ARYNews.tv | Urdu – Har Lamha Bakhabar

Tag: مقدمہ درج

  • امریکا میں ایمرجنسی نافذ کرنے پرڈونلڈ ٹرمپ کے خلاف مقدمہ درج

    امریکا میں ایمرجنسی نافذ کرنے پرڈونلڈ ٹرمپ کے خلاف مقدمہ درج

    واشنگٹن: میکسیکو کے ساتھ سرحد پردیوار تعمیر کرنے کے لیے ایمرجنسی نافذ کرنے پر 16 ریاستوں کے اتحاد نے صدر ڈونلڈ ٹرمپ کے خلاف مقدمہ دائر کردیا۔

    تفصیلات کے مطابق امریکی صدر ڈونلڈ ٹرمپ کے خلاف 16 ریاستوں کے اتحاد نے کیلی فورنیا کے شمالی ضلعے کی عدالت میں مقدمہ دائر کیا ہے۔

    کیلی فورنیا کے اٹارنی جنرل زیویئر کا کہنا تھا وہ امریکی صدر کو عدالت لے کرجائیں گے تاکہ ان کی جانب سے صدارتی اختیارات کے غلط استعمال کو روکا جاسکے۔

    اٹارنی جنرل کا مزید کہنا تھا کہ امریکی صدر کو ٹیکس دہندگان کی رقوم پر ڈاکہ ڈالنے سے روکیں گے۔

    کانگریس کی جانب سے سرحدی دیوار کے لیے فنڈز کی منظوری دینے سے انکار کے بعد ڈونلڈ ٹرمپ نے ایمرجنسی نافذ کرنے کا اعلان کیا۔

    ٹرمپ کی ایمرجنسی نافذ کرنے کی دھمکی، امریکی سیاست دانوں کی تنقید

    یاد رہے کہ گزشتہ ہفتے ڈیموکریٹک اور ریپبلیکن سیاست دانوں نے ملک میں ایمرجنسی نافذ کرنے کے بیان پر ڈونلڈ ٹرمپ تنقید کرتے ہوئے کہا تھا کہ ’ٹرمپ کے اقدامات غیر قانونی ہیں‘۔

    واضح رہے کہ امریکی صدر نے دیوار کی تعمیر کے لیے 5.7 بلین ڈالرز منظور کرنے کا مطالبہ کر رکھا ہے، تاہم کانگریس میں ڈیموکریٹس دیوار کی فنڈنگ کی منظوری سے مسلسل انکاری ہیں۔

  • ایران کے لیے جاسوسی، سابق امریکی فوجی افسرپرغداری کا مقدمہ درج کردیا

    ایران کے لیے جاسوسی، سابق امریکی فوجی افسرپرغداری کا مقدمہ درج کردیا

    واشنگٹن : امریکی حکام نے اپنی ہی فضائیہ کی سابق افسر کو ملک سے غداری اور ایران کے لیے جاسوسی کرنے کے الزام میں گرفتار کرلیا۔

    تفصیلات کے مطابق امریکی پراسیکیوٹر نے یو ایس ایئر فورس کی سابق افسر پر اپنے روایتی حریف ایران کو اپنے انٹیلی جنس افسران کی معلومات فراہم کرنے کا الزام عائد کیا ہے۔

    امریکی محکمہ انصاف کی جانب سے 39 سالہ مونیکا ویٹ پر الزام عائد کیا گیا ہے کہ انہوں نے امریکی خفیہ اداروں کے افسران پر ہونے والے سائبر حملوں میں پاسداران انقلاب کی معاونت کی ہے۔

    پراسیکیوٹر کا کہنا تھا کہ مونیکا ویٹ نے نظریات کی بنیاد پر اپنے ملک کے خلاف غداری کی تھی اور ایران کو خفیہ معلومات فراہم کیں۔

    غیر ملکی خبر رساں ادارے کے مطابق فضائی کی سابق افسر کا سنہ 2013 میں ایران کے ساتھ رابطہ ہوا تھا جہاں مونیکا نے اپنے ساتھیوں کی معلومات پاسداران انقلاب کو فراہم کیں جس کے بعد امریکی خفیہ اداروں کے افسران پر سائبر حملے ہوئے۔

    خبر رساں ادارے کا کہنا ہے کہ امریکی محکمہ انصاف نے مونیکا ویٹ پر خفیہ اداروں کے افسران کے نام، مختلف آپریشنز کی معلومات اور امریکی حکومت کے راز ایران کو فراہم کیے تھے۔

    امریکی حکام کا کہنا ہے کہ ’ہمارے لیے بہت افسوس کی بات ہے کہ ہمارے ملک کی ایک سابق افسر اپنے ہی ملک سے غداری کررہی ہے‘۔

    امریکی سیکیورٹی ادارے ایف بی آئی نے ٹویٹر پر ایرانی سپاہ پاسداران انقلاب کے لیے خفیہ اداروں کے افسران کے کمپیوٹر میں داخل ہونے اور ڈیٹا چوری کرنے کے الزام میں چار ایرانی شہریوں کے خلاف مقدمہ درج کیا ہے۔

    غیر ملکی میڈیا کا کہنا ہے کہ ایف بی آئی نے ٹویٹر پر مونیکا ویٹ کےلے اشتہار شائع کیا ہے کہ ’جاسوسی اور دیگر جرائم میں ملوث مونیکا ایلفراڈو ویٹ جہاں بھی نظر آئے فوری طور پر ایف بی آئی یا قریبی امریکی سفارت خانے سے رابطہ کریں‘۔

    امریکی میڈیا کا کہنا ہے کہ 39 سالہ مونیکا ویٹ امریکی ایئر فورس میں سنہ 1997 سے 2008 تک بطور افسر خدمات انجام دیں چکی ہیں۔

    مقامی خبر رساں ادارے کا کہنا ہے کہ مونیکا ویٹ نے مبینہ طور پر ایران میں ایک ٹی وی پروگرام کے دوران اسلام قبول کیا تھا اور اپنا تعارف سابق امریکی افسر کے طور پر کروایا تھا جس کے انہوں نے متعدد ٹی وی پروگرام کیے۔

    غیر ملکی میڈیا کے مطابق مونیکا ویٹ کے اس عمل امریکا میں شدید تنقید کا نشانہ بنایا گیا تھا۔

  • کراچی: 6 سالہ بچی کے ساتھ زیادتی کی کوشش، ملزم گرفتار

    کراچی: 6 سالہ بچی کے ساتھ زیادتی کی کوشش، ملزم گرفتار

    کراچی: شہر قائد کے علاقے کورنگی میں 6 سال کی بچی کے ساتھ زیادتی کی کوشش کرنے والے ملزم کو پولیس نے گرفتار کرلیا۔

    تفصیلات کے مطابق کراچی کے علاقے کورنگی نمبر 4 میں 6 سال کی بچی کے ساتھ زیادتی کی کوشش کرنے والے ملزم فرحان کو اہل محلہ نے پکڑ کر پولیس کے حوالے کردیا، ملزم کے خلاف مقدمہ درج کرلیا گیا۔

    نمائندہ اے آر وائی نیوز سلمان لودھی کے مطابق کورنگی کے علاقے میں 6 سالہ بچی کو دکان میں لے جاکر زیادتی کی کوشش کی جارہی تھی، علاقہ مکینوں نے ملزم فرحان کو پکڑ کر پولیس کے حوالے کردیا۔

    پولیس کے مطابق گرفتار ملزم فرحان شادی شدہ ہے اور اس کی عمر 29 سال ہے جبکہ ملزم ساؤنڈ سسٹم کا کام کرتا ہے۔

    نمائندہ اے آر وائی نیوز کے مطابق بچی کو میڈیکل کے لیے جناح اسپتال منتقل کردیا گیا ہے جبکہ پولیس کا کہنا ہے کہ ڈاکٹرز نے اس بات کی تصدیق کی ہے کہ 6 سالہ بچی کے ساتھ زیادتی کی گئی تھی۔

    پولیس کے مطابق ملزم کا ڈی این اے ٹیسٹ لیا جارہا ہے تاکہ یہ پتا چل سکے کہ ملزم کے ساتھ کوئی اور شخص موجود تھا یا نہیں جبکہ ملزم فرحان کے خلاف مقدمہ بھی درج کرلیا گیا ہے۔

  • پی آئی اے کارگو میں لاکھوں روپے کی کرپشن، سپروائزر اور اہلکاروں کیخلاف مقدمہ

    پی آئی اے کارگو میں لاکھوں روپے کی کرپشن، سپروائزر اور اہلکاروں کیخلاف مقدمہ

    کراچی : پی آئی اے کے کارگو میں خورد برد کا معاملے پر انتظامیہ نے سپروائزر اور اہلکاروں کیخلاف مقدمہ درج کرادیا، کارگو میں 50لاکھ روپے سے زائد کی کرپشن کی گئی تھی۔

    تفصیلات کے مطابق پی آئی اے نے کارگو میں ہونے والے 50لاکھ روپے کی خرد برد کے معاملہ پر ایکشن لیتے ہوئے ایف آئی آر درج کرادی ہے، جس میں سپروائزر اور اہلکاروں کو نامزد کیا گیا ہے۔

    مذکورہ مقدمہ ایئرپورٹ تھانے میں پی آئی اے کے منیجنگ ڈائریکٹر محمد الطاف کی مدعیت میں درج کیا گیا ہے، اس حوالے سے ذرائع کا کہنا ہے کہ پی آئی اے کارگومیں 50لاکھ روپے سے زائد کی کرپشن کی گئی تھی، سامان بک کروا کر جعلی ایئر ویز بل کے ذریعے خورد برد کی گئی۔

    مزید پڑھیں: پی آئی اے کو ماہانہ3ارب روپے کاخسارہ ہورہا ہے، ایئر مارشل ارشد محمود

    واضح رہے کہ پی آئی اے پہلے ہی جعل سازی میں ملوث کارگو سپروائزر ،سیکیورٹی اہلکار اور کیشئر کو معطل کرچکی ہے اور تینوں کے خلاف تحقیقات بھی جاری ہیں۔

  • کراچی: تحریک انصاف کے ایم پی اے رمضان گھانچی پرفائرنگ کا مقدمہ درج

    کراچی: تحریک انصاف کے ایم پی اے رمضان گھانچی پرفائرنگ کا مقدمہ درج

    کراچی: پاکستان تحریک انصاف کے رہنما اوررکن صوبائی اسمبلی رمضان گھانچی پر فائرنگ کا مقدمہ درج کرلیا گیا۔

    تفصیلات کے مطابق کراچی کےعلاقے پرانا حاجی کیمپ میں تحریک انصاف کے رہنما پرفائرنگ کا مقدمہ زخمی ایم پی اے رمضان گھانچی کی مدعیت میں درج کرلیا گیا۔

    نیپئرتھانے میں درج مقدمے میں 4 ملزمان کو نامزد کیا گیا جن میں سے 2 ملزمان گرفتارکرلیے گئے، مقدمہ نمبر16/2019 میں اقدام قتل، لڑائی جھگڑے کی دفعات شامل ہیں۔

    خیال رہے کہ گزشتہ رات کراچی کے علاقے پرانا حاجی کیمپ میں ایم پی اے رمضان گھانچی پر فائرنگ ان کے دفتر کے باہر ہوئی جس کے باعث وہ زخمی ہوگئے، علاقہ مکینوں نے انہیں سول اسپتال منتقل کیا۔

    کراچی: نامعلوم افراد کی فائرنگ، پی ٹی آئی رکن صوبائی اسمبلی رمضان گھانچی زخمی

    سندھ اسمبلی کے حلقے پی ایس 109 سے منختب ہونے والے رکن صوبائی اسمبلی رمضان گھانچی کو سول اسپتال میں ابتدائی طبی امداد فراہم کرنے کے بعد نجی اسپتال منتقل کیا گیا۔

    پاکستان تحریک انصاف کے رہنما خرم شیر زمان کا میڈیا سے گفتگو کرتے ہوئے کہنا تھا کہ یہ دہشت گردی ہے، شہر کے امن کو دوبارہ خراب کیا جارہا ہے۔

    وفاقی وزیر برائے بحری امور علی زیدی نے تحریک انصاف کے رکن صوبائی اسمبلی رمضان گھانچی پر حملے کی شدید مذمت کی ہے۔

  • کورنگی : میاں بیوی جعلی پولیس مقابلے میں گولیوں کا نشانہ بنے، دو اہلکار معطل، مقدمہ درج

    کورنگی : میاں بیوی جعلی پولیس مقابلے میں گولیوں کا نشانہ بنے، دو اہلکار معطل، مقدمہ درج

    کراچی : کورنگی میں جعلی پولیس مقابلہ کا پول کھل گیا، عوام کے محافظ ہی غفلت کے مرتکب پائے گئے،  دو اہلکاروں نے نہتے میاں بیوی پر فائرنگ کرکے زخمی کیا ، دونوں کو معطل کرکے مقدمہ درج کرلیا گیا۔

    تفصیلات کے مطابق کراچی کے علاقے کورنگی میں پولیس اہلکاروں کی فائرنگ سے میاں بیوی کے زخمی ہونے سے متعلق اہم پیشرفت سامنے آئی ہے، پولیس کی جانب سے پہلے مقابلے کا رنگ دیا گیا پھر تحقیقات کے بعد کہانی ہی کچھ اور نکلی۔

    پولیس انکوائری میں سب سامنے آگیا، فائرنگ کے واقعے کی تحیققات میں ثابت ہوگیا کہ کورنگی میں میاں بیوی کس کی فائرنگ سے زخمی ہوئے، عوام کے محافظ ہی غفلت کے مرتکب پائے گئے۔

    پولیس حکام کا کہنا ہے کہ دونوں پولیس اہلکاروں کو معطل کردیا گیا ہے، پولیس اہلکاروں کے خلاف مقدمہ درج کرنے کے احکامات بھی دے دیے گئے، انکوائری کے مطابق ایک پولیس اہلکار سے ایس ایم جی چھینی گئی دوسرے نے گن چھیننے والے پر فائرنگ کردی جس کی زد میں آکر بتیس سال کا عرفان اور اس کی بیوی زخمی ہوگئے۔

    مزید پڑھیں: کراچی، کورنگی میں‌ پولیس اہلکاروں‌ کی فائرنگ سے میاں‌ بیوی زخمی، اسپتال منتقل

    یاد رہے کہ تین روز قبل کراچی کے علاقے کورنگی میں پولیس اہلکاروں کی فائرنگ سے میاں بیوی زخمی ہوئے تھے جنہیں طبی امداد کے لیے اسپتال منتقل کردیا گیا تھا۔

    آئی جی سندھ پولیس سید کلیم امام نے کورنگی میں فائرنگ سے میاں بیوی کے زخمی ہونے کا نوٹس لیتے ہوئے ایس ایس پی کورنگی سے تفصیلی انکوائری رپورٹ طلب کی تھی۔

  • بھارت میں گائے جنسی زیادتی کا شکار، مقدمہ درج

    بھارت میں گائے جنسی زیادتی کا شکار، مقدمہ درج

    نئی دہلی : بھارتی ریاست آندرا پردیش میں درندہ صفت انسان نے گائے کو جنسی زیادتی کا نشانہ بنا دیا، پولیس نے مقدمہ درج کرلیا۔

    غیر ملکی خبر رساں ادارے کے مطابق بھارتی ریاست آندرا پردیش میں انتہائی شرمناک اور چوکا دینے والا واقعہ آیا، جب بھارتی گاوں گوکی واڈا میں جنسی درندوں نے تین ماہ کی حاملہ گائے کو  بھی حیوانیت کا نشانہ بنا ڈالا۔

    غیر ملکی میڈیا کا کہنا ہے کہ متاثرہ گائے گاؤں کے کسان کی ملکیت ہے جس کا نام ناما راجو ہے۔

    کسان کا کہنا ہے کہ ’میری گائے اتوار کے روز اچانک غائب ہوگئی تھی اور کچھ دیر بعد نامناسب حالت میں ایک درخت سے بندھی ہوئی ملی۔

    خبر رساں ادارے کا کہنا ہے کہ گاؤں کے معالج نے بدفعلی کی تصدیق کرتے ہوئے بتایا کہ گائے کو جنسی زیادتی کا نشانہ بنایا گیا ہے۔

    بعدازاں کسان نے پولیس  میں  شکایت درج کروائی، گائے سے جنسی زیادتی کی خبر گاؤں میں آگ کی طرح پھیلی تو دیگر کسانوں نے واقعے کی مذمت کرتے ہوئے مذکورہ حکام سے فوری کارروائی کا مطالبہ کیا۔

    مزید پڑھیں : مرغی سے جنسی زیادتی کرنے والا نوجوان گرفتار

    خیال رہے کہ گزشتہ برس پنجاب پولیس نےا یک 14 سالہ  نوجوان کو مرغی کے ساتھ جنسی زیادتی اور اسے قتل کرنے کے جرم میں گرفتار کیا تھا۔

  • مراکش میں دو یورپی خاتون سیاح قتل، ملزم گرفتار

    مراکش میں دو یورپی خاتون سیاح قتل، ملزم گرفتار

    رباط : مراکش کے پہاڑی سلسلے پر دو یورپی خاتون سیاح مردہ حالت میں پائی گئی ہیں جنہیں چھری سے ذبح کرکے قتل کیا گیا ہے۔

    تفصیلات کے مطابق شمالی افریقہ کے بلند ترین چوٹی توببقال کے قریب مراکش کے پہاڑی سلسلے پر واقع سیاحتی علاقے املیل سے دو یورپی خواتین کی لاش برآمد ہوئی ہے۔

    مراکشی وزیر داخلہ کا کہنا ہے کہ دونوں خواتین سیاح کو نامعلوم افراد نے تیز دھار آلے سے گردن کاٹ کر قتل کیا، تاحال قتل کی وجوہات سامنے نہیں آسکیں ہیں۔

    غیر ملکی خبر رساں ادارے کا کہنا تھا کہ نامعلوم وجوہات ک بناء پر قتل ہونے والی ایک خاتون کا تعلق ڈنمارک اور دوسری مقتولہ کا تعلق ناروے سے ہے۔

    مراکشی حکام کا کہنا ہے کہ پولیس نے کارروائی کرتے ہوئے یورپی خواتین کے قتل کے شبے میں ملزم کو مراکش شہر سے گرفتار کرلیا ہے۔

    مراکشی حکام کا کہنا ہے کہ ملزم سیکیورٹی اداروں کی حراست میں اور اس واقعے کی تفتیش جاری ہے جبکہ پولیس قتل میں ملوث دیگر ملزمان کی گرفتاری کےلیے چھاپے مار رہی ہے۔

    غیر ملکی میڈیا کا کہنا ہے کہ مقتول خاتون نے مراکش کے سیاحتی مقام املیل سے 10 کلومیٹر کے فاصلے پر خیمہ لگایا تھا اور دونوں خواتین کی لاش خیمے کے اندر سے برآمد ہوئی تھی۔

    برطانوی خبر رساں ادارے کے مطابق دونوں ممالک کے حکام نے قتل کی تصدیق کردی ہے۔

    ایک خاتون کی شناخت 28 سالہ میرن یولینڈ کے نام ہوئی ہے جس کا تعلق ناروے سے ہے جبکہ ڈچ حکام نے دوسری خاتون کے نام کی تصدیق نہیں کی ہے۔

    میرن یولینڈ

    میرن یولینڈ کی والدہ کا کہنا ہے کہ دونوں لڑکیاں ناروے کی یونیورسٹی آف ساؤتھ ایسٹرن میں ایک ساتھ تعلیم حاصل کررہی تھیں اور 9 دسمبر کو کرسمس کی چھٹیاں گزرنے سیاحت پر گئی تھیں۔

    عرب میڈیا کا کہنا تھا کہ وزارت داخلہ نے قتل اور مقدمے سے متعلق مزید تفصیلات سے آگاہ نہیں کیا۔

    خیال رہے کہ شمالی افریقہ میں واقع ملک مراکش کی معیشت میں زراعت کے دوسرا بڑا کرادر سیاحت ہے۔

  • کراچی، موٹر سائیکل چوری کرنے والا بچوں کا 6 رکنی گروہ گرفتار

    کراچی، موٹر سائیکل چوری کرنے والا بچوں کا 6 رکنی گروہ گرفتار

    کراچی: شہر قائد میں موٹر سائیکل چوری کرنے والے 6 رکنی گروہ کو پولیس نے گرفتار کرلیا۔

    تفصیلات کے مطابق ایس ایس پی عارف اسلم راؤ کا کہنا ہے کہ ملزمان نے درجنوں وارداتوں کا اعتراف کیا ہے، ملزمان کی نشاندہی پر 9 موٹر سائیکلیں برآمد کرلی گئی ہیں۔

    ایس ایس پی کے مطابق ملزمان کی عمریں 14 سے 18 سال کے درمیان ہیں، کم عمر ملزمان کا گروہ موٹر سائیکل چوری کرنے میں ماہر ہے۔

    نمائندہ اے آر وائی نیوز کے مطابق پکڑے جانے والے ملزمان کی شناخت عامر حیدر، سلیم الیاس، خیر اللہ کامران، خان ولی اور شہزاد کو سرسید پولیس نے گرفتار کیا تھا۔

    ایس ایس پی عارف اسلم راؤ کے مطابق ملزمان کے خلاف مقدمہ درج کرلیا گیا ہے جبکہ دو ملزمان عامر اور سلیم سے دو پستول برآمد کیے گئے ہیں۔

    مزید پڑھیں: کراچی : تین سال میں96سرکاری گاڑیاں چھینی اورچوری کی گئیں، اے سی ایل سی

    دوسری جانب رینجرز نے مختلف علاقوں میں کارروائیاں کرتے ہوئے 12 ملزمان گرفتار کرلیے۔

    ترجمان رینجرز کے مطابق ملزمان سے غیرقانونی اسلحہ، گولیاں اور مسروقہ سامان برآمد کرلیا گیا ہے، ملزمان کو قانونی کارروائی کے لیے پولیس کے حوالے کردیا گیا ہے۔

    واضح رہے کہ گزشتہ ماہ ایس ایس پی ای سی ایل سی منیر شیخ نے ایک تقریب کا انعقاد کیا گیا جس میں برآمد کی گئی موٹر سائیکل اور گاڑیاں مالکان کے حوالے کی گئی تھیں۔

    منیر شیخ کے مطابق 20 گاڑیاں اور 50 موٹر سائیکلیں مالکان کے حوالے کی گئی تھیں جن کی مالیت لاکھوں روپے بتائی جاتی ہے۔

  • کراچی، گلستان جوہر میں بم دھماکے کا مقدمہ تھانہ سی ٹی ڈی میں درج

    کراچی، گلستان جوہر میں بم دھماکے کا مقدمہ تھانہ سی ٹی ڈی میں درج

    کراچی: شہر قائد کے علاقے میں گلستان جوہر میں ہونے والے بم دھماکے کا مقدمہ تھانہ سی ٹی ڈی میں درج کرلیا گیا۔

    تفصیلات کے مطابق کراچی کے علاقے گلستان جوہر میں میں گزشتہ رات ہونے والے بم دھماکے کا مقدمہ تھانہ سی ٹی ڈی میں درج کرلیا گیا، مقدمے میں انسداد دہشت گردی، اقدام قتل، دھماکا خیز مواد کی دفعات شامل کی گئی ہیں۔

    دھماکے کا مقدمہ شارع فیصل تھانے کے سب انسپکٹر جاوید اختر کی مدعیت میں درج کیا گیا، مقدمے کے متن کے مطابق 12 بجکر 10 منٹ پر مددگار 15 پر شہری نے دھماکی اطلاع دی، جائے دھماکا سے پلاسٹک کے ٹکڑے، بارودی مواد کے شواہد ملے، دھماکا آئی ای ڈی کے ذریعے کیا گیا، 300 گرام بارودی مواد استعمال ہوا۔

    دوسری جانب آئی جی سندھ سید کلیم امام نے کہا ہے کہ گلستان جوہر میں دھماکا بم کا تھا، تحقیقات کررہے ہیں، دھماکے کا مقصد کیا تھا، سہولت کاروں سے متعلق بھی تحقیقات جاری ہیں۔

    آئی جی سندھ نے کہا کہ دھماکے کے حوالے سے کچھ لیڈ ملی ہیں اس پر کام ہورہا ہے، کراچی بڑا شہر ہے بہت سے گروپ کام کررہے ہوتے ہیں، کراچی پولیس ودیگر اداروں نے بہت سے لوگ پکڑے ہیں۔

    سید کلیم امام نے کہا کہ بہت سی ایسے وارداتیں ناکام بھی بنائی ہیں، یہ بھی ہوسکتا ہے علاقے میں خوف و ہراس پھیلانے کا مقصد ہو، کچھ اور گروپ ہیں جو چاہتے ہیں کراچی میں امن خراب ہو۔

    آئی جی سندھ کے مطابق چینی قونصلیٹ حملے سے متعلق خاصی لیڈ ملی ہیں، کافی لوگ پکڑے گئے، پشت پناہی کرنے والوں کا بھی پتہ چل گیا ہے۔

    واضح رہے کہ گزشتہ روز ایم کیو ایم پاکستان کے زیر اہتمام گلستان جوہر پرفیوم چوک پر کی جانے والی محفل میلاد کی تقریب میں دھماکا ہوا تھا جس کے تنیجے میں 8 افراد زخمی ہوگئے تھے۔