Tag: معین خان

سابق کپتان معین خان کا کہنا ہے کہ ویسٹ انڈیز کے کھلاڑی ایسے گھورتے تھے کہ جان نکل جائے۔

92 ورلڈ کپ وننگ ٹیم کے کھلاڑی اور سابق کپتان معین خان نے حال ہی میں نجی ٹی وی کے شو میں شرکت کی اور ماضی کے کچھ یادگار لمحات بیان کیے۔

میزبان نے پوچھا کہ ٹیم میں سب سے زیادہ جارحانہ کھلاڑی کون تھا؟

جواب میں معین خان نے بتایا کہ ہمارے دونوں فاسٹ بولر وسیم اکرم اور وقار یونس بہت جارحانہ تھے اور شعیب اختر بھی ایسے ہی تھے وہ اپنی زبان سے نہیں اپنے ایکسپریشن سے ڈراتے تھے کیونکہ ان کے پاس اسپیڈ تھی۔

انہوں نے کہا کہ ویسٹ انڈیز کے فاسٹ بولر بھی دراز قد کے تھے وہ صرف آپ کو گھورتے تھے تو جان نکل جاتی تھی کہ اب آکر باؤنسر مارے گا۔

سابق کپتان نے کہا کہ اگلی گیند جب بھی ہم کھیلتے تھے تو کریز میں کھڑے رہ کر ہی کھیلتے تھے اور ڈر کے مارے پیر بھی باہر نہیں نکلتا تھا۔

واضح رہے کہ معین خان نے 1990 سے 2004 تک پاکستانی کرکٹ ٹیم کی نمائندگی کی۔

معین خان قومی ٹیم کے کپتان بھی رہے اور اپنا انٹرنیشنل ڈیبیو ویسٹ انڈیز کے خلاف ملتان میں کیا، انہوں نے ٹیسٹ کرکٹ میں 100 سے زیادہ کیچز لیے اور ون ڈے کرکٹ میں 3000 سے زائد رنز بنائے اور 200 سے زیادہ کیچزپکڑے۔

انہیں جولائی 2013 میں اقبال قاسم کی جگہ پاکستان کرکٹ ٹیم کا چیف سلیکٹر مقرر کیا گیا تھا جبکہ وہ 11 فروری 2014 کو قومی ٹیم کا ہیڈ کوچ مقرر کیا گیا تھا۔

سابق پاکستانی کپتان نے سچن ٹنڈولکر اور گنگولی سمیت دیگر اسٹار کرکٹرز پر زور دیا ہے کہ وہ بھارتی بورڈ کو سمجھائیں کہ کرکٹ کو سیاست سے دور رکھے۔

بی سی سی آئی نے 2025 میں پاکستان میں ہونے والی چیمپئنز ٹرافی میں شرکت کے لیے اب تک حامی نہیں بھری، بھارتی میڈیا قیاس آرائیاں کررہا ہے کہ بی سی سی آئی اپنی ٹیم کو ایونٹ میں شرکت کرنے کے لیے پاکستان نہیں بھیجے گی۔

پاکستان کرکٹ ٹیم کے سابق وکٹ کیپر معین خان نے بھارتی کرکٹ لیجنڈز جیسے سچن ٹنڈولکر، ساروو گنگولی، کپل دیو اور دیگر پر زور دیا ہے کہ وہ مداخلت کریں اور بی سی سی آئی کو سیاست کو کھیل سے دور رکھنے کا مشورہ دیں۔

معین خان نے کہا کہ بھارت کے سابق کرکٹرز جیسے سچن، گنگولی، کپل، ڈریوڈ وغیرہ کو اپنے کرکٹ بورڈ کو سیاست سے دور رہنے کے لیے کہنا چاہیے۔ سیاسی مسائل کو کرکٹ میں رکاوٹ نہیں بننا چاہیے۔

انھوں نے کہا کہ شائقین بھارت اور پاکستان کو کرکٹ کھیلتے دیکھنا پسند کرتے ہیں، اس سے نہ صرف پاکستان کو فائدہ ہوگا بلکہ مجموعی طور پر کرکٹ کو بھی فائدہ ہوگا۔

معین خان نے مزید کہا کہ بھارت کو آئی سی سی کے ساتھ اپنے وعدوں کا احترام کرنا چاہیے، اگر وہ نہیں آتے تو پاکستان کو مستقبل میں بھارت میں ہونے والے کسی بھی ایونٹ میں شرکت کے اپنے فیصلے پر نظر ثانی کرنی چاہیے۔

خیال رہے کہ حال ہی میں جے شاہ کی آئی سی سی کے چیئرمین کے طور پر تقرری ہوئی ہے، وہ نومبر 2020 میں منتخب ہونے والے گریک بارکلے کی جگہ آئی سی سی کے چیئرمین کے طور پر ذمہ داریاں انجام دیں گے، وہ یکم دسمبر 2024 کو عہدہ سنبھالیں گے۔

پاکستان کرکٹ ٹیم کے سابق کپتان معین خان نے ان فارم اوپنرز صائم ایوب اور شان مسعود کے حوالے سے بڑا مطالبہ کردیا۔

اے اسپورٹس کے پروگرام میں اظہار خیال کرتے ہوئے سابق وکٹ کیپر بیٹر معین خان کا کہنا تھا کہ صائم ایوب اور شان مسعود کو آسٹریلیا کے ٹور میں ٹیم کا حصہ بنایا جائے۔

انھوں نے کہا کہ آسٹریلیا میں نوجوان کھلاڑیوں کو چانس دینا چاہیے کیوں کہ آسٹریلیا ایسی جگہ ہے جہاں نوجوان پلیئرز کو کرکٹ کے بارے میں سیکھنے کے کافی مواقع ملیں گے۔

معین خان نے کہا کہ صائم ایوب اور شان مسعود جیسے اوپنرز کو آسٹریلیا کے ٹور میں ٹیسٹ اسکواڈ کا حصہ بنانا چاہیے۔

واضح رہے کہ صائم ایوب ان دنوں کافی اچھی فارم میں ہیں کیریبیئن پریمیئر لیگ میں انھوں نے بہترین کھیل کا مظاہرہ کیا تھا اور اپنی ٹیم کو ٹورنامنٹ جتوایا تھا۔

اس کے علاوہ حالیہ قائداعظم ٹرافی کے فائنل میں بھی اوپنر نے تاریخ ساز کارکردگی دکھاتے ہوئے دونوں اننگز میں سینچریاں اسکور کی تھیں۔

موجودہ دور میں محمد رضوان اور سرفراز احمد میں سے معین خان کا فیوریٹ وکٹ کیپر بیٹر کون ہے، اس حوالے سے سابق کپتان نے ایک انٹرویو میں کھل کر اظہار خیال کیا ہے۔

اسپورٹس شو کے دوران معین خان سے سوال کیا گیا تھا کہ آج کل کے دور میں کون سے وکٹ کیپر ان کے فیوریٹ ہیں اور کیوں ہیں، جس کے جواب میں پاکستان کرکٹ ٹیم کے سابق کپتان کا کہنا تھا کہ آج کل کی کرکٹ میں انھیں رضوان بہت پسند ہے جس طرح وہ کھیل رہا ہے۔ پیچھے آپ جائیں تو سرفراز بہت عمدہ وکٹ کیپر بیٹر تھے۔

معین خان نے مزید کہا کہ تاہم میں سمجھتا ہوں کہ دنوں کی ترجیح ابھی بھی وکٹ کیپنگ ہی ہے اور آپ ان دونوں سے بھی پوچھیں گے تو وہ بھی یہی کہیں گے۔ میں یہ بات اعظم کو بھی سمجھاتا ہوں کہ کیپنگ پر فوکس کرو۔

انھوں نے کہا ک آج کے دور میں ان دونوں کے علاوہ اگر آپ تھوڑا اور پیچھے جائیں تو ایم اس دھونی مجھے بہت پسند تھے، انھوں نے بھارت کے لیے زبردست پرفارمنس دی ہے وکٹ کیپر نے اپنے ملک کو بڑے بڑے ٹورنامنٹس جتوا دیے ۔

View this post on Instagram

A post shared by ASports (@asportstv.pk)

وہ ایک ایسے پلیئر تھے جو وکٹ کیپنگ، بیٹنگ اور کپتانی کے ساتھ ساتھ ٹیم میں ایک انقلاب لے کر آئے وہ جو کہ بے مثال ہے۔

انھوں نے کہا کہ اگر اس سے بھی پہلے کی بات کریں تو جن کو دیکھ کر میں نے کرکٹ شروع کی جیسے وسیم باری، سلیم یوسف، ای این ہیلی اور کرن مورے میرے فیوریٹ تھے۔