Tag: معین خان

کراچی: قومی کرکٹ ٹیم کے سابق کپتان معین خان قومی کرکٹ ٹیم کے سلیکٹر کو تنقید کا نشانہ بناتے ہوئے کہا ہے کہ پریوینشن آف بلائنڈ نیس (POB) ٹرسٹ اسپتال آنکھوں کا اچھا اسپتال ہے، سیلیکٹرز کو بھی یہاں سے اپنی آنکھوں کا معائنہ کرانا چاہیے۔

ان خیالات کا اظہار انہون نے پریوینشن آف بلائنڈ ٹرسٹ (پی او بی) کے زیر اہتمام سفید موتیا کے مفت آپریشن کیمپ کے دورے کے موقع پر کیا۔ اس موقع پر پی او بی چئیرمین ڈاکٹر مصباح العزیز، ڈاکٹر شایان شادمانی اور شارق جعفری بھی موجود تھے۔

ہفتہ وار منعقد ہونے والے کیمپ میں رواں ہفتے سفید موتیا کے 300 مریضوں کی فہرست مرتب کی گئی تھی جن کا اتوار کے روز مفت آپریشن کیا گیا، آپریشن کے بعد پی او بی ہسپتال کی جانب سے مریضوں کو ادویات بھی مہیا کی گئیں۔

سابق کرکٹر معین کا کہنا تھا کہ فواد عالم بار بار اچھی کارکردگی دکھا کر سلیکٹرز کو بتا رہے ہیں کہ مجھے چانس دو، فواد عالم ایسی عمر میں ہے کہ اسے موقع ملنا چاہیے، وہ ڈومیسٹک کرکٹ میں بھی بھرپور کارکردگی دکھا چکے ہیں، فواد عالم کے ساتھ زیادتی ہو رہی ہے، وہ بھی اس ملک کے کھلاڑی ہیں۔

معین خان نے سیلیکٹرز کو شدید تنقید کا نشانہ بناتے ہوئے انہیں مشورہ دیا کہ پی او بی آنکھوں کا اچھا اسپتال ہے، سیلیکٹرز کو اپنی آنکھوں کا معائنہ یہاں سے کرانا چاہیے، میرٹ کو آگے نہ لاکر ہماری ساکھ خراب ہو رہی ہے، ہماری کارکردگی متاثر ہورہی ہے۔

کراچی: قومی کرکٹ ٹیم کے سابق کپتان معین خان نے کہا ہے کہ اس وقت سرفراز احمد کو کپتانی سے ہٹانا درست نہیں ہوگا، سرفراز کو ہٹانے سے پہلے متبادل کو تلاش کرنا ضروری ہے۔

تفصیلات کے مطابق قومی کرکٹ ٹیم کے سابق کپتان معین خان نے میڈیا سے گفتگو کرتے ہوئے کہا کہ ہیڈ کوچ مکی آرتھر کی شاداب خان کو کپتان بنانے کی تجویز سے اتفاق نہیں کرتا ہوں۔

معین خان نے کہا کہ مکی آرتھر نے سرفراز احمد کے ساتھ شاداب کو نائب کپتان کیوں نہیں بنایا، آج کل جو کچھ ہورہا ہے وہ کرکٹ کے ساتھ انصاف نہیں ہے۔

انہوں نے کہا کہ میں نے ہمیشہ سب سے پہلے پاکستان کی بات کی ہے، قومی ٹیم کے ساتھ اگر دوبارہ موقع ملا تو ضرور اپنی خدمات انجام دوں گا، ملک کے لیے کسی بھی ذمہ داری پر کام کرنے کے لیے تیار ہوں۔

مزید پڑھیں: ہیڈ کوچ مکی آرتھر نے شاداب خان کا نام ٹی ٹوینٹی کپتان کیلئے تجویز کردیا

واضح رہے کہ پی سی بی کی کرکٹ کمیٹی کے اجلاس میں قومی ٹیم کے ہیڈ کوچ مکی آرتھر نے لیگ اسپنر شاداب خان کا نام مستقبل کے کپتان کے لیے تجویز کیا تھا۔

ورلڈ کپ میں ٹیم کی ناقص کارکردگی سے متعلق کرکٹ کمیٹی کے ارکان نے ہیڈ کوچ مکی آرتھر سے سخت سوالات کیے تھے، جس پرمکی آرتھر جوابات سے مطمئن نہ کر سکے تھے۔

کمیٹی نے سوال کیا کہ چیمپئنزٹرافی جیتنے والی ٹیم کی کارکردگی نیچے کیوں گئی ؟جس پر ہیڈ کوچ کا کہنا تھا کہ کارکردگی گرنے کی کئی وجوہات ہیں جن میں فیلڈنگ اہم ہے۔

لاہور: وقاریونس نے کل قوم سے معافی مانگی اورآج سارا ملبہ آفریدی اورمعین خان پرڈال دیا،وقار یونس نے رپورٹ میں کہا تھا کہ معین خان من پسند کھلاڑیوں کو باہرلیجاتےتھے۔

ہاتھ جوڑ کرقوم سے معافی مانگنے والےقومی ٹیم کے ہیڈ کوچ نے سابق چیف سلیکٹرکے خلاف بلیم گیم شروع کردیا، وقاریونس نے پی سی بی کی تحقیقاتی کمیٹی کو رپورٹ پیش کی جس میں سابق چیف سلیکٹر معین خان کو بھی ٹیم کی تباہی کا ذمہ دار ٹھرایا، وقارنےالزام لگایا کہ معین خان من مانیاں کرتے تھے۔

وقار یونس کی رپورٹ کے مطابق معین خان کھلاڑیوں کو بغیر اجازت باہر لے جاتے تھے ،تحفے تحائف دلاتے تھے یہ سب وہ انہیں نیچا دکھانے کے لیے کرتے تھے۔

وقار یونس نے کہا کہ ماضی میں عمر اکمل کو شامل کرانے پر معین خان اور محمد اکرم نے ان کی مخالفت کی تھی، وقار یونس بورڈ پر بھی برس پڑے، انہوں نے کہا کہ دوہزار پندرہ ورلڈ کپ کے بعد دی گئی رپورٹ پر عمل درآمد نہیں ہوا۔ جس کے سبب ایشیا کپ اور ورلڈ ٹی ٹوئنٹی میں حوصلہ افزا نتائج حاصل نہیں ہوسکے۔

ذرائع کے مطابق وقار یونس نے رپورٹ میں کپتان شاہد آفریدی پر الزامات لگائے ہیں، کپتان شاہد آفریدی ورلڈ کپ میں سنجیدہ نہیں تھے، وہ ٹیم میٹنگز اور پریکٹس میں بھی شریک نہیں ہوتے تھے۔

قومی ٹیم کے ہیڈ کوچ وقار یونس کی پی سی بی کو جمع کرائی گئی رپورٹ لیک ہوگئی، رپورٹ کے مندرجات سامنے آنے پر وقار برہم ہوگئے۔

واضح رہے کہ دوہزار پندرہ ورلڈ کپ میں معین خان چیف سلیکٹر اور وقار یونس ہیڈ کوچ تھے اس وقت ٹیم کوارٹرفائنل سے آگےنہ بڑھ سکی تھی، اسی دورے میں معین خان کا کسینوجانے کااسکینڈل بھی سامنےآیا تھا۔

وقار یونس کے الزامات پر معین خان نےسوشل میڈیا پرصرف اتنا کہا کہ ’ کہہ رہا ہے شور دریا سے سمندر کا سکوت، جس کا جتنا ظرف ہے اتنا ہی وہ خاموش ہے‘۔