ARYNews.tv | Urdu – Har Lamha Bakhabar

Tag: معیشت

  • وزیراعظم عمران خان ملکی معیشت کی مضبوطی کے لیے پُرعزم ہیں، ڈاکٹر شاہد صدیق

    وزیراعظم عمران خان ملکی معیشت کی مضبوطی کے لیے پُرعزم ہیں، ڈاکٹر شاہد صدیق

    لاہور: پاکستان تحریک انصاف کے رہنما ڈاکٹر شاہد صدیق خان کا کہنا ہے کہ وزیراعظم عمران خان کا دورہ چین ملکی ترقی کے لیے اہم کردار ادا کرے گا۔

    تفصیلات کے مطابق وزیراعلی پنجاب کی میڈیا ٹیم کے ممبر ڈاکٹر شاہد صد یق خان نے کہا ہے کہ وزیراعظم عمران خان ملکی معیشت کی مضبوطی کے لیے پُرعزم ہیں۔

    انہوں نے کہا کہ سا بق حکمرانو ں کی کرپشن نے ملک کی بنیادیں کمزور کیں، پی ٹی آئی حکومت نے معیشت کو آئی سی یو سے نکالا۔

    ڈاکٹر شاہد صدیق خان نے کہا کہ ترقی اور خو شحالی ملک کا مقدر بن چکی ہے اپوزیشن ملک کو ترقی کے راستے پر گامزن دیکھ کر بوکھلاہٹ کا شکار ہوگئی ہے۔

    انہوں نے کہا کہ وزیراعظم عمران خان کی ساری ٹیم انتہائی لگن اورمحنت سے ملک کو بحرانو ں سے نکالنے کے لیے اپنا کردار ادا کر رہی ہے۔

    اپوزیشن جماعتوں کا گٹھ جوڑ صرف قوم کی لوٹی ہوئی دولت بچانے کے لیے ہے، ڈاکٹر شاہد صدیق

    یاد رہے کہ گزشتہ ماہ پاکستان تحریک انصاف کے رہنما ڈاکٹر شاہد صدیق خان کا کہنا تھا کہ سابق حکمرانوں نے اپنے دور میں عوام کے لیے کچھ نہیں کیا۔

  • حکومت کے مثبت فیصلوں کے نتیجے میں معاشی اشاریے بہتر ہونا شروع ہوگئے ہیں، جمشید اقبال چیمہ

    حکومت کے مثبت فیصلوں کے نتیجے میں معاشی اشاریے بہتر ہونا شروع ہوگئے ہیں، جمشید اقبال چیمہ

    لاہور: پاکستان تحریک انصاف کے رہنما جمشید اقبال چیمہ کا کہنا ہے کہ حکومت زراعت کی ترقی کے لیے بھی انقلابی اقدامات اٹھا رہی ہے۔

    تفصیلات کے مطابق تحریک انصاف کے مرکزی رہنما جمشید اقبال چیمہ نے کہا ہے کہ حکومت کے مثبت فیصلوں کے نتیجے میں معاشی اشاریے بہتر ہونا شروع ہوگئے ہیں۔

    انہوں نے کہا کہ پہلی سہ ماہی میں درآمدات میں 3ارب ڈالر کی کمی نے ماضی کے تمام ریکارڈ توڑ دیے ہیں جبکہ برآمدات اضافے کی جانب گامزن ہیں،حکومت زراعت کی ترقی کے لیے بھی انقلابی اقدامات اٹھا رہی ہے جس سے کئی شعبے ترقی کریں گے۔

    جمشید اقبال چیمہ نے کہا کہ وزیراعظم عمران خان اس سے آگاہ ہیں کہ نجی شعبے کے بغیر روزگار کے مواقع پیدا نہیں کیے جاسکتے، ان کے لیے ون ونڈو آپریشن لایا جا رہا ہے۔

    تحریک انصاف کے رہنما نے کہا کہ حکومت مقامی سرمایہ کاروں کو بھی غیر ملکی سرمایہ کاروں کی طرز پر سہولیات دے رہی ہے۔

    انہوں نے کہا کہ حکومت زراعت کی ترقی کے لیے خصوصی اقدامات اٹھا رہی ہے اور اس کے لیے انقلابی پروگرام شروع کیے جا رہے ہیں، زاعت کی ترقی سے اس سے جڑے ہوئے دیگر شعبے بھی ترقی کریں گے اور کسان کی زندگی میں بھی خوشحالی آئے گی۔

    جمشید اقبال چیمہ نے کہا کہ سابقہ حکمرانوں کی مصنوعی پالیسیوں کی وجہ سے ملک کو آج گھمبیر مسائل کا سامنا ہے، ہم معیشت کو دستاویزی شکل دے رہے ہیں۔

  • تاجر، صنعتکار اور کسان کی ناکامی حکومت کی ناکامی ہے: اسد عمر

    تاجر، صنعتکار اور کسان کی ناکامی حکومت کی ناکامی ہے: اسد عمر

    اسلام آباد: سابق وزیر خزانہ اسد عمر کا کہنا ہے کہ تاجر، صنعتکار اور کسان کی ناکامی حکومت کی ناکامی ہے، حکومت کی کوشش ہے کاروبار بڑھے۔

    تفصیلات کے مطابق سابق وفاقی وزیر خزانہ اسد عمر کا کہنا ہے کہ تاجر، صنعتکار اور کسانوں کی ناکامی حکومت کی ناکامی ہے۔ تاجر اور کسان خوشحال نہیں ہوں گے تو مسائل ٹھیک نہیں ہوسکتے۔

    انہوں نے کہا کہ وزارت خزانہ پالیسی اور متعلقہ اداروں پر نظر رکھنا کمیٹی کا کام ہے، حکومت نے مشکل حالات میں فیصلے کرنے کی کوشش کی۔ حکومت معاشی اہداف تاجروں کے ذریعے حاصل کرتی ہے۔

    اسد عمر نے کہا کہ جب تک آپ کو میری اور مجھے آپ کی پالیسی سمجھ نہیں آتی ترقی نہیں ہوسکتی، 8 ماہ وزیر خزانہ رہا۔ پشاور اور کراچی سمیت 8 چیمبرز کا دورہ کیا۔ حکومت کی کوشش ہے کاروبار بڑھے۔

    انہوں نے کہا کہ عمران خان دلیر فیصلے کرنے کی ہمت رکھتے ہیں، 70 سال سے کشمیریوں کے ساتھ ظلم ہو رہا ہے ہر پاکستانی ان کے ساتھ ہے، وزیر اعظم نے جس طریقے سے کشمیر کا مقدمہ لڑا اس سے مسئلے کے حل کی راہ ہموار ہوئی ہے۔

    اس سے قبل ایک موقع پر اسد عمر کا کہنا تھا کہ آئی ایم ایف اب تک پاکستان کی معاشی کارکردگی سے مطمئن ہے، آئی ایم ایف نمائندوں نے کہا ہے کہ معیشت درست راہ پرگامزن ہے۔

    انہوں نے کہا تھا کہ سرمایہ کاروں کا اعتماد بحال ہو رہا ہے جو مستقبل میں معاشی نمو کا باعث ہوگا، معیشت کی بہتری کے لیے بہتر سیکورٹی چاہیئے۔ معیشت کی بہتری کے لیے مل کر کام کرنا ہوگا۔

  • گھر بیٹھی خواتین کو معاشی عمل کا حصہ بنانا ہے: فردوس عاشق اعوان

    گھر بیٹھی خواتین کو معاشی عمل کا حصہ بنانا ہے: فردوس عاشق اعوان

    سیالکوٹ: وزیر اعظم کی معاون خصوصی فردوس عاشق اعوان کا کہنا ہے کہ پاکستان کی معاشی برتری تک دنیا اس کی بات توجہ سے نہیں سنے گی، 52 فیصد گھر بیٹھی خواتین کو معاشی محاذ پر لانا ہے۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے اسٹیٹ بینک کی ایس ایم ایز فنانس کی آگاہی پر ہونے والی تقریب میں شرکت کی۔ ان کا کہنا تھا کہ خواتین کو معاشی ترقی میں سہولت دینا وزیر اعظم کے مشن کا عکاس ہے۔

    معاون خصوصی نے کہا کہ ملک کے ساتھ ناانصافیاں ہوئی ہیں، ملک کو گدھ بن کر نوچا گیا۔ صنعتی پالیسی میں ایس ایم ایز کا کردار ہوگا۔ سنہ 2023 تک ایک کھرب 900 ارب روپے کا حجم رکھا گیا ہے۔

    انہوں نے کہا کہ وزیر اعظم گھریلو صنعت کو فروغ دینا چاہتے ہیں، خواتین کو با اختیار بنانے کے لیے 6 ارب رکھے گئے ہیں۔ خواتین کو قرضوں کی مد میں ہر ممکن سہولیات دی جائیں گی۔

    معاون خصوصی کا کہنا تھا کہ سرحدوں پر لڑی جانے والی جنگوں کا رواج ختم ہو چکا ہے، اب جنگ وہی جیتے گا جو معاشی طور پر مستحکم ہوگا۔ 52 فیصد گھر بیٹھی خواتین کو معاشی محاذ پر لانا ہے۔ پاکستان کی معاشی برتری تک دنیا اس کی بات توجہ سے نہیں سنے گی۔

    انہوں نے مزید کہا کہ خواتین کو مضبوط کرنے تک ملکی معیشت میں استحکام نہیں لایا جا سکتا، حکومت خواتین کو اپنی صلاحیتیں منوانے کے مواقع دے گی۔ خواتین ملک کی طاقت بنیں۔

    معاون خصوصی کا کہنا تھا کہ وزیر اعظم نے احسن طریقے سے مسلمانوں اور کشمیریوں کا مقدمہ لڑا، وزیر اعظم نے اقوام متحدہ میں اسلام کے حقیقی چہرے کو پیش کیا۔ کپتان نے کہا مسئلہ فلسطین کے حل تک اسرائیل تسلیم نہیں، وزیر اعظم نے دنیا پر واضح کیا کہ اسلام ایک ہی ہے۔ وزیر اعظم ہمیشہ پسے ہوئے طبقے کی آواز بنے۔

  • درآمدات کو مقامی پیداوار پر ترجیح دینے کی پالیسی بدلی جائے، پاکستان اکانومی واچ

    درآمدات کو مقامی پیداوار پر ترجیح دینے کی پالیسی بدلی جائے، پاکستان اکانومی واچ

    کراچی: پاکستان اکانومی واچ کے صدر ڈاکٹر مرتضیٰ مغل نے کہا ہے کہ سیلز ٹیکس کے قوانین میں تبدیلی کی وجہ سے درآمد شدہ خام مال کو ملک میں تیار ہونے والے خام مال سے سستا ہو گیا ہے جس نے مقامی صنعت کو مسائل سے دوچار کر دیا ہے جبکہ بھاری مقدار میں زرمبادلہ بھی ضائع ہو رہا ہے۔

    اپنے ایک بیان میں مرتضیٰ مغل کا کہنا تھا کہ درآمدات کو مقامی پیداوار پر ترجیح دینے کی پالیسی بدلی جائے، یہ رجحان ملک میں صنعتوں کی بندش، بینک ڈیفالٹ، غربت اور بے روزگاری محاصل میں کمی اور زرمبادلہ کے زیاں کا سبب بن رہا ہے اس لئے ان قوانین کا از سر نو جائزہ لیا جائے۔

    ڈاکٹر مرتضیٰ مغل نے کہا کہ زیرو ریٹنگ کے خاتمہ کے بعد برامدی صنعت مقامی منڈی سے خام مال خریدنے کے بجائے درامدات کو ترجیح دی رہی ہے جس سے ملک میں کپاس، دھاگے اور خام کپڑے کی طلب کم ہو گئی ہے اور ٹیکسٹائل انڈسٹری کے لیے خام مال تیار کرنے والے ہزاروں صنعتی یونٹ خطرات سے دوچار ہو گئے ہیں۔

    انہوں نے کہا کہ ایکسپورٹ انڈسٹری کو درامد شدہ خام مال پر سیلز ٹیکس یا ڈیوٹی اد انہیں کرنا پڑتی جبکہ مقامی خام مال بھاری ٹیکس عائد ہیں اور ان صنعتوں کوریفنڈ کے لیے طویل انتظار کرنا پڑتا ہے جس سے انکی کاروباری لاگت بڑھ جاتی ہے۔

    پاکستان اکانومی واچ کے صدر نے مزید کہا کہ موجودہ پالیسیوں کے سقم سے فائدہ اٹھاتے ہوئے بعض عناصر خام مال کی آڑ میں تیار مال درامد کرکے فوائد سمیٹ رہے ہیں جس سے دیگر ممالک کے مینوفیکچررز کو ملکی مینوفیکچررز پر ناجائز ترجیح مل رہی ہے جو ملکی مفادات کے خلاف ہے۔

  • وفاقی حکومت معیشت کی بہتری کے لیے اہم اقدامات کررہی ہے: عثمان ڈار

    وفاقی حکومت معیشت کی بہتری کے لیے اہم اقدامات کررہی ہے: عثمان ڈار

    مانچسٹر: وزیراعظم عمران خان کے معاون خصوصی عثمان ڈار کا کہنا ہے کہ زرمبادلہ بھیجنے کے تمام غیرقانونی آپشنز ختم اور بینکنگ چینلز کو متحرک کررہے ہیں۔

    تفصیلات کے مطابق وزیراعظم کے معاون خصوصی عثمان ڈار نے مانچسٹر میں گلوبل رمیٹنس کانفرنس میں شرکت کی، اس موقع پر ان کا کہنا تھا کہ وفاقی حکومت معیشت کی بہتری کے لیے اہم اقدامات کررہی ہے۔

    انہوں نے کہا کہ پاکستان میں اربوں ڈالرکی ہنڈی حوالےسےترسیل کو روکنا ہوگا، رقوم کی مکمل ترسیل بینکنگ چینلز سے ضروری ہیں۔

    ان کا کہنا تھا کہ یورپ میں مقیم اوور سیز پاکستانیوں کے لیے اس سے متعلق آگاہی مہم شروع کر رہے ہیں، اوور سیز پاکستانی قانونی چینلز کا استعمال کریں تو پاکستان کو اربوں ڈالر کا فائدہ ہوگا۔

    غیرملکی زرمبادلہ بینکنگ چینل سے لانے کے لیےحکومتی سرگرمیاں تیز کردی ہیں۔ مانچسٹر میں ہونے والی کانفرنس میں مانچسٹر کے لارڈ میئرسمیت ارکان پارلیمنٹ اور اوورسیز پاکستانی شریک ہوئے۔

    اس موقع پر پاکستان میں زیادہ سے زیادہ زر مبادلہ بینکنگ چینلز سے لانے کی حکمت عملی پر غور کیا گیا۔

  • اپوزیشن جماعتوں کا گٹھ جوڑ صرف قوم کی لوٹی ہوئی دولت بچانے کے لیے ہے، ڈاکٹر شاہد صدیق

    اپوزیشن جماعتوں کا گٹھ جوڑ صرف قوم کی لوٹی ہوئی دولت بچانے کے لیے ہے، ڈاکٹر شاہد صدیق

    لاہور: پاکستان تحریک انصاف کے رہنما ڈاکٹر شاہد صدیق خان کا کہنا ہے کہ سابق حکمرانوں نے اپنے دور میں عوام کے لیے کچھ نہیں کیا۔

    تفصیلات کے مطابق وزیراعلی پنجاب کی میڈیا ٹیم کے ممبر ڈاکٹر شاہد صد یق خان نے کہا ہے کہ تحریک انصاف کی حکومت عام آدمی کی فلاح و بہبود کے لیے دن رات کوشاں ہے اور عوام کی خدمت ہمارا مشن ہے۔

    ڈاکٹر شاہد صدیق خان نے کہا کہ سابق حکمرانوں نے اپنے دور میں عوام کے لیے کچھ نہیں کیا، اپوزیشن جماعتوں کا گٹھ جوڑ صرف قوم کی لوٹی ہوئی دولت بچانے کے لیے ہے۔

    تحریک انصاف کے رہنما نے کہا کہ حکومت خراب معیشت کو درست کرنے کے لیے کام کررہی ہے اور مشکل فیصلے ملک و قوم کے مفاد میں کیے گئے ہیں۔

    ڈاکٹر شاہد صدیق خان نے کہا کہ حکومت اپنی مد ت پوری کرے گی، اپوز یشن دن کو خواب دیکھنا چھو ڑ دے۔

    انہو ں نے مزید کہا کہ پنجاب حکومت معاشی صورت حال میں بہتری لانے کے لیے دن رات ایک کیے ہوئے ہے، صنعتی ترقی کے لیے ہنگامی بنیادوں پر اقدامات اٹھائے جا رہے ہیں۔

  • پاکستان اسٹاک ایکس چینج میں مندی کا رجحان

    پاکستان اسٹاک ایکس چینج میں مندی کا رجحان

    کراچی: پاکستان اسٹاک ایکسچینج میں منگل کو اتار چڑھاؤ دیکھنے میں آیا لیکن مجموعی طور پر مندی کے ثرات ہی غالب رہے۔

    تفصیلات کے مطابق پاکستان اسٹاک میں مندی کے نتیجے میں کے ایس ای100انڈیکس19.63پوائنٹس کی کمی سے 31908.92 پوائنٹس کی سطح پر آگیا جب کہ 46.83 فیصد حصص کی قیمتوں میں کمی ریکارڈ کی گئی جس سے سرمایہ کاروں کو 5ارب79کروڑ8 لاکھ روپے کا نقصان اٹھانا پڑا۔

    البتہ کاروباری حجم پیر کی نسبت16.64فیصد زائد رہا۔ گزشتہ روزکاروبار کا آغاز ملے جلے رجحان کے ساتھ ہوا۔ اسٹیٹ بینک کی جانب سے سرمایہ کاروں کے تواقعات کے برعکس شرح سود برقرار رہنے کے باعث منفی رجحان دیکھنے میں آیا جب کہ دوسری جانب عالمی مارکیٹ میں خام تیل کی قیمتیں بڑھنے کے پیش نظر آئل اینڈ گیس شعبوں میں سرمایہ کار سرگرم نظر آئے۔

    ٹریڈنگ کے دوران کے ایس ای100انڈیکس32105 پوائنٹس کی بلند اور 31771پوائنٹس کی نچلی سطح پر بھی ریکارڈ کیا گیا لیکن مجموعی طور پر مندی غالب آگئی اور مارکیٹ کے اختتام پر کے ایس ای100انڈیکس19.63پوائنٹس کی کمی سے31908.92پوائنٹس پر بند ہوا۔

    پاکستان اسٹاک ایکسچینج میں تیزی، انڈیکس 31 ہزار کی سطح عبور کرگیا

    اسی طرح کے ایس ای30انڈیکس 33.09پوائنٹس کی کمی سے15033.20 پوائنٹس، کے ایم آئی30انڈیکس 2.05پوائنٹس کے اضافے سے50722.05پوائنٹس جبکہ کے ایس ای آل شیئر انڈیکس 19.17پوائنٹس کی کمی سے 23314.98پوائنٹس پر بند ہوا۔

    گزشتہ روز مجموعی طورپر363کمپنیوں کے حصص کا کاروبار ہوا، جن میں سے174کمپنیوں کے حصص کے بھاؤ میں اضافہ جبکہ 170کمپنیوں کے حصص کے بھاؤ میں کمی جبکہ19کمپنیوں کے حصص کے بھاؤ میں استحکام رہا۔

  • پبلک سیکٹر میں نہ چل سکنے والے ادارے نجی سیکٹر کو دینے کا فیصلہ کر لیا ہے: مشیر خزانہ

    پبلک سیکٹر میں نہ چل سکنے والے ادارے نجی سیکٹر کو دینے کا فیصلہ کر لیا ہے: مشیر خزانہ

    اسلام آباد: مشیر خزانہ حفیظ شیخ نے کہا ہے کہ پبلک سیکٹر میں نہ چل سکنے والے ادارے پرائیویٹ سیکٹر کو دینے کا فیصلہ کیا ہے، چاہتے ہیں کہ شفاف انداز میں اداروں کی نج کاری ہو۔

    تفصیلات کے مطابق آج اسلام آباد میں مشیر خزانہ حفیظ شیخ، چیئرمین ایف بی آر و دیگر نے نیوز کانفرنس کی، مشیر خزانہ نے کہا کہ حکومت سے وابستہ عوام کی امیدوں کو پورا کرنے جا رہے ہیں، 30 کمپنیوں میں ری اسٹرکچرنگ کریں گے، 10 نئی کمپنیوں کی پرائیوٹائزیشن کے لیے اشتہار دے دیے ہیں۔

    حفیظ شیخ کا کہنا تھا کہ آیندہ سے ہر ماہ 16 تاریخ کو ٹیکس ری فنڈ ہو جایا کرے گا، حکومت پر ٹیکس ری فنڈ کا کوئی بوجھ باقی نہیں رہا، سب ادائیگیاں کر دی گئی ہیں۔

    انھوں نے کہا کہ ہم سخت انداز میں اخراجات میں کمی لائے ہیں، ایکسچینج ریٹ بہتر ہوا، جون جولائی میں روپے کی قدر بڑھی، نان ٹیکس آمدنی کے تحت 2 سیلولر کمپنیوں سے 70 ارب وصول ہوئے، ایک اور سیلولر کمپنی سے 70 ارب روپے اضافی ملنے کی امید ہے۔

    مشیر خزانہ نے کہا کہ آر ایل این جی پلانٹس کی نج کاری اس سال ہو جائے گی، حکومت نے اخراجات پر کنٹرول کے لیے اسٹیٹ بینک سے ادھار نہیں لیا، ہر ماہ سرکلر ڈیٹ میں 38 ارب اضافہ ہو رہا ہے، ایک سال میں بجلی چوری کی روک تھام سے 100 ارب کی بچت ہوئی۔

    حفیظ شیخ کا کہنا تھا کہ گزشتہ 2 ہفتے سے اسٹاک مارکیٹ اور ایکسچینج ریٹ میں استحکام ہے، اے ڈی بی اور ورلڈ بینک سے قرضوں پر بات ہو رہی ہے، ملک میں معاشی نقل و حرکت میں اضافہ دیکھنے کو مل رہا ہے، ٹیکس آمدن میں نمایاں اضافے سے معیشت پر مثبت اثرات پڑے، بجلی کی تقسیم کار کمپنیوں کے گردشی قرضوں میں کمی لا رہے ہیں۔

    انھوں نے مزید کہا کہ ستمبر میں عالمی منڈی میں تیل کی قیمتوں میں کمی کا فائدہ عوام تک پہنچایا، مہنگائی کنٹرول کرنا چیلنج ہے، حکومت کی کوشش ہے مہنگائی کنٹرول کرے۔

  • کراچی کو کچرا کنڈی بنا کر معیشت کے ساتھ کھلواڑ ہورہا ہے: فردوس عاشق اعوان

    کراچی کو کچرا کنڈی بنا کر معیشت کے ساتھ کھلواڑ ہورہا ہے: فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا کہ سندھ میں ناانصافیاں جاری ہیں، کراچی اور حیدرآباد کو کچرا کنڈی بنا دیا گیا ہے.

    ان خیالات کا اظہار انھوں‌ نے میڈیا سے گفتگو کرتے ہوئے کیا. ان کا کہنا تھا کہ کراچی کو کچرا کنڈی بنا کر معیشت کے ساتھ کھلواڑ ہو رہا ہے.

    انھوں نے کہا کہ آرٹیکل 149 کے حوالے سے وزیر قانون کے بیان کو توڑ مروڑ کر پیش کیا گیا، سندھ میں گورننس کے چیلنجز کا سامنا ہے، بیڈگورننس کا خمیازہ سندھ اور کراچی کے عوام بھگت رہے ہیں.

    فردوس عاشق اعوان کے مطابق سندھ حکومت کراچی میں زندگی کی بنیادی ضرورتیں بھی فراہم کرنے میں ناکام ہوچکی ہے، حکومت کی جانب سے گورنرراج کی کوئی بات نہیں کی گئی.

    مزید پڑھیں: کراچی کے مسائل : وزیراعظم کی بنائی گئی اسٹرٹیجک کمیٹی نے کام شروع کردیا

    کچھ لوگ قوم کو تقسیم کرنے کی باتیں کررہے ہیں.  سندھ حکومت اپوزیشن کے ساتھ سوتیلی ماں جیسا سلوک کرتی ہے.

    پارلیمنٹ اپنا کردار ادا کررہی ہے، آج قومی اسمبلی کا جمہوری سال مکمل ہوگیا، اپوزیشن کو غیرذمہ دارانہ بیانات سے اجتناب کرنا چاہیے.