Tag: مقبوضہ کشمیر

سری نگر: مقبوضہ کشمیر میں قابض بھارتی فورسز نے فائرنگ کرکے 4 کشمیریوں کو شہید کردیا، نوجوانوں کی شہادت کے بعد حالات کشیدہ ہوگئے۔

کشمیر میڈیا سروس کے مطابق قابض بھارتی فورسز نے مقبوضہ کشمیر کے ضلع بارامولا میں نام نہاد آپریشن کے دوران 4 کشمیری نوجوانوں کو شہید کردیا۔

بھارتی فوج اور سینٹرل آرمڈ پولیس فورس نے مشترکہ آپریشن میں بے گناہ کشمیری نوجوانوں کو نشانہ بنایا گیا اور متعدد کشمیری نوجوانوں کو غیرقانونی حراست میں لے لیا۔

نوجوانوں کی شہادت کے بعد حالات کشیدہ ہوگئے ہیں اور عوام میں شدید غم وغصہ پایا جاتا ہے۔

بھارتی آرمی چیف مسلم اورکشمیردشمنی میں حدیں پھلانگ رہےہیں‘ یاسین ملک

کشمیر میڈیا سروس کے اعداد وشمار کے مطابق گزشتہ ماہ بھارتی فورسز کی جانب سے 14 کشمیریوں کو شہید جبکہ 181 کو بدترین تشدد کا نشانہ بنایا گیا۔

بھارت کی ریاستی دہشت گردی‘ تین کشمیری جوان شہید

یاد رہے کہ گزشتہ سال 21 نومبر کو کشمیر میڈیا سروس کے مطابق بھارتی فو ج نے مقبوضہ کشمیر کے ضلع کپواڑا میں سرچ آپریشن اور گھر گھر تلاشی کے دوران تین نوجوانوں کو شہید کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

سری نگر: کشمیری حریت رہنما یاسین ملک کا کہنا ہے کہ کٹھ پتلی وزیراعلیٰ محبوبہ مفتی ہندوؤں کی خوشنودی کے لیے تاریخ مسخ کررہی ہیں۔

تفصیلات کے مطابق کشمیری رہنما یاسین ملک نے بھارتی آرمی چیف کے بیان پر ردعمل دیتے ہوئے کہا کہ بھارتی آرمی چیف مسلم اورکشمیردشمنی میں حدیں پھلانگ رہے ہیں۔

حریت رہنما نے کہا کہ بھارتی آرمی چیف کا بیان ان کے فاشسٹ ذہن کا عکاس ہے، ثابت ہوگیا کہ بھارت کا اصل کنٹرول فوج کے ہاتھ میں ہے۔

کشمیری رہنما یاسین ملک نے کہا کہ محبوبہ مفتی کے بیانات کشمیر کی متنازع حیثیت تبدیل نہیں کرسکتے۔

انہوں نے مقبوضہ کشمیر کی وزیراعلیٰ محبوبہ مفتی پر تنقید کرتے ہوئے کہا کہ وہ ہندوؤں کی خوشنودی حاصل کرنے کے لیے تاریخ مسخ کررہی ہیں۔

بھارت کی غلط فہمی کا بھرپور جواب دے سکتے ہیں، پاکستان

خیال رہے کہ دوروز قبل وفاقی وزیر خارجہ خواجہ آصف کا کہنا تھا کہ بھارتی آرمی چیف کا بیان غیر ذمہ دارانہ ہے، بھارت جوہری جنگ چاہتا ہے تو ہم اُس کا شک اچھے طریقے سے دور کرسکتے ہیں۔

ترجمان دفتر خارجہ ڈاکٹر فیصل نے کہا تھا کہ ’پاکستان اپنے دفاع کی بھرپور صلاحیت رکھتا ہے، اس لیے خطے میں توازن برقرار رکھنے کے لیے ہمیشہ اپنی صلاحیتوں کا مظاہرہ کیا مگر بھارت غلط اندازوں اور مہم جوئی سے باز رہے‘۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد : حریت پسند کشمیری رہنما مشال ملک نے کہا ہے کہ کشمیر میں بھارتی جارحیت اور فلسطین میں اسرائیلی مظالم کو دیکھ کر دنیا بھر میں منائے جانے والا انسانی حقوق کا عالمی دن غیر اہم محسوس ہوتا ہے.

وہ اسلام آباد میں تحفظ بیت المقدس ریلی کے موقع پر میڈیا سے گفتگو کر رہی تھیں، مشال ملک کا کہنا تھا کہ امریکی صدر ڈونلڈ ٹرمپ کا متنازع بیان دنیا کے امن کو تباہ کر دے گا.

انہوں نے کہا کہ ٹرمپ خطے میں امن کی کاوشوں کے خلاف کام کر رہے ہیں جس سے نفرتوں کو دوام ملے گا اور کشیدگی میں اضافہ ہوگا جس کے بعد مشرق وسطی کے امن کو مزید خدشات لاحق ہوسکتے ہیں.

مشال ملک نے کہا کہ ایک دنیا بھر میں عالمی انسانی حقوق کا دن منایا جا رہا ہے لیکن دوسری جانب کشمیر اور فلسطین کے حالات بد سے بد ترین ہوتے جا رہے ہیں جہاں قابض فوجوں نے نہتے عوام کو ظلم و بربریت کا نشانہ بنا رکھا ہے اور بنیادی انسانی حقوق سلب کرلیے ہیں.

انہوں نے کہا کہ برہان وانی کی شہادت کے بعد اب تک 50 ہزار لوگ گرفتار ہو چکے ہیں اور حریت پسند رہنما یاسین ملک کو بھی گرفتار کیا گیا یہاں تک کہ اُن کی ضعیف والدہ پر بھی حملہ کیا گیا.

مشال ملک نے کہا کہ میں مقبوضہ کشمیر میں اپنے گھرنہیں جاسکتی کیوں کہ بھارت ویزہ نہیں دے رہا ہے میرا سوال ہے کہ کشمیروں اور فلسطینیوں کو کون بچائے گا؟ کشمیری اپنی شناخت چاہتے ہیں.

انہوں نے کہا کہ کشمیر میں حالات خراب ہو رہے ہیں اور سنگین انسانی حقوق کی خلاف ورزی کی جا رہی ہے جس کے لیے عالمی برادری کو اپنا کردار ادا کرنا چاہیئے اور اگر یو این او ہار چکا ہے تو وہ بھی بتا دے.

اسلام آباد: ترجمان دفتر خارجہ محمد فیصل نے کہا ہے کہ قابض بھارتی فوج مقبوضہ کشمیر میں کیمیائی ہتھیاراستعمال کر رہی ہے جو کہ بین الاقوامی قوانین کی کھلی خلاف ورزی ہے اس لیےعالمی قوتیں اس بربریت کا نوٹس لیتے ہوئے بھارت کو باز رکھیں.

ان خیالات کا اظہار انہوں نے ہفتہ وار بریفنگ دیتے ہوئے کیا، ترجمان دفترخارجہ کا کہنا تھا کہ بھارت انسانی حقوق کی سنگین خلاف ورزیوں میں بھی ملوث ہے جو کشمیری نوجوانوں کو گرفتار کر کے ماورائے عدالت قتل کر رہی ہے اور اسیروں کوعقوبت خانوں میں بدترین تشدد کا نشانہ بنا رہی ہے.

انہوں نے کہا کہ مقبوضہ کشمیر میں قابض بھارتی فورسز کی بربریت نئی بات نہیں لیکن اب تو پلٹ گن کے بعد نہتے کشمیریوں پر جنگی ہتھیار بھی استعمال کرنے کی اطلاعات موصول ہو رہی ہیں جو کہ تشویشناک صورت حال ہے جس کا نوٹس لیتے ہوئے اقوام متحدہ سمیت عالمی قوتوں اپنا کردار ادا کریں.

ترجمان دفتر خارجہ ڈاکٹر محمد فیصل نے مزید کہا کہ بھارت اقوام متحدہ کی انسانی حقوق مش کو مقبوضہ کشمیر تک رسائی دے جیسا کہ پاکستان نے آزاد کشمیر دے کر بین الاقوامی قوانین کا احترام کا ثبوت دیا لیکن بھارت ہٹ دھرمی ثابت کر رہی ہے کہ وہ مقبوضہ کشمیر جارحیت میں ملوث ہے.

سرینگر : چیئرمین کُل جماعتی حریت کانفرنس سید علی گیلانی نے کہا ہے کہ مودی حکومت کشمیر میں کٹھ پتلی انتظامیہ کے ذریعے انسانی حقوق کی بد ترین خلاف ورزی میں ملوث ہے.

اپنے ایک بیان میں بزرگ حریت پسند کشمیری رہنما سید علی گیلانی کا کہنا تھا کہ بھارتیہ جنتا پارٹی اپنے انسانیت سوز مظالم کے لیے پوری دنیا میں شہرت رکھتی ہے اور جو فرقہ پرستی کو مقبوضہ کشمیر میں حریت رہنماؤں ، کارکنوں اور عام کشمیریوں کے خلاف ایک جنگی ہتھیار کے طور پر استعمال کر رہی ہے.

انہوں نے کہا کہ نام نہاد سیکولر بھارت دراصل ایک فرقہ پرست ریاست ہے جس نے مسئلہ کشمیر کی حساسیت اور نزاکت کو نظرانداز کر کے حالات کو محض امن و امان کا مسئلہ قر ار دیگر ایک سنگین غلطی کر رہا ہے جب کہ یہ سراسر حریت پسندی اور جدوجہد آزادی کی تحریک ہے.

انہوں نے کہا کہ انسانی حقوق کی پامالی میں ملوث بھارت نے 2008 سے لیکر 2016 کی احتجاجی تحریکوں کے دوران ہزاروں نوجوانوں کو جعلی مقامات میں گرفتار کیا اور رہائی کے عوض رشوت طلب کی اور اب پتھراؤ کی پاداش میں گرفتار نوجوانوں کیلئے عام معافی کا اعلان محض ایک دکھاوا ہے.

مظفر آباد : لائن آف کنٹرول کے دو طرف کشمیریوں نے یوم شہدائے جموں کمشیر مناتے ہوئے تحریک آزادی کشمیر کے دوران جانوں کے نذرانے پیش کرنے والے حریت پسندوں کو خراج تحسین پیش کیا اور آزادی کے حصول تک جدوجہد جاری رکھنے کاعزم کیا۔

تفصیلات کے مطابق سرحدوں کے دونوں طرف اور دنیا بھر کے کشمیریوں نے یوم شہدائے جموں پورے جوش و خروش کے ساتھ منایا، اس موقع پر کشمیریوں نے اس مناسبت سے خصوصی تقریبات کا اہتمام کیا گیا جہاں شہدائے جموں کشمیر کو خراج تحسین پیش کیا گیا اور فلسفہ آزادی پر تقاریر کی گئیں۔

چیئرمین حریت فورم میر واعظ عمر فاروق نے اپنے ایک بیان میں شہدائے جموں کشمیر کو خراج تحسین پیش کرتے ہوئے کہا کہ شہداء نے ظلم اور جبر کے خلاف اپنی جانوں کا نذرانہ اس لیے پیش کیا تاکہ کشمیری غلامی کی زندگی گذارنے کے بجائے آزاد فضاء میں سانس لے سکیں۔

یوم شہداء جموں کی مناسبت سے خصوصی تقریب کا انعقاد مظفرآباد میں پریس کلب میں کیا گیا جہاں کشمیری رہنماؤں نے خطاب کرتے ہوئے شہداء کی قربانیوں کو جنگ آزادی کا اثاثہ قرار دیتے ہوئے خود مختار کشمیر کے حق میں قراردادیں بھی پیش کیں۔

یاد رہے نومبر 1947 میں مہاراجہ ہری سنگھ اور بھارتی افواج کے گٹھ جوڑ نے نہتے کشمیریوں کا اُس وقت بیدردی سے قتل عام کیا جب وہ کشمیر سے پاکستان کی جانب ہجرت کر رہے تھے، شہید ہونے والوں میں خواتین اور بچوں کی بھی بڑی تعداد شامل تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔