ARYNews.tv | Urdu – Har Lamha Bakhabar

Tag: مقدمہ درج

  • گلوکار سلمان احمد کے خلاف پیکا ایکٹ کے تحت مقدمہ درج

    گلوکار سلمان احمد کے خلاف پیکا ایکٹ کے تحت مقدمہ درج

    لاہور: گلوکار سلمان احمد کے خلاف پیکا ایکٹ کے تحت مقدمہ درج کرلیا گیا، پولیس کی مدعیت میں مقدمے کا اندراج عمل میں آیا۔

    تفصیلات کے مطابق سوشل میڈیا پر قومی سلامتی کے اداروں اور ریاست کے خلاف پروپیگنڈا کرنے پر گلوکار سلمان احمد کے خلاف ایکشن لیا گیا ہے، پولیس نے بتایا کہ مقدمہ پولیس کی مدعیت میں ڈیفنس اے میں درج کیا گیا ہے۔

    مقدمے کے متن میں کہا گیا ہے کہ سلمان احمد نے قومی اداروں کیخلاف سوشل میڈیا پر پروپیگنڈا کیا، ملزم نے نفرت انگیز پوسٹ وائرل کی۔

    گلوکار سلمان احمد کے لاپتا بہنوئی بازیاب

    پولیس کی جانب سے درج کیے گئے مقدمے کے متن میں مزید بتایا گیا کہ سلمان احمد کی پوسٹ ڈیوٹی پر تعینات پولیس آفیسر نے بذات خود دیکھی۔

    خیال رہے کہ گزشتہ سال پاکستان تحریک انصاف (پی ٹی آئی) نے بانی کے خاندان پر تنقید پر گلوکار سلمان احمد کی پارٹی کی بنیادی رکنیت ختم کردی تھی۔

    چیئرمین پی ٹی آئی بیرسٹر گوہر نے گلوکار سلمان احمد کی بنیادی رکنیت ختم کرنے کا نوٹیفکیشن بھی جاری کردیا تھا، نوٹس میں کہا گیا تھا کہ سلمان احمد سوشل میڈیا بیانات سے پارٹی قیادت اور ورکرز میں نفاق پیدا کرتے رہے۔

    https://urdu.arynews.tv/pti-terminates-singer-salman-ahmeds-party-membership/

  • یوٹیوبر رجب بٹ کے خلاف ایک اور مقدمہ درج

    یوٹیوبر رجب بٹ کے خلاف ایک اور مقدمہ درج

    لاہور : معروف یوٹیوبر رجب بٹ کیخلاف پیکا ایکٹ کے تحت ایک اور مقدمہ درج کرلیا گیا، ایف آئی آر میں نیا پرفیوم متعارف کرانے کا بھی ذکر کیا گیا ہے۔

    اے آر وائی نیوز کی رپورٹ کے مطابق لاہور پولیس نے یوٹیوبر رجب بٹ کیخلاف مقدمے میں پیکا ایکٹ کی دفعات شامل کی ہیں۔

    مذکورہ مقدمہ تھانہ نشترکالونی میں درج کیا گیا، ایف آئی آر میں جذبات مجروح کرنے کی دفعات شامل ہیں۔

    اس کے علاوہ مقدمےمیں رجب بٹ کی جانب سے نیا پرفیوم متعارف کرانے کا بھی ذکر کیا گیا ہے، جس پر مختلف حلقوں کی جانب سے شدید ردعمل سامنے آیا تھا۔

    پولیس کے مطابق ملزم کیخلاف قانون کے مطابق کارروائی عمل میں لائی جائے گی، مقدمہ کے اندراج کے بعد مزید تحقیقات شروع کردی گئی ہیں۔

    یاد رہے کہ اس سے پہلے بھی یوٹیوبر اپنے متنازع بیانات اور سوشل میڈیا مواد کی وجہ سے خبروں کا حصہ رہے ہیں اور ان کے خلاف متعدد مقدمات بھی درج کیے جاچکے ہیں۔

    مزید پڑھیں : رجب بٹ غیر قانونی اسلحہ اور شیر کا بچہ رکھنے کے الزام میں گرفتار،

    گزشتہ سال دسمبر میں لاہور پولیس نے لائسنس کے بغیر شیر کا بچہ اور اسلحہ رکھنے پر رجب بٹ کو گرفتار کیا تھا جسے بعد ازاں ضمانت پر رہا کردیا گیا تھا۔

    محکمہ وائلڈ لائف کے ہمراہ پولیس نے ان کے گھر پر چھاپہ مارا تھا، ذرائع کا یہ بھی کہنا تھا کہ رجب بٹ سے غیر قانونی کلاشنکوف بھی برآمد ہوئی تھی۔

  • اونچی آواز میں اذان دینے پر امام کے خلاف مقدمہ درج

    اونچی آواز میں اذان دینے پر امام کے خلاف مقدمہ درج

    بھارت میں رمضان المبارک کے مقدس ماہ کے دوران بھی مسلمان مودی کی انتہاء پسند حکومت کے ظلم کا شکار ہیں، اتر پردیش میں ایک مسجد میں اونچی آواز میں اذان دینے پر پولیس نے امام کے خلاف مقدمہ درج کر لیا ہے اور مسجد کے لاؤڈ اسپیکر کو بھی ضبط کرلیا گیا ہے۔

    بھارتی میڈیا رپورٹس کے مطابق سنبھل انتظامیہ نے کئی مقامات پر مساجد سے لاؤڈ اسپیکر ہٹانے کے احکامات جاری کئے تھے اور خلاف ورزی پر سخت کارروائی کا انتباہ جاری کیا تھا۔

    پولیس کا اس حوالے سے کہنا ہے کہ ہفتے کے روز چندوسی کے پنجابیان محلے میں واقع ایک مسجد سے معیاری حد سے زیادہ بلند آواز میں اذان دی گئی۔

    جس کی شکایت موصول ہونے پر مسجد کے امام حافظ شکیل شمسی کے خلاف بھارتی قوانین کے تحت مقدمہ درج کیا گیا۔ پولیس نے مسجد سے لاؤڈ اسپیکر ضبط کرکے مزید قانونی کارروائی کا آغاز کردیا ہے۔

    دوسری جانب بھارت میں مسجدوں سے لاؤڈ اسپیکر ہٹائے جانے کے بعد مؤذنوں نے بہترین اقدام کیا اور لوگوں کو سحری میں اٹھانے کے لیے نیا طریقہ اختیار کیا۔

    اترپردیش کے شہر سنبھل میں شاہی جامع مسجد کے حوالے سے تنازع پیش آیا تھا، ریاست میں مذہبی مقامات پر لگے لاؤڈ اسپیکر کے خلاف مہم چلائی جا رہی ہے اور سنبھل میں بھی لاؤڈ اسپیکر ہٹانے کی حکومتی مہم پر عمل ہو رہا ہے جس کی وجہ سے بیشتر مسجدوں سے لاؤڈاسپیکر ہٹادیے گئے ہیں۔

    شہر میں بہت سی مساجد میں انتظامیہ نے خود ہی لاؤڈاسپیکر ہٹا دیے، ماہ صیام میں سحری اور افطار کے وقت کا اعلان کرنے کے لیے امام اور مؤذنوں نے نیا طریقہ اختیار کیا ہے۔

    اذان دیننے اور سحری و افطار کا وقت لوگوں کو بتانے کے لیے مساجد کی چھتوں سے امام، مؤذن یا دیگر کسی ذمہ دار شخص کیا جانب سے اعلان کیا جارہا ہے۔

    کویت میں 42 ہزار شہریوں کی شہریت منسوخ

    سحر کے وقت روزہ رکھنے والے اس اعلان سے بیدار ہو رہے ہیں، اس کے علاوہ کئی ذمہ دار مسلم علاقوں میں جا کر ڈھول یا دیگر چیزوں کے ذریعے مسلمانوں کو سحری کے لیے بیدار کر رہے ہیں۔

  • ٹرک کی ٹکر سے 4 سالہ بچی کے جاں بحق ہونے کا مقدمہ درج

    ٹرک کی ٹکر سے 4 سالہ بچی کے جاں بحق ہونے کا مقدمہ درج

    کراچی کے علاقے کورنگی مہران ٹاؤن میں ٹرک کی ٹکر سے 4 سالہ بچی کے جاں بحق ہونے کا مقدمہ درج کرلیا گیا۔

    اے آر وائی نیوز کے مطابق مقتولہ بچی کے والد مختار احمد کی مدعیت میں کورنگی انڈسٹریل ایریا تھانے میں مقدمہ درج کیا گیا۔

    متن کے مطابق کراچی کے علاقے کورنگی مہران ٹاؤن میں ڈرائیور گلی میں کچرا پھینکنے آیا، منع کرنے پر ٹرک ڈرائیورکچراپھینک کر بھاگنے لگا، ڈرائیور نے جلدی میں گاڑی چلاتے ہوئے بچی رخسانہ کو کچلتے ہوئے فرار ہوگیا۔

    پولیس حکام کا کہنا ہے کہ ٹرک ڈرائیور ذاکر اللہ کوگرفتارکرلیا، ٹرک بھی تحویل میں لے لیا ہے، ڈرائیور اور ٹرک انویسٹی گیشن پولیس کے حوالے کر دیا گیا ہے۔

    راولپنڈی : ٹرک اور کار میں خوفناک تصادم، 4 افراد جاں بحق

    واضح رہے کہ اس سے قبل گزشتہ ماہ فروری میں سپر ہائی پر دو ٹرک اور کار میں ہونے والے خوفناک تصادم کے نتیجے میں ایک شخص جاں بحق اور دو افراد زخمی ہوگئے تھے۔

    حادثہ حیدرآباد سے کراچی آتے ہوئے کاٹھوڑ پل کے قریب تیز رفتاری کے باعث پیش آیا۔

  • بھارتی کامیڈین منور فاروقی کیخلاف مقدمہ درج، وجہ بھی سامنے آگئی

    بھارتی کامیڈین منور فاروقی کیخلاف مقدمہ درج، وجہ بھی سامنے آگئی

    بھارتی کامیڈین منور فاروقی بھی مشکل میں آگئے، بھارتی سپریم کورٹ کے وکیل نے مزاحیہ اداکار پر ’مذہب کی توہین‘ کا مقدمہ دائر کر دیا۔

    بگ باس 17 کے فاتح اور بھارتی کامیڈین منور فاروقی پر ایک اور مقدمہ درج دائر کردیا گیا ہے، منور کے شو ’ہفتی وصولی‘ میں مذہبی جذبات کو ٹھیس پہنچانے کے الزام میں قانونی مشکلات کا شکار ہو گئے ہیں۔

    بھارتی میڈیا کے مطابق ایڈوکیٹ امیتا سچدیوا کی شکایت پر مقدمہ درج کیا گیا ہے، شکایت میں موقف اختیار کیا گیا کہ شو مختلف مذاہب کی توہین کرتا ہے۔

     

    View this post on Instagram

     

    A post shared by Munawar Faruqui (@munawar.faruqui)

    شکایت میں یہ بھی الزام لگایا گیا کہ شو ثقافتی اقدار کی خلاف ورزی کرتا ہے اور نوجوانوں پر منفی اثرات مرتب کرتا ہے، وکیل نے آئی ٹی ایکٹ اور دیگر متعلقہ قوانین کے تحت ایف آئی آر کی درخواست کی ہے۔

    دوسری جانب ہندو جنجاگرتی سمیتی تنظیم نے بھی اعتراضات اٹھاتے ہوئے اس شو پر فوری پابندی عائد کرنے کا مطالبہ کیا ہے، جس کا آغاز 14 فروری کو ہوا تھا۔

    تنظیم نے اپنے بیان میں کہا کہ جیو ہاٹ اسٹار پر نشر ہونے والے شو پر فوری پابندی کا مطالبہ کرتے ہیں، منور فاروقی اس شو میں نامناسب زبان استعمال کرتے ہیں جو کہ عوام کے لیے ناقابل قبول ہے، اسٹریمنگ پلیٹ فارمز کو ذمہ داری سے کام کرنا چاہیے۔

    سمے رائنا کے بعد ایک اور کامیڈین نے یوٹیوب چینل سے تمام ویڈیوز ڈیلیٹ کردیں

    واضح رہے کہ بھارت میں اس سے قبل کامیڈین سمے رائنا، پوڈ کاسٹر رنویر الہ آبادیہ کے خلاف بھی انڈیاز گوٹ لیٹنٹ پر نامناسب تبصرہ کرنے پر قانونی کارروائی کا سامنا کرنا پڑا ہے۔

  • شارع فیصل پر مظاہرین کے پولیس پر حملے کے واقعہ میں اہم پیش رفت

    شارع فیصل پر مظاہرین کے پولیس پر حملے کے واقعہ میں اہم پیش رفت

    کراچی : شارع فیصل پر قوم پرست جماعت کی جانب سے پولیس پر حملے کے واقعے کے بعد اہم پیشرفت سامنے آئی ہے۔

    اے آر وائی نیوز کراچی کے نمائندے عدنان راجپوت کی رپورٹ کے مطابق شارع فیصل پر پولیس پر حملے کا مقدمہ سرکار کی مدعیت میں تھانہ صدر میں درج کر لیا گیا ہے۔

    اس حوالے سے پولیس حکام کا کہنا ہے کہ مقدمے میں نامزد ملزمان پر پولیس پر حملہ اور دہشت گردی سمیت دیگر سنگین دفعات عائد کی گئی ہیں۔

    ایف آئی آر کے متن میں کہا گیا ہے کہ قوم پرست جماعت کی احتجاجی ریلی میں موجود 400 سے 500 افراد نے ڈنڈوں، لاٹھیوں اور پتھروں سے لیس ہوکر پولیس پر حملہ کیا۔

    ایف آئی آر کے مطابق حملے سے ڈی ایس پی پریڈی، ایس ایچ او صدر سمیت7پولیس افسران و اہلکار زخمی ہوئے حملہ آوروں نے ایس ایس پی ساؤتھ کے اسکواڈ اور ایس ایچ او آرام باغ کی موبائل کے شیشے توڑ دیے۔

    متن میں مزید کہا گیا ہے کہ ریلی کی قیادت کرنے والے اسلم خیرپوری، نیاز کالانی، اسماعیل و دیگر کے اکسانے پر لوگوں نے پولیس پر حملہ کیا۔

    اس کے علاوہ اکسانے والوں میں عبدالستار، عبدالفتح بگھیو، اسد سندھیار، وحید سندھی، ساجن کمار، سرمد میرانی اور خادم چانڈیو شامل ہیں۔

    واضح رہے کہ دریائے سندھ سے نہریں نکالنے کے خلاف سندھ کی قوم پرست جماعت کی جانب سے کراچی میں ریلی کا اہتمام کیا گیا تھا۔

    اس موقع پر شارع فیصل پر ہنگامہ آرائی کی گئی، ایف ٹی سی کے مقام پر آگے جانے سے روکے جانے پر پولیس اور مظاہرین میں تصادم ہوگیا، مشتعل افراد نے اہلکاروں پر ڈنڈوں سے حملہ کردیا۔

    اس موقع پر شارع فیصل پر کئی گھنٹے تک ٹریفک جام رہا، گاڑیون کی مبی قطاریں لگ گئیں، ریلی جوہرموڑ سے مذکورہ مقام پر پہنچ کر کراچی پریس کلب پر اختتام پذیر ہوئی۔

  • آفاق احمد کے خلاف دہشت گردی ایکٹ کے تحت مقدمہ درج

    آفاق احمد کے خلاف دہشت گردی ایکٹ کے تحت مقدمہ درج

    کراچی : مہاجر قومی موومنٹ کے چیئرمین آفاق احمد اور دیگر نامعلوم افراد کے خلاف مقدمہ درج کرلیا گیا، انسداد دہشت گردی کی دفعات بھی شامل کی گئی ہیں۔

    اے آر وائی نیوز کی رپورٹ کے مطابق چیئرمین مہاجر قومی موومنٹ اور دیگر کے خلاف کورنگی میں ٹرک جلانے کا مقدمہ انسداد دہشت گردی کی دفعات کے تحت عوامی کالونی تھانے میں درج کرلیا گیا۔

    مذکورہ مقدمہ ٹرک ڈائیور فرید خان کی مدعیت میں درج کیا گیا ہے، ایف آئی آر کے متن کے مطابق ٹرک کو آفاق احمد کے حکم پر آگ لگائی گئی۔

    آفاق احمد نے بھاری ٹریفک کو شہر میں داخل ہونے سےمنع کر رکھا تھا، مدعی کے مطابق اس کا ٹرک جلانے کی وجہ ان کا دھمکی آمیز ویڈیو بیان ہے۔

    ایف آئی آر میں مزید کہا گیا ہے کہ آفاق احمد کی بیان بازی سے شہرکا پر امن ماحول خراب ہوا، ایف آئی آر میں پندرہ سے بیس نامعلوم افراد کو بھی نامزد کیا گیا ہے۔

    چیئرمین مہاجرقومی موومنٹ کو گرفتاری کے بعد فیروزآباد تھانے منتقل کردیا گیا تھا ان کے وکیل ماہر قانون بیرسٹر حسن خان نے فیروزآباد تھانے کے باہر میڈیا سے گفتگو کی۔

    بیرسٹرحسن نے کہا کہ ہماری ایم کیو ایم کے چیئرمین  سے ملاقات ہوئی ہے ایم کیوایم حقیقی کی قیادت نے مجھے قانونی مشاورت کیلئے بلایا تھا۔

    انہوں نے کہا کہ میں یہاں قانونی ایڈوائزر کے طور پر آیا ہوں، آفاق احمد نےکارکنان کو پرامن رہنے کاپیغام دیا ہے، بیرسٹر حسن خان نے کہا کہ آفاق احمد پر جو ایف آئی آر کی گئی ہے وہ تمام الزامات غلط ہیں۔

    مزید پڑھیں : چیئرمین مہاجر قومی موومنٹ آفاق احمد کو گرفتار کرلیا گیا

    واضح رہے کہ چند گھنٹے قبل مہاجر قومی موومنٹ کے چیئرمین آفاق احمد کو جلاؤ گھیراؤ کے کیس میں پولیس نے گرفتار کیا تھا۔

    گرفتاری کی وجوہات بیان کرتے ہوئے پولیس حکام کا کہنا تھا کہ آفاق احمد کے کہنے پر کراچی میں مال بردار گاڑیاں جلائی گئیں اور اس کا مقدمہ درج کیا گیا تھا۔

    پولیس کے مطابق آفاق احمد کے خلاف جلاؤ گھیراؤ کی دفعات کے تحت مقدمہ درج کیا گیا ہے۔ ذرائع کا بتانا ہے کہ آفاق احمد کو ان کے گھر ڈیفنس سے گرفتار کیا گیا اور فوری طور پر کورنگی تھانے منتقل کیا گیا تھا۔

  • امریکی صدر ڈونلڈ ٹرمپ کیخلاف مقدمہ درج

    امریکی صدر ڈونلڈ ٹرمپ کیخلاف مقدمہ درج

    امریکا کے صدر ڈونلڈ ٹرمپ پر سرکاری ویب سائٹس سے صحت عامہ سے متعلق ڈیٹا ہٹانے پر مقدمہ درج کر لیا گیا ہے۔

    غیر ملکی میڈیا کے مطابق ڈاکٹرز فار امریکا (ڈی ایف اے) کی جانب سے پبلک سٹیزن لٹیگیشن گروپ نے امریکی صدر ڈونلڈ ٹرمپ کے خلاف مقدمہ دائر کیا ہے۔ یہ مقدمہ صدر کی جانب سے حال ہی میں سرکاری ویب سائٹس سے صحت عامہ سے متعلق ہیلتھ ڈیٹا ہٹانے پر قائم کیا گیا ہے۔

    اس مقدمہ میں ڈاکٹرز فار امریکا (ڈی ایف اے) کی جانب سے پبلک سٹیزن لٹیگیشن گروپ نے یہ مقدمہ دائر کیا ہے جس میں آفس آف پرسنل مینجمنٹ، سینٹرز فار ڈیزیز کنٹرول اینڈ پریوینشن، فوڈ اینڈ ڈرگ ایڈمنسٹریشن اور محکمہ صحت اور ہیومن سروسز کو مدعا علیہ کے طور پر نامزد کیا گیا ہے۔

    ڈی ایف اے اور پی سی ایل جی نے واشنگٹن میں امریکی ڈسٹرکٹ کورٹ میں دائر کیے گئے مقدمے میں کہا ہے کہ ہیلتھ ویب پیجز اور ڈیٹا کو ہٹانے سے بیماری کے پھیلنے کی نگرانی اور اس کا موثر اقدام کرنے کے لیے دستیاب سائنسی ڈیٹا میں خطرناک خلا پیدا ہوگیا ہے۔

    مدعی کا موقف ہے کہ اس اقدام سے ڈاکٹروں کو ایسے وسائل سے محروم کر دیا گیا ہے جو کلینیکل پریکٹس کی رہنمائی کرتے ہیں اور مریضوں کے ساتھ بات چیت اور مشغول ہونے کے کلیدی وسائل کی حیثیت رکھتے ہیں۔

    واضح رہے کہ ڈونلڈ ٹرمپ کے گزشتہ ماہ صدر امریکا کا دوسری بار حلف اٹھانے کے بعد کئی احکامات پر مختلف حلقوں کی جانب سے تشویش کا اظہار کیا جا رہا ہے اور ان فیصلوں کے خلاف عدالتوں سے رجوع کرنے کے اعلانات بھی سامنے آ رہے ہیں۔

    اس سے قبل پہلی صدارتی مدت کے دوران بھی ٹرمپ کر مختلف نوعیت کے مقدمات درج کیے گئے تھے۔

  • سانگھڑ میں 3 افراد کے قتل کا مقدمہ درج، اہم شخصیت کا نام شامل نہیں

    سانگھڑ میں 3 افراد کے قتل کا مقدمہ درج، اہم شخصیت کا نام شامل نہیں

    سانگھڑ : گوٹھ جانی جونیجو میں تین افراد کے قتل کا مقدمہ درج کرلیا گیا، جس میں اہم شخصیت کا نام شامل نہیں کیا گیا۔

    تفصیلات کے مطابق سانگھڑ کے نواحی علاقے گوٹھ جانی جونیجو میں تین افراد کےقتل کے خلاف چار روز سے جاری احتجاج ختم ہوگیا۔

    مقتول کے لواحقین اور پولیس کے درمیان مذاکرات کامیاب ہوگئے ہیں، قتل کا مقدمہ درج کرلیا گیا ، مقدمے میں دس نامزد اور انتیس نامعلوم افراد کو نامزد کیا گیا ہے تاہم ایف آئی آر میں اہم شخصیت کا نام شامل نہیں کیا گیا۔

    مقدمہ درج ہونے کے بعدغیر جانبدارانہ تحقیقات پر اتفاق ہوا، ایف آئی آر درج ہونے کے بعد مظاہرین نے چار روز سے جاری دھرنا ختم کر دیا۔

    پولیس حکام کا کہنا ہے کہ مقدمہ فدا حسین جونیجو کی مدعیت میں درج کیا گیا اور واقعے میں ملوث نو ملزمان کو گرفتارکرلیا ہے۔

    پولیس کے مطابق دھرنے میں رکھی تینوں لاشیں تدفین کے لیے گاؤں جانی جونیجو روانہ کر دی گئیں، جہاں مقتولین کی نماز جنازہ ادا کرکے تدفین کر دی گئی ہے۔

    دوسری جانب علاقے میں امن و امان برقرار رکھنے کیلئے پولیس کی بھاری نفری متاثرہ علاقے میں تعینات کردی گئی ہے۔

  • مرغیاں اور 30 چوزے چوری، مقدمہ درج

    مرغیاں اور 30 چوزے چوری، مقدمہ درج

    پنجاب میں پھول نگر کے علاقے سرائے مغل میں نامعلوم چور مرغیاں اور چوزے چوری کر کے فرار ہوگیا پولیس نے مقدمہ درج کر لیا۔

    اے آر وائی نیوز کے مطابق سرائے مغل تھانہ پولیس کی حدود میں مرغیاں اور چوزے چوری کرنے کا انوکھا واقعہ پیش آیا۔ پولیس نے شہری کی درخواست پر نامعلوم شخص کے خلاف مقدمہ درخواست پر مقدمہ درج کر لیا ہے۔

    ایف آئی آر کے متن میں کہا گیا ہے کہ نامعلوم چور 10 مرغیاں اور 30 چوزے چوری کر کے فرار ہوگیا، جن کی مالیت 80 ہزار روپے ہے۔

    پولیس نے مقدمہ درج کرنے کے بعد کارروائی کا آغاز کرتے ہوئے ملزم کی تلاش شروع کر دی ہے۔

    واضح رہے کہ چند روز قبل پنجاب کے شہر گجرات میں گھر سے شیمپو کی بوتل چوری ہونے پر پڑوسی نے مقدمہ درج کروا دیا تھا۔

    تھانہ رحمانیہ میں 500 روپے کی شیمپو کی بوتل چوری ہونے کا مقدمہ درج کیا گیا۔ ایس ایچ او نے بتایا کہ توقیر نے 15 پر کال کی تھی اس لیے مجبوراً مقدمہ درج کرنا پڑا۔

    https://urdu.arynews.tv/gujrat-shampoo-25-01-2025/