Tag: معطل ایس ایس راؤ انوار

کراچی: معطل ایس ایس پی راؤ انوار کے قافلے پر نامعلوم افراد نے حملہ کردیا۔

تفصیلات کے مطابق کراچی کے علاقے اسٹیل ٹاون میں واقع لنک پر معطل ایس ایس پی راؤ انوار کے قافلے پر نامعلوم افراد نے حملہ کردیا۔

اے آر وائی نیوز کے نمائندے شاہنواز شاہ کے مطابق حملہ آوروں نے راؤ انوار کے قافلے پر فائرنگ  کردی جبکہ راؤ انوار کی محافظوں کی جانب سے جوابی فائرنگ تبادلہ ہوا۔

ابتدائی اطلاعات کے مطابق معطل ایس ایس پی راؤ انوار اس حملے میں محفوظ رہے ہیں جبکہ ملزمان کے ساتھ جوابی فائرنگ کے نتیجے میں علاقہ گونج اُٹھاہے۔

راؤ انوار  گزشتہ روز شہید ہونے والے ڈی ایس پی کے گھر تعذیت کے لئے جارہے تھے۔

اے آر وائی نیوز سے گفتگو کرتے ہوئے راؤ انوار کا کہنا تھا کہ  حملہ ہوا لیکن میں محفوظ ہوں ، حملہ کی تفصیلات فی الحال نہیں دے سکتا۔

واضح رہے کہ  گزشتہ دو روز قبل راؤ انوار نے ایک سیاسی جماعت پر سنگین الزامات لگائے تھے اور اس جماعت پر پابندی عائد کرنے کا مطالبہ کیا تھا جس کے بعد ایس ایس ملیر راؤ انوار کو معطل  کردیا گیا تھا۔