Tag: مقدمہ درج

اسلام آباد : بشریٰ بی بی کے سابق شوہر خاور مانیکا پر احاطہ عدالت میں تشدد کے معاملے پر پی ٹی آئی وکلا کے خلاف انسداد دہشت گردی ایکٹ کے تحت مقدمہ درج کرلیا گیا۔

تفصیلات کے مطابق بشریٰ بی بی کے سابق شوہر خاور مانیکا پر احاطہ عدالت میں تشدد پر پی ٹی آئی وکلا کیخلاف مقدمہ درج کرلیا گیا۔

بشریٰ بی بی کے سابق شوہر پر تشدد کا مقدمہ سرکار کی مدعی میں درج کیا گیا، جس میں کہا گیا ہے کہ خاور مانیکا کو مکا مارا گیا،دھکا دے کر نیچے گرایا گیا، ان پر 20 سے 25افراد نے حملہ کیا۔

دہشتگردی سمیت 9 دفعات کے تحت وکلا پر مقدمہ درج کیا گیا ، جس میں ایڈووکیٹ عثمان ریاض، مرزا عاصم، زاہد بشیر اور عنصر کیانی کو نامزد کیا گیا ہے۔

ایف آئی آر میں کہا گیا ہے کہ خوف ہراس ،دہشت پھیلا کر عدالتی فیصلوں پر اثرانداز ہونے کی کوشش کی گئی ، نعرے بازی کرنے والے وکلا کے ایک گروہ کی سربراہی فتیع اللہ کر رہے تھے۔

وکلا نے بشریٰ بی بی کے سابق شوہر پر حملہ کرتے ہوئے للکارہ کہ اس کو زندہ نہیں چھوڑیں گے، فتیع اللہ ،نعیم پنجوتھا اور ایڈووکیٹ اعجاز بٹر نے ان کی کمر پر مکے برسائے۔

ایف آئی آر کے مطابق اہلکار ارشاد اور وحید نے چھڑانے کی کوشش کی تو سرکاری اسلحہ چھین لیا، فتیع اللہ ایوڈوکیٹ نے کانسٹیبل خالد سے جھگڑا کیا اور وردی پھاڑ دی۔

اسلام آباد : پی ٹی آئی رہنما عامر مغل کیخلاف انسداد دہشت گردی ایکٹ کےتحت مقدمہ درج کرلیا گیا ، عامر مغل کو تجاوزات آپریشن میں مزاحمت پر گرفتار کیا گیا تھا۔

تفصیلات کے مطابق پی ٹی آئی رہنما عامر مغل کے خلاف مقدمہ درج کرلیا گیا، مقدمہ تھانہ کراچی کمپنی میں مجسٹریٹ سجاد کی مدعیت میں انسداد دہشت گردی ایکٹ کے تحت درج کیا گیا۔

ایف آئی آر کے متن میں کہا گیا ہے کہ عامر نے آپریشن کے دوران آہنی راڈ اٹھایا ہوا تھا، انھوں نے اور ساتھیوں نے ہوائی فائرنگ کی ساتھ ہی پولیس اور سی ڈی اے عملے پر حملہ آور ہوئے۔

متن میں مزید کہا کہ جس کے بعد رہنما پی ٹی آئی کو گرفتار کر لیا گیا اور ساتھی فرار ہو گئے۔

یاد رہے گذشتہ روز اسلام آباد میں پی ٹی آئی کے مرکزی دفتر پر سی ڈی اے کی اینٹی انکروچمنٹ ٹیم نے آپریشن کرتے ہوئے پی ٹی آئی کے مرکزی دفتر کو سیل کردیا تھا۔

سی ڈی اے حکام کا کہنا تھا کہ سیاسی جماعت کی قائم غیرقانونی تعمیرات کوختم کیا جا رہا ہے، سی ڈی اے کی جانب سے پی ٹی آئی دفتر کے کچھ حصے کو گرا دیا گیا تھا۔

کارروائی کے بعد کارکنوں اورپولیس میں ہاتھا پائی اوردھکم پیل ہوئی ، جس کے بعد پی ٹی آئی رہنما کو تجاوزات آپریشن میں مزاحمت پر گرفتار کرلیا گیا تھا۔

سی ڈی اے نے بتایا کہ پلاٹ سے ملحقہ اراضی پر قبضہ کرکے بڑے پیمانے پر تجاوزات قائم کی گئی تھیں، بلڈنگ قوانین پر عملدرآمد کرنے اور تجاوزات کے خاتمے کیلئے آپریشن کیا گیا۔

حکام نے بتایا تھا کہ پلاٹ مالک کو متعدد بار خبردار کیا تھا اور نوٹسز جاری کئے تھے، چار ستمبر دو ہزار تئیس کو خلاف ورزیاں ختم نہ کرنے پر شوکاز جاری کیا اور دس مئی دو ہزار چوبیس کو پلاٹ کو سربمہر کرنے کے احکامات جاری کئے گئے تھے۔

راولپنڈی: 22 سالہ لڑکی کو بے دردی سے گلا کاٹ کر قتل کردیا گیا ، پولیس نے قتل کا مقدمہ درج کرکے تفتیش شروع کردی ہے۔

تفصیلات کے مطابق راولپنڈی میں تھانہ پیر ودھائی کے علاقے ڈھوک نجو میں رہائش پذیر لڑکی کو بے دردی سے گلا کاٹ کر موت کی گھاٹ اتار دیا گیا۔

پولیس ذرائع نے بتایا کہ مقتولہ کی لاش کو ہولی فیملی ہسپتال منتقل کر دیا گیا ہے اور تھانہ پیر ودھائی کے علاقے کی پولیس نے واقعے کی تفتیش شروع کردی ہے تاہم قتل کی وجوہات سامنے نہیں آسکی۔

راولپنڈی میں22سالہ لڑکی کے قتل کا مقدمہ درج کرلیا گیا ہے، تھانہ پیرودہائی میں مقتولہ کےبھائی کی مدعیت میں مقدمہ درج کیا گیا، مقدمے میں تنویر، نور اور خاتون ماہم کو نامزد کیا گیا ہے۔

مقدمے کے متن میں کہا گیا کہ مقتولہ ڈیپارٹمنٹل اسٹورپر کام کرتی اورکرائے پررہائش پذیرتھی، مقتولہ 5 مارچ کو گھر سے واپس راولپنڈی آئی، جس کا نمبر مسلسل بند تھا، فون کال پراطلاع ملی مقتولہ کی لاش ہولی فیملی اسپتال میں موجودہے، مقتولہ کی گردن پر تشدد کے نشانات بھی موجود تھے۔