ARYNews.tv | Urdu – Har Lamha Bakhabar

Tag: معیشت کی بحالی

  • وزیراعظم شہباز شریف کا معیشت کی بحالی کیلئے ہنگامی بنیادوں پر لائحہ عمل تیارکرنے کا حکم

    وزیراعظم شہباز شریف کا معیشت کی بحالی کیلئے ہنگامی بنیادوں پر لائحہ عمل تیارکرنے کا حکم

    اسلام آباد : وزیراعظم شہباز شریف نے معیشت کی بحالی کیلئے ہنگامی بنیادوں پر لائحہ عمل تیار کرنے کا حکم دے دیا اور کہا معیشت کی بہتری حکومت کی اولین ترجیح ہے۔

    تفصیلات کے مطابق وزیراعظم شہبازشریف نے حلف اٹھاتے ہی کام شروع کردیا ، معیشت کی بحالی سے متعلق بڑا اجلاس ہوا، جس میں سیکرٹری خزانہ نے معاشی صورتحال پربریفنگ دی۔

    وزیراعظم نے معیشت کی بحالی کیلئے ہنگامی بنیادوں پرلائحہ عمل تیارکرنے کا حکم دیتے ہوئے کہا کہ معیشت کو بہتر کرنے کا مینڈیٹ ملااور یہی حکومت کی اولین ترجیح ہے۔

    شہباز شریف کا کہنا تھا کہ ہماری حکومت ملک میں سرمایہ کاری کےفروغ کیلئےکام کرےگی، کاروباری برادری کوسہولتوں کی فراہمی کیلئے بھرپور طریقے سے کام کریں گے۔
    .
    اجلاس میں سرمایہ کاری کے فروغ اور نقصان میں جانے والے حکومتی اداروں کی نجکاری کا اعلان کرتے ہوئے ایکسٹینڈڈ فنڈ فیسلٹی سے متعلق آئی ایم ایف سے گفتگو فوری آگے بڑھانے کی ہدایت کی گئی۔

    وزیراعظم نے واضح کیا کہ نقصان کرنے والے ادارے ملکی معیشت پرمزیدبوجھ نہ بنیں، ملکی برآمدات میں اضافےکیلئےکام کرنے والےسروں کا تاج ہیں، اچھے ٹیکس پیئرز کی حکومتی سطح پرپذیرائی کی جائےگی اور حکومتی حجم کم کیاجائے گا۔

    شہباز شریف نے حکومتی بورڈزممبران کی مراعات میں کمی کیلئے کمیٹی تشکیل دینے کی ہدایت کرتے ہوئے کہا ایس آئی ایف سی معاشی استحکام کیلئے انتہائی اہم قدم ہےمزید مستحکم کیاجائے گا۔

    اجلاس میں پاور اور گیس سیکٹرز کی اسمارٹ میٹرنگ پرمنتقلی کیلئےلائحہ عمل تیارکرنےکی ہدایت کرتے ہوئے کہا گیا کہ اسمارٹ میٹرنگ سےلائن لاسزکم کرنےمیں مددملےگی۔

    وزیراعظم نے ہدایت کی مالیاتی ادارےدرمیانےاورچھوٹےدرجےکےکاروبار کیلئےحکمت عملی تیارکریں اور بینکس کاروبارکےفروغ کیلئےاقدامات کریں تاکہ نوجوانوں کومددمل سکے۔

    ان کا کہنا تھا کہ ایسےادارےجن کی ضرورت نہیں انہیں ضم یاپھربندکردیاجائے اور ان سےمتعلق حکمت عملی بنائی جائے

    اجلاس میں وزیراعظم کو بریفنگ میں بتایا گیا کہ ایف بی آر نے 65 ارب روپے کے ٹیکس ریفنڈز کلیئر کردیئے، وزیراعظم کا آئندہ اجلاس فیڈرل بورڈآف ریونیو سے متعلق منعقد کیا جائے گا۔

  • کورونا کے بڑھتے ہوئے کیسزسے معیشت کی بحالی کو خطرہ، اسد عمر نے خبردار کردیا

    کورونا کے بڑھتے ہوئے کیسزسے معیشت کی بحالی کو خطرہ، اسد عمر نے خبردار کردیا

    اسلام آباد : وفاقی وزیر اسد عمر کا کہنا ہے کہ کورونا کے کیسز بڑھنے سے معیشت کی بحالی کو خطرہ ہوسکتا ہے۔

    تفصیلات کے مطابق وفاقی وزیر اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ جولائی سے ستمبر گزشتہ سال کے مقابلےلارج اسکیل مینوفیکچرنگ میں 7 فیصد اضافہ ہوا اور ستمبر2020، گزشتہ سال ستمبر کے مقابلے میں شرح نمو10 فیصد رہی، یہ معاشی بحالی کی جانب مضبوط اشارہ ہے لیکن کورونا کے کیسز بڑھنے سے معیشت کی بحالی کو خطرہ ہوسکتا ہے۔

    یاد رہے وفاقی وزیر اسد عمر کا این سی او سی اجلاس میں کہنا تھا کورونا کیسز میں اضافے کے پیش نظر ہنگامی اقدامات ناگزیر ہیں، بڑے اجتماعات پر پابندی کی تجویزکےبعدکورونا کیسز میں 3 گنا اضافہ ہوا ، عدم اتفاق رائے سے سفارشات پر عملدرآمد تاخیر کا شکار ہے۔

    خیال رہے پاکستان میں کورونا وائرس کی دوسری لہر شدت اختیار کرگئی ہے م نئے کیسز اور اموات کی شرح میں تشویشناک اضافہ ہوتا جارہا ہے ، چار ماہ بعد ایک ہی دن میں سینتیس افراد لقمہ اجل بنے جبکہ 23 سو 4 نئے کیسز بھی رپورٹ ہوئے۔

  • معیشت کی بحالی، سعودی عرب سے اچھی خبر آگئی

    معیشت کی بحالی، سعودی عرب سے اچھی خبر آگئی

    ریاض: کرونا وائرس کو روکنے کے لیے نافذ لاک ڈاؤن میں نرمی کے بعد سعودی معیشت کی بحالی میں تیزی آگئی۔

    تفصیلات کے مطابق سعودی عرب کے وزیر سرمایہ کاری خالد الفالح نے کہا ہے کہ رواں سال کے پہلے 6 ماہ کے دوران 506 بزنس لائسنسز دیے گئے، زیادہ لائسنسز جون میں دیے گئے جس کی وجہ سے اپریل اور مئی میں کرونا کے باعث معاشی سرگرمیوں کے تعطل کی کافی تلافی ہوئی۔

    خالد الفالح کا کہنا تھا کہ معیشت سے متعلق جون کے مثبت اعداد وشمار سے ظاہر ہوتا ہے کہ سعودی معیشت کرونا کے اثرات سے نکل رہی ہے، بیرونی سرمایہ کاری میں دوبارہ اضافہ دیکھیں گے۔

    دوسری جانب وزیر خزانہ اور معاشی منصوبہ بندی محمد الجدان نے ایک آن لائن فورم کو بتایا کہ معیشت کے کچھ سیکٹرز میں بحالی کے آثار نظر آنا شروع ہوگئے ہیں۔

    انہوں نے بتایا کہ گزشتہ سال جون میں اندورنی سیاحت 18 فیصد کے حساب سے ترقی کر رہی تھی، اس سال بہار کے موسم میں ہوٹلوں میں بکنگ تقریباََ صفر تک گر گئی تھی اب یہ دوبارہ 85 سے 90 فیصد تک پہنچ گئی ہے۔

    وزیر خزانہ کا کہنا تھا کہ جب سے ہم نے معیشت کو کھولا ہے جون کے ماہ کے اعداد و شمار بہت حوصلہ افزا ہے، ہم بحالی کی طرف گامزن ہیں لیکن ہمیں یاد رکھنا چاہیے کہ ہم ابھی تک مکمل طور پر مشکلات پر قابو نہیں پاسکے ہیں۔

  • آرمی چیف کا معیشت کی بحالی سے متعلق بیان خوش آئند ہے، مولابخش چانڈیو

    آرمی چیف کا معیشت کی بحالی سے متعلق بیان خوش آئند ہے، مولابخش چانڈیو

    حیدرآباد : پیپلزپارٹی کے مرکزی سیکریٹری اطلاعات سینیٹر مولابخش چانڈیونے کہا ہے کہ آرمی چیف کی جانب سے معیشت کی بحالی کے حوالے سے دیا گیا بیان خوش آئند ہے، ملک کے ادارے اور پارلیمنٹ مل کر اس ملک کو بحران سے نکال سکتے ہیں۔

    حکمران ذاتیات کی بات کرتے ہیں جبکہ بلاول بھٹو نے ہمیں کسی کی ذاتیات پر بات کرنے سے منع کیا ہے۔ وہ حیدرآباد پریس کلب میں پریس کانفرنس سے خطاب کررہے تھے۔

    اس موقع پر ایم کیوایم سے تعلق رکھنے والے ایم کیوایم کنٹونمنٹ بورڈ کے تین ارکان سید جمیل رضوی، سید راحت نسیم اور شاہد مسیح نے پیپلزپارٹی میں شمولیت کا اعلان کیا، پریس کانفرنس میں صغیر قریشی اور حیدر شاہانی بھی موجود تھے۔

    مولا بخش چانڈیو نے کہا کہ جب بھی کبھی ملک سیاسی یا معاشی بحران میں آیا ہے تو فوج نے اپنا کردار ادا کیا ہے، مولابخش چانڈیو نے کہا کہ حکمران دن بدن پاکستان کی سیاست پر بوجھ بنتے جارہے ہیں۔

    ملک کے ادارے اور پارلیمنٹ مل کر اس ملک کو بحران سے نکال سکتے ہیں۔ انہوں نے کہا کہ جب بھی کبھی ملک سیاسی یا معاشی بحران میں آیا ہے تو فوج نے اپنا کردار ادا کیا ہے۔

    اب بھی معاشی بحران کے حوالے سے جنرل صاحب نے کہا ہے کہ پاکستان کو بحران سے نکالنے کے لئے سب کو مل کر کام کرنا ہوگا لیکن یہاں ایک پارٹی دعویٰ کررہی ہے کہ وہ ملک کو خوشحالی کی طرف گامزن کرے گی آج تک ان کا کون سا دعویٰ پورا ہوا ہے۔