Tag: مقدمہ درج

پھل فروش کی جانب سے 100 روپے کے بجائے 120 روپے کلو امرود فروخت کرنے پر اس کے خلاف مقدمہ درج کرلیا گیا۔

کوٹ ادو میں سال کا پہلا مقدمہ پھل فروش کےخلاف درج کیا گیا، 100 روپے کے ریٹ مقرر ہونے کے باوجود 120 روپے کلو امرود فروخت کرنے پر حکام نے مقدمے کا انداراج کیا۔

اسسٹنٹ کمشنر کی مدعیت میں خوانچہ فروش کےخلاف مقدمہ درج کیا گیا، ایف آئی آر کے مطابق امرود کے سرکاری نرخ 100 روپے فی کلو ہیں۔

کراچی : گلشن معمار تھانے میں نئے سال کا پہلا مقدمہ درج

پھل فروش کے خلا کاٹی گئی ایف آئی آر کے متن میں مزید کہا گیا کہ خوانچہ فروش 120 روپے فی کلو میں امرود فروخت کررہا تھا۔

دریں اثنا کراچی کے علاقے گلشن معمار تھانے میں سال 2025 کا پہلا مقدمہ درج کیا گیا، ایف آئی آرمیں اقدام قتل، ہوائی فائرنگ کی دفعات شامل کی گئیں۔

شہر قائد میں سال نو کے موقع پر ہوائی فائرنگ کے واقعات پر گلشن معمار تھانے میں سال کا پہلا مقدمہ نمبر 1 بٹہ 2025 درج کیا گیا تھا۔

https://urdu.arynews.tv/pakistan-first-terrorism-case-registered-in-the-year-2025/

اسلام آباد : بنگلہ دیشی اہلکار کی جانب سے مقدمہ درج کرانے کے معاملے پر اہم انکشافات سامنے آگئے، علی خالد کے پاس اسلام آباد کی مستقل سکونت ہے۔

تفصیلات کے مطابق بنگلہ دیشی اہلکار کی جانب سے مقدمہ درج کرانے کے معاملے پر اہلکار کے حوالے سے اہم انکشافات سامنے آگئے۔

بنگلہ دیشی اہلکارکی جانب سے مقدمہ درج کرانے پاکستانی نکلا ، علی خالد کی پاکستانی شہریت کے دستاویزت سامنے آگئے۔

علی خالد کے پاس اسلام آباد کی مستقل سکونت ہے، اہلکار نے اپنے آپ کو بنگلہ دیش سفارت خانے کا اہم افسر بتایا اور مقدمہ میں اپنا شناختی کارڈ بھی غلط ظاہر کیا۔

پولیس حکام نے کہا ہے کہ مقدمہ عدالتی احکامات پر درج کیا گیا تاہم علی خالد نے عدالت میں بنگلہ دیش کا ذکر نہیں کیا، معاملے کے حوالے سے چھان بین کی جارہی ہے، علی خالد نے یکم دسمبر کو تھانہ کوہسار میں مقدمہ درج کرایا تھا۔

یاد رہے اسلام آباد میں متعین بنگلہ دیش کے اعلیٰ سفارتی اہلکار نے دھمکی آمیز خط موصول ہونے پر مقدمہ درج کرایا تھا۔

ایف آئی آر کے متن میں کہا گیا تھا کہ چند نا معلوم افراد مدعی مقدمہ کا پیچھا کر رہے ہیں اور نقل وحرکت پر نظر رکھے ہوئے ہیں جب کہ نامعلوم افراد نے میری تصاویر بھی کھینچی ہیں۔

ایف آئی آر کے مطابق یہ دھمکی آمیز خط کچھ دن قبل بنگلہ دیشی سفارت خانے کو موصول ہوا جس نے خوف اور پریشانی کا ماحول پیدا کر دیا ہے۔

کراچی : کراچی ایئر پورٹ دھماکے کا ایک اورمقدمہ درج کرلیا گیا، جس میں دھماکے کے ماسٹرمائنڈ اور کالعدم بلوچستان لبریشن آرمی کے اہم کمانڈر کو نامزد کیا گیا ہے۔

تفصیلات کے مطابق کراچی ایئر پورٹ دھماکے کا ایک اور مقدمہ درج کرلیا گیا ، ایئر پورٹ دھماکے کا دوسرا مقدمہ سی ٹی ڈی میں درج کیا گیا۔

مقدمہ ایس ایچ او ایئرپورٹ موسیٰ کلیم کی مدعیت میں درج کیا گیا، جس میں دھماکے کے ماسٹرمائنڈ اور کالعدم بلوچستان لبریشن آرمی کے اہم کمانڈر کو نامزد کیا گیا ہے۔

مقدمے میں قتل ،اقدام قتل، دھماکا خیزمواد، دہشت گردوں کی فنڈنگ کی دفعات شامل کی گئیں ہیں۔

مزید پڑھیں : کراچی ایئرپورٹ کے قریب چائنیز پر خودکش بم دھماکہ کیس میں اہم پیش رفت

یاد رہے کراچی ایئر پورٹ کے قریب خودکش حملہ کیس میں چشم دید گواہان نے گرفتار مرکزی ملزم جاوید عرف سمیر کوشناخت کرلیا تھا۔

واضح رہے دہشت گردی کا واقعہ چھ اکتوبر کو پیش آیا تھا۔ جناح انٹرنیشنل ایئرپورٹ کے قریب سگنل پر خوفناک دھماکے میں تین دو چینی باشندوں سمیت تین ہلاک جبکہ چار پولیس اور دو رینجرز اہلکاروں سمیت سترہ افراد زخمی ہوگئے تھے۔

بلوچستان کے مختلف علاقوں میں انٹیلی جنس بیسڈ آپریشن کے دوران 2خودکش حملہ آوروں سمیت 6 دہشت گردوں کو گرفتار کیا تھا۔

گرفتار ہونے والوں میں ایئرپورٹ سگنل پرچینی انجینئرزپرخود کش حملےکا ماسٹرمائنڈ بھی شامل ہیں ، جسے وندر سے گرفتار کیا گیا تھا۔

راولپنڈی : بانی پی ٹی آئی، بشریٰ بی بی، علیمہ خان اورعلی امین گنڈاپور کے خلاف ایک اورمقدمہ درج کرلیا گیا، جس میں 200 افراد کو بھی نامزد کیا ہے۔

تفصیلات کے مطابق بانی پی ٹی آئی، بشریٰ بی بی، علیمہ خان اورعلی امین گنڈاپور کے خلاف ایک اورمقدمہ درج کرلیا گیا۔

مقدمہ تھانہ دھمیال پولیس نےدہشت گردی اوردیگردفعات کے تحت درج کیا گیا، مقدمےمیں عارف علوی، اسد قیصر، عمر ایوب،حماد اظہر سمیت 200 افراد کو بھی نامزد کیا ہے۔

ایف آئی آر مجموعی طور پر14 دفعات کےتحت درج کی گئی ہے اور متن میں لکھا گیا کہ ملزمان نے چکری روڈ پر ٹائر جلا کر سڑک بلاک کردی اور ملزمان نے اشتعال انگیز نعرے بازی کرکے خوف و ہراس پھیلایا۔

مزید پڑھیں : بانی پی ٹی آئی کی ہمشیرہ علیمہ خان پر تھانہ ٹیکسلا میں مقدمہ درج

مقدمے میں کہا گیا کہ ملزمان نے پولیس پر پتھراؤ کیا،آتشی اسلحے سے فائرنگ کی اور علیمہ خان نے بانی پی ٹی آئی کی طرف سے24 نومبر کے احتجاج کا پیغام دیا۔

متن میں کہنا تھا کہ بشریٰ بی بی کی ایما پر لوگ مشتعل ہوئےاورسڑکوں پرنکلے اور ملزمان نےدفعہ 144 کے نفاذکےباوجود امن و امان میں خلل ڈالا۔

اس سے قبل بانی پی ٹی آئی کی بہن علیمہ خان کے خلاف انسداد دہشت گردی ایکٹ کے تحت تھانہ ٹیکسلا میں مقدمہ درج کیا گیا تھا، ایف آئی آر میں سابق صدر مملکت عارف علوی، وزیر اعلیٰ خیبر پختونخوا، شہریار ریاض، حماد اظہر، اور اسد قیصر کو بھی نامزد کیا گیا ہے۔

مقدمے میں ڈکیتی، اقدام قتل اور تعزیرات پاکستان کی دیگر دفعات شامل کی گئی ہیں، ایف آئی آر کے متن میں لکھا گیا تھا کہ بانی پی ٹی آئی نے علیمہ خان کے ذریعے عوام کو 24 نومبر کے احتجاج کا پیغام دیا تھا۔

کوئٹہ: مستونگ بم دھماکے کا مقدمہ درج کرلیا گیا ، مقدمہ دہشت گردی، اقدام قتل اورایکسپلوزیو ایکٹ کے تحت مقدمہ درج ہوا۔

تفصیلات کے مطابق مستونگ بم دھماکے کا مقدمہ تھانہ سی ٹی ڈی کوئٹہ میں درج کرلیا گیا۔

مقدمہ ایس ایچ او تھانہ سٹی کی مدعیت میں درج کیاگیا اور ایف آئی آر میں نامعلوم دہشت گرد کو نامزد کیا گیا ہے۔

مقدمہ دہشت گردی، اقدام قتل اورایکسپلوزیو ایکٹ کے تحت مقدمہ درج ہوا، پولیس نے بتایا کہ دھماکے میں سات سے آٹھ کلو بارودی مواد،بال بیئرنگ کااستعمال ہوا۔

مزید پڑھیں : مستونگ میں دھماکا، 5 طلباء سمیت 7 جاں بحق، متعدد زخمی

پولیس کا کہنا تھا کہ دھماکے میں پولیوٹیم سیکیورٹی پر مامور پولیس وین کونشانہ بنایا گیا۔

مستونگ بم دھماکےمیں نوافراد شہید ہوئے جبکہ بائیس زخمی ہوئے، شہدا،زخمیوں میں زیادہ تعداد اسکول طلبہ کی ہے۔

گذشتہ روز مستونگ میں اسکول کے قریب بم دھماکے میں پولیس اہلکار اور طلبا سمیت سات افراد شہید ہوگئے تھے۔

شہید ہونے والوں میں اسکول کے پانچ بچے بھی شامل تھے جبکہ ایک راہ گیر بھی شہید ہوا۔

پولیس کا کہنا ہے بارودی مواد موٹرسائیکل میں نصب تھا، ریموٹ کنٹرول کے ذریعے دھماکا کیا گیا، شہید بچوں کی عمریں پانچ سے دس سال کےدرمیان ہیں۔

وزیراعلیٰ بلوچستان کا واقعہ پر افسوس کا اظہار کرتے ہوئے کہناتھا کہ شہید پولیس اہلکار اور معصوم بچوں کے ورثا سے دلی ہمدردی ہے، دہشت گردوں کو کسی طرح بھی رعایت نہیں دے سکتے، مزدوروں کے بعد معصوم بچوں کو نشانہ بنایا جارہا ہے۔