Tag: ملائیشیا

ملائیشیا کے ایک میلے میں جھولے میں بیٹے لڑکے کے ساتھ بیٹھا دوسرا لڑکا اچانک غائب ہو گیا، اس دہشت ناک واقعے کی ویڈیو وائرل ہو گئی ہے، جسے دیکھ کر لوگ ڈر جاتے ہیں۔

ملائیشیا کے شہر جوہر کے ایک میلے میں غیر معمولی واقعہ پیش آیا ہے، ایک خاتون جھولے میں جھولنے والے بیٹے کی ویڈیو بنا رہی تھیں کہ ایک چکر لگانے کے بعد جب جھولا واپس آیا تو ان کے بیٹے کے ساتھ بیٹھا ہوا لڑکا سیٹ پر موجود نہیں تھا۔

انٹرنیٹ پر ٹک ٹاک کے لیے بنائی گئی یہ ڈراؤنی ویڈیو وائرل ہو رہی ہے، جس میں دیکھا جا سکتا ہے کہ ملائیشیا کے ایک تفریحی پارک میں رائڈ پر بیٹھا ہوا ایک کم عمر لڑکا اچانک بھوت کی طرح غائب ہو جاتا ہے۔

یہ ویڈیو ٹک ٹاک صارف نور آفرینا روشنی نے شیئر کیا اور اس پر لکھا کہ معیز کے پاس کون بیٹھا ہے؟ یہ ویڈیو معیز زعفران کی ماں نور نے بنائی تھی۔

Eh eh??? Tadi berdua tibaaa sorang? 😨😨

Sumber : rienarosnijbqueen #SinaranWanita #ghost #realstory #funfair #seram #takut #tacodt #scary #goosebump pic.twitter.com/YBYMV51OOA

— Sinaran Wanita (@SinaranW) June 7, 2022

ویڈیو کے شروع میں 5 سالہ معیز کو ایک ہی کار میں سوار دوسرے لڑکے کے ساتھ بیٹھے دیکھا جا سکتا تھا، پہلے چکر میں ماں کے پاس سے گزرتے وقت نامعلوم لڑکے کو بھی دیکھا جا سکتا ہے، لیکن جب وہی گاڑی دوبارہ آئی تو خاتون کا بیٹا رائڈ کار میں اکیلا بیٹھا تھا، اور اس کے ساتھ والا لڑکا غائب تھا۔

لوگوں کی آنکھوں کے سامنے اس طرح لڑکے کے غائب ہو جانے کی ویڈیو دیکھ کر صارفین بھی بھی اپنے بدن میں خوف کی لہر دوڑتا محسوس کر رہے ہیں۔ معیز کی ماں کو بھی یقین نہیں آ رہا تھا کہ انھوں نے کیمرے میں کیا دیکھا، بہت سے صارفین نے سفید قمیض والے لڑکے کو بھوت قرار دیا۔

لڑکے کی والدہ نے میڈیا کو بتایا مجھ سے کوئی غلطی نہیں ہوئی، وہ اکٹھے بیٹھے تھے، اور میں ساتھ والے لڑکے کو نہیں جانتی تھی، میرے خیال میں کارکنوں نے انھیں ایک ساتھ بٹھایا تھا، مختصر ویڈیو بناتے وقت جب کار دوسری بار آئی تو وہاں میرا بیٹا اکیلا بیٹھا تھا۔

ماں کے مطابق معیز نے بھی اقرار کیا کہ وہ رائڈ پر ایک لڑکے کے ساتھ بیٹھا تھا، لیکن جب اس نے ویڈیو دیکھی تو حیران رہ گیا، اور بولا کہ اسے نہیں پتا لڑکا کہاں چلا گیا تھا۔