Tag: مقبوضہ کشمیر

اسلام آباد: معاون خصوصی برائے اطلاعات ڈاکٹر فردوس عاشق اعوان کا کہنا ہے کہ پاکستان کا وجود کشمیر کے بغیر نامکمل ہے۔

تفصیلات کے مطابق اسلام آباد میں معاون خصوصی فردوس عاشق اعوان نے پریس کانفرنس کے دوران کہا کہ یوم یکجہتی کشمیر پرمختلف پروگرامز ترتیب دیےگئے ہیں۔

فردوس عاشق اعوان نے کہا کہ پاکستان کا وجود کشمیر کے بغیر نامکمل ہے، بھارت کشمیریوں کوحق خودارادیت سے محروم نہیں رکھ سکتا، بھارت کشمیریوں کو حق خودارادیت سے محروم نہیں رکھ سکتا۔

معاون خصوصی کا کہنا تھا کہ کشمیر پاکستان کا دفاعی حصار ہے، قائداعظم نے کشمیرکو پاکستان کی شہ رگ قرار دیا، ہماری شہ رگ سےخون رس رہا ہے۔ انہوں نے کہا کہ کل پاکستانی قوم کشمیریوں سے اظہار یکجہتی کرےگی، کل صبح 10 بجے دفترخارجہ کے سامنے انسانی ہاتھوں کی زنجیر بنائی جائےگی۔

فردوس عاشق اعوان نے کہا کہ پاکستان کشمیریوں کےحقو ق کا پاسبان اور نگہبان ہے، وزیراعظم عمران خان کی طرح ہم سب کشمیریوں کی آواز بنیں گے۔

قومی اسمبلی میں کشمیریوں سے اظہار یکجہتی کی قرارداد متفقہ طور پرمنظور

واضح رہے کہ قومی اسمبلی میں کشمیریوں سے اظہاریکجہتی کی قرارداد متفقہ طور پر منظور کرلی گئی ، جس میں کہاگیا کہ کشمیریوں کو اقوام متحدہ کی قراردادوں کے مطابق حق خودارادیت دیاجائے۔

لاہور: حریت رہنما یاسین ملک کی اہلیہ مشعال ملک کا کہنا ہے کہ کشمیر کو منی ہندوستان بنانے کی کوشش کی جا رہی ہے۔

تفصیلات کے مطابق لاہور میں مشعال ملک نے تقریب سے خطاب کرتے ہوئے کہا کہ کشمیر میں 70سال سے ظلم ہو رہا ہے ، میڈیا ہمیشہ کشمیر یوں کی آواز بنا۔

انہوں نے کہا کہ مقبوضہ کشمیر میں کرفیو تو ہوتا رہتا تھا اب توظلم کے پہاڑ توڑے جا رہے ہیں، کشمیر کو منی ہندوستان بنانے کی کوشش کی جا رہی ہے۔

مشعال ملک کا کہنا تھا کہ مسئلہ کشمیر سے متعلق اقوام متحدہ کی قرارداد پر عمل درآمد کرایا جائے، پاکستان کا سب سے بڑا ایشو کشمیر ہے اس سے بڑھ کر کچھ نہیں۔

حریت رہنما کی اہلیہ نے کہا کہ کشمیری حریت رہنماؤں کو سیولین ایوارڈز دیے جائیں، شاہراؤں کے نام کشمیریوں کے نام پر رکھے جائیں۔ انہوں نے مزید کہا کہ کشمیری حق خود ارادیت سے کم کچھ قبول نہیں کریں گے۔

کشمیر میں بھارتی تسلط کا سورج جلد غروب ہونے والا ہے، مشعال ملک

یاد رہے کہ گزشتہ ماہ حریت رہنما یاسین ملک کی اہلیہ مشعال ملک کا کہنا تھا کہ بھارتی جبر کشمیریوں کے حوصلے نہیں پست کرسکا، کشمیرمیں بھارتی تسلط کا سورج جلد غروب ہونے والا ہے۔

اسلام آباد: وفاقی وزیر برائے انسانی حقوق شیریں مزاری نے کہا ہے کہ مشرقی تیمور اور مسئلہ کشمیر کا معاملہ ایک جیسا ہے تاہم یو این نے مشرقی تیمور کا مسئلہ حل کیا اور کشمیر کا نہیں۔

اے آر وائی نیوز کے مطابق اسمبلی میں خطاب کے دوران شیریں مزاری نے کہا کہ مسئلہ کشمیر پر ابھی بہت زیادہ جدوجہد کی ضرورت ہے، وزارت خارجہ اکیلا مسئلہ کشمیر اجاگر نہیں کر سکتا، پارلیمنٹیرینز کو بھی جانا چاہیے، اقوام متحدہ کو بار بار مسئلہ کشمیر یاد دلانا ہوگا۔

ان کا کہنا تھا کہ مسئلہ کشمیر پر حکومت نے کچھ نہیں کیا یہ کہنا عملی طور پر درست نہیں، مسئلہ کشمیر کو حکومت نے بہت کم وقت میں اجاگر کیا ہے، اس کے لیے پارلیمنٹیرینز کو بھی بیرون ملک بھیجنا ہوگا، تاہم بغیر تیاری کے پارلیمنٹیرینز کو باہر بھیجیں گے تو نتیجہ صفر آئے گا، کشمیر کا کیس لڑنے کے لیے کشمیر کی تاریخ جاننا ضروری ہے۔

شیریں مزاری نے کہا کہ یو این ہیومن رائٹس کمیشن کو بھی مسئلے پر خط لکھا گیا ہے، جب تک یو این میں قرارداد نہیں آئے گی تو کمیشن نہیں بن پائے گا، میری منسٹری نے خواتین اور بچوں کے حقوق پر 18 اسپیشل مینڈیٹ کو خط لکھا، کہ بھارت کی فوج خواتین پر تشدد کر رہی ہے، خواتین سے زیادتی کو بہ طور ہتھیار استعمال کیا گیا، اس جرم پر ان ملٹری فورسز کو سزا ملنی چاہیے۔

وفاقی وزیر کا کہنا تھا کہ مسئلہ کشمیر پر پہلی بار پاکستان کا مؤقف پوری دنیا نے قبول کیا، کشمیر ایشو پر یو این میں دو میٹنگز ہوئیں جن میں اس پر غور ہوا، یورپی یونین پارلیمنٹ میں بھی 2 بار کشمیر ایشو پر بات ہوئی، جہاں انسانی حقوق کی خلاف ورزیوں کی مذمت کی گئی، بھارت کی انسانی حقوق کی خلاف ورزیوں کی دنیا مذمت کر رہی ہے، بھارت کا اصل چہرہ سامنے لانا پاکستان کی سفارتی کامیابی ہے، مسئلہ کشمیر سے متعلق عالمی سطح پر بھارت کے مؤقف کو تسلیم نہیں کیا گیا۔

اسلام آباد: وزیراعظم عمران خان نے یوم کشمیر کے موقع پر عوام سے مظلوم کشمیریوں کے حق میں گھروں سے باہر نکلنے کی اپیل کی ہے۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ مودی کی فاشسٹ حکومت نے 6 ماہ سے کشمیر کا محاصرہ کر رکھا ہے۔

وزیراعظم پاکستان نے کہا کہ 5 فروری کوعوام 80 لاکھ کشمیریوں کی حمایت میں نکلیں، دنیا بھرمیں مقیم پاکستانی کشمیریوں سے اظہار یکجہتی کے لیے نکلیں۔

I want Pakistanis at home and abroad to come out on 5th Feb in support of the 8 million Kashmiris who have been besieged by 900k Indian soldiers for almost 6 months by the fascist racist Modi regime

— Imran Khan (@ImranKhanPTI) January 24, 2020

امریکا کشمیر کے معاملے پر خاموش رہا تو دنیا نقصان اٹھائے گی، شاہ محمود قریشی

یاد رہے کہ گزشتہ روز شاہ محمود قریشی کا کہنا تھا کہ 25 جنوری سے مسئلہ کشمیر سے متعلق باقاعدہ مہم شروع کی جائے گی، مہم کے دوران مسئلہ کشمیر کو اجاگر کیا جائے گا اور مقدمہ عوام کے سامنے رکھیں گے۔

وزیر خارجہ کا کہنا تھا کہ 27 جنوری کو کلچرل شو ہوگا جس میں مسئلہ کشمیر پر فوکس کیا جائے گا، 28 جنوری کو پورے پاکستان میں تصویری نمائشیں ہوں گی، تصویری نمائشوں میں کشمیریوں کے حالت زار سے متعلق آگاہ کیا جائے گا۔