Tag: مقبوضہ کشمیر

اسلام آباد: حریت رہنما یاسین ملک کی اہلیہ مشال ملک کا کہنا ہے کہ 5 مہینے سے زائد کاعرصہ گزر جانے کے باوجود کشمیر میں کرفیو ہے، امریکا کشمیرمیں کرفیو ختم کرانے میں اپنا کردار ادا کرے۔

تفصیلات کے مطابق حریت رہنما یاسین ملک کی اہلیہ مشال ملک نے امریکی صدرڈونلڈ ٹرمپ کے بیان پر ردعمل دیتے ہوئے کہا کہ مسئلہ کشمیرکے حل کے لیے ٹرمپ کے بیان کا خیر مقدم کرتے ہیں۔

مشال ملک کا کہنا تھا کہ مسئلہ کشمیرکشمیریوں کی امنگوں کے مطابق حل کیا جائے، 5 مہینے سے زائد کاعرصہ گزر جانے کے باوجود کشمیر میں کرفیو ہے، امریکا کشمیرمیں کرفیو ختم کرانے میں اپنا کردار ادا کرے۔

یاسین ملک کی اہلیہ کا کہنا تھا کہ حریت قیادت سمیت کئی ہزار نوجوان بھارتی قید میں ہیں، عالمی برادری کو قیدیوں کی رہائی کے لیے کردار ادا کرنا چاہیے۔

امریکی صدر نے ایک بار پھر مسئلہ کشمیر پر ثالثی کی پیشکش کر دی

یاد رہے کہ دو روز قبل امریکی صڈر ڈونلڈ ٹرمپ نے مسئلہ کشمیر پر ایک بار پھر ثالثی کی پیشکش کرتے ہوئے کہا تھا کہ پاکستان اور بھارت کے درمیان ثالثی کے لیے کردار ادا کر سکتا ہوں۔

بیجنگ: ترجمان چینی وزارت خارجہ نے کہا کہ مسئلہ کشمیر کا سلامتی کونسل قراردادوں کے تحت حل چاہتے ہیں، مسئلہ کشمیر پر چین کی پوزیشن میں کوئی تبدیلی نہیں ہے۔

تفصیلات کے مطابق ترجمان چینی وزارت خارجہ نے بریفنگ کے دوران کہا کہ مسئلہ کشمیر پر چین کی پوزیشن واضح ہے، مسئلہ کشمیر تاریخی تنازع ہے یو این چارٹر کے تحت حل کیا جانا چاہیے۔

ترجمان کا کہنا تھا کہ سلامتی کونسل نے مسئلہ کشمیرکا مفصل جائزہ لیا، رکن ممالک مقبوضہ کشمیر کی صورت حال پر تشویش میں مبتلا ہیں، رکن ممالک نے زور دیا مسئلہ عالمی قانون کے تحت حل کریں۔

چینی وزارت خارجہ کے ترجمان نے کہا کہ سلامتی کونسل کے ازسرنو جائزے سے کشیدگی میں کمی ممکن ہے، ازسرنو جائزے سے مسئلے کے حل پر پیشرفت ممکن ہے، چین علاقائی امن واستحکام کے لیے مثبت کردار ادا کرتا رہے گا۔

ترجمان کے مطابق بھارت کو توجہ کے ساتھ سلامتی کونسل کو جواب دینا چاہیے، روس سلامتی کونسل کا اہم رکن، مسئلہ کشمیر پر کھل کر بولا، سلامتی کونسل کے تمام ارکان نے کھل کر خدشات کا اظہار کیا۔

ترجمان چینی وزارت خارجہ کا کہنا تھا کہ چین کی سوچ شفاف اورمؤقف واضح ہے بھارت کو بھی علم ہے، چین مسئلہ کشمیر پر سلامتی کونسل میں بھرپور اندازسے شامل ہوا، جائزہ اجلاس میں شمولیت، خطے میں کشیدگی میں کمی کے لیے ہے۔

وزارت خارجہ کے ترجمان نے کہا کہ بھارت معاملے کا کوئی اور مطلب لے تو اور بات ہے، مسئلہ کشمیر پر چین کی پوزیشن میں کوئی تبدیلی نہیں، مسئلہ کشمیر پر چاہتے ہیں سلامتی کونسل حالیہ صورتحال پر توجہ دے۔

ترجمان نے مزید کہا کہ پاکستان بھارت کشیدگی کم اور تحمل کا مظاہرہ کریں، پاکستان اور بھارت سے رابطے میں ہیں، ہم مثبت کردار ادا کریں گے۔

اسلام آباد: وزیراعظم عمران خان کا کہنا ہے کہ بھارتی اقدامات سے خطے کے امن وسلامتی کو خطرات لاحق ہیں۔

تفصیلات کے مطابق وزیراعظم عمران خان کی زیر صدارت کشمیر سے اہم اجلاس ہوا جس میں مقبوضہ کشمیر کی موجودہ صورت حال کا جائزہ لیا گیا۔ آرمی چیف جنرل قمر جاوید باجوہ، ڈی جی آئی ایس آئی ، معاون خصوصی معید یوسف، سیکریٹری خارجہ سہیل محمود اور دیگرحکام نے اجلاس میں شرکت کی۔

اعلامیے کے مطابق اجلاس میں مقبوضہ کشمیر سے متعلق بھارتی اقدامات کی مذمت کی گئی، اجلاس میں رواں سال 5 فروری کو یوم یکجہتی کشمیر بھرپور طریقے سے منانے کا فیصلہ کیا گیا۔

اعلامیے میں بتایا گیا کہ مودی سرکار کی ہندووتوا اور مسلم کش پالیسیاں خطے کی سلامتی کے لیے خطرہ ہیں، خطے کی سلامتی اور سیکیورٹی پر کسی قسم کا سمجھوتہ نہیں کیا جائے گا۔ اجلاس میں بی جے پی حکومت کی بیان بازی اورجارحانہ اقدامات کی مذمت کی گئی۔

وزیراعظم عمران خان نے کہا کہ بھارتی اقدامات سے خطے کے امن وسلامتی کو خطرات لاحق ہیں، کشمیریوں کی اخلاقی، سیاسی وسفارتی حمایت جاری رہے گی۔

ایٹمی ہتھیاروں کے حامل ملک بھارت کو انتہا پسند چلا رہے ہیں، وزیراعظم

واضح رہے کہ جرمن میڈیا کو انٹرویو میں وزیراعظم عمران خان کا کہنا تھا کہ ایٹمی ہتھیاروں کے حامل ملک بھارت کو انتہا پسند چلا رہے ہیں، بھارت پر ایک خاص انتہا پسندانہ نظریاتی سوچ ہندووتوا غالب آچکی ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان کی قیادت میں شاہ محمود قریشی کا کردار مثالی ہے۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ 5 ماہ میں سلامتی کونسل کا دوسری بار اجلاس ہوناعالمی سطح پر کشمیرکے ایک مسلمہ تنازع ہونے کا واضح اعتراف ہے۔

فردوس عاشق اعوان نے کہا کہ 5اگست کے بھارتی اقدام کے بعد سلامتی کونسل کی دوسری بیٹھک سفارتی کامیابی ہے، مقبوضہ کشمیر کے عوام کے جائزحقوق کی گونج بڑے فورم پر سنائی دی۔

پانچ ماہ میں سلامتی کونسل کا دوسری بار اجلاس عالمی سطح پر کشمیر کے ایک مسلمہ تنازعہ ہونے کا واضح اعتراف ہے،جو سلامتی کونسل کے ایجنڈے پر موجود اور غور طلب ہے۔5 اگست کے بھارتی یکطرفہ اقدام کے بعد سلامتی کونسل کی دوسری بیٹھک ہماری سفارتی کامیابی ہے۔

— Dr. Firdous Ashiq Awan (@Dr_FirdousPTI) January 16, 2020

معاون خصوصی کا کہنا تھا کہ بھارتی دعوؤں کی پھر نفی ہوئی کہ کشمیر بھارت کا اندرونی معاملہ ہے، مطالبہ ہےعالمی برادری کشمیریوں سے حق خودارادیت کےعہد کو نبھائے۔

فردوس عاشق اعوان کے مطابق وزیراعظم عمران خان نے جرات اور دلیری سے کشمیریوں کا مقدمہ لڑا، کشمیریوں کا مقدمہ لڑنے کی مثال ماضی میں نہیں ملتی۔

معاون خصوصی کے مطابق وزیراعظم عمران خان کی قیادت میں شاہ محمود قریشی کا کردار مثالی ہے، شاہ محمود نے بہترین صلاحیتوں سے سفارتی محاذ پرکشمیریوں کی وکالت کی۔

انہوں نے مزید کہا کہ یواین سیکرٹری جنرل کی پاکستان کے کردارکی تعریف خوش آئند ہے، پاکستان عمران خان کی قیادت میں متحرک، فعال،امن پسند ملک کی شناخت پا رہا ہے۔