Tag: ملائیشین وزیراعظم

کوالالمپور : ملائیشیا کے وزیراعظم انورابراہیم نے فلسطین کی حمایت پر تنقید کرنے والوں کو دوٹوک پیغام میں کہا ہے کہ آپ نے دھمکی دینے کے لیے غلط شخص کا انتخاب کیا ہے۔

تفصیلات کے مطابق کوالالمپور میں ملائیشیا کےوزیراعظم انورابراہیم نے خطاب کےدوران انکشاف کیا ہےکہ حماس اسرائیلی جنگ میں فلسطین کی حمایت کی وجہ سے انہیں عالمی برادری کی جانب سےسخت تنقید کا سامنا کرنا پڑا۔

انورابراہیم نے فلسطین کی حمایت پرتنقید کرنےوالوں کو دوٹوک پیغام دیتے ہوئے کہا کہ آپ نے دھمکی دینے کے لیےغلط شخص کا انتخاب کیا ہے۔

ملائیشین وزیراعظم نے واضح کیا کہ ہم گھبرانے والے نہیں، ملائیشیا کبھی بھی فلسطینیوں کی حمایت سے پیچھے نہیں ہٹے گا۔

یاد رہے ملائیشین وزیراعظم انور ابراہیم نے کہا تھا کہ جنوبی اسرائیل کے حملے کے بعد ملائیشیا حماس کی مذمت کے لیے مغربی دباؤ سے اتفاق نہیں کرتا ، حماس سے پہلے سے تعلق رکھتے ہیں اور یہ سلسلہ جاری رہےگا۔

وزیر اعظم انور ابراہیم کا کہنا تھا مغربی اور یورپی ممالک نے ملائیشیا سے بارہا ملاقاتوں میں حماس کی مذمت کرنے کو کہا ہے تاہم انہوں نے مذمت کرنے سے انکار کردیا۔

 ملائیشین وزیراعظم انور ابراہیم نے کہا ہے کہ جنوبی اسرائیل کے اس حملے کے بعد ملائیشیا حماس کی مذمت کے لیے مغربی دباؤ سے اتفاق نہیں کرتا۔

ملائیشین وزیر اعظم انور ابراہیم نے پیر کو جاری بیان میں کہا کہ ملائیشیا فلسطینی عسکریت پسند گروپ حماس کی مذمت کے لیے مغربی دباؤ سے اتفاق نہیں کرتا، حماس سے پہلے سے تعلق رکھتے ہیں اور یہ سلسلہ جاری رہےگا۔

رپورٹ کے مطابق وزیر اعظم انور ابراہیم نے کہا کہ مغربی اور یورپی ممالک نے ملائیشیا سے بارہا ملاقاتوں میں حماس کی مذمت کرنے کو کہا ہے تاہم انہوں نے مذمت کرنے سے انکار کردیا۔

ملائیشین وزیراعظم نے پارلیمنٹ کو بتایا کہ ’’میں نے کہا کہ ہم ایک پالیسی کے طور پر حماس کے ساتھ پہلے سے تعلق رکھتے ہیں اور یہ سلسلہ جاری رہے گا‘‘۔

اسرائیلی جارحیت سات دن میں 724 بچوں کی زندگیاں نگل گئی، ہر طرف دل دہلا دینے والے مناظر

’’ اسی طرح ہم مغربی اور یورپی ممالک کے دباؤ والے رویے سے متفق نہیں ہیں، کیوں کہ حماس نے انتخابات کے ذریعے آزادانہ طور پر غزہ میں کامیابی حاصل کی اور غزہ والوں نے خود انہیں قیادت کے لیے منتخب کیا۔

واضح رہے کہ مسلم اکثریتی ملیشیا فلسطین کا بھرپور حمایتی رہا ہے،  اسرائیل اور فلسطینیوں کے درمیان تنازع کے دوران فلسطینی ریاستی حل کی وکالت کرتا رہا ہے تاہم اسرائیل کے ساتھ ملائیشیا کے سفارتی تعلقات نہیں ہیں۔

رپورٹ میں بتایا گیا کہ ماضی میں حماس کے رہنماؤں نے اکثر ملائیشیا کا دورہ کیا اور اس کے وزیراعظم سے ملاقاتیں کیں۔

ملائیشیا کے سابق وزیر اعظم نجیب رزاق نے 2013 میں غزہ پر اسرائیل کی ناکہ بندی کی مخالفت کی اور حماس کی دعوت کے بعد فلسطینی علاقے میں داخل ہوئے تھے

کوالالمپور: ملائیشیا کے وزیر اعظم مہاتیر محمد نے اقوام متحدہ میں کی گئی کشمیر سے متعلق تقریر پر ڈٹ‌ گئے اور انہوں نے بھارتی اعتراضات کو مسترد کردیا۔

غیر ملکی خبررساں ادارے کی رپورٹ کے مطابق بھارت کی جانب سے مہاتیر محمد کی اقوام متحدہ میں کی جانے والی تقریر پر اعتراض کیا گیا جس میں انہوں نے عالمی دنیا کے سامنے بھارت کو مقبوضہ کشمیر میں قابض قرار دیا۔

میڈیا سے گفتگو کرتے ہوئے ملائیشین وزیر اعظم نے ایک بار پھر مسئلہ کشمیر کے حل کا مطالبہ کرتے ہوئے کہا کہ مقبوضہ وادی میں بھارت کی جانب سے تشدد کا استعمال نہیں ہونا چاہیے، ہم اس اقدام کی شدید مخالفت کریں گے ، کشمیر کے معاملے پر دونوں ممالک کو بات چیت کے ذریعے پر امن حل نکالنا ہوگا۔

مزید پڑھیں: وزیراعظم کا مہاتیر محمد سے رابطہ ،کشمیر کی صورتحال پرتفصیلی گفتگو

اُن کا کہنا تھا کہ بھارت کو مذاکرات کی میز پر آنا ہوگا اور دونوں ممالک کو ثالثی کے لیے رضا مند ہونا بھی ضروری ہے۔ بھارت کی جانب سے جاری سوشل میڈیا مہم ’’بائیکاٹ ملائیشیا‘‘ پر تبصرہ کرتے ہوئے اُن کا کہنا تھا کہ اس سے دونوں ممالک کے معاشی اور باہمی تعلقات پر کوئی اثر نہیں پڑے گا۔

مہاتیر محمد نے بتایا کہ میں نے دو ٹوک الفاظ میں مؤقف اختیار کیا تھا کہ اگر مودی کو اقوامِ متحدہ کی تقریر سے کوئی مسئلہ ہے تو وہ رابطہ کریں مگر وہاں سے کوئی فیڈ بیک نہیں ملا اور اگر کوئی رابطہ ہوتا تب بھی میں اپنی تقریر پر قائم رہتا۔