ARYNews.tv | Urdu – Har Lamha Bakhabar

Tag: ملاقات

  • وزیراعظم شہباز شریف اور ترک صدر رجب طیب اردوان کی ملاقات

    وزیراعظم شہباز شریف اور ترک صدر رجب طیب اردوان کی ملاقات

    چین (31 اگست 2025) وزیراعظم شہباز شریف اور ترک صدر رجب طیب اردوان میں ملاقات ہوئی جس میں باہمی تعاون بڑھانے پر اتفاق کیا گیا۔

    اے آر وائی نیوز کے مطابق وزیراعظم شہباز شریف اور ترک صدر رجب طیب اردوان کے درمیان ملاقات ہوئی ہے۔ یہ ملاقات چین میں ایس سی او ہیڈز آف اسٹیٹ کونسل اجلاس کے موقع پر ہوئی۔ اس موقع پر صدر ترکیہ نے پاکستان میں حالیہ بارشوں

    اورسیلابی صورتحال پر افسوس اور جانی و مالی نقصانات پرپاکستان کے عوام کے ساتھ یکجہتی کا اظہار کیا اور مشکل کی اس گھڑی میں اپنے ہر ممکن تعاون کا یقین دلایا۔

    ملاقات میں پاک ترک تعلقات کی موجودہ صورتحال کا جائزہ لینے کے ساتھ پاکستان اور ترکیہ کے درمیان گہرے برادرانہ تعلقات کی تجدید کی گئی اور دو طرفہ تعلقات میں بڑھتی ہوئی رفتار پر اطمینان کا اظہار کیا۔ دونوں رہنماؤں نے سیاسی، اقتصادی، دفاعی اور سلامتی کے شعبوں میں تعاون کو بھی سراہا۔

    شہباز شریف اور اردوان نے دونوں ممالک کے درمیان اعلیٰ سطح تبادلوں اور تعاون میں مسلسل اضافے کو خوش آئند قرار دیتے ہوئے خوشحالی اور ترقی کے لیے باہمی تعاون بڑھانے پر اتفاق کیا گیا۔

    دونوں رہنماؤں اہم علاقائی اور بین الاقوامی پیش رفت پر بھی تبادلہ خیال اور غزہ میں بگڑتی ہوئی صورتحال پر تشویش کا اظہار اور اسرائیلی جارحیت اور نسل کشی کی پالیسیوں کی مذمت کرتے ہوئے فلسطینی عوام کے جائز حقوق کی حمایت اور فلسطین کیلیے بین الاقوامی پلیٹ فارمز پر آواز بلند کرنے کےعزم کا اعادہ کیا۔ انہوں نے مسلم دنیا سمیت عالمی امن واستحکام کے لیے تعاون پر زور دیا۔

    https://urdu.arynews.tv/pm-sharif-in-tianjin-university-31-august-2025/

  • نوازشریف کی جیل میں بانی پی ٹی آئی سے ملاقات کی خبریں، بیرسٹرگوہر کا اہم بیان آگیا

    نوازشریف کی جیل میں بانی پی ٹی آئی سے ملاقات کی خبریں، بیرسٹرگوہر کا اہم بیان آگیا

    اسلام آباد: مسلم لین ن کے قائد نوازشریف کی جیل میں بانی پی ٹی آئی سے ملاقات کی خبروں پر چیئرمین بیرسٹر گوہر کا اہم بیان سامنے آیا ہے۔

    چیئرمین پی ٹی آئی بیرسٹرگوہر نے کہا کہ جیل میں بانی پی ٹی آئی سے نوازشریف کی ملاقات کی خبریں قیاس آرائیاں ہیں، شہباز شریف نے مجھے مذاکرات اور بات چیت کا کہا ہے، وزیراعظم نے کہا ہمارے ساتھ براہ راست نہیں تو اسپیکر کا دفتر استعمال کریں۔

    بیرسٹر گوہر کے کہنے پر مخصوص نشستیں خالی نہیں چھوڑ سکتے، بیرسٹر عقیل ملک

    بیرسٹرگوہر نے مزید کہا کہ بات آگے بڑھانے کیلئے سنجیدہ اقدامات کی ضرورت ہوتی ہے، ہمارے پاس ابھی تک بانی پی ٹی آئی تک رسائی نہیں ہے۔

    انھوں نے کہا کہ ن لیگ یا پیپلزپارٹی کے کسی رکن سے بانی کی ملاقات کی کوئی تجویز نہیں ہے، بانی پی ٹی آئی کو کسی سے ایسے ملنےکی ضرورت ہی نہیں ہے۔

    چیئرمین تحریک انصاف نے کہا کہ مائنس بانی پی ٹی آئی سیاست کا پی ٹی آئی میں کوئی تصور ہی نہیں، بانی پی ٹی آئی کی ہدایت پرعمل ہوگا، ہماری احتجاج سے متعلق تیاری ہے۔

    https://urdu.arynews.tv/barrister-gohar-on-imran-khan/

  • فیلڈ مارشل عاصم منیر اور ڈونلڈ ٹرمپ کی ملاقات بہت اہم قرار

    فیلڈ مارشل عاصم منیر اور ڈونلڈ ٹرمپ کی ملاقات بہت اہم قرار

    اسلام آباد : دفاعی تجزیہ کاروں  نے فیلڈ مارشل عاصم منیر سے ڈونلڈ ٹرمپ کی ملاقات  بہت اہم قرار دے دی۔

    تفصیلات کے مطابق پاکستانی دفاعی تجزیہ کاروں نے فیلڈ مارشل عاصم منیر اور امریکی صدر کی ملاقات اہم قرار دیتے ہوئے کہا یہ موقع بہت اچھا ہے پاکستان کھل کراپنے مسائل جن میں مسئلہ کشمیر،دہشت گردی اور پانی کا مسئلہ شامل ہے، کو اجاگر کرے۔

    یاد رہے امریکی صدر ڈونلڈ ٹرمپ آج فیلڈ مارشل اور آرمی چیف جنرل سید عاصم منیر کے اعزاز میں ظہرانہ دیں گے۔

    ترجمان وائٹ ہاؤس کی جانب سے کہا گیا ہے کہ آرمی چیف کے اعزاز میں ظہرانہ کیبنٹ روم میں دیا جائے گا۔

    ذرائع کے مطابق فیلڈ مارشل کی ظہرانے پر امریکی صدر ٹرمپ سے خصوصی ملاقات بھی ہوگی، جس میں پاک امریکا تعلقات اور ایران اسرائیل جنگ سمیت خطے کی موجودہ صورتحال پر بھی گفتگو ہوگی۔

    مزید پڑھیں : امریکی صدر آج فیلڈ مارشل اور آرمی چیف جنرل سید عاصم منیر کے اعزاز میں ظہرانہ دیں گے

    ظہرانے میں نائب امریکی صدر جے ڈی وینس امریکی وزیر دفاع اور ٹرمپ انتظامیہ کے دیگر اہم عہدیداروں کی شرکت بھی متوقع ہے۔

    وائٹ ہاؤس سے جاری اعلامیہ کے مطابق امریکی وقت کے مطابق دوپہر ایک بجے ہونے والے ظہرانے کے بعد صدر ٹرمپ میڈیا سے بھی گفتگو کریں گے۔

    علاوہ ازیں ذرائع کا مزید کہنا تھا کہ امریکی دورے کے موقع پر جنرل عاصم منیر کی سیکریٹری آف اسٹیٹ مارکو روبیو اور سیکریٹری دفاع پیٹ ہیگستھ سے بھی ملاقات متوقع ہے۔

    واضح رہے کہ صدر ٹرمپ کے حالیہ دور حکومت میں یہ پہلا موقع ہے جب کسی دوسرے ملک کے آرمی چیف کو وائٹ ہاؤس مدعو کیا گیا ہے۔

  • صدرمملکت آصف زرداری اور وزیراعظم شہباز شریف میں‌ اہم ملاقات

    صدرمملکت آصف زرداری اور وزیراعظم شہباز شریف میں‌ اہم ملاقات

    اسلام آباد: صدرمملکت آصف علی زرداری سے وزیراعظم کی ملاقات ہوئی، شہاز شریف نے انھیں وفاقی بجٹ 2025 سے متعلق آگاہ کیا۔

    دونوں رہنمائوں کے درمیان ملک کی موجودہ سیاسی اور معاشی صورتحال پر گفتگو ہوئی، وزیراعظم شہباز شریف نے متحدہ عرب امارات کے دورے اور وفاقی بجٹ سے متعلق آگاہ کیا، صدر نے کہا کہ بجٹ میں کم آمدنی والے طبقوں کی فلاح و بہبود کو ترجیح دی جائے۔

    صدرمملکت، وزیراعظم سے ایرانی وزیرخارجہ عباس عراقچی کی ملاقات

    صدر مملکت آصف علی زرداری کا کہنا تھا کہ تنخواہ دار، پنشنرز، مزدور اور غریبوں کےلیے مؤثر اقدامات کی ضرورت ہے۔

    انھوں نے کہا کہ روزگار کے مواقع پیدا کرنے، غریب اور کمزورطبقات کی معاونت کے اقدامات ضروری ہیں، ملک میں سماجی تحفظ کی اسکیموں کو فروغ دینے کی ضرورت ہے۔

    وزیراعظم اور صدر کی ملاقات میں نائب وزیراعظم اسحاق ڈار، وفاقی وزرا احسن اقبال، اعظم نذیر تارڑ اور سینیٹر سلیم مانڈوی والا بھی موجود تھے۔

    https://urdu.arynews.tv/pm-shehbaz-meet-uae-president-2/

  • ٹام کروز سے پاکستانی مداح کی جذباتی ملاقات کی ویڈیو وائرل

    ٹام کروز سے پاکستانی مداح کی جذباتی ملاقات کی ویڈیو وائرل

    ہالی ووڈ کے معروف اداکار ٹام کروز کی پاکستانی مداح سے ملاقات کی ویڈیو سوشل میڈیا پر وائرل ہوگئی۔

    امریکا میں مقیم پاکستانی مداح مہراب احمد نے فوٹو اینڈ شیئرنگ ایپ انسٹاگرام پر معروف بالی ووڈ اداکار ٹام کروز سے جذباتی ملاقات کی ویڈیو شیئر کی ہے جس میں انہوں نے یہ بھی بتایا کہ کس طرح اداکار کی فلموں نے انہیں آگے بڑھنے میں مدد کی۔

    پاکستانی مداح مہراب احمد کی جانب سے شیئر کی گئی ویڈیو میں دیکھا جاسکتا ہے کہ ٹام کروز کس طرح اپنے ایک مداح کی باتیں سن رہے ہیں۔

     

    View this post on Instagram

     

    A post shared by Mehrab Ahmed (@mehrabs_glowup_guide)

    ویڈیو میں دیکھا جاسکتا ہے کہ مہراب ٹام کروز سے نہایت جوش اور خلوص سے بات کرتے ہوئے بتاتے ہیں کہ اداکار کے فلمی سفر نے انہیں زندگی میں آگے بڑھنے اور ہار نہ ماننے کا حوصلہ دیا۔

    ٹام کروز نہ صرف اپنے مداح کی باتوں کو غور سے سنا بلکہ ان کی ہمت افزائی بھی کرتے ہیں اور انہیں اسے جذبے کے ساتھ آگے بڑھتے رہنے کا مشورہ بھی دیا۔

    مہراب نے ویڈیو کے ساتھ ایک طویل کیپشن بھی لکھا ہے جس میں انہوں نے کہا کہ میرے لیے ٹام کروز ہمیشہ صرف ایک اداکار نہیں رہے، وہ میری رہنمائی کرنے والا ستارہ رہے ہیں۔

    مہراب نے بتایا کہ بچپن سے میں اداکار بننا چاہتا تھا کا تھا لیکن زندگی نے ایک نیا رخ اختیار کیا اور اب میں برطانیہ سے آرٹیفیشل انٹیلیجنس میں گریجویٹ ہونے کے بعد بچوں کو مائن کرافٹ کوڈنگ سکھا رہا ہوں۔

    انہوں نے لکھا کہ پھر 15 مئی 2025 کو وہ لمحہ آیا جب میں اُس شخص کے سامنے کھڑا تھا، جس کے بارے میں اسٹیون اسپیلبرگ نے کہا تھا کہ اس نے ہالی وڈ کو بچایا، مگر میرے لیے اس شخص نے صرف ہالی وڈ نہیں بلکہ میری زندگی بھی بچائی۔

    مہراب نے بتایا کہ میں نے ٹام کروز کے سامنے 143 سیکنڈز کی ایک چھوٹی مگر دل سے نکلی ہوئی تقریر کی، جسے ٹام نے نہ صرف توجہ سے سنا بلکہ انہوں نے شکریہ بھی ادا کیا اور مستقبل میں کامیابی کی دعا کے ساتھ رخصت کیا۔

  • قائداعظم سے ملاقات کا دعویٰ کرنیوالے اداکار فیصل رحمان نے اپنی عمر بتادی

    قائداعظم سے ملاقات کا دعویٰ کرنیوالے اداکار فیصل رحمان نے اپنی عمر بتادی

    بانی پاکستان قائداعظم محمد علی جناح سے ملاقات کرنے والے پاکستان شوبز انڈسٹری کے سینئر اداکار فیصل رحمان نے اپنی عمر بتادی۔

    فیصل رحمان کا شمار پاکستانی فلم انڈسٹری کے اہم رومانوی ہیروز میں ہوتا ہے، وہ ایک کامیاب اداکار ہیں اور انہوں نے فلم اور ٹیلی ویژن دونوں میں کام کیا۔

    انہوں نے اداکاری سے طویل وقفے کے بعد حال ہی میں ایک ڈرامے میں نظر آئے جس میں انہوں نے ایک رومانوی اداکار کا کردار ادا کیا، فیصل رحمان کو ان کی نیچرل اداکاری کی وجہ سے پسند کیا جاتا ہے۔

    انہوں نے حال ہی میں ایک شو میں شرکت کی تھی جہاں اداکار سے ان کی عمر سے متعلق سوال کیا گیا تھا، اداکار فیصل نے اس کے جواب میں اس بات کا انکشاف کیا تھا کہ انہوں نے ‘بچپن میں قائد اعظم سے ملاقات کی ہے’ تاہم اپنی عمر نہیں بتائی تھی۔

    یہ پڑھیں: لڑکیاں پسند کرتی ہیں تو لڑکے جلتے ہیں، فیصل 

    اب اداکار فیصل رحمان نے حال ہی میں اے آر وائی نیوز کے اسپورٹس شو میں شرکت کی جہاں ایک بار پھر اداکار سے وسیم بدامی نے ان کی عمر سے متعلق سوال کیا۔

    اداکار فیصل نے شو میں بتایا کہ ان کی عمر 88 سال ہے، جب قائد اعظم سے میں نے ملاقات کی تو اس وقت میری عمر 10 سال تھی، 12 سال کے بعد میں 100 سال کا ہوجاؤں گا۔

    اداکار فیصل رحمان نے لوگوں کو مشورہ دیا کہ اپنے آپ کو ہمیشہ فٹ رکھنا چاہیے، ہمیشہ ڈائٹ کا خیال رکھنا چاہیے، اور اداکار نے مذاقاً یہ بھی کہا کہ شادی نہیں کرنی چاہیے۔

  • چیئرمین پی سی بی سے ڈومیسٹک کرکٹ میں بہترین کارکردگی دکھانے والے کھلاڑیوں کی ملاقات

    چیئرمین پی سی بی سے ڈومیسٹک کرکٹ میں بہترین کارکردگی دکھانے والے کھلاڑیوں کی ملاقات

    پاکستان کرکٹ بورڈ کے چیئرمین محسن نقوی سے ڈومیسٹک کرکٹ میں بہترین کارکردگی پیش کرنے والے کھلاڑیوں نے ملاقات کی ہے۔

    اے آر وائی نیوز کے مطابق پاکستان کرکٹ بورڈ کے چیئرمین محسن نقوی سے ڈومیسٹک کرکٹ میں بہترین کارکردگی کا مظاہرہ کرنے والے کھلاڑیوں سے ملاقات کی۔ اس موقع پر چیئرمین نے کھلاڑیوں سے کرکٹنگ اسکلز، پرفارمنس، ڈائٹ پلان، فٹنس اور ٹریننگ کے امور کے بارے تفصیلی بات چیت کی۔

    کھلاڑیوں نےہائی پرفارمنس سینٹرز میں تربیت سے متعلق مسائل سے آگاہ کیا اور تجاویز بھی پیش کیں۔ چیئرمین پی سی بی محسن نقوی نے کھلاڑیوں کی تجاویز کو نوٹ کیا اور احکامات جاری کیے

    چیئرمین پی سی بی نے یقین دلایا کہ کھلاڑیوں کی فزیکل ٹریننگ کیلیے ٹرینرز کی دستیابی یقینی بنائی جائے گی۔ انہوں نے کھلاڑیوں کی فنٹس کیلیے خصوصی طور پر ڈائٹ پلان تیار کرنے کی بھی ہدایت کی۔ اس کے علاوہ تمام اکیڈمیز تک اسٹار کھلاڑیوں کو رسائی دینے کا فیصلہ کیا گیا۔

    محسن نقوی نے نوجوان کرکٹرز کو مخاطب کرتے ہوئے کہا کہ آپ پاکستان کے مستقبل کے اسٹارز ہیں۔ آپ کیلیے وسائل کی فراہمی پاکستان کرکٹ کے روشن مستقبل پر سرمایہ کاری ہے۔

    چیئرمین پی سی بی سے ملاقات کرنے والے کھلاڑیوں میں محمد علی، علی رضا، احمد دانیال، نثار احمد، محمد ابتسام، محمد سلمان، آفاق آفریدی، عبدالصمد، سعد مسعود، خواجہ نافع، معاذ صداقت، عرفات منہاس، مبصر خان، حیدر علی، حسان نواز، فیصل اکرم، طاہر بیگ اور قاسم اکرم شامل تھے۔

     

    واضح رہے کہ چیمپئنز ٹرافی میں پاکستان ٹیم کی شرمناک کارکردگی اور سینئر کرکٹرز کی مسلسل ناکامیوں کے بعد دورہ نیوزی لینڈ کے لیے بڑے اسٹارز کو آرام دینے اور نئے کھلاڑیوں کو آزمانے کا فیصلہ کیا گیا ہے۔

    قومی ٹیم نے 12 مارچ کو نیوزی لینڈ روانہ ہونا ہے۔ جہاں پہلے مرحلے میں 5 ٹی ٹوئنٹی میچوں کی سیریز 16 مارچ سے شروع ہوگی، بعدازاں 3 ون ڈے میچز بھی کھیلے جائیں گے۔

    https://urdu.arynews.tv/champions-trophy-2025-pcb-big-announcement-for-fans/

  • مودی کی ٹرمپ سے ملاقات دنیا بھر میں جگ ہنسائی کا سبب بن گئی

    مودی کی ٹرمپ سے ملاقات دنیا بھر میں جگ ہنسائی کا سبب بن گئی

    نریندر مودی نے امریکا میں صدر ڈونلڈ ٹرمپ سے ملاقات کی تاہم یہ ملاقات بھارتی وزیراعظم کی حرکتوں کی وجہ سے دنیا میں جگ ہنسائی کا سبب بن گئی۔

    بھارت کے وزیراعظم نریندر مودی نے دورہ امریکا کے دوران امریکی صدر ڈونلڈ ٹرمپ سے ملاقات کی، تاہم جب اس کی ملاقات کی ویڈیوز سامنے آئیں تو یہ ملاقات دنیا کے لیے بھارت کی ایک اور جگ ہنسائی کا سبب بن گئی۔

    اس ملاقات میں بھارتی وزیراعظم نریندر مودی اپنے ساتھ پرچیاں لکھ کر لائے تھے۔ ٹرمپ سے گفتگو کے دوران وہ یہ پرچیاں نکالتے اور دیکھ دیکھ کر پڑھتے رہے۔

    مودی نے کئی بار پرچیوں پر لکھا بیان دیکھ کر پڑھا جب کہ اس موقع پر بھارتی وزیراعظم کے الفاظ اور زبان ساتھ نہیں دے رہے تھے۔

    بھارتی وزیراعظم کی اس حرکت پر ڈونلڈ ٹرمپ کے علاوہ وہاں موجود میڈیا کے نمائندے بھی زیر لب مسکرائے بغیر نہ رہ سکے۔

    واضح رہے کہ بھارتی وزیراعظم نریندر مودی نے آج وائٹ ہاؤس میں امریکی صدر ڈونلڈ ٹرمپ سے ون آن ون ملاقات اور اس کے بعد مشترکہ پریس کانفرنس کی۔

    صدر ٹرمپ نے کہا تھا کہ بھارت امریکی برآمدات پر جو ٹیرف لگائے گا تو امریکا کی جانب سے بھی ویسا ہی جوابی ٹیرف لگایا جائیگا۔

    دوسری جانب مودی اور ٹرمپ ملاقات کے موقع پر واشنگٹن ڈی پر سکھ برادری اور بھارتی مظالم کا شکار مظلوم کشمیریوں نے احتجاجی مظاہرہ بھی کیا۔

    https://urdu.arynews.tv/modi-trump-meeting-protest-of-kashmiri-and-sikh-communities/

  • محسن نقوی کی امریکا میں ڈیموکریٹس اور ری پبلکن نمائندوں سے ملاقات

    محسن نقوی کی امریکا میں ڈیموکریٹس اور ری پبلکن نمائندوں سے ملاقات

    وزیر داخلہ محسن نقوی نے امریکا میں ڈیموکریٹس اور ری پبلکن کانگریس مین تھامس رچرڈ سوازی اور جیک برگمین سے اہم ملاقات کی ہے۔

    وزیر داخلہ محسن نقوی نے امریکا میں کانگریس مین تھامس رچرڈ سوازی اور جیک برگمین سے اہم ملاقات کی ہے۔ ان میں رچرڈ سوزی کا تعلق ڈیموکریٹس اور جیک برگمین کا تعلق ری پبلکن سے ہے۔ ملاقات میں امریکا میں پاکستان کے سفیر رضوان سعید شیخ بھی موجود تھے۔

    ملاقات میں باہمی دلچسپی کے امور، افغانستان کی صورتحال پر بات چیت کی گئی اور پاک امریکا تعلقات کو فروغ دینے پر اتفاق کیا گیا جب کہ 30 اپریل کو پاکستانی کاکس کانفرنس واشنگٹن ڈی سی میں منعقد کرانے کا فیصلہ کیا گیا۔

     محسن نقوی نے تھامس سوازی اورجیک برگمین کو پاکستان کے دورے کی دعوت دی اور کہا کہ آپ کے دورہ پاکستان سے باہمی تعلقات کو مزید مستحکم کرنے میں مدد ملے گی۔

    ملاقات میں وزیر داخلہ نے کہا کہ امریکا پاکستان کا انتہائی اہم معاشی اور دفاعی شراکت دار ہے اور ہم سماجی شعبوں کی بہتری کیلیے امریکی تعاون کو قدر کی نگاہ سے دیکھتے ہیں۔

    ان کا کہنا تھا کہ پاکستان امریکا کےساتھ دو طرفہ تعلقات کو خصوصی اہمیت دیتا ہے اور امریکا کے ساتھ تمام شعبوں میں مزید اشتراک چاہتا ہے۔

    اس موقع پر ڈیموکریٹس سے تعلق رکھنے والے تھامس سوزی نے کہا کہ پاکستان کے ساتھ تعلقات مزید مضبوط بنانے کیلیے پر عزم ہیں۔ جلد پاکستان کا دورہ کروں گا۔

  • پی ٹی آئی چیئرمین کی آرمی چیف سے ملاقات میں کیا بات ہوئی؟ بڑی خبر

    پی ٹی آئی چیئرمین کی آرمی چیف سے ملاقات میں کیا بات ہوئی؟ بڑی خبر

    پاکستان تحریک انصاف کے چیئرمین بیرسٹر گوہر نے تصدیق کر دی ہے کہ ان کی آرمی چیف جنرل عاصم منیر سے ملاقات ہوئی ہے۔

    اے آر وائی نیوز کے مطابق پاکستان تحریک انصاف کے چیئرمین بیرسٹر گوہر نے اڈیالہ جیل راولپنڈی میں صحافیوں سے غیر رسمی مختصر گفتگو میں اس بات کی تصدیق کر دی ہے کہ ان کی آرمی چیف جنرل عاصم منیر سے ملاقات ہوئی ہے۔

    چیئرمین پی ٹی آئی نے بتایا کہ ان کی آرمی چیف جنرل عاصم منیر سے ملاقات پشاور میں ہوئی اور اس ملاقات میں وزیر اعلیٰ کے پی علی امین گنڈاپور بھی موجود تھے۔

    بیرسٹر گوہر نے بتایا کہ اس ملاقات میں ہم نے اپنا سارا معاملہ آرمی چیف کے سامنے رکھ دیا ہے اور دوسری جانب سے مثبت پیش رفت ہوئی ہے۔

    اس سے قبل اے این پی کے صدر ایمل ولی خان نے دعویٰ کیا تھا کہ بیرسٹر گوہر پشاور میں آرمی چیف سے ملاقات کے دوران موجود تھے اور اس دوران وہ بہت اچھے بچے بن کر بیٹھے ہوئے تھے۔

    انہوں نے یہ بھی بتایا تھا کہ آرمی چیف سےملاقات میں علی امین گنڈاپور ناراض ہو کر کچھ دیر کے لیے اٹھ کر باہر چلے گئے تھے لیکن پھر کچھ دیر بعد واپس آگئے تھے۔

    https://urdu.arynews.tv/pti-submits-formal-demands-in-3rd-round-of-talks-with-govt/