ARYNews.tv | Urdu – Har Lamha Bakhabar

Tag: مقبوضہ کشمیر

  • او آئی سی نے مقبوضہ کشمیر میں بھارت کا نیا ڈومیسائل قانون مسترد کر دیا

    او آئی سی نے مقبوضہ کشمیر میں بھارت کا نیا ڈومیسائل قانون مسترد کر دیا

    جدہ: اسلامی تعاون کی تنظیم (او آئی سی) نے مقبوضہ کشمیر میں بھارت کا نیا ڈومیسائل قانون مسترد کر دیا۔

    تفصیلات کے مطابق او آئی سی کے انسانی حقوق کے مستقل آزاد کمیشن نے مقبوضہ کشمیر میں بھارت کے ڈومیسائل قانون کو مسترد کر دیا ہے۔

    او آئی سی کی جانب سے جاری اعلامیے میں کہا گیا ہے کہ بھارت کا نیا ڈومیسائل قانون او آئی سی اور سلامتی کونسل کی قراردادوں کی خلاف ورزی ہے، اقوام متحدہ اور عالمی برادری ڈومیسائل قانون واپس لینے کے لیے بھارت پر دباؤ ڈالے۔

    اسلامی تعاون کی تنظیم نے مطالبہ کیا کہ عالمی برادری مقبوضہ کشمیر پر اقوام متحدہ کی قرار دادوں پر عملدرآمد یقینی بنوائے۔

    پاکستان نے مقبوضہ کشمیر میں نئے ڈومیسائل قانون کو مسترد کردیا

    اس سے قبل گزشتہ روز ترجمان دفتر خارجہ عائشہ فاروقی کا کہنا تھا کہ پاکستان جموں کشمیر گرانٹ ڈومیسائل سرٹیفکیٹ پروسیجر 2020 مسترد کرتا ہے،نیا ڈومیسائل قانون غیرقانونی ،یوا ین سلامتی کی قراردادوں کے منافی ہے۔

    یاد رہے کہ 5 اگست 2019 کو بھارت کی جانب سے مقبوضہ کشمیر کی خصوصی حیثیت ختم کرنے کے بعد جموں وکشمیر میں سول سروسز ایکٹ لاگو کیا گیا ہے جس کے مطابق جو جموں وکشمیر میں 15 سال سے مقیم ہے وہ اپنے ڈومیسائل میں مقبوضہ علاقے کو اپنا آبائی علاقہ قرار دے سکیں گے۔

    ایکٹ میں واضح کیا گیا کہ ڈومیسائل میں مقبوضہ علاقے کو اپنا آبائی علاقہ قرار دینے والے شخص کے لیے ضروری ہے کہ اس نے جموں و کشمیر کے وسطی علاقے میں 15 سال تک رہائش اختیار کی ہو یا 7 سال کی مدت تک تعلیم حاصل کی ہو یا علاقے میں واقع تعلیمی ادارے میں کلاس 10 یا 12 میں حاضر ہوا ہو اور امتحان دیے ہوں۔

  • حزب کمانڈر جنید صحرائی ساتھی سمیت شہید، کشمیری سراپا احتجاج

    حزب کمانڈر جنید صحرائی ساتھی سمیت شہید، کشمیری سراپا احتجاج

    سری نگر: جموں و کشمیر پر قابض بھارتی فوج کے ایک حملے میں حزب کمانڈر جنید صحرائی ساتھی سمیت شہید ہو گئے، جس پر کشمیری سراپا احتجاج بن گئے ہیں۔

    تفصیلات کے مطابق مقبوضہ کشمیر میں بھارت کے غاصبانہ قبضے کے خلاف کشمیری جوان برسر پیکار ہیں، قابض بھارتی فوج نے سرینگر کے علاقے نواکادل میں گزشتہ روز حملہ کیا۔

    بھارتی فوج کے حملے میں حریت رہنما اشرف صحرائی کے بیٹے اور حزب کمانڈر جنید صحرائی ساتھی سمیت شہید ہو گئے ہیں، بھارتی فوج کے حملے میں 17 مکانات بھی تباہ ہو گئے، جس کے بعد علاقہ میدان جنگ بن گیا۔

    بڑی تعداد میں کشمیری عوام سڑکوں پر نکل آئے ہیں، کئی مقامات پر بھارتی فورسز کے ساتھ جھڑپیں جاری ہیں، جس میں متعدد کشمیری زخمی ہوئے۔

    یاد رہے کہ بھارت کی جانب سے کشمیریوں کو بربریت کا مسلسل نشانہ بنایا جا رہا ہے، چند دن قبل بڈگام میں بھی پیر معراج الدین کی شہادت بھارتی مظالم کی تازہ مثال ہے، بھارتی پولیس پرامن مظاہرین پر طاقت کا بے جا استعمال کر رہی ہے، اور پرامن مظاہرین پر شاٹ گن، پیلٹ گن اور آنسو گیس استعمال کی جا رہی ہے۔

    اتوار کو بھی ضلع ڈوڈا میں 2 کشمیری شہید کر دیے گئے تھے، کشمیری میڈیا کے مطابق نوجوانوں کو نام نہاد سرچ آپریشن کے دوران نشانہ بنایا گیا تھا، اس آپریشن کے دوران ایک بھارتی فوجی بھی مارا گیا۔ دو دن قبل پلواما اور شوپیاں میں بھی بھارتی فورسز نے نام نہاد سرچ آپریشن میں علاقے کا محاصرہ کر کے متعدد نوجوانوں کو گرفتار کر لیا تھا۔

  • پاکستان نے مقبوضہ کشمیر میں نئے ڈومیسائل قانون کو مسترد کردیا

    پاکستان نے مقبوضہ کشمیر میں نئے ڈومیسائل قانون کو مسترد کردیا

    اسلام آباد: ترجمان دفتر خارجہ کا کہنا ہے کہ پاکستان نے مقبوضہ کشمیرمیں نئے ڈومیسائل قانون کو مسترد کردیا۔

    تفصیلات کے ترجمان دفتر خارجہ عائشہ فاروقی کا کہنا ہے کہ پاکستان جموں کشمیر گرانٹ ڈومیسائل سرٹیفکیٹ پروسیجر 2020 مسترد کرتا ہے،نیا ڈومیسائل قانون غیرقانونی ،یوا ین سلامتی کی قراردادوں کے منافی ہے۔

    عائشہ فاروقی کا کہنا تھا کہ قانون چوتھے جنیوا کنونشن اور دو طرفہ معاہدوں کی خلاف ورزی ہے،ڈومیسائل قانون مقبوضہ کشمیر کی آبادی کا تناسب بدلنے کے لیے ہے۔

    ترجمان دفتر خارجہ نے کہا کہ مقبوضہ کشمیر کے عوام نے ڈومیسائل قانون کومکمل یکسر مسترد کر دیا ہے،عالمی برادری اور اقوام متحدہ صورت حال کا فوری نوٹس لے۔

    یاد رہے کہ 5 اگست 2019 کو بھارت کی جانب سے مقبوضہ کشمیر کی خصوصی حیثیت ختم کرنے کے بعد جموں وکشمیر میں سول سروسز ایکٹ لاگو کیا گیا ہے جس کے مطابق جو جموں وکشمیر میں 15 سال سے مقیم ہے وہ اپنے ڈومیسائل میں مقبوضہ علاقے کو اپنا آبائی علاقہ قرار دے سکیں گے۔

    ایکٹ میں واضح کیا گیا کہ ڈومیسائل میں مقبوضہ علاقے کو اپنا آبائی علاقہ قرار دینے والے شخص کے لیے ضروری ہے کہ اس نے جموں و کشمیر کے وسطی علاقے میں 15 سال تک رہائش اختیار کی ہو یا 7 سال کی مدت تک تعلیم حاصل کی ہو یا علاقے میں واقع تعلیمی ادارے میں کلاس 10 یا 12 میں حاضر ہوا ہو اور امتحان دیے ہوں۔

  • سفیر پاکستان کا امریکی اخبار میں مقبوضہ کشمیر پر اہم مضمون

    سفیر پاکستان کا امریکی اخبار میں مقبوضہ کشمیر پر اہم مضمون

    اسلام آباد: سفیر پاکستان ڈاکٹر اسد مجید خان نے امریکی اخبار واشنگٹن ٹائمز میں ایک اہم مضمون میں ایک بار پھر عالمی سطح پر مقبوضہ کشمیر کے المیے کو اجاگر کر دیا۔

    اے آر وائی نیوز کے مطابق اسد مجید خان نے اخبار میں لکھا کہ مقبوضہ کشمیر اس وقت ڈبل لاک ڈاؤن کا شکار ہے، اور کشمیری گزشتہ 9 ماہ سے بھارتی حکومت کے ہاتھوں لاک ڈاؤن کی صعوبتیں برداشت کر رہے ہیں۔

    پاکستانی سفیر نے لکھا کہ کرونا وائرس نے مقبوضہ وادی میں صورت حال کو مزید تشویش ناک بنا دیا ہے، مودی سرکار نے کشمیری عوام پر ظلم و ستم کی انتہا کر دی ہے، بھارت نے مقبوضہ کشمیر کی آبادی کے تناسب کو بدلنے کی بھی کوشش کی۔

    اسد مجید خان نے لکھا بھارتی حکومت نے مسلم اقلیتوں کی شہریت کو ختم کرنے کے لیے نیا قانون پاس کیا، مودی ہندوتوا کے فلسفے پر عمل پیرا ہے، بھارت کو بتدریج ہندو راشٹریہ میں تبدیل کیا جا رہا ہے۔

    پاکستان کے سفیر نے مضمون میں امریکی صدر ڈونلڈ ٹرمپ کی مصالحت کی پیش کش قبول کرنے کی ضرورت پر زور دیا۔

    خیال رہے کہ مقبوضہ کشمیر میں بھارت کی ریاستی دہشت گردی مسلسل جاری ہے، گزشتہ روز بھی پلواما اور شوپیاں میں بھارتی فورسز نے نام نہاد سرچ آپریشن کیا، کشمیری میڈیا کے مطابق بھارتی فورسز نے علاقے کا محاصرہ کیا اور متعدد نوجوانوں کو گرفتار کر لیا، اور گھروں میں گھس کر خواتین سے بدتمیزی کی۔ بھارتی فوج نے اس سے ایک روز قبل 2 کشمیری نوجوانوں کو شہید کر دیا تھا۔

  • یورپ اور امریکا کا مقبوضہ کشمیر اور بھارت میں مسلمانوں پر مظالم پر اظہار تشویش

    یورپ اور امریکا کا مقبوضہ کشمیر اور بھارت میں مسلمانوں پر مظالم پر اظہار تشویش

    برسلز/واشنگٹن: یورپی پارلیمنٹری ریسرچ سروس کی ایک رپورٹ میں مقبوضہ کشمیر کے محاصرے پر سخت تشویش کا اظہار کیا گیا ہے۔

    تفصیلات کے مطابق ریسرچ رپورٹ میں کہا گیا ہے کہ بھارت نے گزشتہ سال سے مقبوضہ کشمیر کا محاصرہ کیا ہوا ہے، اس دوران وادی میں متعدد لوگ گرفتار کیے جا چکے ہیں، مقبوضہ کشمیر میں انٹرنیٹ سمیت مواصلاتی نظام بھی معطل ہے۔

    پارلیمنٹری سروس رپورٹ کے مطابق نئے متنازعہ سٹیزن ایکٹ سے بھارت میں تشدد بڑھا، بھارت میں اقلیتوں بالخصوص مسلمانوں میں خوف پایا جاتا ہے، خراب معاشی حالات سے توجہ ہٹانے کے لیے مودی سرکار نے ایسا رویہ اپنایا۔

    چیئرمین کشمیر کونسل ای یو علی رضا سید نے بھارت کے منفی رویے پر یورپی پارلیمنٹری ریسرچ کا خیر مقدم کرتے ہوئے کہا کہ یہ رپورٹ مقبوضہ کشمیر کے گھمبیر حالات اور بھارت میں اقلیتوں پر تشدد پر ایک چشم کشا رپورٹ ہے۔

    ادھر امریکا نے بھارت میں مسلمانوں پر ہونے والے مظالم پر ایک بار پھر اظہار تشویش کیا ہے، امریکی سفیر برائے مذہبی آزادی سیموئل براؤن بیک نے میڈیا سے گفتگو کرتے ہوئے کہا کرونا پر بھارت میں مسلمانوں کو قربانی کا بکرا بنایا جا رہا ہے۔

    سیموئل براؤن کا کہنا تھا بھارت میں کرونا وائرس پر مسلمانوں کو ہراساں کیا جا رہا ہے، مسلمانوں سے متعلق جھوٹ بھی پھیلایا جا رہا ہے، جھوٹی خبروں کو بنیاد بنا کر مسلمانوں پر حملے کیے جا رہے ہیں۔

  • اقوام متحدہ کی بھارت کے انسداد دہشتگردی قوانین پر شدید تنقید

    اقوام متحدہ کی بھارت کے انسداد دہشتگردی قوانین پر شدید تنقید

    نیویارک: اقوام متحدہ نے بھارت کے انسدداد دہشت گردی قوانین پر شدید تنقید کی ہے، یو این انسانی حقوق کے اعلیٰ عہدے داروں نے بھارتی قوانین پر نظر ثانی کا مطالبہ کر دیا۔

    غیر ملکی میڈیا کے مطابق اقوام متحدہ نے کہا ہے کہ بھارتی انسداد دہشت گردی قوانین انسانی حقوق کے اصولوں پر پورا نہیں اترتے، بھارت ان قوانین پر نظر ثانی کرے۔

    اقوام متحدہ کا کہنا تھا کہ بھارتی افواج انہی غیر انسانی قوانین کا سہارا لے کر کشمیریوں پر ظلم کر رہی ہے، انسانی حقوق کے عالمی مبصرین متعدد بار بھارتی قوانین پر اعتراضات اٹھا چکے ہیں۔

    ادھر اقوام متحدہ میں مستقل مندوب منیر اکرم نے کہا ہے کہ بھارتی قوانین پر اعتراض پاکستانی اور کشمیری مؤقف کی تائید ہے، پاکستان نے ہمیشہ کہا کہ کشمیر میں حق خود ارادیت کی جدوجہد دہشت گردی نہیں، بھارتی سرکار ان قوانین کا سہارا لے کر اختلاف رائے کو دبا رہی ہے۔

    مقبوضہ کشمیر میں بھارتی فورسز کے مظالم کا سلسلہ جاری، خاتون سمیت متعدد افراد زخمی

    یاد رہے کہ بھارت جموں و کشمیر کی خصوصی حیثیت ختم کر چکا ہے، جس کے بعد بھارت مسلسل اس کوشش میں ہے کہ کشمیریوں کو ان کی اپنی زمین پر اقلیت میں بدل دے، جب کہ بھارتی فوج نے آرٹیکل 370 کے خاتمے کے بعد وادی میں لاک ڈاؤن بھی لگایا جو آج تک جاری ہے اور اس دوران ہزاروں کشمیریوں کو جیلوں میں ڈالا جا چکا ہے۔

    ادھر گزشتہ روز بھی سری نگر میں بھارتی فورسز کی جانب سے طاقت کے وحشیانہ استعمال کے نتیجے میں خاتون سمیت متعدد افراد زخمی ہو گئے، رمضان المبارک کے مقدس مہینے میں بھی مقبوضہ کشمیر میں بھارتی فورسز کے مظالم کا سلسلہ نہ تھم سکا۔ بھارتی فورسز نے نام نہاد سرچ آپریشن کے دوران ضلع بڈگام میں 12 سے زائد نوجوانوں کو بھی گرفتار کیا۔

  • مقبوضہ کشمیر میں بھارتی سی آر پی ایف کے 2 اہلکاروں کی خودکشی

    مقبوضہ کشمیر میں بھارتی سی آر پی ایف کے 2 اہلکاروں کی خودکشی

    سری نگر: مقبوضہ کشمیر میں بھارتی سینٹرل ریزرو پولیس فورس کے 2 اہلکاروں نے خودکشی کر لی۔

    تفصیلات کے مطابق مقبوضہ کشمیر میں بھارتی پولیس کے اہلکار اعصابی دباؤ کا شکار ہو کر خودکشی کرنے لگے۔مقبوضہ کشمیر کے علاقے اننت ناگ میں ایک سی آر پی ایف اہلکار نے کرونا کے خدشے پر خودکشی کی۔

    ترجمان سی آر پی ایف کا کہنا تھا کہ اس بات کا کوئی ثبوت نہیں کہ اہلکار کو کرونا انفیکشن ہوا تھا انہوں نے کہا کہ ہم ٹیسٹ کی رپورٹ کا انتظار کر رہے ہیں۔ترجمان کا کہنا تھا کہ ہلاک ہونے والے افسر کا تعلق بھارتی ریاست راجستھان کے علاقے جیسلمیر سے تھا۔

    کشمیر میڈیا سروس کے مطابق سی آر پی ایف کے اسسٹنٹ سب انسپکٹر فتح سنگھ نے آج صبض اپنی سروس رائفل سے خود کو گولی مار کر خودکشی کر لی۔بھارتی فورسز فائرنگ کی آواز سن کر علاقے میں پہنچیں تو خون میں لت پت فتح سنگھ کی لاش پائی گئی۔

    فائرنگ کے اس واقعے سے مقبوضہ کشمیر میں جنوری 2007 سے خودکشی کرنے والے بھارتی فوج اور پولیس اہلکاروں کی تعداد 451 ہوگئی ہے۔

    یاد رہے کہ رواں سال مارچ میں سی آر پی ایف کے 2 اہلکاروں کانسٹیبل سیجو اور کانسٹیبل وجے نے ایک دوسرے پر فائرنگ کر دی تھی جس کے نتیجے میں دونوں شدید زخمی ہوگئے تھے۔دونوں اہلکاروں کو فوری اسپتال منتقل کیا گیا تھا جہاں انہیں مردہ قرار دیا گیا۔

  • مقبوضہ کشمیر میں بھارتی فورسز کے مظالم کا سلسلہ جاری، خاتون سمیت متعدد افراد زخمی

    مقبوضہ کشمیر میں بھارتی فورسز کے مظالم کا سلسلہ جاری، خاتون سمیت متعدد افراد زخمی

    سری نگر: مقبوضہ کشمیر میں بھارتی فورسز کی جانب سے طاقت کے وحشیانہ استعمال کے نتیجے میں خاتون سمیت متعدد افراد زخمی ہوگئے۔

    تفصیلات کے مطابق رمضان المبارک کے مقدس مہینے میں بھی مقبوضہ کشمیر میں بھارتی فورسز کے مظالم کا سلسلہ نہ تھم سکا۔بھارتی فورسز نے سری نگرمیں مظاہرین پر طاقت کا وحشیانہ استعمال کیا جس کے باعث خاتون سمیت متعدد افراد زخمی ہوگئے۔

    بھارتی فورسز نے نام نہاد سرچ آپریشن کے دوران ضلع بڈگام میں 12 سے زائد نوجوانوں کو گرفتار کرلیا۔

    مقبوضہ کشمیر ، بھارتی فورسز نے حزب المجاہدین کے کمانڈر ریاض نائیکو کوشہید کردیا

    اس سے قبل گزشتہ ہفتے مقبوضہ کشمیر میں بھارتی فورسز نے کشمیری کمانڈر ریاض نائیکو کو شہید کر دیا تھا، ریاض نائیکو کو برہان وانی کی شہادت کے بعد کمانڈر مقرر کیا گیا تھا۔

    یاد رہے کشمیر میڈیا سروس کی رپورٹ کے مطابق 2019 میں بھارتی فورسز نے خواتین سمیت 210 کشمیریوں کو شہید کیا، 2 ہزار سے زائد کشمیری بھارتی فوج کے تشدد سے زخمی ہوئے جبکہ 64 خواتین کی عصمت دری کی گئی۔

    کشمیرمیڈیا سروس کا کہنا ہے کہ بھارتی فوجیوں نے 249 گھروں کو تباہ کیا جبکہ پیلیٹ گن کے چھروں سے 827 کشمیریوں کی بینائی متاثر ہوئی۔

  • ‘بھارتی فوج نے کورونا کی آڑ میں کشمیریوں کی نسل کشی کا منصوبہ بنا رکھا ہے’

    ‘بھارتی فوج نے کورونا کی آڑ میں کشمیریوں کی نسل کشی کا منصوبہ بنا رکھا ہے’

    اسلام آباد : حریت رہنما یاسین ملک کی اہلیہ مشعال ملک کا کہنا ہے کہ بھارتی فوج نےکورونا کی آڑمیں کشمیریوں کی نسل کشی کامنصوبہ بنارکھاہے، کشمیریوں کے گھر بم نصب کر کے اڑائے جارہے ہیں، یہ ظلم و ستم کشمیریوں کے حوصلے پست نہیں کر سکتا۔

    تفصیلات کے مطابق حریت رہنما یاسین ملک کی اہلیہ مشعال ملک نے اپنے بیان میں کہا کہ بھارتی فوج کی فائرنگ سےپلوامہ میں 3سے زائد کشمیری زخمی ہو ئے، بھارتی فوج نےکورونا کی آڑمیں کشمیریوں کی نسل کشی کامنصوبہ بنارکھاہے۔

    مشعال ملک کا کہنا تھا کہ مقبوضہ کشمیر میں ایک بار پھر انٹرنیٹ سروس معطل کر دی گئی، بھارتی فوج کےافسران کشمیریوں پر کارپٹ بمباری جیسے بیانات دے رہے ہیں، یہ بیانات بھارتی منصوبہ واضح کرتے ہیں۔

    انھوں نے کہا کہ بھارتی فوج کشمیریوں کے گھر بم نصب کر کے اڑا رہی ہے، بھارتی فوج کا ظلم و ستم کشمیریوں کے حوصلے پست نہیں کر سکتا۔

    چند روز قبل حریت رہنما یاسین ملک کی اہلیہ مشعال ملک نے عالمی اداروں سے مطالبہ کیا تھا کہ مقبوضہ وادی میں درندگی کے ردعمل میں بھارت کو بلیک لسٹ کیا جائے۔

    اپنے ویڈیو پیغام میں مشعال ملک نے کہا تھا کہ اقوام متحدہ کے سیکریٹری جنرل انتونیو گوتریس نے کہا دنیا کی جیلوں سے لوگوں کو رہا کیا جائے، جبکہ کشمیر میں صورت حال برعکس ہے، یو این سیکریٹری بیان کے برعکس کشمیریوں کو جیلوں میں ڈالا جارہا ہے، پوری دنیا کہہ رہی ہے کہ بھارت کو بلیک لسٹ کیا جائے، دنیا کو اب جاگنا ہوگا، کرونا کی آڑ میں بھارتی مظالم کو روکنا ہوگا۔

  • مقبوضہ کشمیر میں بھارتی فوج کی درندگی برقرار، مشعال ملک نے بڑا مطالبہ کردیا

    مقبوضہ کشمیر میں بھارتی فوج کی درندگی برقرار، مشعال ملک نے بڑا مطالبہ کردیا

    سری نگر: حریت رہنما یاسین ملک کی اہلیہ مشعال ملک نے عالمی اداروں سے مطالبہ کیا ہے کہ مقبوضہ وادی میں درندگی کے ردعمل میں بھارت کو بلیک لسٹ کیا جائے۔

    تفصیلات کے مطابق اپنے ویڈیو پیغام میں مشعال ملک نے مؤقف اختیار کیا کہ اقوام متحدہ کے سیکریٹری جنرل انتونیو گوتریس نے کہا دنیا کی جیلوں سے لوگوں کو رہا کیا جائے، جبکہ کشمیر میں صورت حال برعکس ہے۔

    انہوں نے کہا کہ یو این سیکریٹری بیان کے برعکس کشمیریوں کو جیلوں میں ڈالا جارہا ہے، پوری دنیا کہہ رہی ہے کہ بھارت کو بلیک لسٹ کیا جائے، دنیا کو اب جاگنا ہوگا، کرونا کی آڑ میں بھارتی مظالم کو روکنا ہوگا۔

    اقوام متحدہ کشمیریوں کی نسل کشی رکوانے میں اپنا کردار ادا کرے، مشعال ملک

    یاسین ملک کی اہلیہ کا کہنا تھا کہ دنیا میں کرونا کے باعث لاک ڈاؤن جیسی صورت حال ہے، بھارت نے فائدہ اٹھا کر مظالم اور کشمیریوں کا قتل عام جاری رکھا، بھارت نے حال ہی میں نیو ڈومیسائل جیسا کالا قانون پاس کرایا۔

    ان کا مزید کہنا تھا کہ بھارت کشمیر میں ہندوؤں کو لاکر سٹیزن شپ دینا چاہتا ہے، اپریل میں33 لوگ شہید اور 152انتہائی تشویشناک حالت میں ہیں، لائن آف کنٹرول کی صورتحال بھی سب کے سامنے ہیں۔