Tag: ملازمین

ریاض: سعودی حکومت نے بنگلہ دیش سے افرادی قوت منگوانے کے لیے ضوابط مقرر کیے ہیں۔

تفصیلات کے مطابق سعودی شہری نے وزارت افرادی قوت وسماجی بہبود سے سوال کیا کہ بنگلہ دیش سے افرادی قوت درآمد کرنے کی کیا شرائط ہیں؟

وزارت افرادی قوت نے سماجی رابطے کی ویب سائٹ ٹویٹر پر شہری کے سوال کا جواب دیتے ہوئے کہا کہ بنگلہ دیش سے گھریلو کارکن کے طور پر کسی بھی غیر شادی شدہ شخص کی خدمات حاصل نہیں کی جاسکتیں البتہ نجی ڈرائیور اور فیملی میل نرس کا ویزہ جاری ہوسکتا ہے اس پر کوئی پابندی نہیں ہے۔

واضح رہے کہ سعودی عرب میں‌ گھریلو ملازمین کی تعداد میں اضافہ ہوا ہے۔رواں سال گھریلو ملازمین کی تعداد 14 فیصد بڑھ کر 36 لاکھ 90 ہزار 90 ہزار سے زیادہ ہوگئی ہے۔

ریاض: سعودی حکومت نے اداروں میں ملازمین کے لیے ڈریس کوڈ کی پابندی کو ضروری قرار دیا ہے۔

تفصیلات کے مطابق سعودی وزیر افرادی قوت وسماجی بہبود احمد الراجعی نے ڈریس کوڈ کی پابندی کو تمام اداروں کے ملازمین کے لازمی قرار دیا ہے۔

وزیر افرادی قوت نے ڈیوٹی سے متعلق لائحہ عمل کی دفعہ 38 کی پہلی شق میں ترمیم کی ہے جس کے بعد یہ ضروری ہوگیا ہے کہ ہر ادارہ اپنے مرد اور خواتین ملازمین کے لیے ڈریس کوڈ کا تعین کرے اور اس کے استعمال کا پابند بنائے۔

انہوں نے کہا کہ ڈریس سے متعلق ہدایات بورڈ پر تحریر کی جائیں اور بورڈ نمایاں جگہ پر رکھا جائے، ملازمین کو تنبیہ کر دی جائے کہ جو بھی اس کی پابندی نہیں کرے گا اس کے خلاف تادیبی کارروائی ہوگی۔

احمد الراجعی کا کہنا تھا کہ جو ادارہ ڈریس کوڈ کا نظام رائج نہیں کرے گا اور اس کی پابندی نہیں کرائے گا اس کے خلاف باقاعدہ کارروائی ہوگی۔

یاد رہے کہ وزارت افرادی قوت نے نئے ضوابط کے ذریعے سعودی لیبر مارکیٹ کا ماحول بہتر بنانا چاہتی ہے۔

ریاض: سعود ی حکومت نے تمام سرکاری اداروں میں عوامی شعبے سے متعلق ملازمین ک ہدایت کی ہے کہ 30 اگست سے اداروں میں محتاط رہتے ہوئے ڈیوٹی کا آغاز کیا جائے۔

سعودی وزیر افرادی قوت و سماجی بہبود انجینئر احمد سلیمان الراجعی نے کہا کہ سرکاری اداروں کے ذمہ دار اپنے طور پر ان افراد کا انتخاب کریں جو گھروں سے ڈیوٹی ادا کر سکتے ہیں تاہم ورک فراہم ہوم کے کارکنوں کا تناسب 25 فیصد سے زائد نہ ہو

انجینئر احمد سلیمان الراجعی کا کہنا ہے کہ دفتروں میں کام کا آغاز مرحلہ وار ہو رہا ہے تاہم حاضری کے لیے فنگر پرنٹ سسٹم معطل رکھا جائے، کارکنوں کی صحت کا خیال رکھا جائے۔

وزیر افرادی قوت کا کہنا تھا کہ کرونا وائرس سے بچاؤ کے لیے مقررہ ایس او پیز پر عمل کو بھی یقینی بنایا جائے۔

واضح رہے کہ سعودی عرب میں مارچ کے آخری ہفتے سے کرونا وائرس کی وجہ سے لاک ڈاؤن اور کرفیو کے نفاذ کے سبب سرکاری اور نجی دفاتر کے ملازم گھر سے کام کر رہے تھے۔