اسلام آباد : مقبوضہ کشمیر میں بھارتی فوج کی جانب سے کشمیریوں کو اسمگلرز بنا کر جعلی آپریشن میں شہید کیے جانے کا انکشاف ہوا ، جس کے شواہد سامنے آگئے۔
تفصیلات کے مطابق جھوٹ، جعلی مقابلے اور ماورائے عدالت قتل ہندوستانی فوج کی پہچان بن چکے ہیں۔
بی جے پی بھارتی فوج کا عسکری ونگ سامنے آگیا ، بھارتی فوج اور’’را‘‘ منشیات اسمگلنگ میں بھی ملوث نکلی۔
مقبوضہ کشمیر میں جعلی انکاؤنٹرز کے ذریعے کشمیریوں کے خون سے ہاتھ رنگنے اور منشیات کی اسمگلنگ سمیت ماورائے عدالت قتل میں مصروف بھارتی فوج کی بہادری کی جھوٹی داستانیں منظرعام پر آگئی۔
بین القوامی میڈیا سمیت بھارتی میڈیا کی رپورٹس نے بتایا کہ ایک طرف بھارتی فوجی حالات سے تنگ آکر خود کشیاں کرنے میں مصروف ہیں تو دوسری طرف مودی سرکار کے سامنے نمبر بنانے کی دوڑ میں بھی شامل ہیں۔
پاکستان کی انٹیلی جنس ایجنسیوں نے ہندوستانی ایجنسیوں کا منصوبہ ناکام بنا دیا ،منصوبے کے مطابق مجبور کشمیریوں کو پیسے کا لالچ دے کر اسمگلنگ پر آمادہ کیا جاتا ہے اور موقع ملنے پربھارتی فوج بے خبر ’اسمگلر‘ کو جعلی آپریشن میں مار دیتی ہے۔
بعدازاں جعلی آپریشن کی تشہیر اور الزام پاکستان کے سر تھوپ دیا جاتاہے۔
ابتدائی طور پر اسلحہ اور منشیات کی چھوٹی کھیپ کو کشمیر پولیس سے خفیہ رکھ کر اسمگل کیا جاتا ہے اور کامیابی کی صورت میں اسلحےاورمنشیات کی بڑی کھیپ کی اسمگلنگ کا ڈرامہ رچایا جاتا ہے۔
اسمگلنگ کے دوران جعلی اسمگلرز کو بھارتی فوج کے ہاتھوں مروا دیا جاتا ہے اور بعد میں آپریشن کا رنگ دے کر پاکستان پر در اندازی اور دہشتگردی کا الزام لگایا جاتاہے۔
سی آئی ڈی کشمیر کا جموں و کشمیر پولیس کے سربراہ کو مراسلہ منظر عام پرآگیا ہے ، مراسلے میں سی آئی ڈی کشمیر کا سربراہ منصوبے سے آگاہ اور نظراندازکرنے کی ہدایت دیتا ہے۔
مراسلے میں 3 راجپوت کے حاجی پیر سیکٹر ، 12جاٹ کے اڑی سیکٹر اور لیفٹیننٹ کرنل اکشنت کا ضلع کپواڑہ میں جعلی آپریشن کا ذکر ہے۔
سی آئی ڈی کشمیرفورس کے ایک اہلکارسے متعلق مراسلہ بھی منظرعام آیا ہے۔
اہلکار کمانڈنگ افسر کے غیر آمادہ رویے کو مبینہ طور پر ایک آپریشن کی ناکامی کی وجہ بتا رہا ہے، جعلی آپریشن ایس پی بارہ مولا اور 12جاٹ رجمنٹ کے درمیان کیا گیا۔
مراسلے میں مزید کہا گیا کہ کمانڈنگ آفیسر کے چھٹی پر جانے کی صورت میں سیکنڈ ان کمانڈ رضامند ہے۔
بھارت تحریک آزادی کشمیر کو دبانے ، پاکستان کو بدنام کرنے کے لیے پہلے بھی یہ حربے آزما چکا ہے جبکہ بی جےپی کی انتخابات میں جیت یقینی بنانے کیلئے جعلی سرجیکل اسٹرائیک کا ڈرامہ رچایا گیا۔
16جنوری2021کو’’داوائر‘‘ کی ایک رپورٹ سامنے آئی تھی ، جس میں بتایا گیا تھا کہ ارناب گوسوامی کی لیک واٹس ایپ چیٹ کے مطابق پلوامہ حملے میں مودی سرکار خود ملوث تھی۔
18 جولائی 2020 کو بھارتی فوج نے 3 کشمیریوں کو شہیدکر ڈالا،شور مچنے پر نام نہاد انصاف کا پرچار کیا لیکن جنوری 2021میں اسی واقعے میں ملوث بریگیڈیر کٹوچ کو ’یدھ سیوا میڈل‘ سے نوازا گیا۔
3 فروری 2022کو بھارتی فوج نے شبیر احمد کو چندی گڑھ، بانڈی پورہ سے اسلحہ سمیت گرفتار کیا جبکہ سی آئی ڈی کشمیرکے مطابق شبیر احمد 19 جنوری سے زیر حراست تھا
اسی طرح 2010 میں مچھل میں تین نوجوانوں کو جعلی مقابلوں میں شہید کر ڈالا جبکہ 14مارچ 2022کو جعلی مقابلے میں ابرار نامی شخص کو اسلحہ سمیت زخمی حالت میں گرفتار کرنے کا دعویٰ کیا گیا۔
28نومبر 2022 کو بھارتی فوج نے ضلع کپواڑہ کے گاؤں پنج ترن میں ایک گھر کے نزدیک اسلحہ چھپایا ، اسلحہ چھپائےجانےکو مکان کےایک مکین نے فون میں ریکارڈ کر لیا ، ویڈیومیں بھارتی فوجیوں کو اسلحہ چھپاتے ہوئے دیکھا جاسکتا ہے۔
بعد ازاں 30نومبر کو بھارتی فوج نے چھاپہ مار کر وہی ہتھیار برآمد کرلیے اور الزام پاکستان پر لگا دیا۔
ہندوستانی فوج کے افسران، سینئر افسران کی چاپلوسی کے لئے منشیات اور اسلحہ اسمگل کررہے ہیں۔
کشمیر میں 1279 دن کے غیر قانون محاصر ے کے باوجود بہادر کشمیری آج بھی آزادی کی جنگ لڑ رہے ہیں اور تحریک آزادی سے توجہ ہٹانے ،9 ریاستوں کے انتخابات جیتنے کیلئےپھران ہتھکنڈوں کا استعمال جاری ہے۔
اوباما نےاپنی کتاب میں لکھا تھا پاکستان مخالف موقف پر ہندوستان میں الیکشن جیتا جاتا ہے۔
عالمی میڈیا کئی باربھارتی فوج کے جعلی مقابلوں پر آواز اٹھا چکا ہے ، 2010 اور 2015میں بی بی سی نے کشمیر میں ہونے والے جعلی مقابلوں پر سوال اٹھایا تھا۔
رپورٹ کے مطابق 25مارچ 2020کو کابل میں سکھ گردوارے پر حملے میں بھی بھارتی دہشتگرد ملوث تھے۔
امریکی جریدے فارن پالیسی نے بھی دہشت گردی کے حوالے سے بھارت کو بے نقاب کرتے ہوئے داعش اور بھارتی روابط کو دنیا کے سامنے لایا تھا۔
امریکی جریدےنےداعش اوربھارتی گٹھ جوڑکو عالمی اور علاقائی خطرہ قرار دیا تھا جبکہ 30دسمبر 2020 کو’’ٹی آرٹی ورلڈ‘‘نے بھی بھارتی جعلی مقابلوں کا پردہ چاک کیا تھا۔
