اسلام آباد : یوٹیلیٹی اسٹورز کارپوریشن ملازمین کے لئے خصوصی پیکج کی آج منظوری کا امکان ہے ، وزارت صنعت نے یوٹیلیٹی اسٹورز ملازمین کیلئے 27 ارب کا پیکج مانگا ہے۔

تفصیلات کے مطابق وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس آج ہوگا، جس میں یوٹیلیٹی اسٹورز کارپوریشن ملازمین کے لیے خصوصی پیکج کی منظوری دیئے جانے کا امکان ہے۔

وزارت صنعت کی جانب سے ای سی سی میں سمری پیش کی جائے گی، وزارت صنعت نے یوٹیلیٹی اسٹورز ملازمین کیلئے 27 ارب کا پیکج مانگا ہے۔

ای سی سی اجلاس میں چار نکاتی ایجنڈے پر غور کیا جائے گا ، جس میں سرکاری ٹی وی کیلئے 11ارب روپے ٹیکنیکل سپلیمنٹری گرانٹ پربات ہوگی اور پاکستان آئل ریفائنری پالیسی 2023 کے مطابق ریفائنریز کی اپ گریڈیشن کی سمری پر غور ہوگا۔

اس کے علاوہ تھلیاں سے تارو جبا تک وائٹ پائپ لائن بچھانےکےٹیرف سےمتعلق ایجنڈے پرغورہوگا جبکہ بجلی صارفین کوکیپٹو ٹرانزیشن لیوی میں ریلیف دینےکی سمری بھی زیر غور آئے گی۔

مزید پڑھیں : یوٹیلیٹی اسٹورز ختم! ملازمین کا کیا ہوگا؟

گذشتہ روز قومی اسمبلی کی قائمہ کمیٹی برائے نجکاری کا اجلاس فاروق ستار کی زیر صدارت ہوا تھا، جس میں یوٹیلیٹی اسٹورز کی بندش اور اس سے پیدا ہونے والی صورتحال پر غور کیا گیا۔

کمیٹی کی رکن سحر کامران نے شدید تحفظات کا اظہار کرتے ہوئے کہا تھا کہ یوٹیلیٹی اسٹورز کی بندش سے ہزاروں ملازمین بے روزگار ہو رہے ہیں، اسی طرح پی آئی اے کے ملازمین کے حوالے سے بھی خدشات موجود ہیں۔

اجلاس کو بریفنگ دیتے ہوئے سیکریٹری صنعت و پیداوار نے بتایا تھا کہ یوٹیلیٹی اسٹورز کے تمام اسٹورز سیل کر دیے گئے ہیں اور ان کے مالی معاملات اب مزید سبسڈی کے بغیر نقصان میں جا رہے ہیں ، جب تک سبسڈی ملتی رہی، یوٹیلیٹی اسٹورز بہترین انداز میں چلتے رہے۔

سیکریٹری نے کمیٹی کو بتایا تھا کہ یوٹیلیٹی اسٹورز کے 10 سے 11 ہزار ملازمین ہیں، تاہم صرف 300 ملازمین کو برقرار رکھا جائے گا جبکہ باقی ملازمین کو خصوصی مراعاتی پیکج کے تحت فارغ کیا جائے گا۔

سرکاری ملازمین کے لیے بڑی خوشخبری ہے کہ بجٹ میں تنخواہوں میں اعلان کردہ اضافے کا سندھ حکومت نے باضابطہ نوٹیفکیشن جاری کر دیا ہے۔

اے آر وائی نیوز کے مطابق وفاق اور صوبوں نے مالی سال 26-2025 کے بجٹ میں سرکاری ملازمین کی تنخواہوں میں اضافے کا اعلان کیا تھا۔ سندھ کے سرکاری ملازمین کے لیے اچھی خبر یہ ہے کہ صوبائی حکومت نے تنخواہوں میں اعلان کردہ اضافے کو باضابطہ نوٹیفکیشن جاری کر دیا ہے۔

جاری کردہ نوٹیفکیشن کے مطابق گریڈ ایک سے 16 کے ملازمین کی تنخواہوں میں 12 فیصد اضافہ کیا گیا ہے جب کہ گریڈ 17 سے 22 کے افسران کی تنخواہوں میں 10 فیصد اضافہ کیا گیا ہے۔

وزیراعلیٰ سندھ سید مراد علی شاہ نے گزشتہ ماہ 13 جون کو مالی سال برائے 26-2025 کے لیے 34 کھرب 51 ارب کا بجٹ پیش کیا تھا اور اس میں سرکاری ملازمین کی تنخواہوں میں 10 سے 12 فیصد تک اضافے کا اعلان کیا تھا۔ سندھ اسمبلی نے 25 جون کو بجٹ منظور کر لیا تھا۔

بجٹ پیش کیے جانے سے قبل سندھ کابینہ کے اجلاس میں بھی سرکاری ملازمین کی تنخواہوں کی منظوری دی گئی تھی۔

واضح رہے کہ وفاق نے سرکاری ملازمین کی تنخواہوں میں 10 فیصد اضافہ کیا ہے۔

سرکاری ملازمین کے لیے اچھی خبر ہے کہ بجٹ میں اعلان کردہ تنخواہوں میں 10 فیصد اضافے کا باضابطہ نوٹیفکیشن جاری کر دیا گیا ہے۔

اے آر وائی نیوز کے مطابق وفاقی بجٹ برائے سال 26-2025 میں سرکاری ملازمین کی تنخواہوں میں 10 فیصد اضافے کا اعلان کیا گیا تھا۔ یہ اضافہ سویلین اور آرمڈ اور سول آرمڈ ملازمین کے لیے کیا گیا تھا۔

اب وزارت خزانہ نے ان کی تنخواہوں میں 10 فیصد اضافے کا باضابطہ نوٹیفکیشن جاری کر دیا گیا ہے۔ نوٹیفکیشن کے مطابق کنٹریکٹ پر بھرتی کیے گئے ملازمین کی تنخواہوں میں بھی 10 فیصد اضافہ ہوگا۔

اس کے علاوہ وزارت خزانہ نے 30 فیصد ڈسپیریٹی الاؤنس کا نوٹیفکیشن بھی جاری کر دیا ہے۔ جن ملازمین کو پہلے ڈسپیریٹی الاؤنس نہیں ملا تھا، اس بار ان کو یہ الاؤنس ملے گا۔

نوٹیفکیشن کے مطابق تنخواہوں اور ڈسپیریٹی الاؤنس پر عملدرآمد یکم جولائی 2025 سے ہوگا۔

https://urdu.arynews.tv/budget-2025-26-pakistan/