پشاور : چیئرمین تحریک انصاف عمران خان کا کہناہےکہ سیاست میں میرامقابلہ نوازشریف سے ہے۔انہوں نےکہا کہ شہبازشریف اور پرویز خٹک کا کوئی مقابلہ نہیں ہے۔
تفصیلات کےمطابق صوبہ خیبرپختونخواہ کےدارالحکومت پشاور میں حیات آباد اسپورٹس کمپلیکس میں تقریب سے خطاب کرتے ہوئےعمران خان کا کہناتھاکہ اسپورٹس آپ کو مقابلہ کرنا سیکھاتا ہے،جبکہ علم حاصل کرنے سے ذہن کی ٹریننگ ہوتی ہے۔
تحریک انصاف کےسربراہ عمران خان کاکہناتھاکہ ہمارے ڈھائی کروڑ بچے آج اسکولوں سے باہر ہیں،انہوں نےکہاکہ پاکستان میں تعلیم پر توجہ نہیں دی جارہی ہے۔
پی ٹی آئی چیئرمین نےکہاکہ پاکستان کی آبادی20کروڑ،جبکہ نیوزی لینڈ کی 50لاکھ ہے لیکن وہاں پاکستان سے زیادہ کھیل کےمیدان ہیں۔
عمران خان نے وزیراعلیٰ خیبرپختونخواہ پرویزخٹک کو مبارکباد دیتے ہوئے کہاکہ پرویزخٹک نمبر ون وزیراعلیٰ ہیں،ان کا شہبازشریف کا کوئی مقابلہ نہیں ہے۔
تحریک انصاف کےسربراہ عمران خان کا کہناتھاکہ پرویزخٹک نے سمجھ لیا پل اورسٹرکیں بنانے سے ترقی نہیں ہوتی۔
مزید پڑھیں:شریف خاندان کا منی ٹریل اسحاق ڈار کے اعترافی بیان میں ہے، عمران خان
واضح رہےکہ گزشتہ روز تحریک انصاف کے چیئرمین عمران خان نے کہا تھا کہ اسحاق ڈار نے نوازشریف کے لیے منی لانڈرنگ کی جو ثابت ہوچکی ہے،شریف خاندان کا منی ٹریل قطری شہزادے کے خط میں نہیں بلکہ اسحاق ڈار کے اعترافی بیان میں ہے۔
