب بھی ہو گئی تھی۔

مائرہ نے مداحو کو مشورہ دیتے ہوئے کہا کہ میں لوگوں کو ایسا کرنے سے منع کرتی ہوں کیونکہ یہ بہت تکلیف دہ عمل ہوتا ہے اور بہت زیادہ پریشانی کا باعث بنتا ہے۔

انھوں نے بتایا کہ میں چھوٹی عمر میں ناسمجھ تھی اور کاسمیٹک سرجریز کروانے کے لیے بہت پُرجوش تھی عمر کم ہونے کے باعث مجھے اتنی سمجھ نہیں تھی۔

لباس کی وجہ سے خود پر ہونے والی تنقید کے بارے میں ان کا کہنا تھا کہ ہمارے لوگ دوغلے پن کا شکار ہیں، کترینہ کیف کو مغربی طرز کے کپڑوں میں پسند کرتے ہیں اور پاکستانی لڑکیوں پر تنقید کرتے ہیں۔

مائرہ نے کہا کہ عورت جان بوجھ کر کبھی اپنے لیے مشکل زندگی کا انتخاب نہیں کرتی، ہر عورت چاہتی ہے کہ اس کی زندگی پُرسکون ہو، اس کے پاس ایک محبت کرنے والا شوہر ہو، بچے ہوں، ایک اچھی فیملی ہو۔

حجاب کے حوالے سے ان کا کہنا تھا کہ اگر میں نے حجاب کرنا شروع کیا تو انڈسٹری میں مجھے کام نہیں ملے گا صرف اس لیے حجاب نہیں کرتی۔