اسلام آباد: مقبوضہ کشمیر میں بھارتی مظالم کے خلاف سینیٹ میں قرار داد متفقہ طور پر منظور کرلی گئی اور اس عزم کا اظہار کیا گیا کہ بھارت نے پاکستان کے خلاف کوئی مہم جوئی کی تو بھر پور جواب دیا جائے گا۔

سینیٹ میں قرار داد قائد ایوان راجہ ظفر الحق نے پیش کی جس میں کشمیریوں کے ساتھ یکجہتی کا اظہار کیا گیا اور کہا گیا کہ کشمیریوں کو اقوام متحدہ کی قراردادوں کے مطابق حق خود ارادیت دیا جائے۔

قرار داد میں مطالبہ کیا گیا کہ بھارت کو مقبوضہ کشمیر میں انسانی حقوق کی خلاف ورزیوں سے روکا جائے۔ قرار داد میں کہا گیا کہ کشمیریوں کو بھارتی فوج کے مظالم کا سامنا ہے اور کشمیر میں نہتے جوان ،مرد و خواتی بھارتی گولیوں کا نشانہ بن رہے ہیں۔

قرار داد میں مقبوضہ کشمیر میں بھارتی جرائم کی عالمی انکوائری کا مطالبہ بھی کیا گیا۔

قبل ازیں اراکین نے پاک بھارت تعلقات پر درپیش صورتحال پر بحث میں مطالبہ کیا کہ مسئلہ کشمیر کے حوالے سے درپیش حالات پر پارلیمنٹ کو اعتماد میں لیا جائے اور پارلیمنٹ کا مشترکہ اجلاس بلایا جائے، انہوں نے کل جماعتی کانفرنس کا بھی مطالبہ کیا۔

لاہور: لاہور ہائیکورٹ بار نے آزادی کشمیرکےلیے تحریک چلانے کا اعلان کردیا ہے اور ہائیکورٹ روزانہ ایک گھنٹے کے لیے مال روڈ پر احتجاجی مظاہرہ کرے گی۔

تفصیلات کے مطابق لاہور ہائی کورٹ بار نے مقبوضہ کشمیر میں بھارتی مظالم اور بر بریت کے خلاف آزادی کشمیر کی کے لیے تحریک چلانے کا اعلان کرتے ہوئے کہا کہ لاہور بار کشمیری بھائیوں کی اخلاقی اور سیاسی طورپر بھرپور ساتھ دے گا۔

پریس کانفرنس سے خطاب کرتے ہوئے لاہور ہائیکورٹ بار ایسوسی ایشن کے صدر رانا ضیا الرحمان سمیت دیگر عہدیداروں نے اعلان کیا کہ وکلا آزادی کشمیر کے لیے تحریک چلائیں گے اس تحریک میں ڈاکٹرز،انجئینرز اور اساتذہ کوبھی شامل کیا جائے گا۔

اس موقع پرصدر رانا ضیا الرحمان نے اعلان کیا کہ پہلے مرحلے میں لاہورہائیکورٹ بار کا آل پاکستان وکلا کنونشن بلایا جائے جس میں پاکستان بار کونسل ،سپریم کورٹ بار سمیت دیگر وکلا تنظییں شرکت کریں گے ۔

بار کے عہدیداروں نے یہ اعلان بھی کیا کہ لاہور ہائیکورٹ بار روزانہ ایک گھنٹے مال روڈ پر احتجاجی مظاہرہ کرے گی۔

واضح رہے 28 جولائی کو کشمیری حریت پسند رہنما برہان وانی کی شہادت کے بعد سے کشمیر میں جاری بھارتی مظالم اور بربریت میں اضافہ ہوتا جارہا ہے جس کے بعد سے پاکستان میں موجود مختلف طبقہ جات سے تعلق رکھنے والے نمائندے اپنے کشمیریوں بھائیوں کی حمایت میں نکل آئے ہیں۔

سری نگر: مقبوضہ کشمیر کے ضلع کشتواڑ میں پاکستان کی حمایت میں نعرے لگانے پر بھارتی فوجیوں نے امام مسجد سمیت تین حریت پسند مقامی رہنماؤں کو گرفتار کرکے بہیمانہ تشدد کا نشانہ بنایا گیا۔

تفصیلات کے مطابق مذکورہ واقعہ ضلع کشتوار کی مرکزی مسجد کے قریب پیش آیا جب نماز کی ادائیگی کے بعد نمازیوں نے پاکستان کے حق میں نعرے بلند کیے تو بھارتی فوجیوں نے روایتی بربریت کا مظاہرہ کرتے ہوئے نمازیوں کو ظلم و تشدد کا بنایا۔

اسی سے متعلق : بھارتی فوج کی بربریت،نوجوان حریت پسند برہان وانی شہید

بعد ازاں بھارتی فوج نے پاکستان زندہ باد کہنے کے جرم مین امام مسجد سمیت تین افراد کو حراست میں لے کربہیمانہ تشدد کرتے ہوئے اپنے ہمراہ نامعلوم مقام پرلے گئی جس پر اہل علاقہ احتجاج کرتے ہوئے اپنے گھروں سے نکل آئے اور بھاری فوج کے خلاف کے بلند شگاف نعرے بازی کی۔

یہ خبر پڑھیں : کشمیر میں بھارتی مظالم کی اقوام متحدہ تحقیقات کرے، وزیراعظم

کشمیری میڈیا سروس کے مطابق مقبوضہ کشمیر کے کئی علاقوں میں آج 79 ویں روز گذرنے کے باوجود تاحال کرفیونافذ ہے جس کی وجہ سے لوگ گھروں میں محصور ہو کر رہ گئے ہیں سڑکیں اور کاروباری مراکزبند ہیں جب کہ موبائل سروس اور نیٹ پربندش کے باعث لوگوں کو اذیت اور کوفت کا سامنا ہے۔

یہ خبر بھی پڑھیں : بان کی مون کا زخمی کشمیریوں کی تصاویر دیکھ کر صدمے کا اظہار

واضح رہے بھارتی فوج کے ہاتھون شہید ہونے والے کشمیری نوجوان کی نماز جنازہ بعد نمازجمعہ ادائیگی کے بعد سے بارہ مولا سمیت کئی کشمیری علاقون میں کشیدگی میں اضافہ ہو گیا ہے۔

یہ پڑھیے : کشمیری نوجوان کا جنازہ،رقت آمیز مناظر

یاد رہے کہ اناسی روز سے جاری ظلم کی تازہ لہر میں اب تک ایک سو پندرہ سے زائد کشمیری شہید ہوچکے ہیں،بھارتی فوج کی جانب سے پیلٹ گنز کے استعمال سے پانچ سو سے زائد افراد بینائی سے بھی محروم ہوگئے ہیں۔

سری نگر: دو روز قبل بھارتی فوج کی فائرنگ سے شہید ہونے والے کشمیری نوجوان وسیم احمد لون کی نماز جنازہ میں ہزاروں لوگوں نے شرکت کی اور پاکستان زندہ باد کے نعرے بلند کیے۔

کشمیر میڈیاسروس کے مطابق بھارتی فوج کی براہ راست فائرنگ سے شہید ہونے والے 22سالہ نوجوان وسیم احمد لون کی نماز جنازہ بارہ مولا میں ادا کر دی گئی ہے کشمیری نوجوان کا جسد خاکی پاکستانی پرچم میں لپیٹا گیا تھا۔

کشمیری حریت پسند رہنما برہان وانی کی شہادت کے بعد سے بھارتی مظالم میں اضافہ ہوتا چلا جارہا ہے مسلسل کرفیو.موبائل اور نیٹ سروس کی بندش نے زندگی اجیرن کر دی ہے کشمیر میں روز بہ روز بڑھتی کشیدگی نے کئی کشمیری ماؤں کی گود اُجاڑ دی ہے۔

گزشتہ تین ماہ سے جاری بھارتی ظلم و بربریت اور پیلٹ گن کا نشانہ بننے والے کشمیری نوجوانوں کی تعداد سینکڑوں تک پہنچ گئی ہے جب کہ ہزاروں نوجوان زخمی ہیں۔

اس حوالے سے پاکستان کی جانب سے عالمی سطح پر آواز اُٹھانے کے بعد عالمی رہنماؤں کے دباؤ کے باوجود بھارت اپنی ہٹ دھرمی پر قائم ہے اور روازنہ کی بنیاد پر معصوم کشمیریوں کو اپنی جارحیت کا نشانہ بنا رہا ہے۔

واضح رہے وسیم احمد لون کو گزشتہ روز بھارتی فوج نے بارہ مولا کے علاقے میں فائرنگ کر کے شہید کر دیا تھا۔

سری نگر: مقبوضہ کشمیر میں بھارتی افواج کی بربریت جاری ہے،باندی پورہ میں ایک اور نہتے شہری کو شہید کردیا گیا،شہید والوں کی تعداد 103 ہو گئی ہے۔

تفصیلات کے مطابق مقبوضہ کشمیر میں بھارتی مظالم کا سلسلہ دراز ہوتا جا رہا ہے باندی پورہ میں ایک اور نہتے کشمیری کو ابدی نیند سلادیا گیا جب کہ عالمی سطح پر اُٹھائے گئے اعتراض کے باوجود پیلٹ گن کا سفاکانہ استعمال بھی  سے جا ری ہے۔

اسی سے متعلق : بھارتی فوج کی بربریت،نوجوان حریت پسند برہان وانی شہید

محض گیارہ روزمیں تین سوکشمیری زخمی حالت میں مختلف اسپتالوں میں زیرعلاج ہیں اور ایک سو پچاس کشمیریوں کی بینائی انہی پیلٹ گنوں نے چھین لی ہے۔

یہ خبر پڑھیں : کشمیر میں بھارتی مظالم کی اقوام متحدہ تحقیقات کرے، وزیراعظم

کشمیری حریت پسند نوجوان رہنما برہان وانی کی شہادت کے بعد سے پوری وادی میں کشیدگی جوں کی توں برقرار ہے اور 76 ویں روز بھی کئی علاقوں میں کرفیو نافذ ہے جس کے باعث لوگ گھروں میں محصوراورزندگی مفلوج ہوکررہ گئی ہے۔

دوسری جانب قابض بھارتی فوج نے حریت پسند رہنماوں کو گھروں میں نظر بند کر رکھا ہے ،حریت رہنما میر واعظ عمر فاروق کا کہنا ہے بھارتی فوج کا یہ اقدام وحشیانہ ہے حریت کانفرنس کی اپیل پرمقبوضہ وادی میں ہڑتال ہے حریت کانفرنس نے بھارتی مظالم کے خلاف انتیس ستمبرتک احتجاج کا اعلان کیا ہے۔