ARYNews.tv | Urdu – Har Lamha Bakhabar

Tag: مقتول

  • کراچی میں ڈاکوؤں کی فائرنگ سے زخمی راہ گیر دم توڑ گیا

    کراچی میں ڈاکوؤں کی فائرنگ سے زخمی راہ گیر دم توڑ گیا

    کراچی کے علاقے اورنگی ٹاؤن میں ڈاکوؤں کی فائرنگ سے زخمی ہونے والا شخص دوران علاج زخموں کی تاب نہ لاتے ہوئے جاں بحق ہوگیا۔

    تفصیلات کے مطابق کراچی کے علاقے اورنگی میں ڈاکوؤں کی فائرنگ سے زخمی راہ گیر دم توڑ گیا، مقتول کی شناخت محمد کاشف کے نام سے ہوئی ہے۔

    پولیس کا کہنا ہے کہ مقتول محمد کاشف پیشے کے اعتبار سے ٹھیکے دار تھا، فائرنگ کا واقعہ پیرآباد میں ڈکیتی کے دوران پیش آیا۔

    پولیس نے مزید بتایا کہ موٹرسائیکل سوار ڈاکو لوٹ مار کر کے فرار ہو رہے تھے، پولیس اہلکار کے تعاقب پر ڈاکو موٹرسائیکل سےگرے، موٹرسائیکل سےگرتے ہی ایک ملزم نے فائرنگ کی جو راہ گیر کو لگی۔

    واضح رہے کہ مقتول تین بچوں کا باپ تھا دو لڑکیاں اور ایک لڑکی ، چھوٹی بیٹی کی 8 ماہ قبل پیدائش ہوئی تھی۔

    https://urdu.arynews.tv/karachi-traffic-accident-near-abdullah-shah-ghazi/

  • کراچی: ڈکیتی کے دوران مزاحمت پر ایک اور شہری کی جان چلی گئی

    کراچی: ڈکیتی کے دوران مزاحمت پر ایک اور شہری کی جان چلی گئی

    کراچی کے علاقے کورنگی ساڑھے پانچ نمبر جی ایریا کے قریب گھر میں ڈکیتی مزاحمت پر فائرنگ سے ایک اور شہری کی جان چلی گئی۔

    پولیس کے مطابق ڈکیتی مزاحمت پر فائرنگ سے جاں بحق والے والے مقتول کی شناخت 40 سالہ عرفان کے نام سے کی گئی، مقتول 2 بچوں کا باپ اورمقتول کی پھولوں کی دکان تھی، صبح ساڑھے 6 سے ساڑھے7 کے درمیان 3 ڈکیت عقب سے گھرمیں داخل ہوئے۔

    پولیس کا کہنا ہے کہ مقتول کو نامعلوم مسلح ڈکیتوں نے مزاحمت پر فائرنگ کر کے قتل کیا، پولیس نے جائے وقوع پر کرائم سین یونٹ کو طلب کرلیا ہے، جائے وقوع سے شواہد اکٹھا اور سی سی ٹی وی فوٹیج حاصل کی جا رہی ہے۔

  • سعودی عرب: قاتل کو مقتول کے ورثا سے معافی مل گئی

    سعودی عرب: قاتل کو مقتول کے ورثا سے معافی مل گئی

    ریاض: سعودی عرب میں ایک شخص نے اپنے بھتیجے کے قاتل کو معاف کردیا، قاتل جیل میں سزائے موت کا منتظر تھا۔

    سعودی ویب سائٹ کے مطابق شہر تبوک میں سعودی شہری نے اپنے بھائی کے بیٹے کے قاتل کو معاف کردیا، قتل کی واردات 3 برس قبل ہوئی تھی اور قاتل سزائے موت کا منتظر تھا۔

    قاتل نے 3 برس قبل اپنے قبیلے کے فرد کو باہمی تنازع پر قتل کردیا تھا۔

    پولیس نے قاتل کو گرفتار کر کے پراسیکیوشن کے ادارے کے حوالے کردیا تھا جہاں سے مقدمہ فوجداری عدالت میں بھیجا گیا، عدالت نے جرم ثابت ہونے پر قاتل کو سزائے موت کا حکم سنا دیا۔

    بعد ازاں قبیلہ کے سرکردہ لوگوں نے صلح اور قاتل کو معاف کروانے کے لیے مقتول کے ورثا سے رابطہ کیا جن کی کوششیں بار آورثابت ہوئیں۔

    مقتول کے شرعی وکیل مسلم سلمان المسعودی نے بتایا کہ خاندان کے افراد نے اللہ کی رضا کے لیے قاتل کو معاف کردیا اور قصاص کے حق سے دستبردار ہوگئے۔

    قبیلے کے سربراہ محمد سلمان الطرفاوی نے بتایا کہ سعودی عرب کے معاشرے میں معاف کرنے کی روایات عام ہے۔ یہاں عفو و درگزر سے کام لیا جاتا ہے۔

    یاد رہے کہ اگر مقتول کے ورثا اپنا حق معاف کردیں تو قصاص کی سزا روک دی جاتی ہے اور قاتل کو صرف بحق سرکار مختلف مدت تک قید کی سزا پوری کرنی ہوتی ہے۔

  • سوٹ کیس میں انسانی باقیات، نام کے ٹیگ نے قاتل کا پتہ بتا دیا

    سوٹ کیس میں انسانی باقیات، نام کے ٹیگ نے قاتل کا پتہ بتا دیا

    امریکا میں ایک شخص نے اپنے دوست کو قتل کر کے اس کے مردہ جسم کے کچھ حصے ایک سوٹ کیس میں چھپا دیے اور سوٹ کیس کو دور پھینک دیا، لیکن سوٹ کیس پر لگے نام کے ٹیگ نے قاتل کو گرفتار کروا دیا۔

    یہ واقعہ امریکا کے شہر ڈینور میں پیش آیا، سٹی ورکرز کو صفائی کے دوران 2 سوٹ کیس ملے جنہیں کھولنے پر اندر سے انسانی جسم کی باقیات برآمد ہوئیں۔

    پولیس نے ان سوٹ کیسز کو اپنی تحویل میں لے لیا تو ایک سوٹ کیس سے نیم ٹیگ برآمد ہوا۔ ٹیگ یونائیٹڈ ایئر لائنز کے بیگج کلیم کا تھا جس پر مسافر کا نام بینجمن اسٹیورٹ لکھا تھا۔

    پولیس جلد ہی مذکورہ شخص کے گھر پہنچ گئی، گھر کی تلاشی کے دوران پولیس کو کاؤچ، باتھ ٹب اور باتھ روم میں خون دکھائی دیا جبکہ ایک تیز دھار کٹر بھی ملا۔

    قریبی وال مارٹ کی سی سی ٹی وی ریکارڈنگ سے علم ہوا کہ بینجمن نے واقعے سے 2 دن قبل یہ کٹر وہاں سے خریدا تھا، پولیس نے بینجمن کو گرفتار کرلیا۔

    پولیس کے مطابق مقتول کی عمر 33 سال تھی، قاتل اور مقتول ایک دوسرے کو جانتے تھے اور دونوں کا ایک دوسرے کے گھر آنا جانا تھا۔

    تاحال علم نہیں ہوسکا کہ مقتول کی موت کس طرح ہوئی، نہ ہی یہ معلوم ہوسکا کہ قاتل کے اس مذموم فعل کے پیچھے کیا وجوہات اور ارادے تھے۔