اسلام آباد : معصوم پاکستانی بچی نے نو مئی کے اندوہناک واقعے پر حیرانگی کا اظہار کرتے ہوئے سوال کیا کیا کوئی اپنے گھر کو بھی آگ لگاتا ہے، نو مئی کو جلاؤ گھیراؤ کرنے والوں کی مائیں کہاں ہیں؟۔
تفصیلات کے مطابق نو مئی کے اندوہناک واقعے پر ایک معصوم پاکستانی بچی نے اپنے احساسات بیان کرتے ہوئے کہا کہ ماں دھرتی نے سکھایا غصہ،گھر میں توڑپھوڑ، آگ لگانا اور گالم گلوج سخت ناپسندیدہ عمل ہے، انتہائی پیار کے باوجود اگر ایسا کوئی کام کیا تو ماں ناراض ہو گی بلکہ اللہ کی ناراضگی بھی یقینی ہے۔
معصوم بچی کا کہنا تھا کہ نو مئی واقعے پر حیران ہوں ، اپنے گھر کا جلاؤ گھیراؤ کرنے والوں کی مائیں کہاں ہیں، وہ انہیں روکتی کیوں نہیں۔
بچی نے مزید کہا کہ میں اورآپ سب بھی یقیناً دیکھ رہے ہوں گے، اپنے وطن کو تباہ کرنے والے کیسے اس انتہائی ممنوع فعل کوسرانجام دے رہے ہیں، سانحہ نو مئی پاکستانی تاریخ کا سیاہ باب ہے۔
معصوم بچی نے سوال کیا موج بڑھے یا آندھی آئے، گھر تو اپنا ہوتا ہے مگر اپنے ہی گھر میں آگ اور تباہی خود کون لے کر آتا ہے؟