ARYNews.tv | Urdu – Har Lamha Bakhabar

Tag: مقبوضہ کشمیر

  • مقبوضہ کشمیر میں کشمیری 3 ماہ سے نماز جمعہ سے محروم

    مقبوضہ کشمیر میں کشمیری 3 ماہ سے نماز جمعہ سے محروم

    سرینگر: مقبوضہ جموں و کشمیر میں جاری کیشدگی کو تین ماہ ہوگئے۔ کشمیری تین ماہ سے زائد عرصے سے نماز جمعہ کی ادائیگی سے محروم ہیں۔ حریت کانفرنس کی اپیل پر آج احتجاجی ریلیاں نکالی جائیں گی۔

    تفصیلات کے مطابق مقبوضہ کشمیر میں جاری کشیدگی کو 3 ماہ سے زائد ہوگئے۔وادی میں حالات بدستور کشیدہ ہیں اور معمول کی زندگی مفلوج ہے۔

    بھارتی فورسز کی جانب سے سرچ آپریشن کے بہانے چادر اور چار دیواری کا تقدس پامال کیا جا رہا ہے۔ مقبوضہ کشمیر کی بھارت نواز کٹھ پتلی انتظامیہ نے آزادی مارچ میں شرکت پر درجنوں سرکاری ملازمین کو برطرف کردیا۔

    حریت کانفرنس کی اپیل پر آج نام نہاد اسمبلی کے ارکان کے گھر کی جانب مارچ کیا جائے گا اور دھرنا دیا جائے گا۔

    بھارت کشمیر میں جاری ظلم و بربریت کو فوری بند کرے، او آئی سی *

    مقبوضہ کشمیر میں 3 ماہ سے زائد عرصے میں 9 ہزار سے زائد کشمیریوں کو گرفتار کیا جا چکا ہے جبکہ 100 سے زائد کشمیری شہید ہوچکے ہیں۔

    دوسری جانب اسیر کشمیری رہنما یاسین ملک کی طبیعت خراب ہونے کے باوجود انہیں اسپتال میں داخل نہیں کیا گیا۔ کشمیری رہنماؤں نے یاسین ملک کی حالت پر تشویش ظاہر کرتے ہوئے انہیں اسپتال منتقل کرنے کا مطالبہ کیا ہے۔

    حریت رہنما یاسین ملک کی اہلیہ مشعال ملک نے مقبوضہ کشمیر میں بھارتی جارحیت روکنے اور حریت قائدین کی فوری رہائی ممکن بنانے کے لیے روسی صدر ولادی میر پیوٹن کو خط بھی لکھا ہے اور ان سے مدد کی اپیل کی ہے۔

    واضح رہے کہ مقبوضہ کشمیر میں جاری بھارتی مظالم کے باعث اب تک 100 افراد شہید اور 15 ہزار سے زائد زخمی ہو چکے ہیں۔

  • مقبوضہ کشمیر،بھارتی فوج سرکاری عمارت کا قبضہ نہیں چھڑاسکی

    مقبوضہ کشمیر،بھارتی فوج سرکاری عمارت کا قبضہ نہیں چھڑاسکی

    سری نگر : مقبوضہ کشمیرکےعلاقے پامپورمیں مسلح افراد اور بھارتی سیکورٹی فورسزکے درمیان جھڑپ تیسرے روز بھی جاری ہے۔

    تفصیلات کے مطابق سرجیکل اسٹرائیک کی دعوی دار بھارتی فوج مقبوضہ کشمیر میں تین روز قبل چند مسلح افراد کی جانب سے ایک عمارت پرحملے کے بعد قبضہ کرنے والے افراد کے خلاف کوئی کارروائی نہیں کرسکی ہے۔

    اسی سے متعلق : حریت پسند رہنما برہان وانی شہید

     

    ذرائع کے مطابق تین دن گذرنے کے باوجود مسلح افراد ابھی تک عمارت کے اندر موجود ہیں اور بھارتی فوج کے خلاف شدید مزاحمت کر رہے ہیں اور بھارتی فوج اب تک عمارت واگذار نہیں کروا سکی ہے۔

    kashmir1

    دوسری جانب بھارتی میڈیانےدعویٰ کیا ہےکہ مقابلے کےدوران ایک حملہ آورمارا گیا ہے جب کہ حملہ آوروں کی فائرنگ سے قابض بھارتی فوج کےتین اہلکارزخمی ہوگئے ہیں۔

    یہ بھی پڑھیں : کشمیر میں شہید ہونے والوں کی تعداد نواسی ہوگئی

    بھارتی میڈیا نے بھی اس بات کا اقرار کیا ہے کہ مذکورہ عمارت میں دوحملہ آورتاحال عمارت کے اندر موجود ہیں اورسخت مزاحمت کر رہے ہیں۔

    تاہم تجزیہ کاروں نےاڑی اوربارہ مولا کے بعد اس حملےکو بھی کشمیریوں کے خلاف بھارتی پروپیگنڈےکی نئی قسط قراردیا ہے جو اپنی موت آپ مر جائے گا۔

    kashmir2

    واضح رہے 28 جولائی کو حریت پسند نوجوان رہنما برہان وانی کی شہادت کے مسلسل 96 روز سے کرفیو نافذ ہے. خوارک کی کمی اورروزمرہ زندگی کے معاملات معطل ہونے کے باعث کشمیری سڑکوں پر نکل آئے ہیں اور بھارتی مظالم کے خلاف صدائے احتجاج بلند کر رہے ہیں۔

    یہ پڑھیں : بھارت دہشت گرد ملک ہے،مشال ملک

    سیکولرازم کی دعوی دار بھارتی فوج نے کشمیریوں کو محرم الحرام میں جلوس نکالنے اور سبیلیں لگانے پر پابندی عائد کردی ہے جس کے بعد سے مقبوضہ کشمیر کے عوام صدائے احتجاج بلند کرتے ہوئے سڑکون پر نکل آئے ہیں اور ہر حال میں عاشورہ کا جلوس نکالنے کا اعلان کیا۔

     

  • کشمیر میں مظالم روکنے کیلئےعالمی برادری فیصلہ کن اقدامات کرے،زرداری

    کشمیر میں مظالم روکنے کیلئےعالمی برادری فیصلہ کن اقدامات کرے،زرداری

    دبئی: سابق صدرآصف علی زرداری کا کہنا ہے کہ عالمی برادری کشمیری عوام پر بھارتی مظالم روکنے کے لیے اپنا کردار ادا کریں۔

    تفصیلات کےمطابق سابق زرداری آصف علی زرداری کا کہنا ہے کہ کشمیر تقسیم کا ایک نامکمل ایجنڈا ہے اور عالمی برادری نے کشمیری عوام کو اپنے مستقبل کا فیصلہ کرنے کا حق دینے کا وعدہ کیا تھا اور اس حق کو طاقت کے زور پر سلب نہیں کیا جاسکتا۔

    آصف علی زرداری کا کہنا تھا کہ برہان وانی کی 8 جولائی کو ہونے والی شہادت کے بعد سے کشمیری رہنما یاسین ملک جیل میں ہیں اور ان کی صحت انتہائی خراب ہے۔

    انہوں نے کہا کہ عالمی برادری کی ذمہ داری ہے کہ کشمیر میں مظالم روکنے کیلئےعالمی برادری فیصلہ کن اقدامات کرے۔

    مزید پڑھیں:بھارت نے جنت نظیروادی مقبوضہ کشمیر کو کشمیریوں کیلئے جہنم بنا دیا ہے،مشال ملک

    یاد رہےکہ گزشتہ روزحریت رہنما یاسین ملک کی اہلیہ مشعال ملک کاکہناتھا کہ بھارت نے مظالم کے ذریعے جنت نظیروادی مقبوضہ کشمیر کوکشمیریوں کے لیے جہنم بنا دیا ہے،پاکستان مسئلہ کشمیر کے حل کے لیے چین امریکہ روس سمیت عالمی طاقتوں سےرابطے بڑھائے۔

    مزید پڑھیں:جموں کشمیر بھارت کااٹوٹ انگ تھا نہ ہوگا،ملیحہ لودھی

    واضح رہے کہ گزشتہ ہفتےاقوام متحدہ میں پاکستان کی مستقل مندوب ملیحہ لودھی نے یو این او میں اپنے خطاب میں کہا تھاکہ جموں و کشمیر نہ کبھی بھارت کااٹوٹ انگ تھانہ ہوگا ہم جدوجہد آزادی کی حمایت جاری رکھیں گے۔

  • مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    سری نگر: مقبوضہ کشمیرمیں بھارتی بربریت،مظاہر ین پرچھروں والی گن سے حملہ،بارہ سالہ بچہ شہید ہوگیا۔ واقعہ کے خلاف کرفیو کے باوجود لوگ سڑکوں پر آگئے۔

    تفصیلات کےمطابق سری نگر میں بھارتی فوج نے پیلٹ گنز سے فائرنگ کی،چھرے لگنے سے بارہ سالہ لڑکا شہید ہوگیا جس کے بعد سری نگر میں کشیدگی پھیل گئی،لوگ کرفیو توڑتے ہوئے گھروں سے نکل آئے اور احتحاج شروع کردیا۔

    قابض بھارتی فوج نے مظاہرین کو روکنے کے لیے شیلنگ اور لاٹھی چارج بھی کیا گیا جس کے نتیجے میں متعدد مظاہرین زخمی ہوگئے۔

    خیال رہے کہ برہان وانی کی شہادت کے بعد مقبوضہ کشمیر میں بھارتی بربریت کا سلسلہ جاری ہے،وادی میں آج92ویں روز بھی کرفیو نافذ اور زندگی مفلوج ہے۔

    یاد رہے کہ گزرے تین ماہ کے دوران بھارتی مظالم کےنتیجے میں ایک سو بیس کے قریب کشمیری شہید ہوچکے ہیں جبکہ پیلٹ گنز کے استعمال کے باعث سیکڑوں کی بینائی بھی چھن چکی ہے۔

    مزید پڑھیں: مقبوضہ کشمیر میں بھارتی فورسز کا مہلک ترین ہتھیاروں کا استعمال، درجنوں افراد نابینا

    واضح رہے کہ کشمیری رہنما برہان وانی کی شہادت کے بعد مقبوضہ کشمیر بدستورکشیدگی کی لپیٹ میں ہے،بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے ہیں۔

  • بھارت کشمیری خواتین پربھی تشدد کررہا ہے،مشال ملک

    بھارت کشمیری خواتین پربھی تشدد کررہا ہے،مشال ملک

    اسلام آباد : کشمیری حریت پسند رہنما یاسین ملک کی اہلیہ مشال ملک نے کہا ہے کہ مقبوضہ کشمیرمیں خواتین کو بھی ریاستی جبرکا نشانہ بنایا جا رہا ہے۔

    تفصیلات کے مطابق حریت پسند رہنما یاسین ملک کی اہلیہ مشال ملک نے اپنے بیان میں کہا ہے کہ بھارتی فوج کشمیریوں کے ساتھ غیرانسانی سلوک کرتے ہیں اور کشمیری خواتین کو بھی تشدد کا نشانہ بنایا جا رہا ہے۔

    انہوں نے مزید کہا کہ کشمیر میں تبدیلی آرہی ہے ہم اپنی آزادی اور امن چاہتے ہیں اس لیے کشمیرکے مسئلے کا تصفیہ اقوام متحدہ کی قراردادوں کے تحت کیا جائے تا کہ انصاف کے تقاضے پورے ہوں۔

    اسی سے متعلق : معروف کشمیری حریت رہنما یاسین ملک 4 روز سے لاپتہ

    مشعال ملک نے اپنے خطاب میں مزید کہا کہ دنیا کو امن کی ضرورت ہے تنازعات کی نہیں اس لیے کشمیر سمیت فلسطین کے مسئلے کو مزاکرات سے حل کیا جائے۔

    انہون نے اپنے بیان میں مطالبہ کیا بھارت کشمیریوں پر ظلم اور تشدد بند کرے اور کشمیریوں کو بنیادی حقوق سمیت حقِ خود ارادیت دے۔

    واضح رہے مشال ملک کے خاوند یاسین ملک جوحریت پسند رہنما بھی ہیں گزشتہ ایک ماہ سے بھارتی فوج کے زیر حراست ہیں جہان انہیں بہیمانہ تشدد کا نشانہ بنایا جارہا ہے حالانکہ یاسین ملک کی طبعیت بھی ناساز ہے اور بھارتی فوج انہیں طبی امداد فراہم نہیں کر رہی ہے۔

  • بھارتی جارحیت کے خلاف ہم سب متحدہ ہیں،علی ظفر

    بھارتی جارحیت کے خلاف ہم سب متحدہ ہیں،علی ظفر

    اسلام آباد: سپریم کورٹ بار ایسوسی ایشن کے صدر علی ظفر کا کہنا ہے کہ بھارتی جنگی جنون کے خلاف سپریم کورٹ بار ایسوسی ایشن ملک بھر میں احتجاجی ریلیاں نکالے گی جس میں تمام بارز کے وکلا شرکت کریں گے۔

    تفصیلات کے مطابق سپریم کورٹ بار ایسوسی ایشن کے صدر علی ظفر نےمیڈ یا سے گفتگو کرتے ہوئےکہا کہ مودی سرکار بہت چالاک اور مکاروں سے بھری پڑی ہے جنہوں نے پاکستان کو دنیا میں تنہا کرنے کا منصوبہ بنا یا ہے۔

    صدر سپریم کورٹ بار کا کہنا تھا کہ مودی سرکار میں دہشت گرد بیٹھے ہوئے ہیں جنہوں نے پاکستان کے خلاف پروپیگنڈا شروع کر رکھا ہے ۔انہوں نے کہا کہ بھارتی جارحیت کے خلاف ہم سب متحدہ ہیں اور مل کر بھارت کے ناپاک عزائم کو خاک میں ملائیں گے۔

    سپریم کورٹ بار ایسوسی ایشن کے صدر علی ظفر کامزید کہنا تھا کہ بھارت کولڈ وار اسٹریٹجی کے تحت پاکستان پر پابندیاں عائد کرانا چاہتا ہے تاکہ پاکستان تنہا رہ جائے۔انہوں نے مطالبہ کیا کہ اقوام متحدہ سرجیکل اسٹرائیک کی بات کا نوٹس لے۔

    مزید پڑھیں: مقبوضہ کشمیر میں بھارتی مظالم کے خلاف سیاسی قیادت متحد

    واضح رہے کہ گزشتہ روز وزیراعظم نواز شریف کی زیر صدارت پارلیمانی جماعتوں کے سربراہی اجلاس کے اعلامیے میں تمام سیاسی قائدین نے متفقہ طور پر مقبوضہ کشمیر میں بھارتی مظالم اور غیرانسانی برتاؤ کی پرزور الفاظ میں مذمت کی اور اسے عالمی سطح پر اُٹھانے کا فیصلہ کیاتھا۔

  • کشمیریوں سے ذیادہ عدم تشدد کا علمبردار کوئی نہیں، مشا ل ملک

    کشمیریوں سے ذیادہ عدم تشدد کا علمبردار کوئی نہیں، مشا ل ملک

    اسلام آباد: حریت رہنماء یاسین ملک کی اہلیہ مشال ملک نے عالمی برادری سے مطالبہ کیا ہے کہ وہ مہاتما گاندھی سے منسوب عدم تشدد کے عالمی دن کو کشمیریوں کے نام کرے کیونکہ دنیا میں کشمیریوں سے ذیادہ عدم تشدد کا علمبردار کوئی نہیں ہے۔

    ان خیالات کا اظہار انہوں نے اسلام آباد میں نیشنل پریس کلب کے باہر عدم تشدد کے عالمی دن کے موقع پر منعقد ہونے والے احتجاجی مظاہرے سے خطاب کرتے ہوئے کیا۔ مشال ملک کا کہنا تھاکہ ہندوستان کو عددم تشدد کا عالمی دن منانے کا کوئی حق حاصل نہیں کیونکہ دوسری جنگ عظیم کے بعد دنیا بھر میں سب سے زیادہ تشدد بھارتی افواج نے نہتے کشمیریوں پر کیا ہے۔

    عدم تشدد کے عالمی دن کے موقع پر نیشنل پریس کلب کے باہر احتجاجی مظاہرہ کیا گیا، اس موقع پر لوگوں کی بڑی تعداد نے شرکت کی مظاہرے میں شریک لوگوں نے بینرز اور پلے کارڈز اٹھا رکھے تھے جن پر کشمیر کی آزادی اور بھارت کے خلاف نعرے درج تھے۔

    پڑھیں:  کشمیر‌ میں کرفیو کا 85 واں روز، ایک اور نوجوان شہید، تعداد 108 ہوگئی

    اس موقع پر مظاہرین نے مقبوضہ کشمیر میں جاری بھارتی مظالم کی شدید الفاظ میں مذمت کی اور قابض فوجیوں اور اُن کے ملک کے خلاف شدید نعرے بازی بھی کی۔ مشال ملک نے بڑی تعداد میں کشمیریوں سے اظہار یکجہتی کرنے پر اُن کا شکریہ ادا کیا، حریت رہنماء کی زوجہ نے مظاہرین سے خطاب کرتے ہوئے کہا کہ ’’عدم تشدد کا عالمی دن منانے کے سب سے زیادہ حقدار مظلوم کشمیری ہیں جو پر امن انداز میں حق خود ارادیت کی جدوجہد کررہے ہیں اور قابض فوجیوں کے مظالم کے خلاف ڈٹے ہوئے ہیں‘‘۔

    مزید پڑھیں: مقبوضہ کشمیر کبھی بھی بھارت کاحصہ نہ تھااورنہ ہوگا

    انہوں نے عالمی دنیا سے کشمیر میں جاری بھارتی فوج کے مظالم اور انسانی حقوق کی پامالیوں کا نوٹس لینے کا مطالبہ کرتے ہوئے کہا کہ ’’بھارت کشمیریوں پر مظالم کے پہاڑ توڑ کر سلامتی کونسل کی قرار دادوں کو پامال کررہا ہے جبکہ کشمیری اقوام متحدہ کی قرار داد کے مطابق اپنا حق طلب کررہے ہیں‘‘۔

    یاد رہے مقبوضہ کشمیر میں حزب المجاہدین کے کمانڈر اور حریت رہنماء برہان مظفر وانی کی حراست کے دوران شہادت کے بعد عوام کی بڑی تعداد مقبوضہ وادی میں سڑکوں پر نکل آئی تھی، جس کے بعد قابض فوجیوں کی جانب سے انہیں منتشر کرنے کے لیے مظالم کا سلسلہ شروع کیاگیا۔

    یہ بھی پڑھیں:  ہماری چوتھی نسل خونریزی کےماحول میں رہ رہی ہے،علی گیلانی

     مظاہرین کو منتشر کرنے کے لیے قابض فوجیوں نے پیلٹ گن کا استعمال کیا جن کے چہروں سے متاثر ہونے والے سینکڑوں بچے، خواتین، بزرگ اور نوجوان اپنی بینائی کھو چکے ہیں تاہم مختلف علاقوں میں فائرنگ سے شہید ہونے والے کشمیریوں کی تعداد 100 سے زائد ہوچکی ہے۔

    بھارت کے زیر تسلط کشمیر میں انتظامیہ کی جانب سے مسلسل 86 روز سے کرفیو نافذ ہے، جس کے باعث ہزاروں کشمیری نمازِ جمعہ کی ادائیگی کرنے سے قاصر رہے تاہم کرفیو کے باعث کشمیریوں کو غذائی قلت، ادویات کی کمی کا سامنا ہے۔

  • بھارت دہشت گرد ملک ہے،مشال ملک

    بھارت دہشت گرد ملک ہے،مشال ملک

    اسلام آباد : حریت پسند رہنما یاسین ملک کی اہلیہ مشال ملک نے بھارت کو دہشت گرد ملک قرار دیتے ہوئے کہا ہے کہ بھارت کئی دہائیوں سے مقبوضہ کشمیر میں دہشت گردی کررہا ہے۔

    تفصیلات کے مطابق مشال ملک اسلام آباد میں پریس کانفرنس سے خطاب کر رہی تھیں اُن کا کہنا تھا کہ بھارت پاکستان پر جنگ مسلح کرنا چاہتا ہے تاکہ مسئلہ کشمیر دنیا کی نظروں سے اوجھل رہے۔

    مشال ملک نے میٰڈیا سے گفتگو کے دوران اپنے شوہر اور حریت پسند رہنما یاسین ملک کی گرفتاری اور تشدد کے حوالے سے تفصیلات بتاتے ہوئے کہا کہ کو بھارتی فوج کی جانب سے یاسین ملک کو سخت مظالم کا نشانہ بنایا جا رہا ہے انہیں چھ دن تک پانی نہیں پلا یا گیا اور جس جگہ پر انہیں رکھا گیا ہے وہ انتہائی تنگ اورگندی ہے۔

    انہوں نے بتا یا کہ یاسین ملک سے ان کی والدہ تک کو بھی نہیں ملنے دیا جا رہا ہے حالانکہ اس دوران یاسین ملک کی طبیعت خراب ہوئی تو بھارتی فوج انہیں ہسپتال لے گئی جہاں ڈاکٹروں نے کہاکہ ان کی حالت تشویشناک ہے ،انہیں فوری طورپر آئی سی یو میں رکھنا پڑے گا لیکن بھارتی فوج دوبارہ انہیں اپنے ساتھ واپس جیل میں لے گئی۔

    مشال ملک نے بھارتی حکام سے سوال کیا کہ کیا یاسین ملک دہشت گرد ہیں وہ ایک سیاسی رہنما ہیں لیکن انہیں ایسے قید کیا گیا ہے،جیسے وہ دہشت گرد ہیں ان کے ساتھ عادی مجرموں جیسا سلوک کیا جا رہا ہے۔

    مشال ملک نے کہا کہ معصوم کشمیر کئی دہائیوں سے آزادی مانگ رہے ہیں لیکن ابھی تک دنیا نے اس طرف توجہ نہیں دی ،امریکی اخبارات میں کشمیری جدو جہد کو مقامی لکھا جا رہا ہے ،بین الاقوامی دنیا اب مقبوضہ کشمیر میں بھارتی مظالم کا نوٹس لے۔

    ان کا مزید کہنا تھا کہ برہانی وانی کی شہادت کے بعد اس تحریک کا جذبہ بڑھتا جا رہا ہے،سو سے زائد لوگ شہید ہو گئے،ہزاروں کشمیری بینائی سے محروم ہوگئے ہیں۔

     

  • پاکستان کے پانی پر بھارتی قبضہ ناقابلِ قبول ہے، مصطفیٰ کمال

    پاکستان کے پانی پر بھارتی قبضہ ناقابلِ قبول ہے، مصطفیٰ کمال

    کراچی: پاک سرزمین پارٹی کے چیئرمین مصطفیٰ کمال نے کہا ہے کہ کشمیر میں جاری تحریک آزادی کی مکمل حمایت کرتے ہیں اور بین الاقوامی برادری سے اپیل کرتے ہیں کہ مسئلہ کشمیر کو اقوام متحدہ کی قرار داد کے مطابق حل کیا جائے۔

    تفصیلات کے مطابق پاک سرزمین پارٹی کے چیئرمین مصطفیٰ کمال نے کہا کہ گزشتہ ایک ماہ سے زائد کے عرصے میں کشمیر میں بھارتی افواج کی پر تشدد کارروائیوں کے نتیجے میں انسانی حقوق کی سنگین پامالی کی جارہی ہے۔

    چیئرمین پی ایس پی نے عالمی برادری بشمول اقوامِ متحدہ سے مطالبہ کیا کہ مظلوم کشمیری پچھلی کئی دہائیوں سے انصاف کے طالب ہیں, پر امن دنیا اور جنوبی ایشیا میں پر امن ماحول کو یقینی بنانے کے لئے بین الاقوامی برادری اور اقوامِ متحدہ کشمیر کے مسئلے کو اقوامِ متحدہ کی قرارداد کے مطابق حل کروانے میں اپنا کردار ادا کرے۔

    پڑھیں:   بھارت آبی جارحیت پر اتر آیا، ڈاکٹر فاروق ستار

    مصطفیٰ کمال کا مزید کہنا تھا کہ ’’پاکستان کے 20کروڑ لوگ اپنے وطنِ عزیز کے ایک ایک انچ کی حفاظت کرنے کے جذبے سے سرشار اور پاک فوج کے شانہ بشانہ کھڑے ہیں تاہم اگر بھارت کی جانب سے جنگ مسلط کی گئی تو اس کے نتائج بھگتنے کے لیے بھی اُسی کو تیار رہنا ہوگا‘‘۔

    مزید پڑھیں:  پاکستان مدد کرے تو خالصتان بناسکتے ہیں، سکھ رہنما امرجیت سنگھ

    بھارتی حکومت کو متنبہ کرتے ہوئے مصطفیٰ کمال نے کہا کہ سندھ طاس معاہدے کی آڑ میں پاکستان کے پانی پر اپنا نا جائز قبضہ کرنے کی کوشش کی  تو یہ کسی بھی طور قابل قبول نہیں ہوگا۔ انہوں نے خبردار کیا کہ بھارتی جنگی جنون سے دونوں ممالک کی عوام کو نقصان ہوگا اس لیے بھارت کو اپنا جنگی رویہ ترک کرتے ہوئے مذاکرات کی میز پر آتے ہوئے مسائل کا حل مذاکرات سے نکالنا ہوگا۔

    یہ بھی پڑھیں:  مقبوضہ کشمیر میں مظالم قابلِ مذمت ہیں، ایرانی سفیر

    سربراہ پاک سرزمین کا کہنا تھاکہ بھارت کے بڑھتے ہوئے جنگی عزائم اور کشمیری عوام کے ساتھ ناختم ہونے والاظلم اور بر بریت کا سلسلہ خطے میں جنگ کی آگ کو ہوا دینے کے مترادف ہے۔ ایک جانب بھارت نہ صرف کشمیر میں اپنی ہٹ دہرمی پر قائم ہے جبکہ دوسری جانب وہ پاکستان میں دہشت گردی کی کاروائیوں کو فروغ دینے کے لئے براہ راست کلبھوشن یادو کی شکل میں ایجنٹس کے ذریعے بلوچستان، کراچی، فاٹا اورخیبر پختونخواہ میں پاکستان کو غیر مستحکم کرنے کے لئے کاروائیاں کروا رہا ہے۔

    اسے بھی پڑھیں:  کشمیرمیں کرفیو کا 82 واں روز، شہدا کی تعداد 106 ہوگئی

    مصطفی کمال نے کہا کہ پاک سر زمین پارٹی بھارتی حکومت کو یہ واضح پیغام دینا چاہتی ہے کہ جنگ مسائل کا حل نہیں ، جنگ کے نتیجے میں نقصان دونوں ممالک کی عوام کا ہوگا لیکن اگر بھارت اپنے اس جنگی جنون سے باز نہ آیا اور اس نے کسی بھی طرح سے پاکستان پہ جنگ مسلط کرنے کی کوشش کی تو اس کے نتائج بھارت کو بھگتنا ہونگے۔

  • مقبوضہ کشمیر کبھی بھی بھارت کاحصہ نہ تھااورنہ ہوگا

    مقبوضہ کشمیر کبھی بھی بھارت کاحصہ نہ تھااورنہ ہوگا

    نیویارک: اقوام متحدہ میں پاکستان کی سفیرڈاکٹرملیحہ لودھی کا کہنا ہے کہ مقبوضہ کشمیر کبھی بھی بھارت کاحصہ نہیں تھااور نہ ہو گا۔

    تفصیلات کےمطابق بھارتی وزیر خارجہ سشما سوراج کی اقوام متحدہ کی جنرل اسمبلی میں تقریر کے جواب میں پاکستانی مستقل مندوب ملیحہ لودھی کا کہنا تھا کہ بھارت مقبوضہ کشمیر میں فیکٹ فائنڈنگ مشن کوتحقیقات کرنے دے۔

    اقوام متحدہ میں پاکستانی سفیر ملیحہ لودھی کا کہنا تھا کہ پچاس سال سے بھارت ہمسایہ ملکوں میں دہشت گردی کی معاونت کرتارہا ہے۔

    انہوں نے کہا کہ مقبوضہ کشمیر میں قتل عام ریاستی دہشت گردی کی بدترین مثال ہے،ڈھائی ماہ میں 100سے زائد کشمیری شہید،سیکڑوں بینائی سے محروم ہوگئے،بھارت کی جانب سے پاکستان پرالزامات کا مقصدکشمیری خواتین اور بچوں پر ظلم سے توجہ ہٹانا ہے۔

    اقوام متحدہ میں پاکستان کی سفیرملیحہ لودھی نے مزید کہاکہ بھارت کی پاکستان میں مداخلت ریکارڈ پرموجود ہے،بھارتی جاسوس کل بھوشن یادیو نےبھارتی تخریبی سرگرمیوں کااعتراف کیاہے۔

    واضح رہے کہ ڈاکٹر ملیحہ لودھی کا کہنا تھا کہ پاکستان مسئلہ کشمیر کو حل کرنے کے لیے مذاکرات کا حامی ہے،اقوام متحدہ کی جنرل اسمبلی سے خطاب میں وزیر اعظم نواز شریف نے بھی بھارت کو مذاکرات کی دعوت دی تھی۔