انگلینڈ کرکٹ ٹیم کے آل راؤنڈر معین علی نے بین الاقوامی کرکٹ سے ریٹائرمنٹ کا اعلان کردیا۔
میڈیا رپورٹس کے مطابق انگلینڈ کرکٹ ٹیم کے آل راؤنڈر معین علی نے آسٹریلیا کیخلاف سیریز میں نظر انداز کیے جانے پر ان ٹرنیشنل کرکٹ سے ریٹائرمنٹ کا اعلان کردیا۔
معین خان نے ڈیلی میل سے خصوصی گفتگو کرتے ہوئے کہا کہ 37 سال کا ہو چکا ہوں، آسٹریلیا کے خلاف سیریز کیلئے منتخب نہیں کیا گیا، میں نے انگلینڈ کے لیے کافی کرکٹ کھیل لی ہے لیکن اب نئی نسل کا وقت ہے۔
معین علی کا کہنا ہے کہ میں نے محسوس کیا کہ یہ مناسب وقت ہے، میں نے اپنا حصہ پورا کر دیا ہے، اگرچہ میں ریٹائر ہو رہا ہوں، میں یہ محسوس نہیں کرتا کہ میں بہت زیادہ اچھا نہیں ہوں۔
آل راؤنڈ معین خان نے کہا کہ انگلینڈ کیلئے کھیلنے پر ہمیشہ فخر رہا ہے، میں انگلینڈ کے لیے دوبارہ کھیلنے کی کوشش کر سکتا ہوں، لیکن میں جانتا ہوں کہ حقیقت میں میں اب ایسا نہیں کروں گا کیوں کہ میں سمجھتا ہوں ٹیم نے ایک اور سرکل میں آگے بڑھنا ہے۔
واضح رہے کہ انگلینڈ کرکٹ ٹیم کے آل راؤنڈر معین علی نے 68 ٹیسٹ، 138 ون ڈے، 92 ٹی 20 میں انگلینڈ کی نمائندگی کی، معین علی ون ڈے اور ٹی 20 ورلڈ کپ فاتح ٹیم کا حصہ بھی تھے۔
