ARYNews.tv | Urdu – Har Lamha Bakhabar

Tag: مقبوضہ کشمیر

  • وزیر اعظم سے آل پارٹیز حریت کانفرنس کے وفد کی ملاقات

    وزیر اعظم سے آل پارٹیز حریت کانفرنس کے وفد کی ملاقات

    مظفر آباد: وزیر اعظم عمران خان نے آل پارٹیز حریت کانفرنس کے وفد سے ملاقات کے دوران کہا کہ مظلوم کشمیریوں کی آوازیں عالمی ضمیر کو جھنجھوڑ رہی ہیں، پاکستان ہر محاذ پر کشمیریوں کی حمایت جاری رکھے گا۔

    تفصیلات کے مطابق وزیر اعظم عمران خان سے آل پارٹیز حریت کانفرنس کے وفد کی ملاقات ہوئی، وفد کی قیادت سید عبد اللہ گیلانی اور سید فیض نقشبندی نے کی۔

    وفد نے مسئلہ کشمیر اجاگر کرنے پر وزیر اعظم عمران خان کو خراج تحسین پیش کیا جبکہ مسئلہ کشمیر مزید اجاگر کرنے کے لیے وزیر اعظم عمران خان کو تجاویز بھی پیش کی گئیں۔

    اس موقع پر وزیر اعظم عمران خان کا کہنا تھا کہ 9 لاکھ قابض افواج اور ریاستی جبر سے کشمیریوں کی آواز کو دبایا نہیں جا سکتا، آر ایس ایس فلسفے پر عمل پیرا بھارتی سرکار کا چہرہ بے نقاب ہوچکا۔

    وزیر اعظم کا کہنا تھا کہ ہر سطح اور ہر فورم پرکشمیریوں کی آواز بلند کرتا رہوں گا، مظلوم کشمیریوں کی آوازیں عالمی ضمیر کو جھنجھوڑ رہی ہیں۔ پاکستان ہر محاذ پر کشمیریوں کی حمایت جاری رکھے گا۔

    اس سے قبل آزاد کشمیر کی قانون ساز اسمبلی سے خطاب کرتے ہوئے وزیر اعظم عمران خان نے کہا کہ مودی بھارت کو جس مقام پر لے گیا ہے وہ یہاں سے باہر نہیں جا سکتا، اب مودی کو بھارت کے اندر بڑی مزاحمت کا سامنا ہوگا۔

    انہوں نے کہا تھا کہ یہ وہ وقت ہے کہ کشمیر آزادی کی طرف بڑھے گا، میں یقین دلاتا ہوں ہر فورم پر مسئلہ کشمیر کو اور تیزی سے اٹھائیں گے۔

  • عہد کرتے ہیں کشمیر کی آزادی تک بھارتی ظلم کو بے نقاب کرتے رہیں گے: فردوس عاشق اعوان

    عہد کرتے ہیں کشمیر کی آزادی تک بھارتی ظلم کو بے نقاب کرتے رہیں گے: فردوس عاشق اعوان

    اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ پاکستان کا مؤقف ہے کشمیریوں کو ان کی مرضی کے مطابق جینے کا حق دیا جائے، عہد کرتے ہیں کشمیر کی آزادی تک بھارتی ظلم کو بے نقاب کرتے رہیں گے۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان کی قیادت میں کشمیر ریلی اقوام متحدہ کے مبصر مشن دفتر پہنچی۔ فردوس عاشق اعوان نے مبصر مشن کو مسئلہ کشمیر پر یادداشت پیش کردی۔

    یادداشت میں کہا گیا ہے کہ مقبوضہ کشمیر اقوام متحدہ کے ایجنڈے پر دیرینہ حل طلب مسئلہ ہے، مقبوضہ کشمیر کا پر امن حل اقوام متحدہ کی بنیادی ذمہ داری ہے۔ کشمیری مسئلہ کشمیر کے بارے میں اقوام متحدہ کی قراردادوں پر عملدر آمد چاہتے ہیں۔ اقوام متحدہ مسئلہ کشمیر پر اپنی قراردادوں پر عملدر آمد یقینی بنائے۔

    یادداشت میں کہا گیا کہ مسئلہ کشمیر کے حل میں تاخیر عالمی امن کے لیے خطرہ بن سکتا ہے، مقبوضہ کشمیر میں 6 ماہ سے بدترین لاک ڈاؤن جاری ہے۔ لاک ڈاؤن کی آڑ میں کشمیریوں کی نسل کشی جاری ہے۔ مقبوضہ کشمیر میں بھارتی مظالم اقوام متحدہ کے منہ پر طمانچہ ہے۔ اقوام متحدہ کشمیر میں لاک ڈاؤن اور مظالم کے خاتمے کے لیے بھارت پر دباؤ ڈالے۔

    اس سے قبل ریلی سے خطاب کرتے ہوئے فردوس عاشق اعوان کا کہنا تھا کہ بھارت کے مقبوضہ وادی میں جبر و ظلم کے خاتمے کا وقت آگیا ہے، بھارتی جبر و ظلم سے متاثر کشمیری مائیں بہنیں ہماری طرف دیکھ رہی ہیں۔ مقبوضہ وادی کے بچے بھارتی ظلم کو برداشت کر رہے ہیں۔

    انہوں نے کہا تھا کہ بھارت نے مقبوضہ کشمیر کو دنیا کی سب سے بڑی جیل میں تبدیل کردیا، مقبوضہ وادی میں بنیادی حقوق کا قتل عام ہو رہا ہے۔ مقبوضہ کشمیر میں مائیں بہنوں کی عزتیں پامال ہور ہی ہیں۔

    معاون خصوصی کا مزید کہنا تھا کہ پاکستان کا مؤقف ہے کشمیریوں کو مرضی کے مطابق جینے کا حق دیا جائے، عہد کرتے ہیں کشمیر کی آزادی تک بھارتی ظلم کو بے نقاب کرتے رہیں گے۔ پاکستان کے عوام کشمیریوں کو اپنے وجود کا حصہ سمجھتے ہیں۔

  • کشمیر سے تعلق رکھنے والی سابق اداکارہ زائرہ وسیم کا پیمانہ صبر بھی لبریز

    کشمیر سے تعلق رکھنے والی سابق اداکارہ زائرہ وسیم کا پیمانہ صبر بھی لبریز

    نئی دہلی: کشمیر سے تعلق رکھنے والی سابق بھارتی اداکارہ زائرہ وسیم کا پیمانہ صبر بھی لبریز ہو گیا، بھارت کے خلاف پھٹ پڑیں۔

    تفصیلات کے مطابق بالی ووڈ فلم انڈسٹری میں مختصر عرصے میں کئی ایوارڈ حاصل کرنے والی سابق بھارتی اداکارہ زائرہ وسیم نے کہا ہے کہ بھارتی میڈیا کشمیر کی جو تصویر دکھا رہا ہے وہ غلط معلومات پر مبنی ہے، اس پر یقین نہ کریں۔

    زائرہ وسیم نے عوام کو قائل کرنے کی کوشش کی ہے کہ وہ کشمیر سے متعلق بھارتی میڈیا کی غلط حقائق پر مبنی خبروں پر یقین نہ کریں، جو تصویر دکھائی جا رہی ہے وہ درست نہیں ہے۔ زائرہ نے نہایت دکھ سے کہا کہ کوئی نہیں جانتا ہماری آوازیں کب تک کے لیے خاموش کی گئی ہیں، کشمیریوں کی زندگی پابندیوں اور رکاوٹوں تک سمٹ گئی ہے۔

    مقبوضہ کشمیر میں لوگ ڈپریشن کا شکار ہو گئے: بی بی سی رپورٹ

    دنگل اداکارہ کا کہنا تھا کہ کشمیر مسلسل تکلیف میں ہے، جہاں مایوسی اور دکھ بڑھ رہا ہے۔ خیال رہے کہ آج برطانوی نشریاتی ادارے بی بی سی نے بھی اپنی رپورٹ میں انکشاف کیا ہے کہ مقبوضہ وادی میں لوگوں میں مایوسی اور ڈپریشن کا مرض بڑھ رہا ہے۔

    رپورٹ میں کہا گیا کہ مسلسل لاک ڈاؤن اور کرفیو کے شکار مقبوضہ کشمیر میں لوگ مایوسی اور ڈپریشن کا شکار ہو گئے ہیں، پلواما میں ڈپریشن کے مریضوں میں 150 فی صد اضافہ ہو گیا ہے۔ سرینگر میں بھی ذہنی مریضوں کی تعداد میں اضافہ ہو رہا ہے، کشمیریوں میں زیادہ خوف بھارتی فوج کی جانب سے حراست میں لینے کا ہے، کشمیریوں کا کہنا ہے کہ وہ خواب میں بھی بھارتی فوجیوں کے سوالوں کا جواب دے رہے ہوتے ہیں۔

    یاد رہے کہ زائرہ وسیم کے بالی ووڈ چھوڑنے پر انتہا پسندوں نے انھیں دھمکیاں دی تھیں۔

  • مقبوضہ کشمیر میں لوگ ڈپریشن کا شکار ہو گئے: بی بی سی رپورٹ

    مقبوضہ کشمیر میں لوگ ڈپریشن کا شکار ہو گئے: بی بی سی رپورٹ

    سری نگر: بی بی سی نے ایک رپورٹ جاری کی ہے جس میں کہا گیا ہے کہ مقبوضہ کشمیر میں لوگ ڈپریشن کا شکار ہو گئے ہیں۔

    تفصیلات کے مطابق برطانوی نشریاتی ادارے نے اپنے رپورٹ میں انکشاف کیا ہے کہ مسلسل لاک ڈاؤن اور کرفیو کے شکار مقبوضہ کشمیر میں لوگ مایوسی اور ڈپریشن کا شکار ہو گئے ہیں، پلواما میں ڈپریشن کے مریضوں میں 150 فی صد اضافہ ہو گیا ہے۔

    بی بی سی رپورٹ میں بتایا گیا ہے کہ سرینگر میں بھی ذہنی مریضوں کی تعداد میں اضافہ ہو رہا ہے، کشمیریوں میں زیادہ خوف بھارتی فوج کی جانب سے حراست میں لینے کا ہے، کشمیریوں کا کہنا ہے کہ وہ خواب میں بھی بھارتی فوجیوں کے سوالوں کا جواب دے رہے ہوتے ہیں۔

    بھارتی سفارت خانوں کے باہر کشمیریوں کے ساتھ یک جہتی کا اظہار

    برطانوی نشریاتی ادارے کی اس رپورٹ سے مقبوضہ کشمیر کے مظلوم عوام کی تشویش ناک صورت حال سامنے آتی ہے، 185 دنوں سے انھیں بھارتی فوج نے محصور کر کے رکھا ہوا ہے، ان کی معمولی کی زندگی بڑی حد تک معطل پڑی ہوئی ہے جس سے کشمیریوں کی ذہنی صحت پر نہایت برے اثرات مرتب ہو رہے ہیں۔ اس رپورٹ کے بعد یہ سوال اٹھا ہے کہ کیا مودی سرکار کی پالیسی یہ ہے کہ کشمیریوں کو ذہنی مریض بنایا جائے۔

    خیال رہے کہ اس سے قبل ایسی رپورٹس بھی سامنے آ چکی ہیں جن سے معلوم ہوا کہ بھارتی فوج کشمیریوں کے خلاف آتشی ہتھیاروں کے ساتھ ساتھ نفسیاتی ہتھیار بھی استعمال کر رہی ہے، جن میں سرفہرست خواتین پر جنسی تشدد ہے۔ بھارتی فوجی درندگی میں مزید آگے بڑھتے ہوئے کشمیری بچوں کو بھی نہیں بخش رہے، بچوں کو بھی بدترین تشدد کا نشانہ بنایا جا رہا ہے۔

  • مقبوضہ کشمیر کا لاک ڈاؤن عالمی برادری کے اجتماعی ضمیر پر بوجھ ہے: وزیر خارجہ

    مقبوضہ کشمیر کا لاک ڈاؤن عالمی برادری کے اجتماعی ضمیر پر بوجھ ہے: وزیر خارجہ

    اسلام آباد: وزیر خارجہ شاہ محمود قریشی کا کہنا ہے کہ لاک ڈاؤن کا ایک بھی مزید لمحہ عالمی برادری کے اجتماعی ضمیر پر بوجھ ہے، پاکستان کا پختہ عزم ہے، استصواب رائے کے حصول تک سیاسی، سفارتی اور اخلاقی حمایت جاری رکھیں گے۔

    تفصیلات کے مطابق وزیر خارجہ شاہ محمود قریشی نے یوم یکجہتی کشمیر پر اپنے پیغام میں کہا کہ بھارت کے 5 اگست کے اقدامات اقوام متحدہ قرارداوں کی خلاف ورزی ہے، بھارت نے خود اپنے دستور کی پامالی کا بھی ارتکاب کیا۔

    وزیر خارجہ کا کہنا تھا کہ کشمیروں کی شناخت اور کشمیریات کے تصور کو ختم کرنے کی کوشش کی گئی، عالمی برادری سمیت سب ظلم کے خاتمے کا مطالبہ کرتے ہیں۔

    انہوں نے کہا کہ کشمیریوں کے لیے تمام بڑے شہروں میں احتجاجی مظاہرے ہوئے، اقوام متحدہ اور دنیا کے بڑے ممالک نے بھارت کی مذمت کی۔ سلامتی کونسل نے 6 ماہ میں 3 بارمقبوضہ جموں و کشمیر کے مسئلے پر غور کیا۔

    وزیر خارجہ کا کہنا تھا کہ لاک ڈاؤن پر ایک بھی مزید لمحہ عالمی برادری کے اجتماعی ضمیر پر بوجھ ہے، عالمی برادری انسانی حقوق کے تحفظ کی حمایت میں ٹھوس کردار ادا کرے۔

    انہوں نے کہا کہ یو این فیکٹ فائنڈنگ مشن کو زیر قبضہ جموں و کشمیر جانے کی اجازت دے تاکہ انسانی حقوق کی سنگین پامالیوں کے حقائق کو وہ بذات خود جان سکیں۔ بھارت چھپانا نہیں چاہتا تو عالمی میڈیا کو مقبوضہ کشمیر جانے کی اجازت دے۔

    وزیر خارجہ کا کہنا تھا کہ میں پاکستان کے اس پختہ عزم کا ایک مرتبہ پھر اعادہ کرنا چاہتا ہوں، استصواب رائے کے حصول تک سیاسی، سفارتی اور اخلاقی حمایت جاری رکھیں گے۔

  • بھارت نے 80 لاکھ کشمیریوں کو اپنی ہی سرزمین پر قیدی بنا رکھا ہے: وزیر اعظم

    بھارت نے 80 لاکھ کشمیریوں کو اپنی ہی سرزمین پر قیدی بنا رکھا ہے: وزیر اعظم

    اسلام آباد: وزیر اعظم عمران خان کا کہنا ہے کہ بھارت نے 80 لاکھ کشمیریوں کو اپنی ہی سرزمین پر قیدی بنا رکھا ہے، بھارت مقبوضہ کشمیر میں فوجی محاصرہ اور غیر قانونی اقدام ختم کرے۔

    تفصیلات کے مطابق وزیر اعظم عمران خان نے یوم یکجہتی کشمیر پر اپنے پیغام میں کہا کہ آج کشمیری بہن بھائیوں سے اظہار یکجہتی کا دن ہے، بھارت نے 80 لاکھ کشمیریوں کو اپنی ہی سرزمین پر قیدی بنا رکھا ہے، کشمیریوں پر ظلم و جبر نے بھارتی حکومت کو دنیا کے سامنے بے نقاب کر دیا۔

    وزیر اعظم کا کہنا تھا کہ بھارت مقبوضہ کشمیر میں فوجی محاصرہ اور غیر قانونی اقدام ختم کرے، بھارت زیر حراست کشمیریوں اور حریت رہنماؤں کو رہا کرے۔ کشمیریوں کو 6 ماہ سے غیر انسانی لاک ڈاؤن کا نشانہ بنایا جا رہا ہے، کشمیری عوام پر لگائی گئی طویل پابندیوں کی دنیا میں مثال نہیں ملتی۔

    انہوں نے کہا کہ پاکستان، عالمی برادری اور امت مسلمہ نے بھارت کے نظام قانون کو مسترد کیا۔ تاریخ میں بنیادی انسانی حقوق کی خلاف ورزیوں کی چند مثالیں ہی موجود ہیں۔ ہزاروں بے گناہ افراد کو زبردستی حراست میں لیا گیا۔ ہزاروں کشمیری نوجوانوں کو اغوا کر کے نامعلوم مقام پر قید کردیا گیا۔

    وزیر اعظم کا کہنا تھا کہ ایسے اقدامات ہندوستان کی ریاستی دہشت گردی کا حقیقی مظہر ہیں۔ عالمی برادری، میڈیا اور انسانی حقوق کی تنظیمیں بھارتی کارروائیوں کی مذمت کر رہی ہیں۔ ہندوستان انسانی حقوق کی پامالی کرنے والے ملک کے طور پر بے نقاب ہوا ہے۔

    خیال رہے کہ آج پاکستان سمیت دنیا بھر میں مظلوم کشمیریوں کے ساتھ اظہار یکجہتی کا دن منایا جارہا ہے، آج کے دن کشمیریوں سے اظہار یکجہتی کے لیے ریلیاں نکالی جائیں گی اور تقریبات منعقد کی جائیں گی۔

    یوم یکجہتی کشمیر کے موقع پر اپنے پیغام میں پاک فوج کے سپہ سالار جنرل قمر جاوید باجوہ کا کہنا تھا کہ بھارت مقبوضہ کشمیر میں ریاستی جبر اور جارحیت مسلط کیے ہوئے ہے۔ کشمیریوں کے حقوق غصب کر کے طاقت کا اندھا دھند استعمال کیا جا رہا ہے۔

    آرمی چیف کا کہنا تھا کہ وادی کشمیر کو جیل میں تبدیل کر کے لاکھوں کشمیریوں کو قید کر دیا گیا ہے، کشمیری اقوام متحدہ سے اپنا حق خود ارادیت مانگ رہے ہیں۔ مرد، خواتین، بوڑھے اور بچے حق خود ارادیت کے لیے جدوجہد کر رہے ہیں۔

    انہوں نے کہا کہ ہم دنیا کا ضمیر جھنجھوڑنے میں اپنا کردار ادا کرتے رہیں گے، کشمیریوں کے لیے ہماری غیر متزلزل حمایت جاری رہے گی۔ پائیدار امن ابھی تک ایک خواہش سے زیادہ کچھ نہیں۔

  • جدوجہد آزادی میں کشمیری اکیلے نہیں، ہم ان کے ساتھ کھڑے ہیں: آرمی چیف کا پیغام

    جدوجہد آزادی میں کشمیری اکیلے نہیں، ہم ان کے ساتھ کھڑے ہیں: آرمی چیف کا پیغام

    اسلام آباد: آرمی چیف جنرل قمر جاوید باجوہ کا کہنا ہے کہ آزادی کی جدوجہد میں کشمیری اکیلے نہیں، ہم ان کے ساتھ کھڑے ہیں، امن کی خواہش اور بھارت کے ہاتھوں کشمیریوں کے نقصان کے پیش نظر صبر کا مظاہرہ کر رہے ہیں۔

    تفصیلات کے مطابق پاک فوج کے سپہ سالار جنرل قمر جاوید باجوہ نے یوم یکجہتی کشمیر پر اپنے پیغام میں کہا ہے کہ بھارت مقبوضہ کشمیر میں ریاستی جبر اور جارحیت مسلط کیے ہوئے ہے۔ کشمیریوں کے حقوق غصب کر کے طاقت کا اندھا دھند استعمال کیا جا رہا ہے۔

    آرمی چیف کا کہنا تھا کہ وادی کشمیر کو جیل میں تبدیل کر کے لاکھوں کشمیریوں کو قید کر دیا گیا ہے، کشمیری اقوام متحدہ سے اپنا حق خود ارادیت مانگ رہے ہیں۔ مرد، خواتین، بوڑھے اور بچے حق خود ارادیت کے لیے جدوجہد کر رہے ہیں۔

    انہوں نے کہا کہ ہندوستانی جبر کا ثابت قدمی سے مقابلہ کرنے والے کشمیری بہن بھائیوں کو سلام، اس جدوجہد میں کشمیری اکیلے نہیں ہم ان کے ساتھ کھڑے ہیں۔

    آرمی چیف کا کہنا تھا کہ ہم دنیا کا ضمیر جھنجھوڑنے میں اپنا کردار ادا کرتے رہیں گے، کشمیریوں کے لیے ہماری غیر متزلزل حمایت جاری رہے گی۔ پائیدار امن ابھی تک ایک خواہش سے زیادہ کچھ نہیں۔

    انہوں نے کہا کہ بھارتی افواج ایل او سی پر اشتعال انگیزیاں کر رہی ہیں، جان بوجھ کر آزاد کشمیر کی شہری آبادی کو نشانہ بنایا جارہا ہے۔ جوانوں اور شہریوں کی لازوال قربانیاں جدوجہد آزادی کو زندہ رکھے ہوئے ہے۔

    آرمی چیف کا کہنا تھا کہ پاک فوج اپنے فرائض کی انجام دہی میں مستعد ہے، پاک فوج ہر جارحیت کا مقابلہ کرنے کی صلاحیت اور استعداد رکھتی ہے۔ امن کی خواہش اور بھارت کے ہاتھوں کشمیریوں کے نقصان کے پیش نظر صبر کا مظاہرہ کر رہے ہیں۔

  • بھارتی قیادت نہرو کا کشمیریوں کے ساتھ کیا وعدہ پورا کرے: وزیر اعظم آزاد کشمیر

    بھارتی قیادت نہرو کا کشمیریوں کے ساتھ کیا وعدہ پورا کرے: وزیر اعظم آزاد کشمیر

    مظفر آباد: وزیر اعظم آزاد جموں و کشمیر راجہ فاروق حیدر کا کہنا ہے کہ ہندوستان اپنے شیطانی مقاصد سے باز آجائے، بھارتی قیادت نہرو کا کشمیریوں کے ساتھ کیا گیا وعدہ پورا کرے۔

    تفصیلات کے مطابق وزیر اعظم آزاد جموں و کشمیر راجہ فاروق حیدر نے یوم یکجہتی کشمیر پر اپنے پیغام میں کہا کہ دنیا بھر میں لوگ آج یوم یکجہتی کشمیر منا رہے ہیں، یہ دن مقبوضہ کشمیر کے عوام کے ساتھ حکومت پاکستان کی یکجہتی کا اظہار کرتا ہے۔

    راجہ فاروق حیدر کا کہنا تھا کہ پاکستان کے عوام مظلوم کشمیریوں کی پشت پر کھڑے ہیں، کشمیری خود کو اکیلا نہ سمجھیں۔ 5 اگست کے بھارتی اقدام کو ریاست کے عوام نے مسترد کردیا۔

    انہوں نے کہا کہ کشمیریوں کو مبارکباد دیتا ہوں جو 9 لاکھ بھارتی فوج کے سامنے ڈٹ کر کھڑے ہیں، کامل یقین ہے ہماری جدوجہد کامیابی سے ہمکنار ہوگی۔ ہندوستان اپنے شیطانی مقاصد سے باز آجائے۔ بھارتی قیادت نہرو کا کشمیریوں کے ساتھ کیا گیا وعدہ پورا کرے۔

    راجہ فاروق حیدر کا کہنا تھا کہ بھارتی یکطرفہ اقدامات سے اقوام متحدہ کی قراردادیں پرانی نہیں ہوں گی، انشا اللہ فتح حق کی ہوگی۔

    خیال رہے کہ آج پاکستان سمیت دنیا بھر میں مظلوم کشمیریوں کے ساتھ اظہار یکجہتی کا دن منایا جارہا ہے، آج کے دن کشمیریوں سے اظہار یکجہتی کے لیے ریلیاں نکالی جائیں گی اور تقریبات منعقد کی جائیں گی۔

    یوم یکجہتی کشمیر کے موقع پر اپنے پیغام میں وزیر اعظم عمران خان کا کہنا تھا کہ بھارت نے 80 لاکھ کشمیریوں کو اپنی ہی سرزمین پر قیدی بنا رکھا ہے، بھارت دنیا کے سامنے بے نقاب ہوگیا ہے۔

    وزیر اعظم نے کہا کہ بھارت مقبوضہ کشمیر میں فوجی محاصرہ اور غیر قانونی اقدام ختم کرے، بھارت زیر حراست کشمیریوں اور حریت رہنماؤں کو رہا کرے۔

  • دنیا بھر میں آج یوم یک جہتی کشمیر منایا جا رہا ہے، پاکستان میں ایک منٹ کی خاموشی

    دنیا بھر میں آج یوم یک جہتی کشمیر منایا جا رہا ہے، پاکستان میں ایک منٹ کی خاموشی

    مظفرآباد: مظلوم کشمیریوں پر بھارتی فوج کی جانب سے مسلسل اور بدترین مظالم کے خلاف دنیا بھر میں آج یوم یک جہتی کشمیر منایا جا رہا ہے، کشمیری شہدا کوخراج عقیدت پیش کرنے کے لیے صبح 10 بجے ملک بھر میں ایک منٹ کی خاموشی اختیار کی گئی۔

    تفصیلات کے مطابق آج پاکستان سمیت دنیا بھر میں مظلوم کشمیریوں کے ساتھ اظہار یک جہتی کے لیے ریلیاں نکالی جائیں گی اور تقریبات منعقد کیے جائیں گے، اس سلسلے میں آزاد کشمیر میں بھی ریلیاں اور دیگر تقریبات کا انعقاد کیا جا رہا ہے۔

    یوم یک جہتی کشمیر پر آزاد کشمیر کی قانون ساز اسمبلی کا اجلاس بھی طلب کیا گیا ہے، اجلاس سے وزیر اعظم پاکستان عمران خان خصوصی خطاب کریں گے، کوہالہ پل پر سائرن بجائے گئے اور ایک منٹ کی خاموشی اختیار کی گئی، انسانی ہاتھوں کی زنجیر بھی بنائی گئی۔

    حکومت سندھ کی جانب سے کراچی میں یوم یک جہتی کشمیر ریلی اور جلسے کا انعقاد کیا جائے گا، کشمیر روڈ سے مزار قائد تک وزیر اعلیٰ سندھ مراد علی شاہ کی قیادت میں ریلی نکالی جائے گی، پیپلز پارٹی کی جانب سے کشمیر کالونی میں جلسہ عام ہوگا، جس سے فریال تالپور اور دیگر رہنما خطاب کریں گے۔

    راولپنڈی ہولاڑپل پر کشمیریوں سے یک جہتی کے لیے انسانی ہاتھوں کی زنجیر بنائی گئی، اراکین اسمبلی، اے سی کہوٹہ، سماجی کارکنان اور اسکول کے بچوں سمیت سیکڑوں افراد نے شرکت کی۔ کوئٹہ، چمن شہر میں بھی یوم یک جہتی کشمیر جوش و جذبے سے منایا جا رہا ہے، شہر کی اہم شاہراہوں اور اہم عمارتوں پر کشمیر کے پرچم لہرا دیے گئے ہیں، ضلع بھر میں مختلف ریلیوں کا انعقاد بھی کیا جا رہا ہے۔

    خیال رہے کہ مقبوضہ جموں کشمیر میں کرفیو اور لاک ڈاؤن مسلسل 185 روز سے جاری ہے، مقبوضہ وادی میں انٹرنیٹ، موبائل فون سروس بدستور معطل ہے، ہزاروں کشمیریوں کو جیلوں میں ڈالا جا چکا ہے، خواتین پر بھی تشدد کیا جا رہا ہے اور ان کے خلاف جنسی حملوں کو ایک ہتھیار کے طور پر استعمال کیا جا رہا ہے۔

  • نو فادرز ان کشمیر: تین دہائیوں‌ پر محیط لہو رنگ انتظار!

    نو فادرز ان کشمیر: تین دہائیوں‌ پر محیط لہو رنگ انتظار!

    2014 میں ایشون کمار نے اس فلم کی عکس بندی شروع کی تھی اور پچھلے سال بھارت میں‌ بڑے پردے پر اس کی نمائش کی گئی۔

    بھارتی فلم ڈائریکٹر اور ہدایت کار ایشون کمار کو اپنی اس فلم پر کڑی تنقید جھیلنا پڑی، کیوں کہ انھوں نے اس فلم میں‌ مقبوضہ کشمیر میں بھارتی افواج کی درندگی اور انسانی حقوق کی خلاف ورزیوں‌ کا پردہ چاک کیا اور بتایا ہے کہ معصوم اور نہتے کشمیریوں کیسے گھروں سے اٹھا کر لاپتا کردیا گیا اور کئی برس بعد بھی اہلِ خانہ اپنے پیاروں کے منتظر ہیں۔ انھیں نہیں معلوم کہ وہ زندہ ہیں یا موت ان کا مقدر بن چکی ہے۔

    اس فلم کا ٹائٹل "نو فادرز ان کشمیر” ہے جو ان دنوں برطانیہ میں بڑے پردے پر دیکھی جارہی ہے اور اس کا بہت چرچا ہو رہا ہے۔ برطانوی اخبارات اور مختلف جریدوں میں اس فلم پر بات کی گئی ہے اور تبصرہ نگاروں کے مطابق یہ مقبوضہ کشمیر میں انسانی حقوق کی بدترین خلاف ورزیوں کو بے نقاب کرتی ہے۔

    فلم کی کہانی ان افراد کے گرد گھومتی ہے جن کی اولادیں تین دہائیوں سے اپنے والدین کی صورت دیکھنے کو ترس رہی ہیں اور آج بھی ان کی تلاش میں ہیں۔ یہ لوگ آزادی کے حصول کے لیے تحریک کا حصہ بنے تھے اور بھارتی فوج کی حراست میں لاپتا ہوئے۔ ان کے اہلِ خانہ کو ان کے بارے میں کچھ بھی نہیں بتایا جارہا اور اب انھیں نہ دیکھے ہوئے تین دہائیاں گزر چکی ہیں۔

    ان کے اہلِ خانہ یہ جاننا چاہتے ہیں‌ کہ ان کے پیارے زندہ ہیں یا مر چکے ہیں۔ اگر انھیں موت کے گھاٹ اتارا گیا ہے تو کم از کم یہی بتا دیا جائے کہ وہ کہاں دفن ہیں؟

    ایشون کمار کی اس فلم کی نمائش بھارتی سنیماؤں میں تو چند روز ہی جاری رہ سکی تھی۔ مگر اب یہ برطانیہ کے ہاؤس آف کامنز میں بھی دکھائی جارہی ہے جب کہ چند یورپی ممالک اور امریکا میں بھی اس کی نمائش متوقع ہے۔