Tag: مقدمہ درج

  • پنجاب پولیس کی پھرتیاں، لڑکی کو چھیڑنے پر 6سالہ بچے پر مقدمہ درج

    پنجاب پولیس کی پھرتیاں، لڑکی کو چھیڑنے پر 6سالہ بچے پر مقدمہ درج

    لاہور: پنجاب پولیس کی پھرتیاں اپنے عرج پر پہنچ گئیں،6سالہ بچے کے خلاف مقدمہ درج کردیا گیا اور چالان بھی عدالت میں پیش کردیا گیا۔ عدالت نے بچے کے خلاف مقدمہ ختم کرنے کا حکم دیدیا ہے۔

    تفصیلات کے مطابق لاہور پولیس نے چھ سالہ بچے کیخلاف لڑکی کو چھیڑنے کا مقدمہ درج کرلیا تھا جس کے بعدآج  چھ سالہ بچہ حسین اپنی ماں کے ساتھ ضمانت کیلئے عدالت پہنچ گیا۔

    پنجاب پولیس کا ایک اور کارنامہ سامنے آیا جس میں کسی نوجوان یا دل پھینک بوڑھے پر نہیں بلکہ چھ سالہ بچے پر لڑکی کو چھیڑنے کے الزام میں مقدمہ درج کردیا گیا ہے۔ پنجاب پولیس نے لاہور کے علاقے شالیمار میں چھ سالہ بچے کو لڑکی کو چھیڑنے کے الزام میں گرفتارکر کے مقدمہ درج کرلیا۔

    چھ سالہ حسین اپنی والدہ کے ہمراہ ضمانت کیلئے آج صبح عدالت پہنچ گیا۔ عدالت نے فوری طور پر بچے کے خلاف مذکورہ مقدمہ ختم کرنے کا حکم دیدیا ہے۔

    واقعے کی اطلاع ملتے ہی ڈی آئی جی آپریشنز نے واقعہ کا نوٹس لےلیا۔ ڈی جی آپریشنز کا کہنا تھا کہ واقعے کی مکمل انکوائری کی جائے گی اور ملوث پولیس افسران کے خلاف محکمانہ قانونی کارروائی بھی ہوگی۔

  • خیرپورحادثے کا مقدمہ نیشنل ہائی وے اتھارٹی کیخلاف درج

    خیرپورحادثے کا مقدمہ نیشنل ہائی وے اتھارٹی کیخلاف درج

    خیر پور: مسافر بس حادثےکامقدمہ نیشنل ہائی وے اتھارٹی کے خلاف درج کرلیا گیا،ملزمان کی گرفتاری کیلئے ٹیم تشکیل دے دی گئی، خیرپورٹریفک حادثے نے جہاں پورے ملک کو سوگوارکردیا وہیں ایک اچھی پیش رفت یہ بھی ہوئی کہ افسوس ناک سانحہ کے بعد ملکی تاریخ میں پہلی بار روڈ حادثےکامقدمہ درج ہواہے۔

    خیر پورسانحےکامقدمہ سی سیکشن تھانہ کےایس ایچ اوعامر جان پٹھان کی مدعیت میں نیشنل ہائی وےاتھارٹی کیخلاف درج کر لیا گیا ہے،مقدمہ دھوکا دہی اور دوسروں کونقصان پہنچانے کی دفعات تین سو سینتیس اورچارسوستائیس کے تحت درج کیاگیاہے۔،

    اے ایس پی مسعودبنگش کے مطابق این ایچ اےافسران اورانجینئرزکی گرفتاری کےلئے ٹیم تشکیل دے دی گئی ہے جوذمہ داروں کوچوبیس گھنٹے میں گرفتارکرلے گی ۔

    واضح رہے کہ منگل کی صبح سوات سے کراچی جانے والی بس کو خیر پور میں ٹھڑی بائی پاس کے قریب حادثہ پیش آیا تھا،جس میں باسٹھ افراد جاں بحق ہوئے تھے۔ جبکہ زخمیوں میں سےبعض کی حالت تشویشناک ہے۔

  • سانحہ واہگہ بارڈرکا مقدمہ تھانہ باٹا پورمیں درج

    سانحہ واہگہ بارڈرکا مقدمہ تھانہ باٹا پورمیں درج

    لاہور: سانحہ واہگہ بارڈرکا مقدمہ تھانہ باٹا پورمیں درج کرلیا گیا ہے، خودکش حملے کی ابتدائی تحقیقات کے مطابق دھماکے کیلئے پچیس سے تیس کلوگرام بارود استعمال کیا گیا۔

    لاہور میں سانحہ واہگہ بارڈر کا مقدمہ تھانہ باٹا پور میں درج کرلیا گیا ہے، مقدمہ رینجرز کی مدعیت میں نامعلوم افراد کے خلاف درج کیا گیا ہے، مقدمے میں دہشت گردی، قتل اور اقدام قتل کی دفعات شامل ہیں۔

    واہگہ بارڈر خودکش حملے کی ابتدائی تحقیقات کے مطابق دھماکے کیلئے پچیس سے تیس کلوگرام بارود استعمال کیا گیا، پولیس کو خودکش حملہ آور کا سر اور جسم کے دیگر اعضاء مل گئے ہیں، جس سے لگتا ہے کہ حملہ آور کی عمر بیس سال کے لگ بھگ ہے۔

    خودکش حملہ آور کے جسم کے نمونے ڈی این اے کیلئے لیبارٹری بھجوا دیئے گئے ہیں۔

    ذرائع کے مطابق حساس ادارے نے جمعرات کو واہگہ میں ممکنہ دہشت گردی کے خطرے کا اظہار کر دیا تھا، رپورٹ تمام ایجنسیوں اور وزارتِ داخلہ کو بھجوادی گئی تھی۔

    بی ڈی ایس اور قانون نافذ کرنے والے اداروں نے شواہد جمع کرکے تحقیقات کا آغاز کردیا ہے۔

  • نبیہا چودھری کیس: نامعلوم افراد کیخلاف قتل کا مقدمہ درج

    نبیہا چودھری کیس: نامعلوم افراد کیخلاف قتل کا مقدمہ درج

    لاہور: غالب مارکیٹ میں پراسرارہلاکت کامعمہ حل نہ ہو سکا،پولیس نےنامعلوم افرادکیخلاف مقدمہ درج کرکے پوسٹ مارٹم کروا دیا ہے۔کراچی کی رہائشی نبیہا چودھری آڈٹ اینڈ اکاؤنٹس ٹریننگ انسی ٹیوٹ لاہور کے ہاسٹل میں پراسرار طور پر جھلس کر جاں بحق ہو گئی تھیں،

    پولیس اس واقعہ کو خودکشی قرار دیتی رہی اور جائے وقوعہ سے تمام شواہد بھی اکٹھے کئے تھے تاہم کوئی حتمی فیصلہ نہیں کر سکی، پولیس نے ہاسٹل ڈائریکٹر کی مدعیت میں نامعلوم افراد کے خلاف قتل کا مقدمہ درج کرلیا ہے۔

    تاہم خودکشی اور اتفاقی حادثہ کے پہلوؤں پر بھی تفتیش جاری ہے، پولیس نے مقتولہ کا پوسٹ مارٹم کروا دیا ہے اورلاش جمعہ کی صبح نجی ائیرلائین کے ذریعے کراچی روانہ کی جائے گی۔

  • وزیرِاعظم نوازشریف سمیت11افراد کیخلاف مقدمہ درج

    وزیرِاعظم نوازشریف سمیت11افراد کیخلاف مقدمہ درج

    اسلام آباد: وزیرِاعظم نوازشریف سمیت گیارہ افراد کےخلاف تھانہ سیکریٹریٹ میں مقدمہ درج کرلیا گیا ہے، مقدمےکےاندراج کا حکم اسلام آباد کے ایڈیشنل سیشن جج نے دیا تھا۔

          اکتیس اگست کی رات پولیس کی جانب سے پی ٹی آئی کارکنان پر لاٹھی چارج اور آنسو گیس کی بلااشتعال شیلنگ کے الزام پر وزیرِاعظم نوازشریف سمیت گیارہ افراد کے خلاف تھانہ سیکریٹریٹ میں مقدمہ درج کرلیا گیا ہے۔

    مقدمہ انسداد دہشتگردی کی دفعات کے تحت درج کیا گیا ہے، مقدمے میں وزیرِداخلہ چوہدری نثار، وزیرِاعلی پنجاب شہبازشریف، وزیرِریلوے خواجہ سعد رفیق اور خواجہ آصف بھی شامل ہیں۔

    مقدمے کے اندراج کا حکم دو روز پہلے اسلام آباد کے ایڈیشنل سیشن جج نے دیا تھا۔

  • پولیس حراست سے ملزمان کو چھڑانے کا الزام ،عمران خان کیخلاف مقدمہ درج

    پولیس حراست سے ملزمان کو چھڑانے کا الزام ،عمران خان کیخلاف مقدمہ درج

    اسلام آباد: پاکستان تحریک انصاف کے سربراہ عمران خان کے خلاف پولیس حراست سے ملزمان کو چھڑانے کے الزام میں مقدمہ درج کرلیا گیا۔

    تفصیلات کے مطابق چیئرمین تحریک انصاف عمران خان کے خلاف گزشتہ روز پی ٹی آئی کارکنان کو پولیس کی حراست سے چھڑوانے کے الزام میں تھانہ بنی گالہ میں مقدمہ درج کر لیا گیا ہے ۔

    مذکورہ مقدمے کے خلاف پی ٹی آئی کارکنان نے حکومت اور پنجاب پولیس کو شدید تنقید کا نشانہ بنایا اوراپنے کپتان پرمقدمہ درج ہونے کے بعد کارکنا ن میں غصے کی لہر دوڑ گئی ہے ۔

    اپنے مطالبات پر ڈٹے رہنے والے کارکنان وزیراعظم کا استعفیٰ لئے بغیر گھر جانے کو تیار نہیں ہیں ۔پی ٹی آئی کے کارکنان کا کہنا ہے نیا پاکستان بنا نے کیلئے ہر ظلم وستم کا ڈٹ کے سامنا کریں گے۔

  • سانحہ ماڈل ٹاؤن کا مقدمہ درج کرلیا گیا

    سانحہ ماڈل ٹاؤن کا مقدمہ درج کرلیا گیا

     لاہور: وزیراعلیٰ پنجاب شہباز شریف کی ہدایت کے بعد لاہور ہائیکورٹ کے احکامات کی روشنی میں سانحہ ماڈل ٹاؤن کا مقدمہ درج کرلیا گیا ہے۔

    وزیراعلیٰ پنجاب شہباز شریف کی ہدایت کے بعد سانحہ ماڈل ٹاؤن کا مقدمہ فیصل ٹاؤن تھانے میں درج کر لیا گیا ہے، ذرائع کے مطابق روزنامچہ ایک اعلیٰ افسر کے دفتر میں منگوا کر مقدمہ درج کیا گیا، مقدمہ کے اندراج کے وقت مسلم لیگ ن کے وکلاء اور تجربہ کار پولیس افسران بھی موجود تھے، مقدمہ درج کرنے کے بعد ایف آئی آر سیل کردی گئی ہے۔

    واضح رہے کہ سانحہ ماڈل ٹاؤن کے دوران سترہ افراد جاں بحق اور اسی سے زیادہ زخمی ہوئے تھے۔

    منہاج القرآن کی درخواست پر سیشن عدالت نے وزیراعظم اور وزیراعلیٰ پنجاب سیمت اکیس افراد کے خلاف مقدمہ درج کرنے کا حکم دیا تھا۔ سیشن عدالت کے فیصلے کے خلاف چار وفاقی وزراء نے لاہور ہائی کورٹ سے رجوع کیا تھا، لاہور ہائی کورٹ نے بھی سانحہ ماڈل ٹاؤن سے متعلق سیشن کورٹ کا مقدمہ درج کرنے کا فیصلہ برقرار ر کھا۔

    اس سے قبل خواجہ سعد رفیق نے میڈیا سے گفتگو کرتے ہوئے کہا کہ سانحہ ماڈل ٹاؤن کا مقدمہ وزیراعظم سمیت تمام نامزد اکیس افراد کے خلاف درج ہوگا، سانحہ ماڈل ٹاؤن کا مقدمہ متاثرہ فریق کی شکایات کے مطابق درج کرنے کا فیصلہ وزیراعظم کی زیرصدارت اجلاس میں کیا گیا۔

  • للہ انٹر چینج پر ہنگامہ آرائی، طاہر القادری سمیت2ہزار6سو افراد کیخلاف مقدمہ درج

    للہ انٹر چینج پر ہنگامہ آرائی، طاہر القادری سمیت2ہزار6سو افراد کیخلاف مقدمہ درج

    لاھور: للہ انٹرچینج پر ہنگامہ آرائی کرنے پر طاہر القادری سمیت دو ہزار چھ سو افراد کیخلاف مقدمہ درج کرلیا گیا، سربراہ عوامی تحریک ڈاکٹر طاہر القادری کیخلاف قتل اور اقدام قتل سمیت درج مقدمات کی تعداد پانچ ہوگئی۔

    حکومت نے للہ انٹر چینج پر ہنگامہ آرائی کے الزام میں عوامی تحریک کے سربراہ ڈاکٹر طاہر القادری سمیت انکے دو ہزار چھ سو افراد کیخلاف مقدمہ درج کرکے ہنگامہ آرائی میں ملوث تیرہ افراد کو حراست میں لے لیا ہے، مقدمے میں پی اے ٹی کے ایک سو اکیس کارکنان بھی نامزد کیے گئے ہیں، مقدمے میں درج تمام افراد کیخلاف دہشتگردی کی دفعات لگائی گئی ہیں۔

    طاہر القادری کیخلاف تعزیرات پاکستان کی دفعہ تین سو دو اور تین سو چوبیس کےتحت ایک مقدمہ لاہور کے تھانہ نصیرآباد میں کانسٹیبل اشرف کے والد کی مدعیت میں بھی درج ہے، اس مقدمہ کے اندراج کے بعد ان کے خلاف درج مقدمات کی تعداد پانچ ہوگئی، ان کیخلاف قتل،اقدام قتل، دہشتگردی ایکٹ اورپولیس مقابلےکی دفعات لگائی گئی ہیں۔

    اس سے پہلےدو مقدمات تھانہ فیصل ٹاؤن اور ایک داتا دربار پولیس اسٹیشن میں درج کئے گئے، ان مقدمات میں قتل اوراقدام قتل کی دفعات کے تحت تین مقدمات، چوتھا مقدمہ بغاوت اور عوام کو اکسانے جبکہ پانچواں مقدمہ دہشتگردی کی دفعات کے تحت درج کیا گیا ہے، طاہر القادری کیخلاف قتل، اقدام قتل سمیت درج مقدمات کی تعداد5ہوگئی ہے۔

  • کراچی:ایڈووکیٹ مبارک رضا کاظمی کی نماز جنازہ ادا، مقدمہ درج

    کراچی:ایڈووکیٹ مبارک رضا کاظمی کی نماز جنازہ ادا، مقدمہ درج

    کراچی :پولیس کے دعوووں کے باوجود کراچی میں فرقہ وارانہ ٹارگٹ کلنگ نہ رک سکی، گلشن اقبال میں معروف مذہبی اسکالر علامہ طالب جوہری کے داماد ایڈووکیٹ مبارک رضا کاظمی نمازجنازہ امام بارگاہ شہدائے کربلا میں ادا کی گئی، کراچی بار نے آج عدالتی بائیکاٹ کا اعلان کیا ہے۔

    دوسری جانب علامہ طالب جوہری کے داماد کے قتل کا مقدمہ تھانہ عزیز بھٹی تھانہ میں درج کردیا گیا ہے، مقدمہ نامعلوم افراد کیخلاف درج کیا گیا ہے،مقدمہ انسداد دہشت گردی قتل اقدام قتل کی دفعات کے تحت درج کیا گیا۔

    پولیس کے مطابق گلشن اقبال تیرہ ڈی میں ایڈووکیٹ مبارک رضا کاظمی کی گاڑی پر نامعلوم افراد نے فائرنگ کردی،  جس کے نیتجے میں ایڈووکیٹ مبارک علی کاظمی جاں بحق ہوگئے، پولیس کا کہنا ہے کہ قریب موجود اہلکاروں نے حملہ آوروں پر فائرنگ کی لیکن وہ فرار ہوگئے۔

    ایڈووکیٹ مبارک رضا کاظمی معروف مذہبی اسکالرعلامہ طالب جوہری کے داماد تھے،ان کی نمازجنازہ امام بارگاہ شہدائے کربلا میں ادا کی گئی،جس میں مذہبی و سیاسی شخصیات اور شہریوں نے شرکت کی، کراچی میں فرقہ واریت ٹارگٹ کلنگ کے واقعات میں گذشتہ چند روز میں شدت آئی ہے جبکہ کراچی پولیس کے اعلیٰ حکام ٹارگٹ کلنگ میں کمی لانے کے دعوے کر رہے ہیں۔

  • پشاور:فائرنگ سے3اہلکاروں کی شہادت کا مقدمہ درج، ابتدائی رپورٹ تیار

    پشاور:فائرنگ سے3اہلکاروں کی شہادت کا مقدمہ درج، ابتدائی رپورٹ تیار

    پشاور: پولیس نے فائرنگ سے شہید تین پولیس اہلکاروں کے واقعے کی ابتدائی رپورٹ تیار کرلی، ابتدائی رپورٹ کے مطابق  شہید تینوں پولیس اہلکار پوائنٹ چھوڑ کر بلٹ پروف جیکٹس پہنے بغیر افطاری پرگئے، الرٹ نہ ہونے کی وجہ سے جوابی کارروائی نہ کرسکے۔

    پشتخرہ میں جمعے کے روز پولیس ٹارگٹ کلنگ کی تحقیقات جاری ہے، ابتدائی رپورٹ کے مطابق اطلاع کے باوجود اہلکار پوائنٹ چھوڑ کر بلٹ پروف جیکٹس پہنے بغیرافطاری کیلئے چلے گئے الرٹ نہ ہونے کی وجہ سے پولیس اہلکار جوابی فائرنگ نہ کرسکے، جس کی وجہ سے حملہ آور علاقہ غیر فرار ہونے میں کامیاب ہوگئے۔

    رپورٹ کے مطابق چار حملہ آوروں نے افطاری سے بیس منٹ بعد پشتخرہ کے علاقے میں پولیس اہلکاروں پر سولہ سے زائد گولیاں برسائیں، جس میں تین پولیس اہلکار سمیت چار افراد اپنی جانوں سے ہاتھ دھوبیٹھے ۔

    دوسری جانب پولیس پر حملے کی ایف آئی آر نامعلوم افراد کے خلاف درج کر لی گئی، جس میں دہشت گردی کی مختلف دفعات شامل کی گئی ہیں۔