Tag: ملازمت

  • بہترین ملازم ملازمت چھوڑ کر کیوں جاتے ہیں؟

    بہترین ملازم ملازمت چھوڑ کر کیوں جاتے ہیں؟

    بڑے بڑے اداروں کو اکثر اپنے ملازمین کے ادارہ چھوڑ کر جانے کی شکایت ہوتی ہے۔ وہ اس بات پر پریشان ہوتے ہیں کہ وہ نئے آنے والے لوگوں کو سکھاتے ہیں اور جب وہ سیکھ کر ادارے کو کچھ دینے کے قابل بنتے ہیں تب ادارہ چھوڑ کر چلے جاتے ہیں۔

    دراصل ملازمین انہی اداروں میں دل لگا کر اور محنت سے کام کرتے ہیں جہاں انہیں ان کا مطلوبہ ماحول اور تمام سہولیات ملیں اور ان کی قدر کی جاتی ہو۔

    ملازمین میں ملازمت سے محبت بڑھانے کے 5 طریقے *

    لوگوں کے ملازمت چھوڑ کر جانے کی کئی وجوہات ہوتی ہیں جس کا اندازہ مالکان یا باسز کو نہیں ہوتا کیونکہ وہ ان کی جگہ بیٹھ کر ان حالات میں کام نہیں کرتے جس کا سامنا ایک عام ملازم کو ہوتا ہے۔

    یہاں ایسی ہی کچھ وجوہات بتائی جارہی ہیں جن کے باعث بہترین ملازمین اپنی ملازمت کو پسند کرنے کے باوجود اسے چھوڑ کر چلے جاتے ہیں۔

    :جمود

    جب ملازمین کو احساس ہو کہ ان کی ترقی کا سفر رک گیا ہے تو وہ اپنی ملازمت سے بد دل ہوجاتے ہیں۔ یہ انسانی فطرت ہے کہ وہ یکساں معمول سے اکتا جاتا ہے اور اسے تبدیلی درکار ہوتی ہے۔ یہ صورتحال ان لوگوں کے لیے اور بھی پریشان کن ہوتی ہے جو اپنے شعبہ میں زیادہ سے زیادہ ترقی کر کے اپنا نام بنانا چاہتے ہیں۔

    اگر وہ سالوں تک کسی ادارے میں ایک ہی کام کرتے رہیں گے تو چاہے ان کا ادارہ انہیں کتنی ہی سہولیات کیوں نہ دیتا ہو وہ اسے چھوڑنے میں دیر نہیں لگائیں گے۔

    :اضافی کام

    کبھی کبھار اضافی کام ادارے کی ضرورت ہوتی ہے لیکن اگر ملازمین پر سارا سال بہت زیادہ کام کا بوجھ ہو تو وہ ایسے ادارے سے اکتا جاتے ہیں۔ جن اداروں میں کام زیادہ ہوتا ہو وہاں اگر ملازمین زیادہ رکھے جائیں تو کام کی مقدار کم ہوجائے گی اور ملازمین بھی خود کو ریلیکس محسوس کریں گے۔

    :غیر توجہی

    اگر باسز اپنے ملازمین کے کام کو توجہ دینا اور ان کی صلاحیتوں اور محنت کا اعتراف کرنا چھوڑ دیں تو ملازمین بہت جلد اکتا جاتے ہیں۔ انہیں یہ احساس ہوتا ہے کہ چاہے وہ کتنی ہی محنت سے کیوں نہ کام کریں اسے کوئی نہیں سراہے گا لہٰذا وہ یا تو بد دلی سے کام کرتے ہیں یا پھر ادارہ چھوڑ کر جانے میں ہی بہتری سمجھتے ہیں۔

    :اعتماد کی کمی

    اگر باسز یا مالکان اپنے ملازمین پر اعتماد نہ کریں اور انہیں کسی کام کا اہل نہ سمجھیں تو پھر انہیں اپنے ملازمین کی کاہلی کی شکایت نہیں کرنی چاہیئے۔ ملازمین پر بھروسہ کرنا اور انہیں مختلف ٹاسک دینا ان کی کاکردگی میں اضافہ کرے گا اور وہ اپنی تمام صلاحیتیں بروئے کار لاتے ہوئے ادارے کے لیے فائدہ مند ثابت ہوں گے۔

    :تنظیمی ڈھانچہ میں کمی

    ادارے میں بد انتظامی ہونا بھی ملازمین کے ادارہ چھوڑ کر جانے کی وجہ ہوتا ہے کیونکہ وہ سمجھ نہیں پاتے کہ ان کا باس کون ہے اور انہیں کسے رپورٹ کرنا ہے، یا اپنے چھوٹے چھوٹے مسائل کے لیے وہ کس سے مدد طلب کریں۔

  • لوگوں کا متلاشی قصبہ، جو نوکری اور زمین فراہم کر رہا ہے

    لوگوں کا متلاشی قصبہ، جو نوکری اور زمین فراہم کر رہا ہے

    دنیا بھر میں بہتر مواقعوں اور بہتر روزگار کی تلاش میں قصبوں اور گاؤں سے شہروں کی طرف ہجرت کرنے کا رجحان عام ہے۔ زیادہ تر افراد شہروں کی طرف اس لیے جاتے ہیں کیونکہ ان کے گھر میں کمانے والوں سے زیادہ کھانے والے افراد موجود ہوتے ہیں یعنی وہ پیسہ کمانا چاہتے ہیں۔

    لیکن ایک قصبہ ایسا ہے جو لوگوں کو اپنے گاؤں آنے کی ترغیب دے رہا ہے اور اس کے بدلے انہیں  ملازمت اور ذاتی زمین فراہم کر رہا ہے۔

    14

    کینیڈا کے صوبے نووا اسکوٹیا کے مضافات میں واقع کیپ بریٹن ایک خوبصورت اور چھوٹا سا قصبہ ہے۔

    town-2

    town-3

    town-4

    یہ قصبہ موسموں کے لحاظ سے نہایت متنوع ہے اور اس میں چاروں موسم پائے جاتے ہیں۔

    town-5

    town-6

    town-7

    لیکن اس قصبہ کی آبادی بے حد کم ہے۔ یہی وجہ ہے کہ گاؤں کے افراد باہر کے لوگوں کو اپنے قصبہ میں آنے کی ترغیب دے رہے ہیں۔

    10

    11

    اس کے بدلے میں یہ آنے والے کو ملازمت، اچھی تنخواہ اور ساتھ ساتھ 2 ایکڑ زمین بھی فراہم کرنے کا ارادہ رکھتے ہیں۔

    13

    12

    یہ پیشکش ان افراد کے لیے بہترین ہے جو شہروں کی بھیڑ بھاڑ سے دور فطرت کے قریب پرسکون زندگی گزارنا چاہتے ہیں۔

    town-8

    town-9

    لیکن شاید ہمارے لیے بری خبر یہ ہے کہ یہ قصبہ کینیڈا کے فارن ورکر پروگرام میں شامل نہیں ہے لہٰذا یہاں صرف وہی لوگ آ کر رہائش پذیر ہوسکتے ہیں جو کینیڈا کی شہریت کے حامل ہیں۔

  • کیا آپ کو اپنی موجودہ ملازمت چھوڑ دینی چاہیئے؟

    کیا آپ کو اپنی موجودہ ملازمت چھوڑ دینی چاہیئے؟

    ماہرین کا کہنا ہے کہ اگر آپ ان چند خوش قسمت افراد میں سے ہیں جو اپنی پسند کا کام کرتے ہیں، یا آپ کا شوق ہی آپ کا پیشہ ہے تو ایسے کام سے آپ کبھی نہیں اکتاتے، اور اس میں کامیابی کی بلندیوں کو چھو لیتے ہیں۔

    لیکن ہر شخص اتنا خوش قسمت نہیں ہوتا۔ بعض دفعہ شوق کو ایک طرف رکھ کر مجبوراً ملازمت کرنی پڑتی ہے۔ لیکن ایسی ملازمتیں آپ کی زندگی کو اکتاہٹ اور بے مقصدیت سے بھر دیتی ہیں۔

    ماہرین کا ماننا ہے کہ آگر آپ اپنی ملازمت کے دوران ان 5 چیزوں کا مشاہدہ کریں تو فوراً سے بیشتر اس ملازمت کو چھوڑ کر کوئی نئی ملازمت ڈھونڈیں۔ وہ 5 چیزیں کیا ہیں؟ آئیے جانتے ہیں۔

    :ایک ہی جگہ پر رہنا

    job-1

    اگر آپ ایک عرصے سے کسی ادارے میں کام کر رہے ہیں، اور نہ ہی تو آپ کی پوزیشن میں تبدیلی آئی، نہ ہی تنخواہ میں اضافہ ہوا تو جان لیں کہ آپ وہاں وقت ضائع کر رہے ہیں۔ مستقل ایک ہی پوزیشن پر کام کرنا آپ کی صلاحیتوں کو زنگ لگا دیتا ہے اور آپ محدود ہوجاتے ہیں۔

    :کوئی ردعمل نہ ملنا

    job-2

    اگر آپ کے باس یا انچارج کی جانب سے آپ کے کام پر کوئی ردعمل یا آرا نہیں مل رہیں تو اس کا مطلب ہے کہ آپ کو یہ ملازمت چھوڑ دینی چاہیئے۔ یاد رکھیں آپ کے کام پر تنقید یا تعریف کا مطلب ہے کہ آپ کے کام کو دیکھا جارہا ہے۔

    لیکن اگر آپ کو اپنے ساتھیوں یا باس کی جانب سے کوئی ردعمل نہیں مل رہا تو اس کا مطلب ہے کہ آپ کو نظر انداز کیا جارہا ہے۔

    :سیکھنے کا عمل ختم

    job-3

    اگر آپ کو لگتا ہے کہ آپ اپنی ملازمت سے مزید کچھ نہیں سیکھ پا رہے تو آپ کو نئی ملازمت ڈھونڈنے کے لیے نکلنا چاہیئے۔ ضروری نہیں کہ آپ ہر روز کچھ نیا سیکھیں۔

    لیکن یہ ضروری ہے کہ ہر ماہ کے اختتام پر آپ اپنی معلومات اور علم میں پچھلے ماہ سے اضافہ محسوس کریں۔ اگر ایسا نہیں ہے تو جان جائیں کہ آپ اپنا وقت ضائع کر رہے ہیں۔

    :ادارے میں تبدیلیاں

    job-4

    اگر آپ کے ادارے یا شعبہ میں ہر ماہ یا ہر ہفتہ نئی تبدیلیاں متعارف کروائی جارہی ہیں، پچھلی اصلاحات کو ختم کرکے نئی اصلاحات لائی جارہی ہیں، یا واپس پرانی اصلاحات کو نافذ کیا جارہا ہے تو اس کا مطلب ہے کہ آپ کا شعبہ اچھی لیڈر شپ سے محروم ہے۔

    اسی طرح شعبہ کے سربراہان یا باسز کی بار بار تبدیلی بھی اچھا عمل نہیں لہٰذا ایسے ادارے سے نکلنا ہی بہتر ہے۔

    :نئے مواقع

    job-5

    اگر آپ ان تمام چیزوں کا مشاہدہ نہیں کرتے، تب بھی نئے مواقعوں کو نظر انداز مت کریں۔ اپنی متعلقہ فیلڈ سے متعلق مارکیٹ میں ہونے والی سرگرمیوں پر نظر رکھیں اور نئے مواقع حاصل کرنے کی کوشش کریں۔

    اگر آپ اپنا ادارہ نہیں چھوڑنا چاہتے تب بھی موجودہ ادارے میں رہتے ہوئے جز وقتی ملازمت کریں۔ اس سے آپ کی صلاحیت اور تجربے میں اضافہ ہوگا۔

  • سوشل میڈیا آپ کی ملازمت پر اثر انداز ہوسکتا ہے

    سوشل میڈیا آپ کی ملازمت پر اثر انداز ہوسکتا ہے

    امریکہ :سوشل میڈیا ہماری زندگی میں پوری طرح در آئی ہیں۔ اسکا استعمال جہاں آپ کے نئے تعلقات اور رشتوں سے جوڑتا ہے وہیں آپ کے حقیقی سماجی تعلقات میں بگاڑ لانے کا سبب بھی بن جاتا ہے۔

    صرف یہی نہیں یہ سائٹس آپ کی ملازمت پر بھی اثرانداز ہوسکتی ہیں، دنیا میں جہاں ملازمت کا حصول مشکل ہوچکا ہو اور لگی لگائی ملازمت سے محروم ہوجانا عام سی بات ہو، وہاں نوکری اور ہر ماہ باقاعدگی سے ملنے والی تن خواہ کی اہمیت سے کون انکار کرسکتا ہے۔

    ملازمت حاصل کرنے ہی کے لیے صرف پاپڑ نہیں بیلنا پڑتے بل کہ اسے برقرار رکھنے اور اپنے ادارے کو اپنی کارکردگی سے خوش اور مطمئن کرنے اور ترقی پانے کے لیے بھی جان توڑ محنت کرنا پڑتی ہے، ایسے میں سوشل میڈیا سائٹس پر آنے والے غیرذمے دارانہ الفاظ، تصاویر یا دیگر پوسٹ آپ کو ملازمت سے محروم کرنے کا سبب بن جائیں تو یہ یقیناً یہ آپ کے لیے نہایت افسوس ناک امر ہوگا۔ عین ممکن ہے کہ آپ کی طرف سے ہونے والا فیس بک پر کوئی پوسٹ، کوئی کمنٹ یا ٹوئٹر اس سانحے کا سبب بنا ہو۔

    دنیا میں یہ رجحان زور پکڑتا جارہا ہے کہ ملازمت کے لیے درخواست دینے والے افراد کے سوشل میڈیا پر بنے ہوئے اکاؤنٹس کا جائزہ لیا جاتا ہے۔

    امریکا میں ہونے والے ایک سروے کے مطابق آج کے دور میں کسی شخص کو ملازمت پر رکھنے سے پہلے 93 فی صد منیجرز اس کے سوشل میڈیا پر موجود دیکھ کر فیصلہ کرتے ہیں۔

    اس سروے میں بتایا گیا ہے کہ 55 فی صد منیجرز ملازمت کے کسی امیدوار کے سوشل میڈیا پروفائلز میں موجود تفصیلات اور دیگر چیزوں کو دیکھ کر کوئی فیصلہ کرتے ہیں اور ان میں سے 61 فی صد منفی تاثر ہی لیتے ہیں،  سروے میں مزید بتایا گیا ہے کہ سوشل میڈیا پر کی جانے والی پوسٹس اور کمنٹس وغیرہ کی وجہ سے ملازمت کو سب سے زیادہ خطرہ اس وقت ہوتا ہے جب کسی بھی طرح غیرقانونی منشیات کے بارے میں کوئی حوالہ دیا گیا ہو۔

    اس سروے کا حصہ بننے والے 66 فی صد منیجرز کا کہنا تھا کہ  کہ کسی کی تضحیک کرنا یا مذہب کے خلاف کی جانے والی پوسٹس امیدوار کی پوزیشن کم زور کردیتی ہیں۔ پچاس فی صد سے زائد منیجرز نے اسلحے کی نمائش اور اس کے حق میں کی جانے والی پوسٹس کو ناپسندیدہ عمل قرار دیا۔ اسی طرح 44 فی صد نے الکحل کے استعمال پر مبنی پوسٹس کو ملازمت نہ ملنے یا نوکری سے برطرفی کا سبب قرار دیا۔

    سوشل میڈیا استعمال کرتے ہوئے ان سب ناپسندیدہ عناصر سے دوری ہی ضروری نہیں، بل کہ کچھ اور چیزیں بھی ملازمت کے حصول کی راہ میں رکاوٹ یا روزگار سے محروم کیے جانے کا سبب بن سکتی ہیں۔

    اس سروے میں یہ بھی بتایا گیا ہے کہ ملازمت دینے کی اتھارٹی رکھنے والوں کی اس حوالے سے سب سے پسندیدہ سائٹ لنکڈان ہے، ہمیں بھی اس بات کا خیال رکھنا چاہیے کہ سوشل ویب سائٹس پر ہماری سرگرمیاں ہماری ملازمت پر بھی اثرانداز ہوسکتی ہیں۔

  • لیڈی ہیلتھ ورکرزکی ملازمت سے متعلق صوبوں کوعدالت کی مہلت

    لیڈی ہیلتھ ورکرزکی ملازمت سے متعلق صوبوں کوعدالت کی مہلت

    اسلام آباد: سپریم کورٹ نے سندھ ،پنجاب اور خیبر پختوانخواہ کو ایک ماہ میں لیڈی ہیلتھ ورکرزکی ملازمت سے متعلق قانون سازی مکمل کرنے کے لیے ایک ماہ کی مہلت دے دی ہے،

    جسٹس جواد ایس خواجہ کی سربراہی میں تین رکنی بینچ نے لیڈی ہیلتھ ورکرز کی ملازمت سے متعلق کیس کی سماعت کی خیبر پختوانخواہ کے چیف سیکریٹر ی نے عدالت کو بتایا کہ صوبے میں لیڈی ہیلتھ ورکرز سمیت تمام اسٹاف کی ملازمت کو مستقل کر دیا گیا ہے سروسز اسٹرکچر کے لیے کچھ وقت درکار ہے ۔

    پنجاب کے چیف سیکریٹری نے عدالت کو بتایا کہ پنجاب نے اس حوالے سے سمری تیار کر لی ہے ہم نے ان کی پینشن اور مراعات کے لئے بھی منظوری دے دی ہے۔

    سروس اسٹرکچر کے لئےدس پندرہ روز درکار ہیں، جبکہ سندھ کے سیکریٹری ہیلتھ نے عدالت کو بتایا کہ سندھ حکومت نے سروس اسٹریکچر تیار کر لیا ہے۔

    رولز میں تبدیلیوں کے لئے ایک ماہ درکار ہے، بلوچستان کے ہیلتھ سیکریٹری نے عدالت کو بتایا کہ ان کی حکومت نے اس ضمن میں تمام کام مکمل کر لیا ہے اور گریڈ کا بھی اعلان کردیا گیا ہے۔

    عدالت نے چاروں صوبوں کو سروس اسٹرکچر کے لیے30دن کی مہلت دیتے ہوئے کیس کی سماعت ایک ماہ کے لیے ملتوی کر دی ہے۔