ARYNews.tv | Urdu – Har Lamha Bakhabar

Tag: معظم علی

  • سپریم کورٹ نے رکن سندھ اسمبلی معظم علی خان کو نااہل قرار دے دیا

    سپریم کورٹ نے رکن سندھ اسمبلی معظم علی خان کو نااہل قرار دے دیا

    اسلام آباد: سپریم کورٹ آف پاکستان نے رکن سندھ اسمبلی معظم علی کو نااہل قرار دیتے ہوئے پی ایس 11 لاڑکانہ میں دوبارہ الیکشن کا حکم دے دیا۔

    تفصیلات کے مطابق سپریم کورٹ میں ندا کھوڑو بنام معظم علی انتخابی عذرداری کیس کی سماعت جسٹس عظمت سعید شیخ کی سربراہی میں تین رکنی بینچ نے کی۔

    عدالت عظمیٰ نے محفوظ شدہ فیصلہ سنایا، جسٹس اعجازالاحسن نے فیصلہ پڑھ کر سنایا۔

    سپریم کورٹ نے ندا کھوڑو کی درخواست منظور کرلی اور سندھ ہائی کورٹ کا فیصلہ کالعدم قرار دیتے ہویے پی ایس 11 لاڑکانہ 2 میں دوبارہ انتخابات کروانے کا حکم دے دیا۔

    عدالت عظمیٰ نے الیکشن کمیشن کو معظم علی خان کو ڈی نوٹیفائی کرنے کا حکم دے دیا۔

    پیپلرپارٹی کی امیدوار برائے صوبائی اسمبلی ندا کھوڑو نے رکن سندھ اسمبلی معظم علی خان کے خلاف سپریم کورٹ میں الیکشن ٹربیونل کے فیصلے کے خلاف درخواست دائر کی تھی۔

    الیکشن ٹربیونل نے معظم علی خان کے خلاف جنوری 2019 میں ندا کھوڑو کی درخواست مسترد کردی تھی۔ معظم علی خان حلقہ پی ایس 11 لاڑکانہ 2 سے جی ڈی اے کے ٹکٹ پر ممبر سندھ اسمبلی منتخب ہوئے تھے۔

  • عدالتی رولنگ سے نتیجہ نہ لیا جائے، کیس تو ابھی شروع ہی نہیں‌ہوا، پاکستانی وکیل

    عدالتی رولنگ سے نتیجہ نہ لیا جائے، کیس تو ابھی شروع ہی نہیں‌ہوا، پاکستانی وکیل

    کراچی: عالمی عدالت انصاف میں پاکستانی کونسل میں شامل وکیل معظم علی نے کہا ہے کہ صرف عدالتی رولنگ سے نتائج اخذ کرنا ٹھیک نہیں، کمانڈر جادیو کا کیس تو ابھی شروع ہی نہیں ہوا، بھارتی درخواست میں ٹھوس ثبوت موجود نہیں جب کیس شروع ہوگا تو پاکستانی وکلا بھرپور دلائل دیں گے۔

    میڈیا سے بات کرتے ہوئے انہوں نے کہا کہ آج جو عدالتی رولنگ ہوئی وہ بھارتی درخواست کے قابل سماعت ہونے پر نہیں تھی، آج عدالت نے کہا کہ وہ کلبھوشن کیس میں عبوری اقدامات لیں گے۔

    انہوں نے کہا کہ بھارتی دہشت گرد کلبھوشن کا کیس ابھی شروع ہی نہیں ہوا ہے، کلبھوشن کیس پر پاکستانی وکلا پر اعتماد ہے، بھارتی درخواست میں کوئی ٹھوس مواد نہیں، جب کیس کی سماعت ہوگی تو پاکستانی وکیل مزید دلائل دیں گے۔

    یہ بات واضح ہے کہ کیس پر کوئی فیصلہ نہیں ہوا

    ان کا کہنا تھا کہ عدالت کے منہ میں اپنی مرضی کے الفاظ ڈالے جا رہے ہیں، یہ فیصلہ بہت واضح ہے کہ کیس پر کوئی فیصلہ ہی نہیں ہوا۔

    عبوری اقدامات عالمی عدالت کا صوابدیدی اختیار ہے

    ان کا کہنا تھا کہ عبوری اقدامات عالمی عدالت کا ایک طرح سے صوابدیدی اختیار ہے، عالمی عدالت نے پہلے کئی کیسز میں فریقین سے مشورہ تک نہیں کیا تاہم اس کیس میں عالمی عدالت نے فریقین سے بات کی ہے، عالمی عدالت انصاف فریقین کو سنے بغیر بھی یہ فیصلہ کرسکتی تھی۔

    رولنگ سے حتمی نتائج اخذ کرنا ٹھیک نہیں

    ان کاکہنا تھا کہ کچھ لوگ رولنگ سےحتمی نتائج اخذ کرنا چاہ رہے ہیں جو کہ ٹھیک نہیں، عدالتی رولنگ سے حتمی نتیجہ اخذ کرنا غیر مناسب ہے۔

  • عمران فاروق قتل کیس: دہشت گردی کی دفعات ختم کرنے کا فیصلہ محفوظ

    عمران فاروق قتل کیس: دہشت گردی کی دفعات ختم کرنے کا فیصلہ محفوظ

    اسلام آباد: انسداد دہشت گردی کی عدالت میں ایم کیو ایم کے مقتول رہنماء عمران فاروق قتل کیس کی سماعت میں مقدمے سے دہشت گردی کی دفعات ختم کرنے سے متعلق درخواستوں پر فیصلہ محفوظ کرلیا گیا جبکہ ایف آئی اے نے لندن میں مقیم محمد انور اور افتخار حسین کے وارنٹ گرفتاری حاصل کرنے کا فیصلہ کرلیا۔

    تفصیلات کے مطابق اسلام آباد کی انسداد دہشت گردی کی عدالت میں عمران فاروق قتل کیس کی سماعت کے دوران گرفتار ملزمان محسن علی، خالد شمیم اور معظم علی کے وکلا نے مقدمے میں سے دہشت گردی کی دفعات ختم کرنے کے حوالے سے دلائل مکمل کیے۔

    ملزمان کے وکلا نے دلائل میں کہا کہ عمران فاروق کا قتل لندن میں ہوا جبکہ اس مقدمے کی پاکستان میں اس مقدمے کی ایف آئی آر تک درج نہیں کی گئی تاہم 5 سال بعد سیاسی معاملات کے باعث مقدمے کا اندراج کیا گیا۔

    پڑھیں: ’’ عمران فاروق کے قاتلوں‌ کو سزا دینا برطانیہ کی ذمہ داری ہے، نثار ‘‘

    ملزم معظم علی کے وکیل نے عدالت میں مؤقف اختیار کیا کہ جہاں عمران فاروق کو قتل کیا گیا وہاں کوئی دہشت گردی کی واردات نہیں کی گئی تاہم بے نظیر کا قتل جو دہشت گردی تھا اُس کے بعد پورے ملک میں خوف و ہراس پھیلا اور درجنوں انسانی جانیں بھی ضائع ہوئیں۔

    ملزمان کے وکلاء کے دلائل سننے کے بعد عدالت نے مقدمے سے دہشت گردی کی دفعات ختم کرنے سے متعلق درخواست پر فیصلہ محفوظ کرتے ہوئے سماعت 23 فروری تک معطل کردی اور ملزمان کو مزید جوڈیشل ریمانڈ پر روانہ کردیا۔

    مزید پڑھیں: ’’ عمران فاروق قتل کیس، محمد انور کے وارنٹ گرفتاری جاری ‘‘

    عمران فاروق قتل کیس میں نامزد لندن میں مقیم ایم کیو ایم رہنماؤں کی گرفتاری کے حوالے سے ایف آئی اے نے عدالت کو آگاہ کیا کہ ملزمان کو گرفتار کرنے کے لیے اُن کے گھروں پر چھاپے مارے گئے تاہم دونوں کی گرفتاری عمل میں نہیں آسکی۔

    جج کے استفسار پر ایف آئی اے حکام نے کہا کہ وہ ایک دو روز میں وارنٹ گرفتاری جاری کرنے کے لیے عدالت میں درخواست جمع کروائیں گے اور عدالت سے دائمی وارنٹ جاری کرنے کی استدعا کریں گے۔

  • عمران فاروق کیس: برطانوی ٹیم کی ملزم معظم علی سے پوچھ گچھ

    عمران فاروق کیس: برطانوی ٹیم کی ملزم معظم علی سے پوچھ گچھ

    اسلام آباد : عمران فاروق قتل کیس میں اسکاٹ لینڈ یارڈ کی ٹیم کو پاکستان میں گرفتار ملزم معظم علی تک رسائی دے دی گئی۔

    ٹیم ملزم کاویڈیوبیان ریکارڈ کرےگی۔ عمران فاروق قتل کیس میں اہم پیش رفت ہوگئی، لندن پولیس نےپاکستان میں گرفتار ملزم معظم علی سے پوچھ گچھ کی.

    اسلام آبادمیں اسکاٹ لینڈ یارڈ کی ٹیم کوزیرحراست ملزم معظم علی تک رسائی دےدی گئی۔تفتیشی ٹیم نےمعظم علی سےزبانی سوالات کئے۔

    پاکستان نےمعظم علی کاتحقیقاتی اداروں کودیاگیااعترافی بیان برطانوی پولیس کودےدیا، اسکاٹ لینڈ یارڈ کی ٹیم نے پاکستانی تفتیشی اداروں سے بھی ملاقات کی۔

    عمران فاروق قتل کیس میں گرفتار دیگر ملزمان کےبیانات بھی برطانوی پولیس کوفراہم کردیئے گئےہیں۔ معظم علی پرعمران فاروق کےقتل میں ملوث ملزمان کو لندن بھیجنے میں مدد فراہم کرنے کا الزام ہے

  • منی لانڈرنگ کیس: اسکارٹ لینڈ یارڈ کی ٹیم کی پاکستان آمد

    منی لانڈرنگ کیس: اسکارٹ لینڈ یارڈ کی ٹیم کی پاکستان آمد

    اسلام آباد : منی لانڈرنگ کیس میں اسکاٹ لینڈ یارڈ کی ٹیم پاکستان پہنچ گئی، تحقیقاتی ٹیم معظم علی اور صولت مرزا کا بیان ریکارڈ کرے گی۔

    تفصیلات کے مطابق ایم کیو ایم کے قائد الطاف حسین سمیت چھ ملزمان کیخلاف منی لانڈرنگ کیس مزید پیش رفت ہورہی ہے، اس سلسلے میں اسکاٹ لینڈ یارڈ کی ٹیم پاکستان پہنچ گئی ہے، جوعمران فاروق قتل کیس سمیت منی لانڈرنگ کے حوالے سے صولت مرزا اور معظم علی کے بیانات ریکارڈ کریگی۔

    اطلاعات کے مطابق برطانوی ٹیم پاکستانی وزارت داخلہ کے تعاون سے پاکستان میں کارروائی کر رہی ہے، واضح رہے کہ منی لانڈرنگ کیس میں میٹروپولیٹن پولیس نے ایم کیو ایم کے قائد الطاف حسین کی ضمانت میں جولائی تک توسیع کردی گئی۔

      اس کے علاوہ لندن میں رقم کے غیر قانونی لین دین کے الزامات کی زد میں آئے پاکستانی نژاد تاجر سرفراز مرچنٹ اور ایم کیو ایم کے رہنما طارق میر کی ضمانت میں بھی وسط جولائی تک توسیع کردی۔

    جبکہ ایم کیو ایم کے ترجمان کا کہنا ہے کہ ایم کیوایم کسی بھی قسم کی منی لانڈرنگ میں ملوث ہونے کی تردید کرتی ہے۔

  • معظم علی خان کی کراچی سے باہر منتقلی کیخلاف درخواست مسترد

    معظم علی خان کی کراچی سے باہر منتقلی کیخلاف درخواست مسترد

    کراچی: ڈاکٹر عمران فاروق قتل کیس میں ہائی کورٹ نے معظم علی خان کی کراچی سے باہر منتقلی کیخلاف درخواست مسترد کردی ہے۔

    سندھ ہائی کورٹ کے دو رکنی بینچ نے ڈاکٹر عمران فاروق قتل کیس میں مبینہ سہولت کار معظم علی خان کو کراچی سے باہر منتقل کیے جانے کے خلاف درخواست مسترد کردی ۔

     درخواست معظم علی خان کی اہلیہ سادیہ بانو کی جانب سے دائر کی گئی تھی جس میں موقف اپنایا گیا تھا کہ میڈیا رپورٹس کے مطابق معظم علی خان کو کراچی سے باہر منتقل کیا جارہا ہے، درخواست پرسماعت سندھ ہائی کورٹ کے دو رکنی بینچ نے کی ۔

    عدالت کاکہنا تھا کہ معظم علی خان کی گرفتاری کے متعلق درخواست پہلے ہی زیر سماعت ہے لہذا یہ درخواست نہیں سن سکتے، معظم علی خان پر الزام ہے کہ انہوں نے ڈاکٹر عمران فاروق کو قتل کرنے والے دو نوں ملزمان کے سہولت کار بنے اور ان کے ویزوں کی توسیع کی ۔

  • عمران فاروق کیس : معظم علی نوّے روز کیلئے رینجرز کے حوالے

    عمران فاروق کیس : معظم علی نوّے روز کیلئے رینجرز کے حوالے

    کراچی : عمران فاروق قتل کیس کے مرکزی ملزم معظم علی کوانسداددہشت گردی کراچی کی عدالت نمبر چارمیں پیش کردیاگیا۔

    عدالت نے ملزم کو دہشت گردی ایکٹ کے تحت نوّے روز کیلئے رینجرز کے حوالے کرنے کا حکم دے دیا، تفصیلات کے مطابق کراچی کے علاقے عزیز آباد سے گرفتارمعظم علی پر عمران فاروق قتل کیس میں سہولت کار بننےکاالزام ہے۔

    معظم علی کو رینجرز نے سخت حفاظتی انتظامات میں انسداددہشت گردی کراچی کی عدالت نمبر چارمیں پیش کیا، ملزمعظم علی کو آنکھوں پر پٹی باندھ کر عدالت میں پیش کیا گیا۔

    جہاں عدالت نے ملزم معظم علی کو دہشت گردی ایکٹ کے تحت 90 روز کیلئے رینجرز کے حوالے کرنے کا حکم دیا

    ذرائع کے مطابق معظم علی خان کی کمپنی نے قتل میں ملوث محسن علی اورمحمد کاشف کوتعلیمی ویزا لگوا کر برطانیہ بھیجا تھا، جبکہ عمران فاروق کے قتل کے بعد بھی معظم علی خان کے فون پر کال بھی آئی تھی۔

    معظم علی خان نےدوہزار دس میں افتخار حسین سے بھی رابطہ کیا تھا جبکہ اس نے برطانیہ میں ویزے کی درخواست بھی جمع کرائی تھی۔