چیمپئنز ٹرافی کا آغاز آج سے ہو رہا ہے میگا ایونٹ کے ٹکٹ ہاتھوں ہاتھ فروخت ہوچکے تاہم ایک شخص مفت ٹکٹ اور ساتھ کھانے پینے کے کوپن دے رہا ہے۔
شائقین کے انتظا کی گھڑیاں ختم ہونے والی ہیں اور آئی سی سی چیمپئنز ٹرافی 2025 کا آج سے آغاز ہو رہا ہے۔ میگا ایونٹ پاکستان کی میزبان میں تین شہروں کراچی، لاہور اور پنڈی کے علاوہ ہائبرڈ ماڈل کے تحت بھارت کے میچز دبئی میں ہو رہے ہیں۔
چیمپئنز ٹرافی کے راؤنڈ میچز کے تمام ٹکٹ ہاتھوں ہاتھ فروخت ہوگئے اور ہزاروں شائقین ٹکٹوں سے محروم رہنے پر مایوس بھی ہوئے۔
تاہم ایک شخص ایسا بھی ہے جو آئی سی سی چیمپئنز ٹرافی کے دبئی میں ہونے والے میچز کے ٹکٹ اور اس کے ساتھ کھانے پینے کے کوپن مفت فراہم کر رہا ہے اور اس میں سب سے بڑے مقابلے پاک بھارت کے میچز کے ٹکٹ بھی شامل ہیں۔
غیر ملکی میڈیا کے مطابق دبئی میں مقیم تاجر اور ڈینیوب گروپ کے وائس چیئرمین انیس ساجن اپنے ملازمین کو کرکٹ کے پرجوش لمحات سے محظوظ کرنے کے لیے ان میں مفت ٹکٹ تقسیم کر رہے ہیں ارو اس کے ساتھ ہی انہیں کھانے پینے کے کوپن بھی فراہم کیے جا رہے ہیں۔
انیس ساجن کی جانب سے اپنے ملازمین کو پاک بھارت میچ کے علاوہ انڈیا کے دیگر میچز کے ٹکٹ بھی مفت دیے جا رہے ہیں تاہم ملازمین کا زیادہ جوش پاک بھارت ٹاکرے پر ہے۔
واضح رہے کہ متحدہ عرب امارات میں کاروبار اور ملازمت کی غرض سے 50 لاکھ سے زائد پاکستانی اور ہندوستانی شہری مقیم ہیں
ڈینیوب کے ملازمین کو چار بڑے کھیلوں 20 فروری کو بنگلہ دیش بمقابلہ ہندوستان، 23 فروری کو ہندوستان بمقابلہ پاکستان، 2 مارچ کو ہندوستان بمقابلہ نیوزی لینڈ اور 4 مارچ کو سیمی فائنل کے لیے فی میچ 60 ٹکٹ ملے ہیں۔
مفت ٹکٹوں کی تعداد محدود ہونے کی وجہ سے ٹکٹوں کے لیے ملازمین کا انتخاب لکی قرعہ اندازی کے ذریعے کیا گیا۔ اس سے میچ دیکھنے میں دلچسپی رکھنے والے ملازمین کو مفت ٹکٹ حاصل کرنے کا مساوی موقع ملا۔ کرکٹ بنگلہ دیش، پاکستان اور ہندوستان کے کارکنوں کے دلوں میں ایک خاص مقام رکھتی ہے۔ اس لیے ان ممالک کے اہلکاروں کو ترجیح دی گئی۔
کمپنی نے کہا کہ یہ اقدام کمپنی کے کارپوریٹ سماجی ذمہ داری (CSR) پروگرام کا حصہ ہے۔ اس کا مقصد محنتی لوگوں کو انعام دینا ہے۔
کمپنی نے اسٹیڈیم میں اسنیکس اور پانی خریدنے کے لیے مفت ٹکٹ کے ساتھ ساتھ کوپن فراہم کرنے کا انتظام کیا ہے۔ اس کے علاوہ میچ کے بعد کھانے کے پیکٹ دوبارہ گھر لے جانے کے لیے فراہم کیے جائیں گے۔
https://urdu.arynews.tv/champions-trophy-2025-icc-released-intersting-video/
