ARYNews.tv | Urdu – Har Lamha Bakhabar

Tag: معمہ حل

  • کراچی: میاں بیوی کے اندھے قتل کا معمہ حل ، قاتل کون ؟ بڑا انکشاف سامنے آگیا

    کراچی: میاں بیوی کے اندھے قتل کا معمہ حل ، قاتل کون ؟ بڑا انکشاف سامنے آگیا

    کراچی : پولیس نے گھر میں میاں بیوی کے قتل کا معمہ حل کرتے ہوئے قاتل کو گرفتار کرلیا، دیدار گل کو سعودی عرب سے بلا کر بارہ لاکھ روپے کی سپاری دی گئی تھی۔

    تفصیلات کے مطابق کراچی کے علاقے بلال کالونی میں میاں بیوی کے اندھےقتل کا معمہ حل ہوگیا، پولیس نے سوشل میڈیا کے ذریعے قتل کی سپاری لینے والے اجرتی قاتل کو گرفتار کرلیا ہے۔

    پولیس کا کہنا تھا کہ گرفتار ملزم دیدارگل سے اسلحہ اور دیگرسامان برآمدکرلیا گیا اور یہ انکشاف سامنے آیا ہے کہ مثل خان اورکرن بی بی کوخاتون کے بھائی نے سپاری دیکر قتل کرایا۔

    تفتیشی پولیس نے کہا کہ مقتولہ کے بھائی کا اجرتی قاتل سے فیس بک کے ذریعے رابطہ ہوا، دیدار گل سعودی عرب میں کام کرتاتھا، جہاں سے وہ واردات کیلئے کراچی آیا۔

    پولیس کے مطابق مثل نے ملزم کی بڑی بہن کو طلاق دیکر چھوٹی بہن سے شادی کی تھی، جس کے بعد میاں بیوی روپوشی کی زندگی گزاررہے تھے۔

    حکام کا کہنا تھا کہ اجرتی قاتل دیدار گل بارہ لاکھ روپے لیکر قتل کرنے پر آمادہ ہوا، ملزم کورنگی بلال کالونی میں رہا اورمیاں بیوی کی نقل و حرکت پر نظر رکھنے لگا ، مقتولہ کا بھائی اور پشاور سے اسلحہ لانے والا ملزم تاحال مفرور ہیں۔

  • پولیس نے 1983 میں ہونے والے قتل کا کیس حل کر لیا

    پولیس نے 1983 میں ہونے والے قتل کا کیس حل کر لیا

    اوہایو: امریکی ریاست اوہایو کی پولیس نے ایک ایسے قتل کا کیس حل کر لیا ہے جو 37 سال قبل ہوا تھا۔

    تفصیلات کے مطابق 1983 میں اوہایو کی کاؤنٹی شمالی ڈیلاویر میں ساؤتھ گلینا روڈ پر ایک 15 سالہ لڑکے کی کٹی پھٹی لاش ملی تھی، جس کی شناخت جون مونسی کے نام سے ہوئی تھی، تاہم اس کے قاتل کا پتا نہیں چل سکا تھا۔

    اوہایو کے حکام نے رواں ہفتے اعلان کیا کہ برسوں پرانے اس قتل کا معمہ حل کر لیا گیا ہے، قاتل کا پتا چل گیا ہے جس کا نام ڈینئل ایلن اینڈرسن ہے، قتل کرنے کے وقت جس کی عمر 30 سال کے لگ بھگ تھی۔

    مقامی اخبار میں چھپنے والی رپورٹ کے مطابق ڈیلاویر کاؤنٹی کی پولیس نے معمہ حل کرنے کے لیے ڈی این اے فینوٹائپنگ، جینیٹک جینیالوجی، اور فارنسک جینیالوجیکل ریسرچ کا استعمال کرتے ہوئے جون مونسی کے قاتل کا پتا لگایا۔

    اگرچہ مونسی کی کٹی پھٹی لاش شمالی ڈیلاویر کی ایک روڈ پر سے ملی تھی تاہم حکام کو یقین ہے کہ اس کا قتل کولمبس میں کہیں ہوا تھا۔ اس وقت ٹیکنالوجی کی کمی کی وجہ سے تفتیش کاروں نے اتنا ہی معلوم کیا تھا کہ جائے واردات پر موجود خون کئی افراد کا تھا۔

    یہ کیس 2010 میں دوبارہ کھولا گیا، اور 2018 میں ورجینیا کی کمپنی پیرابون نینولیبز نے تین بھائیوں کے خون کے ڈی این اے کا تجزیہ کر کے اصل قاتل کا پتا لگا لیا، قاتل ڈینئل ایلن اینڈرسن کے بارے میں پولیس حکام نے بتایا کہ وہ علاقے کا ایک عادی جرائم پیشہ تھا، اور اس کا کریمنل ریکارڈ بھی موجود ہے۔

    اوہایو بیورو آف کریمنل انویسٹی گیشن نے تصدیق کی کہ کرائم سین سے محفوظ کیا گیا ڈی این اے اینڈرسن سے میچ کر گیا ہے، یہ ایک بالکل اندھا کیس تھا لیکن ہم مایوس نہیں ہوئے، آخر کار یہ معمہ اب حل ہو گیا ہے۔

  • فلپائن میں زیر تربیت سعودی پائلٹ کی پراسرار گمشدگی کا معمہ حل نہیں ہوسکا

    فلپائن میں زیر تربیت سعودی پائلٹ کی پراسرار گمشدگی کا معمہ حل نہیں ہوسکا

    منیلا : فلپائن میں زیر تربیت ایک سعودی پائلٹ کی پراسرار گمشدگی کا معمہ حل نہیں ہوسکا، عبداللہ کے ایک قریبی عزیز نے ان کا فون نمبر ملایا تو چوتھی کوشش پر مل گیا تاہم بات نہ ہو سکی۔

    تفصیلات کے مطابق سعودی پائلٹ کیپٹن عبداللہ الشریف جو ڈیڑھ سال سے فلپائن میں اورینٹ فضائی کمپنی کے ایک اسکول میں زیر تربیت تھے اپنے مقامی انسٹرکٹر کے ساتھ ایک ہفتہ قبل لاپتا ہو گئے تھے۔

    مقامی خبر رساں ادارے کا کہنا تھا کہ ابتدائی طور پر یہ خبر سامنے آئی تھی کہ عبداللہ الشریف جس طیارے میں سوار تھے وہ حادثے کا شکار ہوا ہے تاہم اس طیارے کا کہیں بھی سراغ نہیں مل سکا اور نہ ہی اس کے ملبے کا کوئی پتا چلا ہے۔

    سعودی عرب میں موجود عبداللہ کے ایک قریبی عزیز نے اس کا فون نمبر ملایا تو چوتھی کوشش پر نمبر مل گیا تاہم اس پر بات نہیں ہو سکی۔

    عرب خبر رساں ادارے کا کہنا تھا کہ گمشدگی کے واقعے کے تین روز بعد اس کے نمبر سے کوئی فلپائنی زبان میں بات کر رہا تھا مگر اس کا سعودی دوست فلپائنی نہیں سمجھ سکا تاہم بات کرنے والا اونچی اونچی بول رہا تھا۔

    میڈیا رپورٹس کے مطابق جب سعودی شہری نے اسے پوچھا کہ آپ انگریزی بول سکتے ہیں تو اس کے ہاں کہہ کر فون بند کردیا، اس کے بعد سے نمبر مسلسل بند مل رہا ہے۔

    خیال رہے کہ فلپائنی حکام جنوب کے جزیرہ میندورو میں لاپتا طیارے کو تلاش کر رہے ہیں۔ تاہم ابھی تک یہ واضح نہیں ہو سکا کہ کیا حقیقت میں طیارے کو کوئی حادثہ پیش آیا ہے۔

  • شہر قائد کی فضا میں‌ بساند پھیلنے کا معمہ حل ہوگیا

    شہر قائد کی فضا میں‌ بساند پھیلنے کا معمہ حل ہوگیا

    کراچی: شہر قائد کی فضا میں بدبو پھیلنے کا معمہ حل ہوگیا، بدبو ساحل پر مینگروز کے پودے سڑنے کے باعث پھیلی۔

    جنوبی، مشرقی اور سینٹرل کے کچھ علاقوں سے عوام نے بدبو آنے کی شکایت کی تھی لیکن اس بات کا تعین نہیں ہوسکا تھا کہ فضا میں پھیلی ہوئی بدبو آکر کس چیز کی ہے؟


    ماحولیات اور جانوروں کے لیے کام کرنے والی تنظیم نے بتایا ہے کہ مئی اور جون میں لہروں کا رخ بدلتا ہے جس کے باعث سمندر میں موجود تیمر (مینگروز) کے پودے سڑ جاتے ہیں کراچی کی فضاؤں میں پھیلی ہوئی بساند ان ہی مینگروز کی ہے۔

    قبل ازیں بدبو آنے پر شہری پریشانی کا شکار تھے کہ آخر یہ بساند کہاں سے آرہی ہے؟ تاہم وہ اندازہ نہ کرسکے، لوگوں نے فیس بک اور ٹوئٹر پر اپنی آرا کا اظہار کیا۔

    لوگوں کی آرا جاننے کےلیے اس لنک پر کلک کریں:

    کراچی کی فضا میں عجیب و غریب بساند پھیل گئی