سری نگر : مقبوضہ کشمیر میں برسرِاقتدار جماعت کے ایک رکنِ اسمبلی طارق حمید نے حکومتی پالیسی اور کشمیر میں جاری مظالم کے خلاف احتجاجاً اپنے عہدے سے استعفیٰ دے دیا ہے۔

تفصیلات کے مطابق مقبوضہ کشمیر کی برسراقتدار جماعت پیپلز ڈیموکریٹک پارٹی کے رکن اسمبلی ‘طارق حمید کرا’ نے حکومتی پالیسی کو ظالمانہ قرار دیتے ہوئے اپنی رکنیت سے استعفیٰ دے دیا ہے اُنہوں نے اپنی جماعت پیپلز ڈیموکریٹک پارٹی کی ریاستی سطح پر بی جے پی کے ساتھ الحاق کو بھی تنقید کا نشانہ بنایا جس کے انھوں نے ریاستی پارلیمنٹ سے مستعفی ہونے کے ساتھ ساتھ اپنی پارٹی بھی چھوڑنے کا اعلان کردیا ہے۔

کشمیر کی صورت حال جانیے : مقبوضہ کشمیرمیں شہداء کی تعداد 95 ہو گئی

ذرائع کے مطابق جمعرات کو طارق حمید نے میڈیا سے بات کرتے ہوئے کہا کہ ’یہ تاریخ میں پہلا موقع تھا کہ کشمیر میں مسلمانوں کو عید کی نماز ادا کرنے کی اجازت نہیں دی گئی مزار اور جامع مسجد بند کر دیے گئے۔ کشمیری خون وادی کی دیواروں، گلیوں اور نالیوں میں بہہ رہا ہے۔‘

اسی سے متعلق : کشمیریوں نے عید الاضحیٰ خوف کے سائے میں منائی

یاد رہے کہ مقبوضہ کشمیر 18 جولائی سے بھارتی ظلم و جبر عروج پر ہے اور مقبوضہ وادی میں بھارتی فورسز کے ہاتھوں جاں بحق افراد کی تعداد 98 ہو گئی ہے۔ مختلف علاقوں میں بدستور کرفیو نافذ ہے۔ حریت کانفرنس کی اپیل پر مقبوضہ وادی میں احتجاجی مظاہروں اور ہڑتال کا سلسلہ بھی جاری ہے

یہ خبر پڑھیں : بھارت نےمقبوضہ کشمیرتک رسائی دینے کی انکار کردیا،انسانی حقوق سیل اقوام متحدہ

اس دوران کشمیر میں سکیورٹی فورسز نے مظاہرین کے خلاف چھروں والے کارتوس بھی استعمال کیے ہیں جس کی وجہ سے سات ہزار سے زائد لوگوں کے زخمی اور نابینا ہو جانے کی اطلاعات ہیں۔

یہ بھی پڑھیں : بھارت کشمیر میں انسانی حقوق پامال کر رہا ہے، دفتر خارجہ

اس سے قبل اقوام متحدہ میں انسانی حقوق کے ہائی کمشنر زید رعد الحسین نے مقبوضہ کشمیر میں انسانی حقوق کی کھلی خلاف ورزی کا جائزہ لینے کے لیے دورہ کشمیر کی خواہش ظاہر کی تھی اس کے ساتھ وہ آزاد کشمیر کے دورے کے بھی متمنی تھے جسے پاکستانی حکومت نے قبول کر لیا تھا تا ہم بھارتی حکومت نے یکسر انکار کردیا تھا۔

اسلام آباد: دفتر خارجہ کا کہنا ہے کہ بھارت کا، اقوام متحدہ کی انسانی حقوق کونسل کو مقبوضہ کشمیر کے دورے کی اجازت نہ دینا وہاں ہونے والی انسانی حقوق کی خلاف ورزیوں پر پردہ ڈالنے کی کوشش ہے۔

ترجمان دفتر خارجہ نفیس زکریا کا کہنا تھا کہ ہندوستان بنیادی انسانی حقوق کی بات کرتا ہے لیکن کشمیر میں بری طرح انسانی حقوق پامال کیے جارہے ہیں۔

واضح رہے کہ اقوام متحدہ کے ہائی کمیشن برائے انسانی حقوق کے چیف نے دورہ کشمیر کی درخواست کی تھی جس کا مقصد کشمیر میں حقائق کاجائزہ لینا تھا جہاں آزادی کی تحریک کو دبانے کے لیے بھارتی فورسز طاقت کا استعمال کر رہی ہیں۔

اقوم متحدہ کے ہائی کمشنر برائے انسانی حقوق زید راعد حسین نے سرحد کے دونوں اطراف مقبوضہ اور آزاد کشمیر تک رسائی کی درخواست کی تھی تاہم بھارت نے مقبوضہ کشمیر کے دورے کی اجازت دینے سے صاف انکار کردیا۔

بھارت نے مؤقف اپنایا کہ بیرونی انکوائری کی ضرورت نہیں اور حکومت جلد از جلد حالات کو معمول پر لانے کے لیے کوشاں ہیں۔ بھارتی وزارت خارجہ نے اپنے بیان میں کہا کہ بھارتی جمہوریت کے پاس وہ تمام کچھ ہے جو جائز شکایات سے نمٹنے کے لیے ضروری ہے۔

پاکستان اس سے قبل مقبوضہ کشمیر میں جاری بھارتی جارحیت کے خلاف اقوام متحدہ سے کردار ادا کرنے کی درخواست کر چکا تھا جس کے بعد ہی یہ دورہ تشکیل دیا گیا۔

یاد رہے کہ مقبوضہ کشمیر میں بھارتی ظلم و جبر عروج پر ہے اور مقبوضہ وادی میں بھارتی فورسز کے ہاتھوں جاں بحق افراد کی تعداد 98 ہو گئی ہے۔ مختلف علاقوں میں بدستور کرفیو نافذ ہے۔ حریت کانفرنس کی اپیل پر مقبوضہ وادی میں احتجاجی مظاہروں اور ہڑتال کا سلسلہ بھی جاری ہے۔

جنیوا،لاس اینجلس : اقوام متحدہ کی ٹیم نے کشمیرکی بگڑتی ہوئی صورتِ حال کے پیش نظرمقبوضہ کشمیر اور آزاد کشمیرکا دورہ کرنے کی خواہش ظاہر کی ہے۔

بین الاقوامی جریدے لاس اینجلس ٹائمز کے مطابق منگل کو اقوام متحدہ کے انسانی حقوق سیل کے چیف نے دورہ کشمیرکی درخواست کی تھی دورے کا مقصد حقائق کاجائزہ لینا تھا جہاں آزادی کی تحریک کو دبانے کیلئے بھارتی فورسز طاقت کا استعمال کررہی ہیں۔

اقوم متحدہ کے ہائی کمشنر برائے انسانی حقوق زید راد حسین نے سرحد کے دونوں ا طراف مقبوضہ اور آزاد کشمیرتک رسائی کی درخواست کی تھی۔

اقوام متحدہ کی انسانی حقوق کونسل سے خطاب کرتے ہوئے زید حسین نے بتایاکہ پاکستان نے ان کی درخواست پر اجازت دیدی ہے اور یقین کے ساتھ کہہ سکتا ہوں کہ اب ایک آزاد ، غیرجانبدارعالمی مشن کی اشد ضرورت ہے اور اسے مکمل آزادی حاصل ہوتاکہ دونوں ممالک کی طرف سے ہونیوالے دعوﺅں کا جائزہ لیا جاسکے۔

اقوام متحدہ کی اس درخواست پر بھارت نے دورے کی اجازت دینے سے صاف انکار کردیا اورموقف اپنایا کہ بیرونی انکوائری کی ضرورت نہیں اور ’وہ جلد از جلد حالات کو معمول پر لانے کے لیے کوشاں ہیں۔وزارت خارجہ نے اپنے بیان میں کہاکہ ’بھارتی جمہوریت کے پاس وہ تمام کچھ ہے جو جائزشکایات سے نمٹنے کیلئے ضرورت ہے۔

یہاں یہ امر بھی قابل ذکر ہے کہ کشمیری مجاہد ’برہان وانی‘ کی شہادت کے بعد سے اب تک کم ازکم 81افراد شہید ہوچکے ہیں اور تمام افراد عام شہری ہیں ۔مقبوضہ کشمیر میں نہتے شہری احتجاج کے دوران پولیس سٹیشن یا سرکاری عمارتوں پر پتھراﺅ کرتے ہیں جبکہ بھارتی فورسز سیدھی فائرنگ یا آنسو گیس کی شیلنگ کرتی ہیں۔

سری نگر کے سرکاری ہسپتال میں پیلٹ گن کی وجہ سے متاثرہ 800سے زائد افراد کی آنکھوں کا علاج کیاگیا جن میں سے بیشتر کی جزوی طورپر بینائی ضائع ہوگئی کیونکہ پیلٹ گن میں استعمال ہونیوالے چھرے دھات سے بنے ہوتے ہیں جن کی بیرونی تہہ پر ربڑ ہوتا ہے۔

سری نگر : مقبوضہ کشمیر میں کل عیدالاضحیٰ کی نماز کے بعد بھارتی مظالم کے خلاف حریت رہنماوں نے احتجاج کا اعلان کر کیا ہے۔

ممتاز حریت پسند نوجوان رہنما برہان وانی کی بھارتی فوج کے ہاتھوں شہادت کے بعد کشمیریوں کی آواز دبانے کے لیے بھارتی مسلح فوج کے مظالم اور کرفیو کا سلسلہ تین ماہ سے جاری ہے جس کے دوران 100 سے زائد کشمیری جام شہادت نوش کر چکے ہیں

بھارتی جارحیت اور بربریت کے خلاف حریت پسند کشمیری کل عید کی نماز کے بعد احتجاج اور مظاہرے کریں گے اور اپنے حق خودارادیت کے لیے آواز بلند کریں۔

اسی سے متعلق : نوجوان حریت پسند رہنما برہانی وانی شہید

کشمیر میڈ یا سیل کے مطابق حریت رہنماوں نے اعلان کیا ہے کہ مقبوضہ وادی میں نماز عید 8بج کر 30منٹ پر ادا کی جائے گی جس کے بعد وادی میں بھارتی مظالم کے خلاف احتجاجی مارچ بھی کیا جائے گا مقبوضہ کشمیر میں نماز عید ایک ہی وقت پر ادا کی جائے گی۔

یہ پڑھیں : مقبوضہ کشمیرمیں شہداء کی تعداد 95 ہو گئی

آزادی کے نعروں کی گونج ہے، بھارتی فوجیوں کے کڑے پہرے کے باوجود ہزاروں کشمیریوں نے دورانِ احتجاج پاکستان کا پرچم لہرا دیا۔

وادی میں روز مرہ ضروریات اور ادویات کی شدید قلت پیدا ہو گئی ہے، بھارتی تشدد سے دس ہزارسے زائد افراد زخمی ہوگئے جبکہ پیلٹ گن کے چھروں نے تین سو سے زائد نوجوانوں کو بینائی سے محروم کردیا ہے۔

سری نگر : مقبوضہ کشمیرمیں چونسٹھ ویں دن بھی کشیدگی جاری ہے اورکچھ علاقوں میں کرفیوبرقرار ہے جب کہ بھارتی فورسزکی ظالمانہ کارروائیوں کے نتیجے میں مزید دوکشمیری شہید ہو گئے ہیں۔

تفصیلات کے مطابق مقبوضہ کشمیر میں 64 روز سے جاری کشیدگی رکنے کا نام نہیں لے رہی ہے بھارتی فوج کی ہر قسم کی ظالمانہ کارروائیاں اور بزدلانہ ہتھکنڈے کشمیری حریت پسندوں کے حوصلوں کو کمزور نہیں کر سکے ہیں۔

آٹھ جولائی کو حریت پسند نوجوان رہنما برہان وانی کی شہادت کے بعد سے کشمیریوں کا احتجاج جاری ہے جس کے دوران پچانوے کشمیری اپنے وطن کی ناموس پر جانیں قربان کر چکے ہیں تا حال کئی علاقوں میں تاحال کرفیو نافذ ہے اورموبائل فون سمیت نیٹ کی سہولیات ہر بندش ہے۔

اسی سے متعلق : مقبوضہ کشمیر میں کرفیو اورکشیدگی برقرار

مقبوضہ کشمیرمیں بھارتی تسلط سے آزادی کی تحریک عروج پر ہے، ہرگلی کوچے میں پاکستان زندہ باد اور آزادی کے نعروں کی گونج ہے، بھارتی فوجیوں کے کڑے پہرے کے باوجود ہزاروں کشمیریوں نے دورانِ احتجاج پاکستان کا پرچم لہرا دیا۔

وادی میں روز مرہ ضروریات اور ادویات کی شدید قلت پیدا ہو گئی ہے، بھارتی تشدد سے دس ہزارسے زائد افراد زخمی ہوگئے جبکہ پیلٹ گن کے چھروں نے تین سو سے زائد نوجوانوں کو بینائی سے محروم کردیا ہے۔

یہ بھی پڑھیں : برہان وانی شہادت کے بعد کشمیریوں کے رول ماڈل بن گئے

حریت کانفرنس کی اپیل پر سولہ ستمبر تک ہڑتال اور مظاہرے ہوں گے، عید کے دن آزادی مارچ کیا جائے گا اور اقوام متحدہ کے دفترمیں احتجاجی خط پیش کیا جائے گا۔

یاد رہے کہ حریت رہنماؤں نے بھارتی وزیر داخلہ اور ان کے وفد سے ملنے سے انکار کردیا ہے جبکہ نہتے کشمیریوں پرظلم ڈھانے کا نیا بھارتی فورسز نے پیلٹ گن کے بعد مرچوں کے شیل تیار کرلئے ہیں۔

یہ خبر بھی پڑھیں : بھارتی فوج کی بربریت،حریت پسند برہان وانی شہید

واضح رہے کہ مقبوضہ کشمیر میں گزشتہ ماہ تحریک آزادی کے نوجوان کمانڈر بربان مظفر وانی کی شہادت کے بعد سے مقبوضہ وادی میں بھارتی مظالم کے خلاف احتجاجی مظاہروں کا سلسلہ جاری ہے اور اب تک 95 کشمیری شہید اور دس ہزار سے زائد افراد زخمی ہوچکے ہیں۔